【 近況 - 4月25日 】
手稿可在patreon觀看:
patreon.com/posts/50887100
56天，見了42位親友，收了並回了111封信。
看了19本書，輕了9kg，正在自學畫畫和日文。
準備重讀莊梅岩的劇本，看藝術、戲劇治療的書和繼續透過閱讀自修舞台劇導演及編劇理論與實踐。
開始了寫文章和笑話，等狀態好一點，會再填詞、寫故事、劇本。
在這裏，每天的時間過得很快，但日子卻過得很慢。
現在最期待的是六月，在903聽到自己被還押前錄的新歌（可惜我的聲音只能夠是Demo version，而MV拍攝也要缺席）。最想念的是媽媽煮的飯，摯親的擁抱和在沒有籠子的世界自由奔跑。
在被高牆圍住的世界生活，唯有在運動流汗時感到生命，在藝術創作和學習時創造到意義，在閱讀當中經(體)驗到自由。
－
嘉達的素描練習
patreon.com/posts/50887376
－
▼ 支持嘉達 ▼
www.patreon.com/karlikatat
李嘉達
手稿可在patreon觀看:
patreon.com/posts/50887100
56天，見了42位親友，收了並回了111封信。
看了19本書，輕了9kg，正在自學畫畫和日文。
準備重讀莊梅岩的劇本，看藝術、戲劇治療的書和繼續透過閱讀自修舞台劇導演及編劇理論與實踐。
開始了寫文章和笑話，等狀態好一點，會再填詞、寫故事、劇本。
在這裏，每天的時間過得很快，但日子卻過得很慢。
現在最期待的是六月，在903聽到自己被還押前錄的新歌（可惜我的聲音只能夠是Demo version，而MV拍攝也要缺席）。最想念的是媽媽煮的飯，摯親的擁抱和在沒有籠子的世界自由奔跑。
在被高牆圍住的世界生活，唯有在運動流汗時感到生命，在藝術創作和學習時創造到意義，在閱讀當中經(體)驗到自由。
－
嘉達的素描練習
patreon.com/posts/50887376
－
▼ 支持嘉達 ▼
www.patreon.com/karlikatat
李嘉達
To 我愛的____：
正所謂「食得瞓得，受少三分一」，好似黃秋生《失眠》就是講人類一生用咗大量時間去瞓覺，浪費咗人生，但係牆內就相反，時間多得是，如果有一粒藥食咗可以瞓出冊，相信九成牆內嘅人一定會食落肚！十點熄燈，六點起身，咁即係有三分一時間係瞓，所以話「食得瞓得，受少三份一」係真㗎！監房表現良好又有三分一，瞓又瞓咗三分一，所以你話坐三碌真係三碌咩？碌幾就出冊啦！係咪好抵呢？瞓覺係監房真係大晒，最重要，我啱啱入冊第二日就有「資深所員」同我講一定唔可以阻人瞓覺，因為瞓着咗就可以「坐少啲監」，個個都係想好受啲，如果阻住人「坐少的監」真係俾人_！只要拎「要瞓覺」出嚟，就乜都推得甩，冇人嘈、冇人敢叫醒你，仲有「關愛座」添！係咪好爽呢？試諗下係牆外點可以瞓覺大晒？如果大雄入咗嚟，一定「好好受」，大雄秒睡嘅技能，根本就係坐監專用技能！
記得有一集多啦A夢係「黑夜之王」講大雄用咗多啦A夢嘅法寶，點都瞓唔着，唔瞓覺就得，大雄就成晚出咗去玩，成條街冇人，好似成個世界都係大雄咁，佢做乜都得，但慢慢大雄就覺得只有自己一個，連多啦A夢都攰到瞓，結果悶到死，我諗如果依個法寶俾監房嘅人用咗，都幾難捱，sor,係好_難捱！又冇咗一個三份一啦！係監房可以教訓天光係幸福，喺監房瞓唔着係最痛苦，所以我啱啱入冊瞓唔着真係好難捱，成日就係好怕入夜，不過依家好似覺得入夜都幾好，夜晚自己一個人清清地都好浪漫。
