خلي احچيلكم على الكورسات هذول وشلون تگدرون تاخذوهم انتو هم

Coursera Official Website

كورسيرا موقع كلش مشهور ومرتب عليه كورسات من جامعات وشركات عالمية مثل Apple, Microsoft, IBM, Google…

بتخصصات مختلفة مثل البرمجة والتسويق والتصميم والادارة والمبيعات وعلم البيانات والسايبر سكيورتي وكتابة المحتوى…

وكورساتهم محتواها كلش مفيد وبمناهج مرتبة لان الي مسويها هي احسن شركات بمجالاتهم وينطون شهادات مفيدة للـ CV
ووحدة من الاشياء الحلوة بكورساتهم انك خلال الكورس تشوف فيديوات وتقرة مقالات وتجاوب كوزات وتسلم مشاريع فـ تتعلم باكثر من طريقة وتطبق الي تتعلمه خلال الكورس

اغلب الكورسات عليه خاصة المشهورة بيهم ترجمة لكلش هواي لغات من ضمنهم العربي

الكورسات هاي مو مجانية، حتى تحصلهم اكو خيارين:

١- تشترك (شهرياً) coursera plus بـ ٦٠$ وتحصل كل الكورسات الموجودة عالموقع
٢- تشترك (شهرياً) بالكورس وحده بـ ٥٠$

وبعد انت وسرعتك كم شهر تحتاج حتى تخلص الكورس وتسلم كل الواجبات والمشاريع المطلوبة منك حتى تحصل شهادته

الي اسويه اني هو انُ ادز طلب financial aid حتى لو احصل الكورس بخصم ١٠٠٪؜ لو ٩٠٪؜ ويطلع علي الكورس الواحد بخمس دولارات الي هو سعر منطقي

ومن اسوي هيچ راح احصل الكورس لمدة ١٨٠ يوم (٦اشهر) قبل ما ينسد من جديد ويروح الخصم، قبلها لازم اكون مخلص الكورس او لازم اشتريه بسعره الكامل او ادز طلب financial aid جديد

شلون تسوي طلب الـ financial aid ؟

تلگاه بصفحة الكورس وبيه كم حقل وسؤالين مقالات:

- التعليم: مثلاً طالب جامعة

- الدخل السنوي: حط مبلغ صغير

- حالة الشغل: حط طالب او عاطل عن العمل

- سؤال المقالة الاول (لازم ١٥٠ كلمة اقل شي):
“Reason you applied for aid”

- شگد تگدر تتحمل من تكلفة الكورس: حط صفر

- سؤال المقالة الثاني (همين ١٥٠ كلمة اقل شي):
“How will your selected course help with your goals?”

بالنسبة لاسئلة المقالات تگدر تكتبهم من يمك بس الطريقة الي اني اسويها هي انُ اروح على ChatGPT واگله:
"I am filling a financial aid application for the course [course name] on Coursera answering this question [the question] and it should be 150 words minimum, write the application for me explaining why i need this course and how i can’t afford the full price”

داخل الاقواس خلي اسم الكورس الي گاعد تقدم عليه والسؤال حتى المقالة تكون احسن ما تضل تحط نفس الكليشة لكل الكورسات بكل التخصصات (هذا شي يساعد الطلب مالتك ينقبل)

الطلب يطول ١٥ يوم وراها يردولك خبر عالايميل

#tips

گواهم الله

دتصير تحديثات على مسابقة البرمجة بما انُ رمضان قرب يخلص، شوفو كل التفاصيل من هذا الرابط (اكو فرصة للفايزين يحصلون تدريب بشركات بالقطاع الخاص ومشاركة بالهاكاثون الجاي):

https://t.me/icpc_iq/27

شغلة ثانية

البارحة گعدت اتعلم Bootstrap


اخذت هذا الكورس:
https://coursera.org/learn/developing-websites-and-front-ends-with-bootstrap
من شركة IBM على كورسيرا چان كلش مو مفيد ومضيعة وكت


