Forwarded from 囊螢
《無序之有》
我舆8.31有著共榮辱的關係。
我的故事也發生在。。。。。
當我在將要服刑完畢前的一個星期。
非常深刻的印象，晴朗的星期三，媽媽完成探訪，我和同案正在探訪等候室等待離開，我在看著叔本華(Arthur Schopenhauer)的演講原文，懲教職員氣急的尋找我的行蹤。原來是公務探訪的查詢，人物不詳。
脛自走到公務探訪室的一個房間，三位警員已經好整以暇地像要等待送我第二張鬼門關的入場券。我是否欠了一句 : thank you sir !
福無重至，禍不單行⋯⋯屋漏兼逢連夜雨。在放學後沒有多久的日子裡，又再被檢控若干的控罪。人生再次跌進另一個冰河時期，迎來的只是夕陽的不一樣美麗，等待的或者只有黑暗。
今天的<<囊螢>>來之不易，稍一不慎便會踏進法律的地雷陣，紅線仿似早已架在我的脖子上，但我確實迫切地想用我心所想，藉文字和筆桿來觸碰你的內心，換取心中的烙印。希望在心靈的互相交集中得到大家慷慨的支持以支援本人正在面對的各項法律費用 / 基本生活開支 / 在囚同路人的援助經費。
<<囊螢>>的基礎 :
1) 個人在囚分享 / 生活點滴
2) 寫信 / 探訪 / 旁聽 的歷程和甜酸苦辣
3) 牆內小百科，Q & A (包括審訊過程須知)
4) 牆內 / 外手足和家屬的心語
5) 社會和時事的點評 / 感想
6) 書評，影音分享 (包括手足推介)
衷心感謝大家的支持，盼望大家能在《囊螢》中找到光與熱。
我不孤獨，因為有你。
==============================
Patreon: patreon.com/lumos_hkers
TG: @lumos_hkers
FB: https://www.facebook.com/profile.php?id=100071666506239
IG: https://www.instagram.com/lumos_hkers/
我舆8.31有著共榮辱的關係。
我的故事也發生在。。。。。
當我在將要服刑完畢前的一個星期。
非常深刻的印象，晴朗的星期三，媽媽完成探訪，我和同案正在探訪等候室等待離開，我在看著叔本華(Arthur Schopenhauer)的演講原文，懲教職員氣急的尋找我的行蹤。原來是公務探訪的查詢，人物不詳。
脛自走到公務探訪室的一個房間，三位警員已經好整以暇地像要等待送我第二張鬼門關的入場券。我是否欠了一句 : thank you sir !
福無重至，禍不單行⋯⋯屋漏兼逢連夜雨。在放學後沒有多久的日子裡，又再被檢控若干的控罪。人生再次跌進另一個冰河時期，迎來的只是夕陽的不一樣美麗，等待的或者只有黑暗。
今天的<<囊螢>>來之不易，稍一不慎便會踏進法律的地雷陣，紅線仿似早已架在我的脖子上，但我確實迫切地想用我心所想，藉文字和筆桿來觸碰你的內心，換取心中的烙印。希望在心靈的互相交集中得到大家慷慨的支持以支援本人正在面對的各項法律費用 / 基本生活開支 / 在囚同路人的援助經費。
<<囊螢>>的基礎 :
1) 個人在囚分享 / 生活點滴
2) 寫信 / 探訪 / 旁聽 的歷程和甜酸苦辣
3) 牆內小百科，Q & A (包括審訊過程須知)
4) 牆內 / 外手足和家屬的心語
5) 社會和時事的點評 / 感想
6) 書評，影音分享 (包括手足推介)
衷心感謝大家的支持，盼望大家能在《囊螢》中找到光與熱。
我不孤獨，因為有你。
==============================
Patreon: patreon.com/lumos_hkers
TG: @lumos_hkers
FB: https://www.facebook.com/profile.php?id=100071666506239
IG: https://www.instagram.com/lumos_hkers/
【羅湖遊記Vol. 21 (節錄)】2021-8-17
今日係被還柙第25日，結束左我嘅大欖staycation，踏入羅湖嘅Day 1。
估唔到係我逐漸習慣大欖生活之際，又要我過界，踏上未知嘅旅途，重新適應新地方新文化，計落羅湖係我第五個轉嘅倉。面對未知嘅前路，要離開啱啱建立嘅舒適圈，的確會不安同不捨。不過講到底，我哋都只係呢度嘅過客，不停流動逼使自己「唔好慣」都應該嘅。
今朝食嘅飯係南乳汁雞翼椰菜飯，個汁出奇地濃，雞翼都稍為大隻咗，冇上個禮拜咁冇陰公，可能係想Farewell我^_^ 喺飯堂食埋最後一餐我就先行離開，走嘅時候大家都同我揮手道別，「好搞笑婆婆」都有叫我保重、照顧自己，個種氛圍真係有一秒覺得自己係今日出冊😆
過界嘅安檢好嚴緊，因為驚啲人偷運違禁品 (我就覺得係難過登天，但好似真係有人試過)，所有開過包裝嘅嘢，包括紙巾、M巾、零食同埋我海量信件都要仔細檢查，我同保安都覺得好辛苦。搞完一大輪安檢同埋見值日官終於可以出車，好耐冇見過外面嘅景色喇。最近落完雨個天好藍，萬里無雲，加埋翠綠嘅山巒，都幾賞心悅目。我盡量保持清醒，希望喺呢有限嘅半小時車程入面，望清楚我愛嘅香港。由大欖出發上高速公路，沿路經過屯門、錦田、上水，直到我望到深圳灣嘅高樓大廈，我就知我差唔多到。
羅湖懲教所係一座大型嘅綜合監獄，同喺山谷入面依勢而建嘅大欖女懲教所唔同。羅湖係一座向橫發展嘅建築，四周都係平原，所以冇大欖嘅湖光山色，亦都冇陣陣微風輕拂。呢度被正午嘅陽光曬到發滾嘅外牆、風扇吹出嚟嘅風，都係令人窒息嘅熱氣；加上好似迷宮咁嘅通道，縱橫交錯，千篇一律嘅通道外貌，呢個異世界更易令人迷失。
羅湖嘅囚倉係三人床，一張碌架床加一張膠床，床嘅後面就係洗手盆同座廁，擺埋三個人嘅糧箱，真係連轉身嘅位置都冇，同大欖嘅「豪宅」唔同，簡直係監獄界劏房。房間入面無裝風扇，後面嘅鐵窗亦被膠板圍封咗(好似防蟲)，所以成間房嘅唯一鮮風來源，就係囚倉外面嘅大風扇同風機。瞓覺嘅時候，頭唔向門口都真係幾熱。
好似講到好差咁，但都有優勝之處。呢度嘅懲教飯係好食啲嘅。今日晏晝嘅黃豆粥幾清甜，亦可能係因為頻撲左一朝，所以特別覺得好食。晚飯就係食甜酸汁魚柳油麥菜飯，個汁唔重芡但都夠味，魚柳係有少少日式嘅炸法；大欖就係中式炸法，菜量較少，各有千秋。宵夜方面，羅湖個麵包較為鬆軟同多提子(明明都係同一個供應商)，奶都濃味少少，羅湖勝出。
夜晚擒上碌架床發現都幾牙煙，得半格樓梯(即係F形唔係H形)，好似踩唔到下面嗰格噉，好彩啲同倉提議擺張凳方便我上落。講返啲同倉，係好人嘅Auntie x2。我今日摺毯嘅時候Auntie 1號話唔係咁摺，就請纓話摺一次畀我睇，真係摺靚咗，我決定下次再出個「和你摺毯2.0」 。
......