身邊朋友問我生活係咪規律左，我諗其中一個就係要計劃瞓覺時間冇錯，係「計」！計住聽日有乜要做，如果多嘢做就冇時間瞓晏覺，多嘢寫，有書睇，與朋友拜山會遲，就要早啲瞓啦，因為以上情況都係冇得瞓晏覺，星期一至三同星期日都大多機會冇嗌交，所以要點齊啡⋯⋯真係痴咗線！我中學時代明明每日六點要起身，但到三點先瞓，返工就夠膽死四點瞓，六點起身去開會，依家坐監竟然計早瞓啲？「啍，都話我坐監唔夠時間用啦！瞓覺都冇時間！」我話「咁你坐埋我嗰份囉！」一騎返我白眼。「有乜所謂啫！」我大打一騎肩頭。「得啦～我同個官講啦！」「OK～」
其實我真係唔明點解可以有人一番倉就熄燈瞓，比我一定做唔到，最近我同房手足新一返倉就瞓，我就做唔到啦，望到枱上一堆未寫嘅嘢未睇嘅書，不過佢早啲瞓都好，可以一人落night😃小弟從來冇試過十二點前瞓，睇嚟依個三份一都同小弟無緣了。
PS：我每封筆友信都有回，有筆友話收唔到，可能係寄失
尚木赴戎
木何懼火
28-4-2021
正所謂「食得瞓得，受少三分一」，好似黃秋生《失眠》就是講人類一生用咗大量時間去瞓覺，浪費咗人生，但係牆內就相反，時間多得是，如果有一粒藥食咗可以瞓出冊，相信九成牆內嘅人一定會食落肚！十點熄燈，六點起身，咁即係有三分一時間係瞓，所以話「食得瞓得，受少三份一」係真㗎！監房表現良好又有三分一，瞓又瞓咗三分一，所以你話坐三碌真係三碌咩？碌幾就出冊啦！係咪好抵呢？瞓覺係監房真係大晒，最重要，我啱啱入冊第二日就有「資深所員」同我講一定唔可以阻人瞓覺，因為瞓着咗就可以「坐少啲監」，個個都係想好受啲，如果阻住人「坐少的監」真係俾人_！只要拎「要瞓覺」出嚟，就乜都推得甩，冇人嘈、冇人敢叫醒你，仲有「關愛座」添！係咪好爽呢？試諗下係牆外點可以瞓覺大晒？如果大雄入咗嚟，一定「好好受」，大雄秒睡嘅技能，根本就係坐監專用技能！
記得有一集多啦A夢係「黑夜之王」講大雄用咗多啦A夢嘅法寶，點都瞓唔着，唔瞓覺就得，大雄就成晚出咗去玩，成條街冇人，好似成個世界都係大雄咁，佢做乜都得，但慢慢大雄就覺得只有自己一個，連多啦A夢都攰到瞓，結果悶到死，我諗如果依個法寶俾監房嘅人用咗，都幾難捱，sor,係好_難捱！又冇咗一個三份一啦！係監房可以教訓天光係幸福，喺監房瞓唔着係最痛苦，所以我啱啱入冊瞓唔着真係好難捱，成日就係好怕入夜，不過依家好似覺得入夜都幾好，夜晚自己一個人清清地都好浪漫。
身邊朋友問我生活係咪規律左，我諗其中一個就係要計劃瞓覺時間冇錯，係「計」！計住聽日有乜要做，如果多嘢做就冇時間瞓晏覺，多嘢寫，有書睇，與朋友拜山會遲，就要早啲瞓啦，因為以上情況都係冇得瞓晏覺，星期一至三同星期日都大多機會冇嗌交，所以要點齊啡⋯⋯真係痴咗線！我中學時代明明每日六點要起身，但到三點先瞓，返工就夠膽死四點瞓，六點起身去開會，依家坐監竟然計早瞓啲？「啍，都話我坐監唔夠時間用啦！瞓覺都冇時間！」我話「咁你坐埋我嗰份囉！」一騎返我白眼。「有乜所謂啫！」我大打一騎肩頭。「得啦～我同個官講啦！」「OK～」
其實我真係唔明點解可以有人一番倉就熄燈瞓，比我一定做唔到，最近我同房手足新一返倉就瞓，我就做唔到啦，望到枱上一堆未寫嘅嘢未睇嘅書，不過佢早啲瞓都好，可以一人落night😃小弟從來冇試過十二點前瞓，睇嚟依個三份一都同小弟無緣了。
PS：我每封筆友信都有回，有筆友話收唔到，可能係寄失
尚木赴戎
木何懼火
28-4-2021
【手足媽媽公開信】
致各位同路人：
感恩大家對小兒的關愛。
當我從義工朋友手上收到大家的心意卡時，內心充斥着百感交集的感覺。再仔細看着每張卡，從字裏行間感受到大家對小兒的關心和鼓勵，淚已不自覺緩緩留下來。
感謝大家對小兒的愛護，小兒已知悉大家對他的關心，在此無言感激。
