🖊️Կանանց միջազգային օրվա առթիվ շնորհավորական խոսքով մեկնարկեց ռեկտորատի հերթական նիստը։

🌷«Սիրելի կանայք, դուք ձեր ներկայությամբ լցնում եք մեր առօրյան ջերմությամբ և կյանք եք ներշնչում համալսարանական գործունեությանը՝ դառնալով և՛ զսպող, և՛ առաջ մղող ուժ։ Համոզված եմ, որ հենց ձեր ներկայությունն է մեզ բոլորիս պարտավորեցնում առավել պատասխանատու, զգոն ու աչալուրջ մոտենալ մեր ամենօրյա աշխատանքին »,- ի դեմս ԵՊԲՀ-ում աշխատող բոլոր իգական սեռի ներկայացուցիչների՝ դիմելով ռեկտորատի անդամ կին կոլեգաներին, նշեց ԵՊԲՀ ռեկտոր Արմեն Մուրադյանը՝ հավելելով, որ պատիվ է աշխատել և արարել նույն հաստատությունում ու զգալ այն շարժիչ ուժը, որը կանայք հանդիսանում են բոլոր ոլորտներում, այդ թվում՝ բժշկագիտության բնագավառում։
Ընթացիկ հարցերին անցնելուց առաջ ռեկտորը տեղեկացրեց, որ նախորդ շաբաթվա վերջին պրոռեկտորների, դեկանների և նրանց տեղակալների մասնակցությամբ քննարկումներ է անցկացրել՝ անդրադառնալով բոլոր ֆակուլտետների կրթական ծրագրերի միջազգայնացմանն ուղղված աշխատանքներին։
Այս առումով, նրա գնահատմամբ, 2026 թվականը կմնա բժշկական բուհի պատմության մեջ որպես միջազգայնացման գործընթացների ամբողջացման և համալրման տարի։ Համալսարանի միջազգային ճանաչմանն ուղղված աշխատանքները ոգևորիչ են և շարունակական։
⏬

https://ysmu.am/norutyunner/kanants-deri-karevorumy-rektorati-he/

📘Դպրոցականները՝ բժշկության պատմության հետ ծանոթության ճանապարհին

Երևանի Խաչատուր Աբովյանի անվան թիվ 84 դպրոցի աշակերտներն էին ԵՊԲՀ թանգարանի հերթական հյուրերը։
Թանգարանի պատասխանատուների փոխանցմամբ՝ դպրոցի երրորդ դասարանի աշակերտները աչքի էին ընկնում իրենց հետաքրքրասիրությամբ, բանիմացությամբ և խելացիությամբ։

Փոքրիկները իրենց բազմաթիվ հարցերով, ինչպես նաև տեղին ու հետաքրքիր մեջբերումներով հաճելիորեն զարմացրել ու տպավորել էին թանգարանի աշխատակիցներին։

🧠Փոքրիկ այցելուների ընտրությունը ուսուցիչների կողմից պատահական չէր։
Նրանք գիտությամբ հետաքրքրվող դպրոցականներ էին․ յուրաքանչյուրն այցի ընթացքում ներկայացնելու համար պատրաստել էր մեկ գիտական թեմա։ Թեմաներից մեկը վերաբերում էր 12-րդ դարի հայ մեծանուն գիտնական, բժիշկ, բնագետ և փիլիսոփա Մխիթար Հերացուն, ում անունը հպարտությամբ կրում է Երևանի պետական բժշկական համալսարանը։
Նշենք, որ բժշկական մայր բուհի կենտրոնական մասնաշենքում տեղակայված Հայաստանի բժշկության պատմության թանգարանը շարունակում է հյուրընկալ դռները բացել մեծ ու փոքր այցելուների առջև՝ նրանց ծանոթացնելով հայկական բժշկության հարուստ անցյալին։

🖊️Պատմական և մշակութային կարևոր նշանակություն ունեցող թանգարան 2025 թվականին այցելել է 1500 մարդ:⬇️

https://ysmu.am/norutyunner/dprotsakanner-bzhshkutyan-patmutya/

📚«Բուժօգնության որակի ապահովման հիմունքներ և բժշկական ծառայությունների կառավարման հարակից հարցեր» ՀԵՌԱՎԱՐ (ZOOM հարթակով) հավաստագրային դասընթացի ընդունելություն