وراها رجعت اخذت هذا الكورس عاليوتيوب وچان كلش مرتب، ٢٠ فيديو قصير شرح بيه كلشي تحتاجه وخلال الكورس سوة مشروع يعني يخليك تطبق كلشي يشرحه:
https://youtube.com/playlist?list=PL4cUxeGkcC9joIM91nLzd_qaH_AimmdAR&si=-VBa6QaU-8Ux9SgG


واستفاديت كلش هواي من الـ documentations الرسمية على موقع Bootstrap، لو شايفه من البداية چان ما اخذت كورس اصلاً لان الشرح كلش بسيط وواضح:
https://getbootstrap.com/docs/5.3/getting-started/introduction/

#course #frontend

من كملت الكورس سويت هذا الموقع فكرته انُ الكاتب يگدر:

• يعرض بيه كتابه
• قسم لشراء الكتاب وباقي الخدمات الي يقدمها الكاتب وي العروض والخصومات الي عليهم
• نبذة عن الكتاب، اول ٥ فصول منه وي مُختصرات عنهم
• مراجعات عن الكتاب، قسم بيه تعليقات يختارها الكاتب وشنو گالو الناس عن كتابه وشگد قيموه
• قسم للتواصل وي الكاتب، يملي اليوزر المعلومات المطلوبة ويختار موضوع ويكتب رسالته
• قسم للنشرة البريدية يگدر اليوزر يسجل بيها بايميله
• بعد شوي حبشكلات منا ومنا


شوفوه وانطوني رأيكم (بس HTML و CSS تعاجزت استعمل JavaScript)

Book Portal

رابط الموقع:
https://yousifvn.github.io/BookPortal/


رابط الكود على github:
https://github.com/YousifVN/BookPortal

#my_projects - #github

كورس انگليزي مجاني من freeCodeCamp للمبرمجين (الاختصاصات التقنية بشكل عام)

الكورس يركز على الاشياء الي يحتاجها المبرمج باللغة الانگليزية حتى يتواصل وي فريقه ويتعلم من مصادر انگليزية لان كلنا نعرف انُ المحتوى العربي ما يغطي كلشي

بيه شهادة نهاية الكورس هم تفيدكم للـ CV تثبتون مهارتين بشهادة وحدة

رابط الكورس:
https://www.freecodecamp.org/learn/a2-english-for-developers/

#course

📽️ Naming Things in Code

فيديو يوتيوب حلو، وقناة CodeAesthetic اصلاً بيها هواي فيديوات مفيدة اخذولكم بيها فرة

#youtube_videos

شباب اكو دكتورة تواصلت وياي رادت منصة تعليم الكتروني بيها السوالف المعروفة الي موجودة بمنصات ادارة المدارس والمعاهد والجامعات (تسجيل دخول وحسابات طلاب وتدريسيين، تواصل بينهم، رفع محاضرات، مكالمات وبثوث…) وبعد اشياء ثانية اكيد هي عدها كل التفاصيل

اريدكم ترشحولي شركات برمجية عدنا بالعراق تشتغل هيچ شي، دزولي مواقعهم او اي طريقة نگدر نتواصل بيها وياهم

@YousifVN - @VNN3Bot

#jobs

چان استلمته اني الشغل بس بعدني داتعلم جاڤا سكربت 👍🏻

HurryApp 2 Hackathon

انفتح التقديم على هاكاثون اسوار الثاني، رابط استمارة التسجيل:
hurryapphackathon.com/form

- الاستمارة تنسد يوم: ١٧/٦/٢٠٢٤
- الهاكاثون يبلش يوم: ٤/٧/٢٠٢٤

• لازم تجيب لابتوبك وياك للهاكاثون
• اكو جوائز للفائزين
• اسوار راح تختار مبرمجين تضمهم لفريقها من المشاركين بالهاكاثون

#event

شلونهم

هالفترة الاوضاع كلش مشتدة بسبب الفاينلات

بس بالعطلة ان شاء الله عندي هواي افكار حلوة لهاي القناة