اذا مادبرتلك حبل لإعدامي
گاود غير واحد وامشي گدامي

محمد كوكب

مرة التفتلي ولو ،
وانظرلي نظرة خل
وواعدني بس لا تجي خليني اضوگ الذل
بلكت اكرهلي شبر من طولك اليكتل

ضياء المرشدي

عشت كل عمري اشوفك ع النهر شاب

هو انت ابو فاضل يا مواليد

.
.
#ايهاب_المالكي

.
.
تلاگينه بطريق حسين بس ما اظن تلاگينه
كل منه ركض يقراه بس اليفتهم وينه
.
.
المثل حسين واجب ينوخذ عينه
المثل حسين بالدم يكتمل دينه
ولا بينه الفهم دينه
بدليل شما يمر عاشور
محد راجع اسنينه
.
وبعاشور
كل منه اعترف مديون
بس وين الفصل دينه
وبعاشور
شفنه شچم شمر بينه
كل منه يعد الشمر واتعداه
حز نحر العدل خلاه
و رد يبچي عله حسينـه
.
وحكناها الثياب السود
من گلوب اهاليها
وردينه
وتذكرنه مأسي اطفال
يهضم حته طاريها
وتـأذينه
ولگينه هواي نعتز بأساميها
نسينه ابنيت الجيران
رقيه من اجه الايجار
امها اطت تراچيها
.
.
#زهراء_محمد

الامام الحسين من حضن وليده اخر مره

وصف ذيج اللحظة الشاعر النجفي ابن نصار

اويلي من تلاگو ملگه الوداع
محاضن وكفه حد ماوصلو الگاع ..!

محمد ابن نصار (تراث نجفي ١٨٣٠)

فواتحنا چبيرة تريد عوانة
الطايح ؏ التراب حسين واخوانه

اسولف لأمي بالعاشر سبي وموت
فال الله تگلي ،شماله فالك؟
يمة حسين عايش هذا تمثيل
هيج تگلي خليها اعله بالك

عادل العبادي

ما ناسيك بس والله الظروف هواي

- زيد السومري

مثل ما گال نور اللامي ؛

گعدت عتب وياك رايد
بس كون اريدك حيل بايد

و ما تخمد ، كلما طالت الفرگة عِلّت نارك
و فشلتي فشلة الهانوه و ما عارك

سجاد سالم

ردت ادخل واحاجيها
وشفت اخر رساله شلون جان الرد
رد يشبه سواد الليل
شلون عيونه واسود
رد بارد مخيف هواي
مثل ثلاجه الموته وبعد ابرد

تكبر انت
وتصغر بعينك حياتك
وتبهت الالوان كلها
ووحدة وحدة
بعينك تموت امنياتك
تباوع بعين اليبيعك
ماتدافع عن غلاتك
مو رخيص انت ولكن
كثر ما تعتب عليهم
ما بقت قطرة بلهاتك

#حسين_غالب

بعسر غير النوايب فاتحت من ؟
وسهم غدرك بگلبي فات حتمًا
اكتلتني وجاي تنشد فاتحة من ؟
- ولا چنك رحت جناز بيه

حسين صالح

السهام الما لگت بيه لها مچان
انبتت فوگ السهام الاولية

عباس العبادي

ينشدوني على اعزازي واجدمك
الاول وانتَ اول وجع بيه

اياد عبدالله الاسدي

تعبان گلبي ، ووالله حيرة
ياهو اليشبها ويستشيرة ؟
خوب "الوعي"من رحت لليوم
يباوعلي بالعين الصغيرةِ
- علي قاسم