跟住我開貓諗住聽吓903搵啲精神食糧，一開嚇死點解碌嚟碌去都係講「煲冬瓜」嘅呢？！？！我以為好似去偏僻地方行山噉，個訊號頻道會俾啲深圳台搶晒。喂！冇得聽廣東爆谷聽住jerb嘅情深演繹真係大獲㗎！！！跟住Auntie2號叫我唔好心急，慢慢追台會追到嘅。果然，商台匿埋咗喺一堆「煲冬瓜」台入面。唉希望商台假以時日啲訊號會改善啦，尋日喺大欖又係沙沙地。我依家要不停轉位追台，如果有超能力睇到啲電波喺邊就好了 :( 熄燈了，今日頻頻撲撲有啲攰，唔做靈性反思了，早唞聽日再講。
——黎雯齡
manlinthanks
今日係被還柙第25日，結束左我嘅大欖staycation，踏入羅湖嘅Day 1。
估唔到係我逐漸習慣大欖生活之際，又要我過界，踏上未知嘅旅途，重新適應新地方新文化，計落羅湖係我第五個轉嘅倉。面對未知嘅前路，要離開啱啱建立嘅舒適圈，的確會不安同不捨。不過講到底，我哋都只係呢度嘅過客，不停流動逼使自己「唔好慣」都應該嘅。
今朝食嘅飯係南乳汁雞翼椰菜飯，個汁出奇地濃，雞翼都稍為大隻咗，冇上個禮拜咁冇陰公，可能係想Farewell我^_^ 喺飯堂食埋最後一餐我就先行離開，走嘅時候大家都同我揮手道別，「好搞笑婆婆」都有叫我保重、照顧自己，個種氛圍真係有一秒覺得自己係今日出冊😆
過界嘅安檢好嚴緊，因為驚啲人偷運違禁品 (我就覺得係難過登天，但好似真係有人試過)，所有開過包裝嘅嘢，包括紙巾、M巾、零食同埋我海量信件都要仔細檢查，我同保安都覺得好辛苦。搞完一大輪安檢同埋見值日官終於可以出車，好耐冇見過外面嘅景色喇。最近落完雨個天好藍，萬里無雲，加埋翠綠嘅山巒，都幾賞心悅目。我盡量保持清醒，希望喺呢有限嘅半小時車程入面，望清楚我愛嘅香港。由大欖出發上高速公路，沿路經過屯門、錦田、上水，直到我望到深圳灣嘅高樓大廈，我就知我差唔多到。
羅湖懲教所係一座大型嘅綜合監獄，同喺山谷入面依勢而建嘅大欖女懲教所唔同。羅湖係一座向橫發展嘅建築，四周都係平原，所以冇大欖嘅湖光山色，亦都冇陣陣微風輕拂。呢度被正午嘅陽光曬到發滾嘅外牆、風扇吹出嚟嘅風，都係令人窒息嘅熱氣；加上好似迷宮咁嘅通道，縱橫交錯，千篇一律嘅通道外貌，呢個異世界更易令人迷失。
羅湖嘅囚倉係三人床，一張碌架床加一張膠床，床嘅後面就係洗手盆同座廁，擺埋三個人嘅糧箱，真係連轉身嘅位置都冇，同大欖嘅「豪宅」唔同，簡直係監獄界劏房。房間入面無裝風扇，後面嘅鐵窗亦被膠板圍封咗(好似防蟲)，所以成間房嘅唯一鮮風來源，就係囚倉外面嘅大風扇同風機。瞓覺嘅時候，頭唔向門口都真係幾熱。
好似講到好差咁，但都有優勝之處。呢度嘅懲教飯係好食啲嘅。今日晏晝嘅黃豆粥幾清甜，亦可能係因為頻撲左一朝，所以特別覺得好食。晚飯就係食甜酸汁魚柳油麥菜飯，個汁唔重芡但都夠味，魚柳係有少少日式嘅炸法；大欖就係中式炸法，菜量較少，各有千秋。宵夜方面，羅湖個麵包較為鬆軟同多提子(明明都係同一個供應商)，奶都濃味少少，羅湖勝出。
夜晚擒上碌架床發現都幾牙煙，得半格樓梯(即係F形唔係H形)，好似踩唔到下面嗰格噉，好彩啲同倉提議擺張凳方便我上落。講返啲同倉，係好人嘅Auntie x2。我今日摺毯嘅時候Auntie 1號話唔係咁摺，就請纓話摺一次畀我睇，真係摺靚咗，我決定下次再出個「和你摺毯2.0」 。
......
