❇️زنگانلی شاعیره دوکتور #حکیمه_بلوری خانیمدان  #محمدحسین_شهریارا


کؤنول بولانماز‌ایمیش، اعتبار اولان یئرده
قیشین نه عالمی وارمیش بهار اولان یئرده

رقیب‌دن نه کوسوب، سن نه اینجی، ای قلبیم
رقیب نئیله‌یه جک یار، یار اولان یئرده

محبتین اؤزودور ان شیرین ،گؤزل نعمت
ده[دی] بلبله نه گرک نو بهار اولان یئرده

سئویب یاشا، سئوه‌رک اؤل، بو بختیارلیق‌دیر
ده[دی]، غم‌لَنَرمی کؤنول بختیار اولان یئرده

اورک آلیشماسا گؤزدن،ده[دی]، یاش چیخار‌می مگر؟
کیم آغلار، الده، گولوم، اختیار اولان یئرده

تبسمیم دوداغیمدان، بیل، اختیارسیز اوچوب
من اختیارسیزام، ای گول، نگار اولان یئرده

وطن، وطن دئیه رم، روحوم ائله‌ییر پرواز
ده‌[دی]گیزله دیم نئجه، درد آشکار اولان یئرده

سوروشدو، سؤیله، کیمین حسرتینده‌سن شاعر
کیمی دئیردی کؤنول شهریار اولان یئرده

#زنگان_شاعیرلری
#زنگان_پلاس
https://t.me/zanganplus‌