ضحك، وانه احب شكله
شلون بيه؟
ضحك بس ضحكته وياهم
عليه..
من عدها وگلت مو كلها تنراد
لچمة الضحكة بعد القيصرية

#زهراء_محمد

الجديد حبايب 🥹

اريد كليچة من انشاف
اضم كل الحزن حَدري

-زهراء محمد

ربي يجعل كل ايامكم اعياد وخيرات وبركات 💗

هلي يامه احلمت بيه
وگلت من تخلص العشرين ، احققني
واواجه كل عرف عدكم
يرد من حلمي يحرمني
هلي نتواجه بـ وني؟
هلي و ليمته هالعادات اهم مني؟
هلي ضربات ال بشعري البدت تنباگ
(توجعني..)
هلي والردته بيهن يفتخر بعدين..
رد شخبط عليها بلا عرف أبني

#زهراء_محمد
جديد

جديد

رغم جيتي نشأ تلگيتني بغربيل
امر من اختبارك بس تضل لچمة
دخان انت لا ينشهگ لا الزمة

محمد الطالقانـي ♥️

نحيل انه
ولكن مو شمع عدكم
انا خويط سبحة
من امشي…. اطشركم

اشتاقيت الكم🥹

اليطب لكلبي واحد بعد ماكو اكثر
تشيل مچان واحد كعدة المنبر

سامي العبادي

كُل عام وانتم ومن تحبون بألف خير ♥️.

وهيَ لو بالعيد طلعت
يضحك العيد عله روحه .

علي وانتَ التِدَلّي
الهوه منين يفوت
ودروب السمه من الزغر تندلهن

الشمس تودع ضواها
بگبتك وتغيب
و البالسمه يلمعن ضوه تشعلهن

ايفك ريجه الصبح
من گبتك ويگوم
الهلا والمرحبا اعله الباب شاتلهن

تِگِل للنسمه خويه
من الترافة البيك
والورود اليعطشن ندى تروحلهن

تفتر عالمگابر هوه وراحة بال
الچفوف اليستحن چفك يصيحِلهن

يالتطي اشكثر
بس ما تگول انطيت
ادموعك لليگلك عطش تعزلهن

علي چي مو سهل
ماجيك بالسهلات
اليعصن كلش اتعناك واتحلهن

مُتباركين بعيد الولاية ، جعلنا الله وإياكم من الثابتين 🤍.

بلكت الما مر كبل هسة يمر
وبلكت جناح العشك لبعيد
ياخذنه ويفر ، ومحد يگلي انتَ بايك
من ابوس تراب روحك كل شبر
خذني يمك كبل لا يخلص صبرنا
ويطفى دم وجوهنا وتطلع صفر
خذني يمك ..
قبل لا يم الصفر ينحط صفر

جبار رشيد

چان ما ظني الزعل هلگد يطول
وما حسبت تطول عگدت حاجبك
وصلت نودي عرب وترضي بيك
نجيبلك سادة و عِگل وتعاتبك
وانتَ چنت بضحكة ترجع للطريق
و بس ابوسنك تكول مصاحبك
فصل جروحي اعله عرفة مشتهاك
استنگي بيدك گول وين العاجبك
هذا گلبي وهاي روحي ونفسي هاي
ياهو منهن ينجرح ؟ شيناسبك؟


ليث ماجد

كل شي بدونك يضرني
بجفاك الفي يسومرني
مو الا انت..
خوفي عليك يكسرني
انام مصوب وزعلك يسهرني
شهل تأثير؟
الـ بملكاك وفراكك تغيرني
وبكل ليلة شوكي يزيد
وصورك ماتصبرني
محد مثلك يلمني ويطشرني
وغيب شما ردت ماراح تخسرني

عمار سالم

انا هواي استحي من اليستحي هواي
و اگبح لليصير براسي شيطان،
كل شي ولا تجيني بيوم ندمان،
اخليك على جيتك هاي ندمان
احبك بس اكابر ما ارد عليك،
ما تگدر تصيد بشبچه دخان
اذا رسام كطعو منه الجفوف،
يحس بيهن مشانق كل الالوان

حسين محمد

كُلي وي كُلك بيك يتوحد