最後，藉着此信，感謝各位同路人及認識我的朋友，沒有你的出現，沒有你的幫助，相信我和小兒走的路會比現時更崎嶇，更難行……感謝各位一直以來的伴我同行，謝謝大家！
「一個人的力量是有限；但團結的力量是無限。」
堅持信念
毋忘初心
強媽
共勉之
石牆花 Wall-fare
致各位同路人：
感恩大家對小兒的關愛。
當我從義工朋友手上收到大家的心意卡時，內心充斥着百感交集的感覺。再仔細看着每張卡，從字裏行間感受到大家對小兒的關心和鼓勵，淚已不自覺緩緩留下來。
感謝大家對小兒的愛護，小兒已知悉大家對他的關心，在此無言感激。
最後，藉着此信，感謝各位同路人及認識我的朋友，沒有你的出現，沒有你的幫助，相信我和小兒走的路會比現時更崎嶇，更難行……感謝各位一直以來的伴我同行，謝謝大家！
「一個人的力量是有限；但團結的力量是無限。」
堅持信念
毋忘初心
強媽
共勉之
石牆花 Wall-fare
各位牆外手足,
獄中生活單調，但肯定健康。除了掛住家人，掛住大家之外，一切都安好，今天是星期三，入獄的第六天，開始習慣每天的時間表和獄中一套術語。我一生中亦從未試過規律生活過，真是「唔健康都幾難」。
正如我入獄之前都已強調，心態決定一切。現在就是我學習調整心態的時候，既來之，則安之。牢獄能剝奪我的自由，但不能剝奪我選擇的態度，享受心靈的自由、奔放。
看書就是心靈奔放自由的時間。我現在重讀歷史重要「演說」，漫遊歷史偉人的演說力量。其中分享一段Hamilton，賓夕凡尼亞州律師（1735年）在法庭辯論的演詞，主題是自由的呼聲（cause of liberty），其中一段與他的主題無直接關係，只是作為引子引入主題。那段是講到羅馬凱撒極權時代，Brutus對羅馬人的演講︰「羅馬人民，請看自己所做的，你們在協助凱撒打造枷鎖。而終有一天會用在你們自己身上。」
我不期然聯想中共歷史，甚至中國歷史，多少「忠誠的廢物」協助獨裁者打造枷鎖，用諸於人民身上，剝奪人民的自由。但終有一天，會自食其果。我們當然不是說「要以其人之道，還治其人之身」，但歷史會判他們有罪！
我已很多年沒有做任何筆記，如今竟然看書寫筆記，寫下自己喜歡的字句。可能我出獄後，更能書寫出好的文章。
我相信當我重獲自由的一天或很多年後，我可以輕鬆地講句，都不枉我坐監。更希望的，當然是香港重獲自由的那天。那時候，我們可以一起說，「一切都是值得的」。
每次想起Carol都很心酸，為何要對一個這麼仗儀、勇敢、獨立的女性，用如此重的手段﹖當然不單是Carol，其他初選者身陷囹圄也是這麼的不公義！希望大家代我問候Carol並將她的消息通傳。我亦會試從獄中寫信給她。
李卓人
22/4/2021
獄中生活單調，但肯定健康。除了掛住家人，掛住大家之外，一切都安好，今天是星期三，入獄的第六天，開始習慣每天的時間表和獄中一套術語。我一生中亦從未試過規律生活過，真是「唔健康都幾難」。
正如我入獄之前都已強調，心態決定一切。現在就是我學習調整心態的時候，既來之，則安之。牢獄能剝奪我的自由，但不能剝奪我選擇的態度，享受心靈的自由、奔放。
看書就是心靈奔放自由的時間。我現在重讀歷史重要「演說」，漫遊歷史偉人的演說力量。其中分享一段Hamilton，賓夕凡尼亞州律師（1735年）在法庭辯論的演詞，主題是自由的呼聲（cause of liberty），其中一段與他的主題無直接關係，只是作為引子引入主題。那段是講到羅馬凱撒極權時代，Brutus對羅馬人的演講︰「羅馬人民，請看自己所做的，你們在協助凱撒打造枷鎖。而終有一天會用在你們自己身上。」
我不期然聯想中共歷史，甚至中國歷史，多少「忠誠的廢物」協助獨裁者打造枷鎖，用諸於人民身上，剝奪人民的自由。但終有一天，會自食其果。我們當然不是說「要以其人之道，還治其人之身」，但歷史會判他們有罪！