跟住我開貓諗住聽吓903搵啲精神食糧，一開嚇死點解碌嚟碌去都係講「煲冬瓜」嘅呢？！？！我以為好似去偏僻地方行山噉，個訊號頻道會俾啲深圳台搶晒。喂！冇得聽廣東爆谷聽住jerb嘅情深演繹真係大獲㗎！！！跟住Auntie2號叫我唔好心急，慢慢追台會追到嘅。果然，商台匿埋咗喺一堆「煲冬瓜」台入面。唉希望商台假以時日啲訊號會改善啦，尋日喺大欖又係沙沙地。我依家要不停轉位追台，如果有超能力睇到啲電波喺邊就好了 :( 熄燈了，今日頻頻撲撲有啲攰，唔做靈性反思了，早唞聽日再講。
——黎雯齡
manlinthanks
【染缸說】
（所有姓名均為化名）
「呢度係一個大染缸。」一個老柳記同我哋幾個說：「一個充滿唔同顏色，而且特別多黑色嘅大染缸。你哋呢啲年輕人入世未深，雖然學識豐富，讀過大學，但社會經驗、人生閱歷嚟講你哋其實都只係幾張白紙嚟。入過嚟，始終會沾走一啲顏色。」
睇返自己呢排嘅改變，好似比以前爛口咗，對人嘅戒心高咗，對每件事物嘅工具價值似乎都重視咗，睇嚟佢講嘅都不無道理。記得臨離開壁屋嘅前一晚，我哋期數嘅主管臨收工前嚟咗我哋睡倉搵我哋道別。佢去到個閘前面叫我哋幾個「大仔」（21歲以上）出嚟，咁佢個名就有個「昌」（化）字，我哋幾個就由張床行出去，我同阿諺就啞啞咋咋fing手fing腳咁行過去，昂一昂頭嗌：「昌哥！」。寒暄兩句後，昌哥祝福我哋早日出冊重投社會，就收工去，我哋都返埋床嘅時候，同倉嘅一班古惑仔童黨同我哋講，話我同阿諺好似古惑仔咁。完全冇咗政治犯嘅格。
喺監倉入面最忌標奇立異、惹人注目、搶風頭，黑道橫行嘅環境入面能夠blend in，隱藏自己嘅政治犯身分固然可喜，但要喺呢個大染缸中做到「出淤泥而不染」又談何容易？
轉念再諗，世上嘅染缸，又豈止監獄一處？
建築生的鐵窗手記
（所有姓名均為化名）
「呢度係一個大染缸。」一個老柳記同我哋幾個說：「一個充滿唔同顏色，而且特別多黑色嘅大染缸。你哋呢啲年輕人入世未深，雖然學識豐富，讀過大學，但社會經驗、人生閱歷嚟講你哋其實都只係幾張白紙嚟。入過嚟，始終會沾走一啲顏色。」
睇返自己呢排嘅改變，好似比以前爛口咗，對人嘅戒心高咗，對每件事物嘅工具價值似乎都重視咗，睇嚟佢講嘅都不無道理。記得臨離開壁屋嘅前一晚，我哋期數嘅主管臨收工前嚟咗我哋睡倉搵我哋道別。佢去到個閘前面叫我哋幾個「大仔」（21歲以上）出嚟，咁佢個名就有個「昌」（化）字，我哋幾個就由張床行出去，我同阿諺就啞啞咋咋fing手fing腳咁行過去，昂一昂頭嗌：「昌哥！」。寒暄兩句後，昌哥祝福我哋早日出冊重投社會，就收工去，我哋都返埋床嘅時候，同倉嘅一班古惑仔童黨同我哋講，話我同阿諺好似古惑仔咁。完全冇咗政治犯嘅格。
喺監倉入面最忌標奇立異、惹人注目、搶風頭，黑道橫行嘅環境入面能夠blend in，隱藏自己嘅政治犯身分固然可喜，但要喺呢個大染缸中做到「出淤泥而不染」又談何容易？
轉念再諗，世上嘅染缸，又豈止監獄一處？
建築生的鐵窗手記
Forwarded from 囊螢
<<傳情達意 ~ 遊戲中秋>>
在牆內，曾經最高峰在5日內寫完一支原子筆(二個星期用完一本B5簿)，每日寄出二至三封家書。剛在在囚的日子裡，聽著別人的號碼然後看著他們喜孜孜的收取家書，心裡確實有一種說不出的酸溜溜。被捕後，因為不是在現場 (被跟蹤二個小時後, 在某種交通工具上被截停，逮捕)。故外界完全不知道我和同案被捕的消息。而且，當時被安置在LCK新翼，身邊亦沒有手足，直至一個半月後要應付上庭才焦急地躊躇律師的事情。最後靈機一觸，讓媽媽在探訪後直奔桐爺的議辦才得到解困。
往後便開始交上了不同類型的筆友，有些筆友直到現在仍然維持著書信的往來。同時有感於家書的重要性和巨大的慰藉，在我放學後亦此志不渝的與手足們通信，聊表心意，略盡一分綿力。家書的內容故然重要，但經驗悄悄地告訴我，別出心裁的信紙。例如 : 圖案 / 畫作 / 小遊戲(猜謎 ~ 找錯處 ~ sudoku), 香味 ...... 卻能夠不經意地在高壓的環境下制造出不著痕跡的安慰，確實令人愛不釋手。
今天的目的暫不在分享寫信中的患得患失，下回再在不同系列中娓娓道來更多的故事 。
適逢中秋佳節，正好準備了一款別緻的遊戲信紙(附上答案)，同時先挑戰大家的腦筋急轉彎，請找出若干與中秋節有關的物品和字句。大家可以到我的專屬Patreon下載PDF檔案再作寄語然後寄給手足。
透過此信紙，除了傳情達意之外又能一解小悶 。願你我在節日中一同感受到另類的溫馨。
==============================
Patreon: patreon.com/lumos_hkers
TG: @lumos_hkers
FB: https://www.facebook.com/profile.php?id=100071666506239
IG: https://www.instagram.com/lumos_hkers/
在牆內，曾經最高峰在5日內寫完一支原子筆(二個星期用完一本B5簿)，每日寄出二至三封家書。剛在在囚的日子裡，聽著別人的號碼然後看著他們喜孜孜的收取家書，心裡確實有一種說不出的酸溜溜。被捕後，因為不是在現場 (被跟蹤二個小時後, 在某種交通工具上被截停，逮捕)。故外界完全不知道我和同案被捕的消息。而且，當時被安置在LCK新翼，身邊亦沒有手足，直至一個半月後要應付上庭才焦急地躊躇律師的事情。最後靈機一觸，讓媽媽在探訪後直奔桐爺的議辦才得到解困。