🔷Երևանի Մխիթար Հերացու անվան պետական բժշկական համալսարանի Հանրային առողջության ֆակուլտետի կողմից իրականացվում է «Բուժօգնության որակի ապահովման հիմունքներ և բժշկական ծառայությունների կառավարման հարակից հարցեր» թեմայով ՀԵՌԱՎԱՐ (ZOOM հարթակով) ինտենսիվ ծրագիր հանդիսացող դասընթացը: ⬇️
https://ysmu.am/announcement/buzhognut-oraki-apahov-him/

📍Իսպանիայի Սանտիագո դե Կոմպոստելայի համալսարանը Էրազմուս+ ծրագրի շրջանակներում հայտարարում է Միջազգային կրեդիտային շարժունության կրթաթոշակային նախագծի մեկնարկը

📚Նախագիծը մրցութային կարգով հայտարարում է դիմում-հայտերի ընդունում ԵՊԲՀ նախադիպլոմային, հետդիպլոմային ուսանողների և ասպիրանտների) համար՝ 2026-2027 ուսումնական տարվա 1-ին կիսամյակի ընթացքում 5 ամիս ժամկետով շարժունություն իրականացնելու Իսպանիայի Սանտիագո դե Կոմպոստելայի համալսարանում (https://www.usc.gal/en) :

Մասնակցելու համար անհրաժեշտ է մինչև ս/թ ապրիլի 10-ը Միջազգային համագործակցության բաժին ներկայացնել հետևյալ փաստաթղթերը`

• Շարժունության համաձայնագիր,
• Ակադեմիական տեղեկանք,
• Մոտիվացիոն նամակ,
• Անձնագրի պատճեն:

📱Նախագծին չեն կարող մասնակցել վերջին կուրսի ուսանողները:
Նախադիպլոմային և հետդիպլոմային ուսանողների մասնակցության համար իսպաներենի առնվազն B1 մակարդակի իմացությունը պարտադիր է:

Ասպիրանտների մասնակցության համար անգլերենի կամ իսպաներենի առնվազն B1 մակարդակի իմացությունը պարտադիր է:

📞Հարցերի դեպքում դիմել ԵՊԲՀ միջազգային համագործակցության բաժին:
Հեռ.՝ (010) 56 05 94, (010) 54 72 63:

⁉️Որտե՞ղ է աշխարհը հետ մնում/թերանում գենդերային իրավունքների հարցում

📊Ըստ Statista միջազգային առցանց պարբերականի վերլուծության` մարտի 8-ին նշվող Կանանց միջազգային 115-րդ օրը աշխարհը դեռևս շատ հետ է մնում կանանց և աղջիկների հավասար վերաբերմունքն ապահովող իրավական շրջանակների ապահովման հարցում:
⏳ՄԱԿ-ի Կանանց կարգավիճակի հարցերով հանձնաժողովի պաշտոնական հաղորդագրության և Համաշխարհային բանկի տվյալների համաձայն՝ կանայք ամբողջ աշխարհում դեռևս բախվում են արդարադատության ոլորտում շատ ավելի մեծ խոչընդոտների, ինչպիսիք են ժառանգության, վարկերի հասանելիության կամ հավասար աշխատանքի համար հավասար վարձատրության հարցերը: Քանի որ աշխատավարձի տարբերության հետ կապված խնդիրները շարունակվում են, տվյալները նաև ցույց են տալիս, որ կանայք ավելի շատ են աշխատում, քան տղամարդիկ՝ վճարովի և չվճարվող գործունեության առանցքում:
✍️«Հերացի» վերլուծական-ի փոխանցմամբ` ավելի կոնկրետ տվյալները ցույց են տալիս, որ աշխարհի բազմաթիվ երկրներում կանանց համար երաշխավորված չէ վարկերի հավասար հասանելիություն։
🔗 https://tinyurl.com/89nps26x

🔈Մեկնարկել է սկսնակ աուդիտորների ներգրավման ծրագիր հանրային առողջության մագիստրոսների համար

🧑‍⚕️👩‍⚕️Եթե ուսանող ես կամ նոր շրջանավարտ և մտածում ես՝ որտեղից սկսել կարիերադ, ապա սկսնակ աուդիտորի այս ծրագիրը քո հնարավորությունն է։