我已很多年沒有做任何筆記，如今竟然看書寫筆記，寫下自己喜歡的字句。可能我出獄後，更能書寫出好的文章。
我相信當我重獲自由的一天或很多年後，我可以輕鬆地講句，都不枉我坐監。更希望的，當然是香港重獲自由的那天。那時候，我們可以一起說，「一切都是值得的」。
每次想起Carol都很心酸，為何要對一個這麼仗儀、勇敢、獨立的女性，用如此重的手段﹖當然不單是Carol，其他初選者身陷囹圄也是這麼的不公義！希望大家代我問候Carol並將她的消息通傳。我亦會試從獄中寫信給她。
李卓人
22/4/2021
＜囚中感言—母親節／手足＞
星期五探影攝食，他祝所有在囚手足的媽媽生日快樂！母親節快樂！請各位媽媽原諒手足的不孝，沒能夠與她們慶祝母親節。
此外，請各位不要只記住出名的政治犯，還有好多寂寂無名的手足，他們好孤單，請大家多些關心這些手足。
影攝食
＝＝＝＝＝＝＝＝＝＝＝＝＝＝＝＝
影攝食 on Patreon : 囚中感言—母親節／手足
https://www.patreon.com/posts/51039952
支持影攝食
https://www.patreon.com/moviesfeeding
星期五探影攝食，他祝所有在囚手足的媽媽生日快樂！母親節快樂！請各位媽媽原諒手足的不孝，沒能夠與她們慶祝母親節。
此外，請各位不要只記住出名的政治犯，還有好多寂寂無名的手足，他們好孤單，請大家多些關心這些手足。
影攝食
＝＝＝＝＝＝＝＝＝＝＝＝＝＝＝＝
影攝食 on Patreon : 囚中感言—母親節／手足
https://www.patreon.com/posts/51039952
支持影攝食
https://www.patreon.com/moviesfeeding
【寫在六四案判刑前】
自從四月三十日因去年六四案而遭到「二度還押」後，心情也處於「二度倒數」的階段，忐忑地去迎接五月六日的正式判刑。上回才提到，已逐漸適應了這裡的節奏和生活，然後很快一切都要再重新適應一次。
還押跟「泊正」，最大的分別就是探訪的次數。還押是每天都可以探訪的，「泊正」則是每月只有兩次機會，所以這幾天每次見到朗，都有些許「倒數」的鬱悶，這兩個月，至少隔天都可以見她一次，接下來幾個月或許就只能見上數面而已。
在「小事化大」的監獄，只要有少許的轉變，都要花上點時間適應，比如「放風」時間由下午轉為上午的話，一整天的節奏都會截然不同，要花上好一星期才能適應。由每天有探訪，變成每月探兩次，不只是「少許」的轉變而已吧，所以這段時間心情都是有點惴惴不安及忐忑。
雖然在八一八維園案之後，也有一點心理準備，六四案不會罰款或緩刑了事，但在四月三十日，當律師告知最壞可能是九個月監禁作量刑起點時，還是覺得頗難接受。老實說，畢竟我們的罪名，只是在六月四日當晚，中共屠城的三十一周年，坐在維園舉蠟燭而已，竟要有面對數月監禁的可能（相對下因初選案而還押就顯得沒那麼荒誕，苦笑），每次想起都不禁搖搖頭，實在太撚痴線了。
在監獄裡，其中一個術語是「褲」：你有幾多條褲？意思是你有多少條控罪在身？嚴重的控罪叫「大褲」，稍輕的叫「細褲」。比如Owen有一條國安法及一條暴動罪，就是有兩條「大褲」，阿廸有十一條遊行和立法會抗爭相關的控罪，就是有一條「大褲」及十一條「細褲」。六四那條，我本身叫佢「底褲」，但現在看起來是「底褲」變「細褲」，「細褲」變「中褲」（苦笑）。
回想起來，只有一條「細褲」的我，處境相對上不算太糟糕，學黎智英話齋：煮到埋嚟都係要食架啦。要「接受」某件事，需要想通當中的「道理」，不過這可是沒有「道理」可言，不管說法有多「冠冕堂皇」，就是沒有道理可言，只能咬緊牙關撐過去。我就不相信，此時此刻承受的苦難，是毫無意義的。