往後便開始交上了不同類型的筆友，有些筆友直到現在仍然維持著書信的往來。同時有感於家書的重要性和巨大的慰藉，在我放學後亦此志不渝的與手足們通信，聊表心意，略盡一分綿力。家書的內容故然重要，但經驗悄悄地告訴我，別出心裁的信紙。例如 : 圖案 / 畫作 / 小遊戲(猜謎 ~ 找錯處 ~ sudoku), 香味 ...... 卻能夠不經意地在高壓的環境下制造出不著痕跡的安慰，確實令人愛不釋手。
今天的目的暫不在分享寫信中的患得患失，下回再在不同系列中娓娓道來更多的故事 。
適逢中秋佳節，正好準備了一款別緻的遊戲信紙(附上答案)，同時先挑戰大家的腦筋急轉彎，請找出若干與中秋節有關的物品和字句。大家可以到我的專屬Patreon下載PDF檔案再作寄語然後寄給手足。
透過此信紙，除了傳情達意之外又能一解小悶 。願你我在節日中一同感受到另類的溫馨。
==============================
Patreon: patreon.com/lumos_hkers
TG: @lumos_hkers
FB: https://www.facebook.com/profile.php?id=100071666506239
IG: https://www.instagram.com/lumos_hkers/
To我愛的XXX：
之前6月的903《廣東爆谷》每日都邀請一個音樂單位去做訪問，其中一條問題非常有趣「如果到左荒島，只能帶一首廣東歌，聽一世，你會揀邊首歌？」如果依條問題係俾我揀，小弟一定揀唔落手，只係最鍾意嘅音樂人都唔止一個啦，何況係一首歌？咁⋯如果係入冊呢？監房就冇得入MP3啦，但可以入書。如果只可以帶一本書入監房，咁會揀邊本？
依條問題實在係考起小弟，喺赤柱每月只能入6本書，都已經有唔夠睇，依家係一本書喎！根本冇可能揀得落手啦！小弟腦海中閃過好多不同嘅書名，如果只能一本，依本書一定可以睇無線次都可以唔悶，換句話說，姐係每一次翻開本書都要有新睇法，其次一定冇時間性嘅限制，無論世界變成點，環境係點，亦能夠合時宜。若然按照以上嘅條件，好多小說，經濟書，政治書，已經拒諸門外。喺入面經常同手足討論某某筆友只寄政治嘢，都有一個反應「其實入面嘅手足唔係廿四小時都諗政治」。在我角度，如只有一本書，依本一定唔係政治書，一定係要「從心靈角度出發」嘅書。其實一本歷史書都做到，如果唔揀政治，《The power of powerless》，《勸學》已經可以唔揀，歷史書可能係《資治通鑑》又夠大本可以睇好耐，不過回想，成本《資治通鑑》就係上演永劫輪迴，睇到隋唐已經「又係咁⋯」，難以有睇法。
餘下就只有哲學，因為哲學書能夠做到每次睇亦有新睇法。。我諗，我會揀《情色論》。《情色論》不能稱為「真正的哲學書」，不過書中的文字的確能夠令人思考。仲記得啱啱入依本《情色論》時，身邊嘅囚友都衝過嚟話要睇，我笑笑口話你地睇得明咪借，相信每人見到封面嘅書名時都將「情色」睇成「色情」。《情色論》相信係喬治.巴代伊（小弟唔鍾意巴塔耶依個譯名）最成名嘅非小說作品，台灣中文譯本封面上「所謂情色，可説是對生命的肯定，至死方休」亦好難定奪此書。巴代伊喺佛洛依德講性學被批評嘅時代，用文字探討性，禁忌可謂非常前衛。在小弟眼中此書是一條通道，將性，禁忌，生命，暴力，死亡由空洞的詞語變為「道」。將一切眼前為神聖之事物與庸俗交雜。因為人類的禁忌，庸俗才變得神聖。好啦...我諗單靠簡單嘅一段文字係解釋唔到《情色論》，對小弟嘅作用就係—天與地，神聖與骯髒之間的距離，就只係「情色」與「色情」前後二字之短。亦係第一本書令小弟開始思考「甜故」與「情色文學」嘅分別，在行為而言，就係要由「器」入「道」。一本「通道」嘅書，心諗應該可以百看不厭吧？監房日子一式一樣，自然要有一啲事情帶來刺激，亦冇一件事畀窺探禁忌內容更令人心跳加速。
好彩，現實唔需要只揀一本書，否則監房之中必定非常沈悶。講到底，乜都係假，只要可以帶自己脫離一下現實，由拘束到自由，就係一本好書。畢竟至少喺高牆之下，掀開書本一刻，一定係自由。如常嘅日子之中冇心動，唯有用書本帶畀自己心動。
尚千赴戎
木何懼火
15-8-2021
—————————————
Patreon: https://www.patreon.com/wood_wordbeyondwall
Facebook: 尚千赴戎 木何懼火
Instagram: Word.beyond.wall
MeWe: wood_wordbeyondwall
請大家多多支持🙏🏼💪🏻❤️
之前6月的903《廣東爆谷》每日都邀請一個音樂單位去做訪問，其中一條問題非常有趣「如果到左荒島，只能帶一首廣東歌，聽一世，你會揀邊首歌？」如果依條問題係俾我揀，小弟一定揀唔落手，只係最鍾意嘅音樂人都唔止一個啦，何況係一首歌？咁⋯如果係入冊呢？監房就冇得入MP3啦，但可以入書。如果只可以帶一本書入監房，咁會揀邊本？
依條問題實在係考起小弟，喺赤柱每月只能入6本書，都已經有唔夠睇，依家係一本書喎！根本冇可能揀得落手啦！小弟腦海中閃過好多不同嘅書名，如果只能一本，依本書一定可以睇無線次都可以唔悶，換句話說，姐係每一次翻開本書都要有新睇法，其次一定冇時間性嘅限制，無論世界變成點，環境係點，亦能夠合時宜。若然按照以上嘅條件，好多小說，經濟書，政治書，已經拒諸門外。喺入面經常同手足討論某某筆友只寄政治嘢，都有一個反應「其實入面嘅手足唔係廿四小時都諗政治」。在我角度，如只有一本書，依本一定唔係政治書，一定係要「從心靈角度出發」嘅書。其實一本歷史書都做到，如果唔揀政治，《The power of powerless》，《勸學》已經可以唔揀，歷史書可能係《資治通鑑》又夠大本可以睇好耐，不過回想，成本《資治通鑑》就係上演永劫輪迴，睇到隋唐已經「又係咁⋯」，難以有睇法。
