من دنشتغل على المشروع الجديد بالشركة انطوني كورس تصميم قواعد البيانات لحسين الربيعي صاحب قناة TheNewBaghdad

يشتغل Software Engineer بشركة Microsoft صارله سنين وقناته عاليوتيوب بيها كلش هواي كورسات مفيدة

Database Design

🎥: Course link on YouTube

الكورس قصير وكلش مفيد كـ بداية لان تصميم قواعد البيانات مجال بحاله وكلش واسع، هذا الكورس اشوفه مقدمة زينة حتى تتعلم اهم المبادئ الاساسية

سوة بيه تطبيقين عمليات

اول شي فتح موقع مكتبة موجود وحلل قاعدة البيانات مالته بالتفصيل

وراها بلش من الصفر يبني قاعدة بيانات لسلسة مطاعم ماكدونالدز

#course #backend

هسة يمكن احتاج اخذلي كورس مُحاسبة لان اكو هواي تفاصيل تخص الفواتير والتحويلات والديون وادارة المخازن لازم اتعلمها لان تقريباً نحتاجها بكل المشاريع الي نشتغلها

ما ضل بس شهر واحد للعطلة keep grinding

ما كملت هذا الكورس بوكتها، شفت كم فيديو وصخنت لان هو صح يگول انُ يشرح من الصفر بس كلشي ما فهمت عليه

يحتاج واحد اصلاً يعرف laravel حتى يستفاد من المواضيع الـ advanced الي يشرحها، يمكن ارجع بالفترة الجاية اشوفه

بس شفت غير كورس وچان كلش مرتب هواي تعلمت منه

Laravel

🎥: Course link on YouTube

هذا الكورس هو المصدر الي نفسهم تيم laravel يقترحوه لأي احد يريد يتعلم الـ framework، حرفياً يعني مخليه بالصفحة الي تطلع من تسوي مشروع laravel جديد وي الـ docs الرسمية مال الـ framework

الشرح كلش ممتاز وسلس، الانتاج مرتب والفيديوات قصيرة وكلش حلوة

اهم ميزة بيه انُ شرح على احدث اصدار من الـ framework وسوة تطبيقات عملية

#course #backend

قناة Laracasts كلش گاعد استفاد منها بكلشي يخص laravel والـ full stack بشكل عام

عدهم هواي كورسات وفيديوات بمواضيع مختلفة على قناتهم وموقعهم

عدهم كورس vue.js يمكن اخذه بالفترة الجاية لان كلش عجبني شرحهم

اسامة الزيرو هم عنده كورس vue.js بس مشكلته قديم ولو هو الرجال شرحه كلش زين واني متعود عليه

همين هذا الاسبوع چنت اشتغل على side project اطبق بيه كل الي تعلمته بالـ full stack آخر فترة، هو تقريباً خلص ولو عندي شوي تعديلات فـ ماعرف اذا راح يجي يوم انشره لو يضل نايم بحاسبتي

الفترة الفاتت بوكت فراغي من اكمل تاسكات الشركة چنت گاعد اقوي روحي بسوالف الفرونت ايند شوي، بلشت اتعلم Tailwind CSS و Vue.js

اريد بالفترة الجاية اشوف كورسات اقل واشتغل مشاريع اكثر حتى اضبط الي تعلمته بـ الكم شهر الي فاتو

هسة سويت تطبيق طقس شوفوه وانطوني رأيكم (بس فرونت)

Weather App VN

A sleek weather application built with Vue 3, Tailwind CSS, and Vite. Get current weather info, save cities, and view hourly & 7-day forecasts. Responsive design and fast development.

Live Preview: https://weather-vn.netlify.app

Source code: https://github.com/YousifVN/weather-app-vn

#my_projects - #github

راح تشوفون انُ سويتو reload او طلعتو من الموقع وطبيتو مرة ثانية تضل المدن المحفوظة موجودة لان استعملت الـ local storage بالمتصفح مال اليوزر (تعاجزت اسوي داتا بيس واشتغله باك ايند)

هذا كملته، اول مشروع full stack الي، بس ما گاعد اعرف ارفعه على النت فـ صورته بفيديو يوتيوب وگعدت اسولف شنو بيه وشلون اليوزر ممكن يستعمله 😂

Pixel Positions

A job listing platform built with Laravel & Tailwind CSS where employers and job seekers can find the best deals.

صورت فيديو قصير عاليوتيوب حچيت بيه عن الموقع، هذا رابطه:
https://youtu.be/R-JU_UPjAD0?si=VpJKJxCIUrSZSPmt

Source code: https://github.com/YousifVN/pixel-positions

#my_projects - #github

Tailwind CSS

🎥: Course link on YouTube

كورس بسيط وقصير حچة بيه عن الاساسيات (تقريباً ٨٠٪؜ من الي تحتاجه بأي مشروع) وسوة مشروع صغير كـ تطبيق عملي عليهم

قناة Net Ninja بيها هواي crash courses حلوة بمواضيع مختلفة وهو هذا نظامهم يشرحون الاشياء بشكل سطحي وبسيط حتى عالاقل يصير عندك اساس يخليك تكمل تعلم بصورة احسن

#course #frontend

كورس tailwind ابد ما چان كافي صراحة، فـ الي داسويه هو انُ يومية هيچ نص ساعة زمان اسوي كوب گهوة وافتح الـ docs الرسمية مالتهم ومبلش اقراها من البداية لحد ما اكملها ان شاء الله، حتى تصير عندي فكرة عن امكانيات الفريم وورك

حتى لو ما احفظ كلشي بس عالاقل من اشتغل واحتاج شي الگاه بـ google search سريع

الـ docs الرسمية مالتهم كلش واضحة وسهلة، اعرف ناس اصلاً تعلمو الفريم وورك منها مباشرة بدون اي كورس

https://tailwindcss.com/