話說在判刑前，我的頭髮被「處刑」了。朗說了幾遍，我的頭髮好長，於是就舉手要求剪髮。這次替我剪的是一位外籍囚友，問我點剪，我都是「循例」答「cut short」。一向去剪髮都是講「就咁剪短得了」，不知是否語言障礙的關係，他拿起刨子「起勢咁剷」，初時都不以為然，發了一會呆後覺得不對勁：點解仲剷緊？點可惜為時已晚，一回過神來已經是這個模樣，慢必和Owen笑到肚痛，紅都面哂，差不多每個認得我的職員都問：「阿暉，搞乜？」其實還好吧，帶點歡樂給大家，恃著自己頭髮長得很快這點，除了覺得好搞笑外倒沒很在意（不過睇落真係好鳩，尤其是笑的時候），而且老婆都沒「詐型」，OK LA。
岑敖暉Lester
4/5/2021
赤柱監獄
*送上Lester貪靚自拍一張
＊＊＊＊＊
全文同時載於Patreon
https://www.patreon.com/posts/51027625
#岑敖暉 #風雨同行 #獄中書簡
自從四月三十日因去年六四案而遭到「二度還押」後，心情也處於「二度倒數」的階段，忐忑地去迎接五月六日的正式判刑。上回才提到，已逐漸適應了這裡的節奏和生活，然後很快一切都要再重新適應一次。
還押跟「泊正」，最大的分別就是探訪的次數。還押是每天都可以探訪的，「泊正」則是每月只有兩次機會，所以這幾天每次見到朗，都有些許「倒數」的鬱悶，這兩個月，至少隔天都可以見她一次，接下來幾個月或許就只能見上數面而已。
在「小事化大」的監獄，只要有少許的轉變，都要花上點時間適應，比如「放風」時間由下午轉為上午的話，一整天的節奏都會截然不同，要花上好一星期才能適應。由每天有探訪，變成每月探兩次，不只是「少許」的轉變而已吧，所以這段時間心情都是有點惴惴不安及忐忑。
雖然在八一八維園案之後，也有一點心理準備，六四案不會罰款或緩刑了事，但在四月三十日，當律師告知最壞可能是九個月監禁作量刑起點時，還是覺得頗難接受。老實說，畢竟我們的罪名，只是在六月四日當晚，中共屠城的三十一周年，坐在維園舉蠟燭而已，竟要有面對數月監禁的可能（相對下因初選案而還押就顯得沒那麼荒誕，苦笑），每次想起都不禁搖搖頭，實在太撚痴線了。
在監獄裡，其中一個術語是「褲」：你有幾多條褲？意思是你有多少條控罪在身？嚴重的控罪叫「大褲」，稍輕的叫「細褲」。比如Owen有一條國安法及一條暴動罪，就是有兩條「大褲」，阿廸有十一條遊行和立法會抗爭相關的控罪，就是有一條「大褲」及十一條「細褲」。六四那條，我本身叫佢「底褲」，但現在看起來是「底褲」變「細褲」，「細褲」變「中褲」（苦笑）。
回想起來，只有一條「細褲」的我，處境相對上不算太糟糕，學黎智英話齋：煮到埋嚟都係要食架啦。要「接受」某件事，需要想通當中的「道理」，不過這可是沒有「道理」可言，不管說法有多「冠冕堂皇」，就是沒有道理可言，只能咬緊牙關撐過去。我就不相信，此時此刻承受的苦難，是毫無意義的。
話說在判刑前，我的頭髮被「處刑」了。朗說了幾遍，我的頭髮好長，於是就舉手要求剪髮。這次替我剪的是一位外籍囚友，問我點剪，我都是「循例」答「cut short」。一向去剪髮都是講「就咁剪短得了」，不知是否語言障礙的關係，他拿起刨子「起勢咁剷」，初時都不以為然，發了一會呆後覺得不對勁：點解仲剷緊？點可惜為時已晚，一回過神來已經是這個模樣，慢必和Owen笑到肚痛，紅都面哂，差不多每個認得我的職員都問：「阿暉，搞乜？」其實還好吧，帶點歡樂給大家，恃著自己頭髮長得很快這點，除了覺得好搞笑外倒沒很在意（不過睇落真係好鳩，尤其是笑的時候），而且老婆都沒「詐型」，OK LA。