餘下就只有哲學，因為哲學書能夠做到每次睇亦有新睇法。。我諗，我會揀《情色論》。《情色論》不能稱為「真正的哲學書」，不過書中的文字的確能夠令人思考。仲記得啱啱入依本《情色論》時，身邊嘅囚友都衝過嚟話要睇，我笑笑口話你地睇得明咪借，相信每人見到封面嘅書名時都將「情色」睇成「色情」。《情色論》相信係喬治.巴代伊（小弟唔鍾意巴塔耶依個譯名）最成名嘅非小說作品，台灣中文譯本封面上「所謂情色，可説是對生命的肯定，至死方休」亦好難定奪此書。巴代伊喺佛洛依德講性學被批評嘅時代，用文字探討性，禁忌可謂非常前衛。在小弟眼中此書是一條通道，將性，禁忌，生命，暴力，死亡由空洞的詞語變為「道」。將一切眼前為神聖之事物與庸俗交雜。因為人類的禁忌，庸俗才變得神聖。好啦...我諗單靠簡單嘅一段文字係解釋唔到《情色論》，對小弟嘅作用就係—天與地，神聖與骯髒之間的距離，就只係「情色」與「色情」前後二字之短。亦係第一本書令小弟開始思考「甜故」與「情色文學」嘅分別，在行為而言，就係要由「器」入「道」。一本「通道」嘅書，心諗應該可以百看不厭吧？監房日子一式一樣，自然要有一啲事情帶來刺激，亦冇一件事畀窺探禁忌內容更令人心跳加速。
好彩，現實唔需要只揀一本書，否則監房之中必定非常沈悶。講到底，乜都係假，只要可以帶自己脫離一下現實，由拘束到自由，就係一本好書。畢竟至少喺高牆之下，掀開書本一刻，一定係自由。如常嘅日子之中冇心動，唯有用書本帶畀自己心動。
尚千赴戎
木何懼火
15-8-2021
—————————————
Patreon: https://www.patreon.com/wood_wordbeyondwall
Facebook: 尚千赴戎 木何懼火
Instagram: Word.beyond.wall
MeWe: wood_wordbeyondwall
請大家多多支持🙏🏼💪🏻❤️
【鐵窗日記：六月八日 星期二 陰】
有人話，要養成一個習慣，平均需要二十一日。我啱啱養成咗一個叫「坐監」嘅習慣。
今朝連天都未光，收音機都未開，我就已經自然醒咗。初初入冊嘅時候，雖然自己嘅心理質素okay，但生理時鐘始終未調節好。平日成一、兩點先瞓嘅大學生，忽然被要求十點鐘熄燈瞓覺；冇早堂就會瞓到日上三竿嘅，又要朝朝喺《晨光第一線》播嘅時間就要起身，一開始真係幾難適應。床板硬、環境唔衛生都係小事，係可以克服到嘅，但夜晚未算好夜本身已經難入睡，半夜又容易札醒，仲要晨早流流起身，睡眠時間不足之餘，質素亦都唔好。結果就係精神同體力都冇辦法維持喺最佳狀態，但偏偏兩者都對適應牢獄嘅初期都係尤其重要。日子耐咗，身體就逐漸跟隨到獄中嘅日程去調節個生理鐘，精神好身體好，日子都變得好過好多。
除咗睡眠之外，有規律咁做運動都非常重要。喺牆內堅持做運動並唔係講緊強健體魄身體健康呢啲人人都識得講嘅廢話，而係透過培養規律同挑戰自我，去磨練自己嘅意志，再用呢份嘅意志去成為一個心志強大嘅人，令自己可以更從容咁面對牢獄之苦。除此之外，仲有就係去訂立一個運動嘅目標。「無所事事」同「虛無」係囚犯面對嘅最大敵人之二，牢獄之所以苦，除咗失自由、物質享受之外，欠缺娛樂同虛度光陰都係好大嘅原因，所以唔單止運動，任何可以為呢段日子賦上意義嘅事、目標都係值得去做、去追求嘅。倉有個中佬斯斯文文嘅，衰啲好濕星嘢入嚟坐幾個星期，就同我哋講想用呢段時間學好英文同日文，就喺我寫緊呢行字嘅當下，佢就正喺大棚嘅另一邊抄默緊五十音。
喺運動之外，我亦喺學業同學習（不同的喔～）方面訂下目標，而仲有一個好早訂立嘅就係搞好呢一壇嘢，去養起兩位喺赤柱嘅兄弟，呢方面就有賴牆外各位幫手囉～🙏🏽（待續）
建築生的鐵窗手記
有人話，要養成一個習慣，平均需要二十一日。我啱啱養成咗一個叫「坐監」嘅習慣。
今朝連天都未光，收音機都未開，我就已經自然醒咗。初初入冊嘅時候，雖然自己嘅心理質素okay，但生理時鐘始終未調節好。平日成一、兩點先瞓嘅大學生，忽然被要求十點鐘熄燈瞓覺；冇早堂就會瞓到日上三竿嘅，又要朝朝喺《晨光第一線》播嘅時間就要起身，一開始真係幾難適應。床板硬、環境唔衛生都係小事，係可以克服到嘅，但夜晚未算好夜本身已經難入睡，半夜又容易札醒，仲要晨早流流起身，睡眠時間不足之餘，質素亦都唔好。結果就係精神同體力都冇辦法維持喺最佳狀態，但偏偏兩者都對適應牢獄嘅初期都係尤其重要。日子耐咗，身體就逐漸跟隨到獄中嘅日程去調節個生理鐘，精神好身體好，日子都變得好過好多。
除咗睡眠之外，有規律咁做運動都非常重要。喺牆內堅持做運動並唔係講緊強健體魄身體健康呢啲人人都識得講嘅廢話，而係透過培養規律同挑戰自我，去磨練自己嘅意志，再用呢份嘅意志去成為一個心志強大嘅人，令自己可以更從容咁面對牢獄之苦。除此之外，仲有就係去訂立一個運動嘅目標。「無所事事」同「虛無」係囚犯面對嘅最大敵人之二，牢獄之所以苦，除咗失自由、物質享受之外，欠缺娛樂同虛度光陰都係好大嘅原因，所以唔單止運動，任何可以為呢段日子賦上意義嘅事、目標都係值得去做、去追求嘅。倉有個中佬斯斯文文嘅，衰啲好濕星嘢入嚟坐幾個星期，就同我哋講想用呢段時間學好英文同日文，就喺我寫緊呢行字嘅當下，佢就正喺大棚嘅另一邊抄默緊五十音。
喺運動之外，我亦喺學業同學習（不同的喔～）方面訂下目標，而仲有一個好早訂立嘅就係搞好呢一壇嘢，去養起兩位喺赤柱嘅兄弟，呢方面就有賴牆外各位幫手囉～🙏🏽（待續）
建築生的鐵窗手記
今日去左收信，都係嘩左一聲咁！再次肯定大部分香港人都係死線戰士！
我諗我要澄清返：
各位大佬，aka 唔係謙謙英文名呀！
aka 係 as known as 咁解呀😂
大眼星 又名 嚴文謙
佢收到d 叫佢Aka嘅信應該變左圖中嘅樣！
😧???
