YOUTH ON FIRE🔥

YOUTH ON FIRE🔥

በክርስቶስ እውቀት ማደጋችሁን ቀጥሉ BY #SEER_SAYMEN

ነገር ግን በጌታችንና በመድኃኒታችን በኢየሱስ ክርስቶስ ጸጋና እውቀት እደጉ። ለእርሱ አሁንም እስከ ዘላለምም ቀን ድረስ ክብር ይሁን፤ አሜን (2ኛ ጴጥሮስ 3፡18)

በ1ኛ ጴጥሮስ 2፡2 ላይ ጴጥሮስ የጻፈው አንዳንድ ከተሞች ውስጥ ላሉ አይሁድ ለክርስቲያን መንፈሳዊ ተጓዦች ነው፣ እንዲህ አላቸው “ጌታ ቸር መሆኑን ቀምሳችሁ እንደ ሆነ፣ ለመዳን በእርሱ እንድታድጉ አሁን እንደ ተወለዱ ሕፃናት ተንኰል የሌለበትን የቃልን ወተት ተመኙ።” እዚህ ጋር “ህጻናት”የሚለው ቃል “ብሬፎስ” ሲሆን ልጆች፣ ህጻናት ማለት ነው፡፡ ጴጥሮስ እዚህ ጋር እየጻፈ የነበረው ላላደጉ ቤተ-ክርስቲያናት እና ላልበሰሉ በቅርብ ጊዜ ልባቸውን ለክርስቶስ ለሰጡ ክርስቲያኖች ነው ፡፡

ሌላ አይነት ክርስቲያኖች አሉ ደግሞ በ1ኛ ቆሮንቶስ 3 ላይ የተገለጹት አይነት፣ ሐዋሪያው ጳውሎስ “በክርስቶስ ህጻናት” ብሎ ገልጧቸዋል፡፡ እንዲህ አለ “እኔም፣ ወንድሞች ሆይ፣ የሥጋ እንደ መሆናችሁ፣ በክርስቶስም ሕፃናት እንደ መሆናችሁ እንጂ መንፈሳውያን እንደ መሆናችሁ ልናገራችሁ አልቻልሁም” (1ኛ ቆሮንቶስ 3፡1)

“ህጻናት” የሚለው ቃል እዚህ ጋር በግሪክ “ነፒዮስ” ሲሆን፣ በትክክል የማያወራ ማለት ነው፡፡ ሀያ አመቱ ሊሆን ይችላል፣ ነገር ግን በትክክል አይግባባም። ከእድሜው አንጻር ያልሰለጠነ፣ አዕምሮው በአግባቡ የማያቀናጅ ማለት ነው፡፡ በመንፈሳዊ አይን ሲታይ ደግሞ፣ ምንም እንኳን ክርስቲያን ሆኖ ብዙ አመት የቆየ ቢሆንም በመንፈሳዊ ሂደት ያልጠነከረ፣ በጥልቀት ያልተማረ ማለት ነው፡፡ እንደነዚህ አይነት ሰዎች መንፈሳዊ ነገርን መነጋገርም መረዳትም አይችሉም፡፡ ጳውሎስ እንዲህ አላቸው “ገና ጽኑ መብል ለመብላት አትችሉም ነበርና ወተት ጋትኋችሁ” (1ኛ ቆሮንቶስ 3፡2)፡፡ “ወተት” የሚለው ቃል እዚህ ጋር የእግዚአብሔር ቃል የመጀመሪያ እውቀት፣ ስለ ክርስቶስ ጅማሮ እውቀት ማለት ነው፡፡

መንፈሳዊ ህጻን እግዚአብሔር እንዲባርከው ያለቅሳል፡፡ በመንፈስ የጠነከረ ደግሞ በሰማያዊው ስፍራ በክርስቶስ ኢየሱስ በመንፈሳዊ በረከቶች ሁሉ እንደተባረከ ያውቃል (ኤፌሶን 1፡3)። የእግዚአብሔርን ምስጢር ለመረዳት አላደገም ማለት ነው፣ በክርስቶስ በተወለደ ቀን በክርስቶስ ኢየሱስ የእግዚአብሔር ባርኮት ወራሽ መሆኑን ማወቅ አለበት፡፡

በእግዚአብሔር ነገሮች እደጉ፡፡ ለጨመረ እውቀት እና መረዳት የተጋችሁ ሁኑ፡፡ ጌታን የበለጠ ለማወቅ እና ክብሩ በህይወታችሁ እንዲገለጥ፣ በማይረካ ፍላጎት ቃሉን መማር አታቋርጡ፡፡

ቃሉን እየተማራችሁ ስትመጡ ክብሩ በህይወታችሁ በሙላት መገለጥ ይጀምራል የእግዚአብሄርን ቃል በማጥናት ውስጥ ልጁን የመምሰል ህይወት አለ ለቃሉ ጊዜ ሰታችሁ ይህንን ተለማመዱ።

ቻናላችንን ተቀላቀሉ
👇👇👇👇👇

@youthforfire1
@youthforfire1
@youthforfire1
@youthforfire1

7.4K viewsedited 07:22