岑敖暉Lester
4/5/2021
赤柱監獄
*送上Lester貪靚自拍一張
＊＊＊＊＊
全文同時載於Patreon
https://www.patreon.com/posts/51027625
#岑敖暉 #風雨同行 #獄中書簡
【給凱晴的信】
我哋剛剛探完凱晴，佢仍然隔離當中。佢話除咗要捱熱之外，主要靠睇書去打發時間。佢希望大家有空可以寄信比佢，為佢解解悶。
寫信注意事項：
內容篇
✅可分享生活點滴、趣事、最近時事、打氣說話
✅可以畫上圖畫（如家中貓貓）
❌切勿透露個人資料
❌切勿提及發夢經歷及寫上抗爭口號
❌切勿寫上有關逃獄的資訊
* 懲教署會預先審查書信，大家寫信時記得好好保護個人私隱
格式篇
✅不大於A4 size的信紙
❌不可賀咭、硬咭紙、立體信紙
* 懲教署規定每位還押人士最多只能收取30張賀咭，多出的賀咭會被放入私人物品箱並丟棄
❌切勿使用附有閃亮效果的墨水筆及使用塗改液或改錯帶
❌切勿附加任何裝飾，如立體信紙、貼紙、閃粉
❌切勿附加任何物品，如書籤
* 懲教署會扣起不合規格的書信
❌信件頁數不得多於四張紙，以雙面計合共八頁
🙇🏻♀️請幫忙計算所需郵費，連同信件一同寄出
🙇🏻♀️請在信件左上方預留空白位置，方便我們加上在囚編號
請將信件郵寄至以下地址:
筲箕灣東大街62-74號泰安閣地下16號舖
by 願景小編
梁凱晴
我哋剛剛探完凱晴，佢仍然隔離當中。佢話除咗要捱熱之外，主要靠睇書去打發時間。佢希望大家有空可以寄信比佢，為佢解解悶。
寫信注意事項：
內容篇
✅可分享生活點滴、趣事、最近時事、打氣說話
✅可以畫上圖畫（如家中貓貓）
❌切勿透露個人資料
❌切勿提及發夢經歷及寫上抗爭口號
❌切勿寫上有關逃獄的資訊
* 懲教署會預先審查書信，大家寫信時記得好好保護個人私隱
格式篇
✅不大於A4 size的信紙
❌不可賀咭、硬咭紙、立體信紙
* 懲教署規定每位還押人士最多只能收取30張賀咭，多出的賀咭會被放入私人物品箱並丟棄
❌切勿使用附有閃亮效果的墨水筆及使用塗改液或改錯帶
❌切勿附加任何裝飾，如立體信紙、貼紙、閃粉
❌切勿附加任何物品，如書籤
* 懲教署會扣起不合規格的書信
❌信件頁數不得多於四張紙，以雙面計合共八頁
🙇🏻♀️請幫忙計算所需郵費，連同信件一同寄出
🙇🏻♀️請在信件左上方預留空白位置，方便我們加上在囚編號
請將信件郵寄至以下地址:
筲箕灣東大街62-74號泰安閣地下16號舖
by 願景小編
梁凱晴
To我愛的xxx及其母親：
又就嚟到咗母親節，逢母親節又喺牆內開工狂畫畫寫卡嘅時候，甚至係比起聖誕節，情人節仲誇張，因為可以唔拍拖，但就一定有阿媽，唔同嘅手足都有唔同嘅反應，有人好緊張，一早就call定出面送花（當然非常感激牆外幫手送花嘅組織，多謝！）都係正常，因為入咗嚟就預咗要承受一份不孝，入咗嚟，最擔心嘅就係屋企人，最傷心嘅亦都係屋企人，先唔好講有手足屋企人還有長期病患或者有經濟困難，但真係入咗嚟，要屋企人操心奔波已經足夠難受，所以成日都講「對得住香港，但對唔住屋企人」，依據說話由19年講到21年。但係另一方面，亦有一班牆內手足嘅屋企人係藍，19年開始至今關係已經決裂，拋左成碌幾，阿媽都只係嚟咗三、四次。有一次喺羅湖已經出冊嘅朋友問我，如果屋企人係藍嘅手足點算，我回答「一早炒咗啦！大家都知乜料，好少會講屋企，心照就得，佢哋都一早有義工睇住，唔使擔心。」因為小弟屋企人都係黃，所以唔可以體會到生於藍絲家庭之中嘅衝突，依個係小弟嘅幸運，不過，小弟屋企人係極左，衝突自然發生...