#saamlapsing
#BringThemAllBack
三粒星 saamlapsing
我諗我要澄清返：
各位大佬，aka 唔係謙謙英文名呀！
aka 係 as known as 咁解呀😂
大眼星 又名 嚴文謙
佢收到d 叫佢Aka嘅信應該變左圖中嘅樣！
😧???
#saamlapsing
#BringThemAllBack
三粒星 saamlapsing
【🐑尋筆友：十歲羊小朋友】
羊村收信部收到羊小齡姐姐覆十歲羊小朋友嘅回信～佢想搵返呢位筆友，見到呢個post可以搵返我哋（上面保障返小朋友無出名同埋內容節錄，希望認得返😢）羊小齡姐姐都想多啲羊妹妹羊弟弟寄信畫畫俾佢🐑
親愛的xx小朋友：
多謝你嘅來信同埋鼓勵嘅說話，姐姐好感動呀！
每個人嘅生命入面，難免會遇到艱難嘅時刻。每個人都會有唔同嘅方法去面對呢啲嘅挑戰，可能有啲人會選擇迎難而上，亦都有啲人會選擇拔腿就跑。冇人知道結果會係點，喺過程入面我哋可能會迷失、會跌倒、會想放棄，但係只要我哋咬緊牙關，我哋願意堅持落去，總會見到希望。
姐姐喺其他人寄入嚟嘅信件入面見到一句說話想同你分享，「心裏的自由是閉上眼也能見着的光」，嚟自一個活動叫做「致香港—黑暗中的火花」。
雖然姐姐依家被囚禁，暫時失去肉體上嘅自由，但係心入面嘅世界係自由嘅。思想係我哋最寶貴嘅嘢，冇人可以控制。自由嘅思想喺黑暗嘅時代入面，會喺引領我哋繼續向前行嘅光。
祝
身體健康
雯齡姐姐
22.8.2021 （還押於羅湖懲教所第三十日）
#一人受困我們無一自由
#羊村案 #言語治療 #被捕人士 #囚權 #寫信師
———————————————
*如想知道羊小齡最update 狀況，可以follow ig @manlinthanks
‼️寄信注意事項
信件請寄：油麻地彌敦道557-559號永旺行19樓
信封面註明：🐑羊村收信部🐑
職工盟
羊村收信部收到羊小齡姐姐覆十歲羊小朋友嘅回信～佢想搵返呢位筆友，見到呢個post可以搵返我哋（上面保障返小朋友無出名同埋內容節錄，希望認得返😢）羊小齡姐姐都想多啲羊妹妹羊弟弟寄信畫畫俾佢🐑
親愛的xx小朋友：
多謝你嘅來信同埋鼓勵嘅說話，姐姐好感動呀！
每個人嘅生命入面，難免會遇到艱難嘅時刻。每個人都會有唔同嘅方法去面對呢啲嘅挑戰，可能有啲人會選擇迎難而上，亦都有啲人會選擇拔腿就跑。冇人知道結果會係點，喺過程入面我哋可能會迷失、會跌倒、會想放棄，但係只要我哋咬緊牙關，我哋願意堅持落去，總會見到希望。
姐姐喺其他人寄入嚟嘅信件入面見到一句說話想同你分享，「心裏的自由是閉上眼也能見着的光」，嚟自一個活動叫做「致香港—黑暗中的火花」。
雖然姐姐依家被囚禁，暫時失去肉體上嘅自由，但係心入面嘅世界係自由嘅。思想係我哋最寶貴嘅嘢，冇人可以控制。自由嘅思想喺黑暗嘅時代入面，會喺引領我哋繼續向前行嘅光。
祝
身體健康
雯齡姐姐
22.8.2021 （還押於羅湖懲教所第三十日）
#一人受困我們無一自由
#羊村案 #言語治療 #被捕人士 #囚權 #寫信師
———————————————
*如想知道羊小齡最update 狀況，可以follow ig @manlinthanks
‼️寄信注意事項
信件請寄：油麻地彌敦道557-559號永旺行19樓
信封面註明：🐑羊村收信部🐑
職工盟
【獄中書】還柙青年阿均：個人嘅力量微小但勝在隱匿 斗膽講句：理念可能真係不滅
//阿均（化名）於2019年7月28日在上環被捕，去年5月承認一項暴動罪，還柙至今經逾一年。在囚多時，他仍關心著牆外的事，上月多個民間團體接連宣佈解散，包括教協、民陣、612人道支援基金（612基金）。阿均寄出第四封獄中書，鼓勵說：「個人嘅力量好微小，但勝在隱匿，斗膽講句：理念可能真係不滅——你諗下連中國都仲有維權律師。」
以下是阿均獄中書節錄：
〈當一座座「大山」崩塌，我哋應該如何自處？〉
我個人認為當政治打壓來臨，而又秀才遇著兵，化整為零係一個唔錯嘅選擇，避免被一網打盡。情況就似面對砲轟，分散先係合理企位。當然我冇可能揣摩到解散背後係因為策略抑或純粹無以為繼，我想表達嘅係：其實唔使咁灰（可能你都冇灰）。
或者當團體崩解支離，我哋先可以思考個體行動嘅可能性。二零一九年，個體嘅思考同行動喺反修例運動中帶嚟許許多多嘅可能性。同樣，喺團體再唔能夠成為保護傘時，我哋個體需要思考自己微小但確實存在嘅力量點樣可以喺社會中發光。聲音同理念會一直存在，只因我哋生而為人自有一套價值觀，自有一股獨特性，呢個係人性尊嚴，不被意識形態同化嘅尊嚴。保持自己嘅獨特性，盡量講自己想講嘅說話，固然會有人退，咪睇情況補位。
樹倒猢猻散，但猢猻冇死，猢猻be water，猢猻生活得好好，猢猻要生活得好好。最後，作為一位在囚人士，想多謝612一直對一眾手足嘅支援，612能夠喺政府眼下生存至今已經好犀利。提起612就想引吳靄儀嗰句「XX時，要看書」，但就醒唔起XX係乜（類似「困惑」），呢啲就叫書到用時方恨少，所以真係要讀多啲書。
阿均
二一年八月十八匆匆隨寫//
📌 全文：《眾新聞》
//阿均（化名）於2019年7月28日在上環被捕，去年5月承認一項暴動罪，還柙至今經逾一年。在囚多時，他仍關心著牆外的事，上月多個民間團體接連宣佈解散，包括教協、民陣、612人道支援基金（612基金）。阿均寄出第四封獄中書，鼓勵說：「個人嘅力量好微小，但勝在隱匿，斗膽講句：理念可能真係不滅——你諗下連中國都仲有維權律師。」