💠Ո՞վ կարող է դիմել

Ծրագրին կարող է դիմել յուրաքանչյուր ոք, ով՝

1 ՀՀ քաղաքացի է և մշտապես բնակվում է Հայաստանում,
2 Հանրային առողջության մագիստրոս է,
3 Գերազանց տիրապետում է հայերենին,
4 Վարժ տիրապետում է անգլերենին (առնվազն B2 մակարդակ)։

📌Կարիերայի կենտրոնի առաջարկած հերթական ծրագրի մասին ողջ մանրամասները ⬇️

https://ysmu.am/v2/wp-content/uploads/2026/03/%D4%B1%D5%B8%D6%82%D5%A4%D5%AB%D5%BF%D5%B8%D6%80%D5%B6%D5%A5%D6%80%D5%AB-%D5%B6%D5%A5%D6%80%D5%A3%D6%80%D5%A1%D5%BE%D5%B4%D5%A1%D5%B6-%D5%AE%D6%80%D5%A1%D5%A3%D5%AB%D6%80.pdf

📍Հայ կրթական հիմնարկությունը հայտարարում է կրթաթոշակի մրցույթ 2026-2027թթ. նոր ուսումնական տարվա համար։ Կրթաթոշակները միտված են խրախուսելու և աջակցելու բարձր առաջադիմությամբ սովորող և, միևնույն ժամանակ, նյութապես անապահով ուսանողներին, որոնք սովորում են ՀԿՀ-ի կողմից սահմանված մասնագիտություններով:

🟧Մանրամասները հղմամբ: ⏬️

https://ysmu.am/announcement/hay-krtakan-himnarkutyan-koghmits-krt/

🇦🇲🇧🇪Գերմանացի պրոֆեսորների աշխատանքային այցը «Մուրացան» համալսարանական հիվանդանոց

✍️Հարգելի բժիշկներ, կլինիկական օրդինատորներ,
«Մուրացան» համալսարանական հիվանդանոցը հրավիրում է` մասնակցելու գերմանացի և նիդերլանդացի առաջատար մասնագետների կողմից անցկացվող սեմինարներին:
🖋️Նշենք, որ սեմինարները ներկայացվել են ՀՀ ԱՆ հավաստագրման:
🩺Աշխատանքային այցի շրջանակում պրոֆեսորները կշրջեն բժշկական հաստատության բաժանմունքներով, կանցկացնեն խորհրդատվություն, կկիսվեն փորձով և գիտելիքով, ինչպես նաև կկարդան դասախոսություններ հայ գործընկերների համար:
📌Մարտ 16-20-ը գերմանացի պրոֆեսորներ Ուլրիխ Սթեֆանին և Ստեֆան Բիելեկը հանդես կգան համապատասխանաբար «Բարելավելով մանկան առողջությունը Հայաստանում. նոր մոտեցումներ նյարդաբանության ոլորտում» և «Բարելավելով մանկան առողջությունը Հայաստանում. նոր մոտեցումներ մանկական օնկոլոգիայում» խորագրով դասախոսությունների շարքով:

👩‍⚕️👨‍⚕️Հարգելի համալսարանականներ,
ուրախ ենք տեղեկացնել, որ արտերկրից՝ Ֆրանսիայից ժամանած մասնագետների մասնակցությամբ նախատեսվում են մասնագիտական դասախոսություններ։

🟩Հագեցած այցի շրջանակում բժիշկները, կլինիկական օրդինատորները, ինչպես նաև մանկաբուժության բնագավառի նեղ մասնագետները հնարավորություն կունենան մասնակցելու ֆրանսիացի կոլեգաների կողմից անցկացվող երկու դասախոսության։

🔷️ Առաջին դասախոսությունը կկայանա մարտի 16-ին, ժամը 11:15–12:00-ն՝ «Մուրացան» համալսարանական հիվանդանոցի մեծ դահլիճում։

🔷️Երկրորդը տեղի կունենա նույն օրը ժամը 13:30–14:30-ին՝ ԵՊԲՀ վարչական մասնաշենքի հինգերորդ հարկում տեղակայված Հանրային առողջության ֆակուլտետի լսարանում։

📌Մասնակցությունը լավ հնարավորություն է մասնագիտական գիտելիքների փոխանակման և միջազգային համագործակցության զարգացման համար։

🖊Մուտքն ազատ է։