自從入咗嚟之後，（……）相信依一份擔心係各位母親都共同面對嘅問題，喺依一個亂世之中，要做一位媽媽，係唔容易，如果自己子女要挺身而出，作為母親嘅，又應唔應該支持？一方面知道子女做嘅事係為香港，但另一方面又唔希望子女有危險，就係如此矛盾。至於做仔女，（……）如今喺亂世之中一個母親節都唔係咁容易過，尤其係隔住高牆。
今次冇歷史故事，就分享吓小弟成日講比朋友聽嘅一個故事。幾年前喺泰國有一對足球隊遇難被困山洞，因為休班軍人入內營救，結果不幸犧牲，最後成功救出遇難足球隊，當時我家母同我講「真係唔抵，咁就死咗，你睇吓佢老婆仔女幾慘。」我立即反駁「係你先覺得慘姐，可能佢做咗英雄犧牲，覺得係光榮，如果要佢老死喺病床上先係慘，係，佢可能對唔住屋企人，但如果佢屋企人強迫佢要留喺屋企，又會開心？今次係另類嘅自私。」各位母親嘅出發點係希望自己仔女可以幸福快樂，但如果要佢哋淨係留喺屋企睇電視，佢哋又真係會快樂咩？
可能喺每一位媽媽心目中，自己嘅仔女無論係幾大個，就算手上都抱住孫仔，都會當仔女係細路仔，仲未識諗，但我相信，經歷過咁多事，大家都有自己嘅諗法，有自己嘅方法去行。前幾日睇報紙，有一句話成熟就係接受，唔成熟就係永不妥協，我唔知喺媽媽眼中自己仔女何謂成熟，不過喺《台灣之春》最後引用偉伯名言嘅一段我覺得好啱「真正能讓人無限感動的，是一個成熟的人，真誠而全心地對後果感到責任，按照責任倫理行事，然後在某一個情況來臨時說：「我再無旁觀；這就是我的主場。」相信每一位母親嘅仔女都係清楚責任，唔係衝動，佢哋了解自己嘅行為。
比玻璃隔開，唔能夠觸及，一定會不免心痛，母親節本應係仔仔女女拖住媽媽隻手去食飯行街嘅日子，而家就變咗用過白色有線電話傾偈，但不論你立場如何，如果你仔女揀咗自己嘅路，都請你支持佢，尊重佢，仔女係自己親生骨肉，不過亦係獨立個體，始終都有屬於佢哋自己嘅道路同未來，只有放手同支持，佢哋就會飛俾你睇。
如果今年係一個隔住玻璃嘅母親節，都請以佢為榮。如果唔需要用電話對話，請俾佢一個擁抱（係呀，攬住你阿媽，唔使怕羞。）
尚千赴戎
木何懼火
2/5/2021
又就嚟到咗母親節，逢母親節又喺牆內開工狂畫畫寫卡嘅時候，甚至係比起聖誕節，情人節仲誇張，因為可以唔拍拖，但就一定有阿媽，唔同嘅手足都有唔同嘅反應，有人好緊張，一早就call定出面送花（當然非常感激牆外幫手送花嘅組織，多謝！）都係正常，因為入咗嚟就預咗要承受一份不孝，入咗嚟，最擔心嘅就係屋企人，最傷心嘅亦都係屋企人，先唔好講有手足屋企人還有長期病患或者有經濟困難，但真係入咗嚟，要屋企人操心奔波已經足夠難受，所以成日都講「對得住香港，但對唔住屋企人」，依據說話由19年講到21年。但係另一方面，亦有一班牆內手足嘅屋企人係藍，19年開始至今關係已經決裂，拋左成碌幾，阿媽都只係嚟咗三、四次。有一次喺羅湖已經出冊嘅朋友問我，如果屋企人係藍嘅手足點算，我回答「一早炒咗啦！大家都知乜料，好少會講屋企，心照就得，佢哋都一早有義工睇住，唔使擔心。」因為小弟屋企人都係黃，所以唔可以體會到生於藍絲家庭之中嘅衝突，依個係小弟嘅幸運，不過，小弟屋企人係極左，衝突自然發生...