以下是阿均獄中書節錄：
〈當一座座「大山」崩塌，我哋應該如何自處？〉
我個人認為當政治打壓來臨，而又秀才遇著兵，化整為零係一個唔錯嘅選擇，避免被一網打盡。情況就似面對砲轟，分散先係合理企位。當然我冇可能揣摩到解散背後係因為策略抑或純粹無以為繼，我想表達嘅係：其實唔使咁灰（可能你都冇灰）。
或者當團體崩解支離，我哋先可以思考個體行動嘅可能性。二零一九年，個體嘅思考同行動喺反修例運動中帶嚟許許多多嘅可能性。同樣，喺團體再唔能夠成為保護傘時，我哋個體需要思考自己微小但確實存在嘅力量點樣可以喺社會中發光。聲音同理念會一直存在，只因我哋生而為人自有一套價值觀，自有一股獨特性，呢個係人性尊嚴，不被意識形態同化嘅尊嚴。保持自己嘅獨特性，盡量講自己想講嘅說話，固然會有人退，咪睇情況補位。
樹倒猢猻散，但猢猻冇死，猢猻be water，猢猻生活得好好，猢猻要生活得好好。最後，作為一位在囚人士，想多謝612一直對一眾手足嘅支援，612能夠喺政府眼下生存至今已經好犀利。提起612就想引吳靄儀嗰句「XX時，要看書」，但就醒唔起XX係乜（類似「困惑」），呢啲就叫書到用時方恨少，所以真係要讀多啲書。
阿均
二一年八月十八匆匆隨寫//
📌 全文：《眾新聞》
Forwarded from 星火同盟 抗爭支援
【還押期間過生日】
大家生日的時候，都希望有人會對自己講句生日快樂，身陷囹圄的義士也不例外。
面對分別被控兩宗暴動罪的阿蕉，已被還押近半年。她的生日快到了，這個將會是她首個失去親友陪伴，以及失去自由下孤單渡過的生日。阿蕉過往亦曾於牆內寫信公開感謝同道們的信件，確實給予她極大的鼓勵，讓她可以於黑獄內堅持下去。 https://www.facebook.com/1965117443775378/posts/3084818041805307/
阿蕉的家人現希望透過本平台，邀請同道們向她送上關懷與祝福，希望能讓她知道大家並沒有忘記她。請將問候書信及生日卡寄到本平台：尖沙咀郵箱98697號，我們會將收到的祝福和心意一一轉交到阿蕉手上。
只要每人多做一步，就可為被囚禁的手足送上無限溫暖；一句祝福問候，已可令他們感覺不被遺忘。身陷牢獄的這段漫長困苦日子，需要我們每一個人支持和陪伴他們一起撐過去。
https://www.facebook.com/1965117443775378/posts/3146094652344312/
大家生日的時候，都希望有人會對自己講句生日快樂，身陷囹圄的義士也不例外。
面對分別被控兩宗暴動罪的阿蕉，已被還押近半年。她的生日快到了，這個將會是她首個失去親友陪伴，以及失去自由下孤單渡過的生日。阿蕉過往亦曾於牆內寫信公開感謝同道們的信件，確實給予她極大的鼓勵，讓她可以於黑獄內堅持下去。 https://www.facebook.com/1965117443775378/posts/3084818041805307/
阿蕉的家人現希望透過本平台，邀請同道們向她送上關懷與祝福，希望能讓她知道大家並沒有忘記她。請將問候書信及生日卡寄到本平台：尖沙咀郵箱98697號，我們會將收到的祝福和心意一一轉交到阿蕉手上。
只要每人多做一步，就可為被囚禁的手足送上無限溫暖；一句祝福問候，已可令他們感覺不被遺忘。身陷牢獄的這段漫長困苦日子，需要我們每一個人支持和陪伴他們一起撐過去。
https://www.facebook.com/1965117443775378/posts/3146094652344312/
【羅湖遊記Vol. 22 (節錄)】2021-8-18
今日係被還押嘅第26日，喺羅湖嘅第2日。尋晚聽住貓瞓，都瞓得唔錯，木板床係好過瞓膠床，唔知係因為瞓慣咗定係咩，冇開氈墊底都冇瞓到痛。不過因為瞓上格床上落真係好牙煙，所以我尋晚成功冇去夜尿^_^ 細個唔鐘意瞓上格床都係因為上落麻煩。隔離(isolation)倉真係好悶，冇得出倉同其他人傾計，戇居居睇電視，成朝都係昏昏沉沉噉瞓覺，瞓醒同Auntie 2號傾下計，似乎有好大冤情噉，真係家家有本難唸的經，只能夠互相祝福，早日出冊。
呢度嘅膳食味道雖然好少少，但份量就真係冇得比。正當我上個禮拜為咗大欖飯同佢嘅份量而感到欣慰，嚟到羅湖又打回原形甚至倒退。今朝唔知咩汁牛肉冬瓜飯，個汁嘅調味係開胃嘅，冬瓜兩舊(大欖三舊大嘅)，牛肉薄切2.5片(大欖厚切3-4舊)，留意返「片」同「舊」個單位上嘅分別=,= 好有改善空間，同營養均衡嘅大欖相差好遠。因為個份量，我畀住1/5分先。晏晝紅豆沙就扳回一啲分數，紅豆沙真係純紅豆，同埋煮嘅時間都夠，有糖水感，值3/5分。不過始終房入面冇風扇太熱，熱到唔太開胃就冇食太多。
食完飯就落山過D8(倉)， D8有別於D7，係大欖嗰種大倉，倉內亦都有風扇，日間就喺倉出面嘅活動室睇電視同做自己嘢。呢度同大欖好唔同，行出行入都望唔到出面嘅世界，穿透到入嚟嘅陽光好有限，成個空間都係陰陰沉沉，有少少寫字樓嘅感覺，其實返工係咪另一種形式嘅坐監呢？呢度陰陰沉沉真係令我好鬱悶，探訪都冇曬心機，發咗個脾氣噉，都想喺度講返聲sorli :< 唉，總之鬱悶，唔係幾想傾計，亦都唔係幾想見人，可能姨媽到心情都有啲跩。
