#Ҳикмат

Дўст деб аччиқ гапирганга эмас, аччиқни ширин гапирганга айтилади.

©️Жалолиддин Румий

#Ҳикмат_вақти

Аллоҳим! Гуноҳларим кўпайди, уларни кечир.
Айбларим кўриниб қолди, уларни яшир. Қалбимдаги қайғу оғирлашди, уни арит. Нафс Сенинг йўлинг томон қадам ташлади, уни ҳидоят қил!

@yunusibnustozisroil

#Ҳикмат_вақти

Мен мусулмонман. Ислом – мукаммал дин, лекин мен мукаммал инсон эмасман. Мендан бирор хато содир бўлса, Исломни эмас, менинг ўзимни айбланглар.

@yunusibnustozisroil

#Ҳикмат_вақти

Бировларнинг олқишларини бахт-саодат деб ўйласанг, билиб қўйки, улар ўз фикрларини ҳар куни ўзгартириб туришади.

@yunusibnustozisroil

#Ҳикмат_вақти

Солиҳлардан бири деди: «Одамларга ҳайронман: касалликдан қўрқиб, баъзи овқатларни ейишдан қайтаришади, лекин дўзахдан қўрқиб, баъзи гуноҳлардан қайтаришмайди», деди.

@yunusibnustozisroil

#Ҳикмат

ҲАҚИҚИЙ НЕЪМАТ

Ҳар куни эрталаб, эри ризқ топиш учун кўчага чиқиб кетаётганида: «Аллоҳдан қўрқинг! Биз очликка сабр қиламиз, лекин дўзахга чидай олмаймиз», деб кузатиб қўядиган аёл ҳақиқий неъматдир.

@yunusibnustozisroil

#Ҳикмат

ОДАМЛАРНИНГ ГАПЛАРИ

Одамларнинг гап-сўзлари худди тошларга ўхшайди. Уни ё ортингда кўтарасан, белинг синади, ё оёқларинг остига ташлаб, ундан баланд бино барпо қиласан ва унга чиқиб, ғалаба қозонасан.

@yunusibnustozisroil

#Ҳикмат_вақти

Қалблар қозонга ўхшайди, ундаги нарса қайнаб чиқаверади. Унинг чўмичи эса тилдир. Гапираётган кишининг қалбидаги нарса тилига чиқади. Бу чўмичга чиққан сўз ширин ҳам, нордон ҳам, чучук ҳам, шўр ҳам бўлиши мумкин. Шу тариқа тил сенга қалбнинг таъмини аниқлаб беради.
Доно халқимиз буни «Қозонда бори чўмичга чиқади» дейди.

@yunusibnustozisroil

#Ҳикмат

Кўп ибодат қиламан деб мағрурланма. Иблиснинг минг йиллаб қилган ибодати нима бўлганини кўриб фикр қил.

Ҳасан ал-Басрий

@yunusibnustozisroil

#Ҳикмат_вақти

Орамиздаги энг кўп гуноҳкорлар – бошқаларнинг гуноҳларини гапириб вақтини ўтказадиганлардир.

Ибн Сирин

@yunusibnustozisroil

#Ҳикмат_вақти

Қўлга кирита олмаган нарсангга маҳзун бўлма! Агар у пешонангга ёзилган бўлса, насиб қилаверади.

«Бизга Аллоҳ ёзиб қўйган нарсадан ўзгаси зинҳор етмайди»

Тавба сураси, 51-оят

@yunusibnustozisroil

#Ҳикмат_вақти

💫Муаммо билан унинг ечими орасидаги энг кичик масофа тиззанг билан ер орасидаги масофадир.
Ким (ана шу кичик масофага) Аллоҳ учун сажда қилса, ҳар қандай муаммони қарши олишга қурби етади...

@yunusibnustozisroil

#Ҳикмат_вақти

Уч нарса биродарингнинг қалбида сенга нисбатан дўстликни мустаҳкамлайди:

-(сўзни) салом билан бошлаш;

-мажлисда унга жой бериш;

-энг яхши исми билан чақириш.

@yunusibnustozisroil

#ҳикмат

Ҳар қанча намунали бўлмагин, барибир сени ёқтирмайдиган кишиларни топасан. Ҳатто фаришталарни ҳам шайтонлар ёқтиришмайди-ку!

@yunusibnustozisroil

#ҳикмат

Кимнинг отаси ҳаёт бўлса, фурсатни ғанимат билсин!
Расулуллоҳ соллаллоҳу алайҳи васаллам: «Ота жаннат эшикларининг ўртасидир. Уни хоҳла муҳофаза қил, хоҳла зое қил», деб марҳамат қилганлар.

Ибн Можа ривояти

@yunusibnustozisroil

#ҳикмат

Одамларнинг ҳожатини раво қилишга сабабчи бўл.
Шунда Аллоҳ сенинг ҳожатинг раво бўлишига ҳам сабаб келтириб қўяди.

Улашинг ↘️
@HidoyatUz
http://Hidoyatuz.taplink.ws

#ҳикмат

Сени хафа қиладиган нарсани онангга айтма, чунки онанг бунинг учун сендан бир неча баравар ортиқроқ қайғуга ботади.

Улашинг ↘️
@HidoyatUz
http://Hidoyatuz.taplink.ws

#ҳикмат

Агар қилган яхшилигинг учун одамлардан яхшилик
қайтишини кутсанг, ғам-ташвишинг узайиб кетади.

Яхшиси, «Албатта, биз сизларни фақат Аллоҳнинг розилиги учун таомлантирамиз. Сизлардан мукофот ёки ташаккур истамаймиз» оятини эсингда тут

(Инсон сураси, 9-оят).

Улашинг ↘️
@HidoyatUz
http://Hidoyatuz.taplink.ws

#ҳикмат

Бахт-саодат икки ўринда бўлади:
1. Ато этилган нарсага қаноат қилувчи қалбда.
2. Қазои-қадарга рози бўлган нафсда.

Улашинг ↘️
@HidoyatUz
http://Hidoyatuz.taplink.ws

#Ҳикмат

Беш нарса беш нарса билан ёқимли бўлади:

1️⃣. Соғлиқ – фаровон ҳаёт билан;
2️⃣. Сафар – яхши ҳамроҳ ила;
3️⃣. Чирой – гўзал хулқ билан;
4️⃣. Уйқу – қалбнинг хотиржамлиги ила;
5️⃣. Тун – Аллоҳнинг зикри билан.

©️Али ибн Абу Толиб розияллоҳу анҳу

♻️ Telegram | Instagram | You tube

♻️Дўстларингизга ҳам улашинг!!!
@YUNUSIBNUSTOZISROIL