自從入咗嚟之後，（……）相信依一份擔心係各位母親都共同面對嘅問題，喺依一個亂世之中，要做一位媽媽，係唔容易，如果自己子女要挺身而出，作為母親嘅，又應唔應該支持？一方面知道子女做嘅事係為香港，但另一方面又唔希望子女有危險，就係如此矛盾。至於做仔女，（……）如今喺亂世之中一個母親節都唔係咁容易過，尤其係隔住高牆。
今次冇歷史故事，就分享吓小弟成日講比朋友聽嘅一個故事。幾年前喺泰國有一對足球隊遇難被困山洞，因為休班軍人入內營救，結果不幸犧牲，最後成功救出遇難足球隊，當時我家母同我講「真係唔抵，咁就死咗，你睇吓佢老婆仔女幾慘。」我立即反駁「係你先覺得慘姐，可能佢做咗英雄犧牲，覺得係光榮，如果要佢老死喺病床上先係慘，係，佢可能對唔住屋企人，但如果佢屋企人強迫佢要留喺屋企，又會開心？今次係另類嘅自私。」各位母親嘅出發點係希望自己仔女可以幸福快樂，但如果要佢哋淨係留喺屋企睇電視，佢哋又真係會快樂咩？
可能喺每一位媽媽心目中，自己嘅仔女無論係幾大個，就算手上都抱住孫仔，都會當仔女係細路仔，仲未識諗，但我相信，經歷過咁多事，大家都有自己嘅諗法，有自己嘅方法去行。前幾日睇報紙，有一句話成熟就係接受，唔成熟就係永不妥協，我唔知喺媽媽眼中自己仔女何謂成熟，不過喺《台灣之春》最後引用偉伯名言嘅一段我覺得好啱「真正能讓人無限感動的，是一個成熟的人，真誠而全心地對後果感到責任，按照責任倫理行事，然後在某一個情況來臨時說：「我再無旁觀；這就是我的主場。」相信每一位母親嘅仔女都係清楚責任，唔係衝動，佢哋了解自己嘅行為。
比玻璃隔開，唔能夠觸及，一定會不免心痛，母親節本應係仔仔女女拖住媽媽隻手去食飯行街嘅日子，而家就變咗用過白色有線電話傾偈，但不論你立場如何，如果你仔女揀咗自己嘅路，都請你支持佢，尊重佢，仔女係自己親生骨肉，不過亦係獨立個體，始終都有屬於佢哋自己嘅道路同未來，只有放手同支持，佢哋就會飛俾你睇。
如果今年係一個隔住玻璃嘅母親節，都請以佢為榮。如果唔需要用電話對話，請俾佢一個擁抱（係呀，攬住你阿媽，唔使怕羞。）
尚千赴戎
木何懼火
2/5/2021
《無形牆壁》
獄牆隔絕人與社會的連繫。我入獄一個多月裏，發生了很多大事， 47+12+9+數不清的1。我只能從無表情的報章得知這些「發生了」但缺乏生命力的資訊，沒有網絡熱度和留言，沒有朋友為此事產生共通的情感，我未能為這種社會共感的哀傷而哀傷。這無形牆壁比物理牆壁更清晰地告訴自己坐緊監。
47時，荔枝角山頭上排滿記者。我想盯着記者們，那蘊含着社會關注度的影子。我盯着那幢建築，那排窗戶，他們就在哪裏。二月曾於探訪室與朱凱迪相遇，他向手足向探監師打探水飯房的生存環境，他那份不安，不就跟每個1都一樣嗎？頓時驚覺我擅自把他們想像成巨人。他們把希望留給社會，然後獨自走進盒子般的無形牆壁內。一定很孤獨，一定很孤獨。
過界壁屋後，從無溫度的報章又得知不斷「發生了」，又出現更多的1。孤獨的我也曾無法生吞那份哀傷，是香港人寄我充滿體溫的筆跡，告訴我彼此仍然互通着情感。雖然於無形牆壁內的我仍是孤身一人，但並不寂寞了。
筆尖是能穿透無形牆壁，請繼續寫信給所有的1。
一同呼吸 共命運
劉家棟
獄牆隔絕人與社會的連繫。我入獄一個多月裏，發生了很多大事， 47+12+9+數不清的1。我只能從無表情的報章得知這些「發生了」但缺乏生命力的資訊，沒有網絡熱度和留言，沒有朋友為此事產生共通的情感，我未能為這種社會共感的哀傷而哀傷。這無形牆壁比物理牆壁更清晰地告訴自己坐緊監。
47時，荔枝角山頭上排滿記者。我想盯着記者們，那蘊含着社會關注度的影子。我盯着那幢建築，那排窗戶，他們就在哪裏。二月曾於探訪室與朱凱迪相遇，他向手足向探監師打探水飯房的生存環境，他那份不安，不就跟每個1都一樣嗎？頓時驚覺我擅自把他們想像成巨人。他們把希望留給社會，然後獨自走進盒子般的無形牆壁內。一定很孤獨，一定很孤獨。
過界壁屋後，從無溫度的報章又得知不斷「發生了」，又出現更多的1。孤獨的我也曾無法生吞那份哀傷，是香港人寄我充滿體溫的筆跡，告訴我彼此仍然互通着情感。雖然於無形牆壁內的我仍是孤身一人，但並不寂寞了。
筆尖是能穿透無形牆壁，請繼續寫信給所有的1。
一同呼吸 共命運
劉家棟