跟住吽下吽下就到食晚飯，個晚飯都係麻麻，咖哩雞柳娃娃菜飯，咖哩好辣，雞柳得2片，娃娃菜酌量，雞柳嘅調味係唔錯嘅，但overall都係差過大欖，惟有靠個提子包同奶。吖，晚飯之前落大雨行雷行到「砰鈴嘭唥」，空曠地方果然行雷特別勁，定係因為呢度多PK呢？^_^
食完晚飯就可以去行街，聽講冇落雨就係去露天操場嘅，今日落雨就去有蓋操場。個操場係一個標準籃球場咁大，幾新淨，但可惜啲窗都係矇嘅，結果個場都係一片灰濛濛，惟有圍圈散步，睇下會唔會多啲安多酚會有mood啲。唉講真，真係掛住大欖嘅藍天白雲。
另外，我諗另一個心情鬱悶嘅原因係睇到新聞，有啲嬲又有啲無奈；Anyway，我都入咗嚟找緊數，有啲野都唔到我諗咁多。今日冇mood小故事大道理，但願你哋都安好，晚安💤
——黎雯齡
manlinthanks
今日係被還押嘅第26日，喺羅湖嘅第2日。尋晚聽住貓瞓，都瞓得唔錯，木板床係好過瞓膠床，唔知係因為瞓慣咗定係咩，冇開氈墊底都冇瞓到痛。不過因為瞓上格床上落真係好牙煙，所以我尋晚成功冇去夜尿^_^ 細個唔鐘意瞓上格床都係因為上落麻煩。隔離(isolation)倉真係好悶，冇得出倉同其他人傾計，戇居居睇電視，成朝都係昏昏沉沉噉瞓覺，瞓醒同Auntie 2號傾下計，似乎有好大冤情噉，真係家家有本難唸的經，只能夠互相祝福，早日出冊。
呢度嘅膳食味道雖然好少少，但份量就真係冇得比。正當我上個禮拜為咗大欖飯同佢嘅份量而感到欣慰，嚟到羅湖又打回原形甚至倒退。今朝唔知咩汁牛肉冬瓜飯，個汁嘅調味係開胃嘅，冬瓜兩舊(大欖三舊大嘅)，牛肉薄切2.5片(大欖厚切3-4舊)，留意返「片」同「舊」個單位上嘅分別=,= 好有改善空間，同營養均衡嘅大欖相差好遠。因為個份量，我畀住1/5分先。晏晝紅豆沙就扳回一啲分數，紅豆沙真係純紅豆，同埋煮嘅時間都夠，有糖水感，值3/5分。不過始終房入面冇風扇太熱，熱到唔太開胃就冇食太多。
食完飯就落山過D8(倉)， D8有別於D7，係大欖嗰種大倉，倉內亦都有風扇，日間就喺倉出面嘅活動室睇電視同做自己嘢。呢度同大欖好唔同，行出行入都望唔到出面嘅世界，穿透到入嚟嘅陽光好有限，成個空間都係陰陰沉沉，有少少寫字樓嘅感覺，其實返工係咪另一種形式嘅坐監呢？呢度陰陰沉沉真係令我好鬱悶，探訪都冇曬心機，發咗個脾氣噉，都想喺度講返聲sorli :< 唉，總之鬱悶，唔係幾想傾計，亦都唔係幾想見人，可能姨媽到心情都有啲跩。
跟住吽下吽下就到食晚飯，個晚飯都係麻麻，咖哩雞柳娃娃菜飯，咖哩好辣，雞柳得2片，娃娃菜酌量，雞柳嘅調味係唔錯嘅，但overall都係差過大欖，惟有靠個提子包同奶。吖，晚飯之前落大雨行雷行到「砰鈴嘭唥」，空曠地方果然行雷特別勁，定係因為呢度多PK呢？^_^
食完晚飯就可以去行街，聽講冇落雨就係去露天操場嘅，今日落雨就去有蓋操場。個操場係一個標準籃球場咁大，幾新淨，但可惜啲窗都係矇嘅，結果個場都係一片灰濛濛，惟有圍圈散步，睇下會唔會多啲安多酚會有mood啲。唉講真，真係掛住大欖嘅藍天白雲。
另外，我諗另一個心情鬱悶嘅原因係睇到新聞，有啲嬲又有啲無奈；Anyway，我都入咗嚟找緊數，有啲野都唔到我諗咁多。今日冇mood小故事大道理，但願你哋都安好，晚安💤
——黎雯齡
manlinthanks
臻：
感謝你和仝工們努力的工作，對牆內的我們實在是很大的支持。
前路漫漫，這是一條神所給我要走的曠野之路。與走過這樣的一條不少前人一樣走過的路，我相信監獄是把我們熬練得更堅強的一個地方。
我也希望如很多前人一樣，當他們走過這條修練的道路，內裏有的不會是仇恨，而是滿有主的愛，因我們能在這樣的環境下，每天仰望及依靠着主的愛與同在。有一天，我們會帶着平安平靜地說，這段日子是值得的，是屬靈生命中最難忘的最有價值的日子。在現在所能見到的情況，牆內牆外其實都是難過的，但世局多變難測，沒有人能知道在疫情之後，世界會怎樣轉變。我只知道轉變會來到，因我仍深信人的善會勝過人的惡，公義必會來到，只是必須忍耐等候及忍受當前的困境。
我現在學習不向後看，少向前看。（因向前看也難知會怎樣變化，若向前看，我抱着盼望去看。）更多是「享受」當下。
你們當下的堅持給予了我們能堅持下去的力量。
祝平安！
Benny
29/08/2021
石牆花 Wall-fare
感謝你和仝工們努力的工作，對牆內的我們實在是很大的支持。
前路漫漫，這是一條神所給我要走的曠野之路。與走過這樣的一條不少前人一樣走過的路，我相信監獄是把我們熬練得更堅強的一個地方。
我也希望如很多前人一樣，當他們走過這條修練的道路，內裏有的不會是仇恨，而是滿有主的愛，因我們能在這樣的環境下，每天仰望及依靠着主的愛與同在。有一天，我們會帶着平安平靜地說，這段日子是值得的，是屬靈生命中最難忘的最有價值的日子。在現在所能見到的情況，牆內牆外其實都是難過的，但世局多變難測，沒有人能知道在疫情之後，世界會怎樣轉變。我只知道轉變會來到，因我仍深信人的善會勝過人的惡，公義必會來到，只是必須忍耐等候及忍受當前的困境。
我現在學習不向後看，少向前看。（因向前看也難知會怎樣變化，若向前看，我抱着盼望去看。）更多是「享受」當下。
你們當下的堅持給予了我們能堅持下去的力量。
祝平安！
Benny
29/08/2021
石牆花 Wall-fare