Forwarded from خالاسی
😋
همستر
گلدی مین سسله بو گون «تئللی گرامانا» همستر
سانکی پای‌دیر ویریلیب خسته بو ایرانا همستر
وئرجکدیر پولو بول- بول بو یازیق خالقا اورک‌دن
سالاجاقدیر نظاما ائولری سهمانا همستر
تبریزه بودجه وئریب آباد اولار آششاغی باشلار
بلکه ده باش ووراجاق اورمو و زنگانا همستر
قارنی آج خالقی تاپیب اردبیل ایله همدان‌دا
بیلیرم سون قویاجاق ترسه بو دورانا همستر
خوجالار بویروق ائدیب بیلگی داشار بوش قافالاردان
وئره‌جک کاخ عدَن فهله و چوبانا همستر
وئره‌جکدیر کورا گؤز، بلکه گؤره دونیانی دوزگون
ائده‌جک یوسفی شاه، بوغدانی کنعانا همستر
ائده‌جک اوغلانی آسلان، قیزی جئیران کیمی بیر گول
کسه‌جکدیر کبینین گول قیزی اوغلانا همستر
خسته‌لیک درمان اولوب قوللارا مین گوج وئره‌جکدیر
چاکرالاردان گوج آخیب، دولدورار هر یانا همستر
میستیغی ساللانانا شوخ حالی باشدان تؤکه‌‌جکدیر
سالاجاق ترسه حالی گؤر نئجه میزانا همستر
سیله‌جکدیر بیزیم ائل‌دن هامی پیسلیک‌لری بیردن
سالاجاقدیر گؤرور‌م دیولری زیندانا همستر
عرفانا باغلی اولان یوللاری باشدان آچاجاقدیر
وئره‌جک باشقا د‌یَر علم ایله ایمانا همستر
سؤز وئریب سون قویاجاق یوخلوغا بیر داش آتاجاقدیر
یوخسولا وار وئره‌جک آند اولا قرانا همستر
بارماغی ایشله‌یه‌نه آخجا وئریر بو جانی یانمیش
بلکه ده ال قویاجاق حوری و غلمانا همستر
بارماغیم لاپ کوت اولار تلفونا باسدیقجا «آراز»خان
بو نه ظولم ایدی ائدیر ساده بو انسانا همستر.
#آراز_معصومی_آراز_انگورانلی
📘سؤزلوک:
#قافا: باش، بئیین، کله
#خوجا: استاد، بیلگین انسان
#آخجا: گوموش پول، آغ پول، پول، پارا
#خالاسی
@xalasi
همستر
گلدی مین سسله بو گون «تئللی گرامانا» همستر
سانکی پای‌دیر ویریلیب خسته بو ایرانا همستر
وئرجکدیر پولو بول- بول بو یازیق خالقا اورک‌دن
سالاجاقدیر نظاما ائولری سهمانا همستر
تبریزه بودجه وئریب آباد اولار آششاغی باشلار
بلکه ده باش ووراجاق اورمو و زنگانا همستر
قارنی آج خالقی تاپیب اردبیل ایله همدان‌دا
بیلیرم سون قویاجاق ترسه بو دورانا همستر
خوجالار بویروق ائدیب بیلگی داشار بوش قافالاردان
وئره‌جک کاخ عدَن فهله و چوبانا همستر
وئره‌جکدیر کورا گؤز، بلکه گؤره دونیانی دوزگون
ائده‌جک یوسفی شاه، بوغدانی کنعانا همستر
ائده‌جک اوغلانی آسلان، قیزی جئیران کیمی بیر گول
کسه‌جکدیر کبینین گول قیزی اوغلانا همستر
خسته‌لیک درمان اولوب قوللارا مین گوج وئره‌جکدیر
چاکرالاردان گوج آخیب، دولدورار هر یانا همستر
میستیغی ساللانانا شوخ حالی باشدان تؤکه‌‌جکدیر
سالاجاق ترسه حالی گؤر نئجه میزانا همستر
سیله‌جکدیر بیزیم ائل‌دن هامی پیسلیک‌لری بیردن
سالاجاقدیر گؤرور‌م دیولری زیندانا همستر
عرفانا باغلی اولان یوللاری باشدان آچاجاقدیر
وئره‌جک باشقا د‌یَر علم ایله ایمانا همستر
سؤز وئریب سون قویاجاق یوخلوغا بیر داش آتاجاقدیر
یوخسولا وار وئره‌جک آند اولا قرانا همستر
بارماغی ایشله‌یه‌نه آخجا وئریر بو جانی یانمیش
بلکه ده ال قویاجاق حوری و غلمانا همستر
بارماغیم لاپ کوت اولار تلفونا باسدیقجا «آراز»خان
بو نه ظولم ایدی ائدیر ساده بو انسانا همستر.
#آراز_معصومی_آراز_انگورانلی
📘سؤزلوک:
#قافا: باش، بئیین، کله
#خوجا: استاد، بیلگین انسان
#آخجا: گوموش پول، آغ پول، پول، پارا
#خالاسی
@xalasi