//#3 我過咗界(小編：轉去另一監獄) 之後成個幾禮拜終於收到信啦!!! 估唔到一次過收到4個frd 8封信，仲要去3日前嘅信咁update!!! 收到之後第一時間就回信了!! 我覺得人係要到出事先會知邊啲係真朋友，邊啲真係好兄弟嚟。等我出嚟之後去邊都好啦!
最近收音機成日播「#衰喺個掣度」呢首歌，過咗界之後真係好悶，晚晚喺房都聽貓(即係收音機)。另外，#雀蛋post 真係變咗年經，但次次睇都好搞笑，我仲記得以前同中學同學食飯都有講過，好掛住以前9fingfing嘅日子。呢幾日都落雨，冇得打波，過到嚟仲要冇籃球，但依家我日日都跑步同舉水桶，做掌上壓。呢邊啲私飯可以加生果，我想朝早食蕉，夜晚食蘋果，健康人生。
#4 我嘅政治啟蒙呢，我F.2 就已經有去遊行LOL 雨傘呢就，仲記得當年928我出咗去with my best friend 一齊瞓街望住啲黑警叫我地釋出善意、叫我地走，明明前一晚先放晒TG，點會有人睬佢。[以下內容已被小編 censored🥲] 我就同我best friend講，如果可以令到全民覺醒 ，我覺得值得。到後尾場運動膠化咗我都勁頹，加埋啲自己啲嘢，[以下內容已被小編 censored🥲]。嗰段日子應該係我最辛苦嘅日子，依家呢啲真係碎料。
Btw #milktea alliance #中泰twitter大戰 同 #譚得塞post 真係笑死me!
#5 原來呢到星期六日一都唔派信，星期五反而朝早晏晝各派一轉，但實際上都只係收4日信。琴日終於食到私飯了! 相比之下原本嗰到冇咁正，呢度好食啲，但呢到要釘倉食 (小編：喺自己個倉對住廁所食)，又夏天，個倉熱到hihi，食到出晒汗，都真係幾辛苦!
講起學車，棍van一啲都唔難，馬力同扭力夠大，吊一吊極力子就行到，棍波私家車難啲，吊完又要比啖油先去到。不過如果開慣咗就OK。其實咁耐以嚟，我泊車都係麻麻哋XD
起居方面，呢到真係搞唔掂，熱到hihi，出晒汗，張床又硬，又冇乜氈可以舖床，風又吹唔到入嚟，都幾巴，我瞓得好差。// Apr 2020
#手足家書 #還押 #還押手足 #抗爭 #光復 #時代 #反送中 #唯一出路
skylines_at_dawn
最近收音機成日播「#衰喺個掣度」呢首歌，過咗界之後真係好悶，晚晚喺房都聽貓(即係收音機)。另外，#雀蛋post 真係變咗年經，但次次睇都好搞笑，我仲記得以前同中學同學食飯都有講過，好掛住以前9fingfing嘅日子。呢幾日都落雨，冇得打波，過到嚟仲要冇籃球，但依家我日日都跑步同舉水桶，做掌上壓。呢邊啲私飯可以加生果，我想朝早食蕉，夜晚食蘋果，健康人生。
#4 我嘅政治啟蒙呢，我F.2 就已經有去遊行LOL 雨傘呢就，仲記得當年928我出咗去with my best friend 一齊瞓街望住啲黑警叫我地釋出善意、叫我地走，明明前一晚先放晒TG，點會有人睬佢。[以下內容已被小編 censored🥲] 我就同我best friend講，如果可以令到全民覺醒 ，我覺得值得。到後尾場運動膠化咗我都勁頹，加埋啲自己啲嘢，[以下內容已被小編 censored🥲]。嗰段日子應該係我最辛苦嘅日子，依家呢啲真係碎料。
Btw #milktea alliance #中泰twitter大戰 同 #譚得塞post 真係笑死me!
#5 原來呢到星期六日一都唔派信，星期五反而朝早晏晝各派一轉，但實際上都只係收4日信。琴日終於食到私飯了! 相比之下原本嗰到冇咁正，呢度好食啲，但呢到要釘倉食 (小編：喺自己個倉對住廁所食)，又夏天，個倉熱到hihi，食到出晒汗，都真係幾辛苦!
講起學車，棍van一啲都唔難，馬力同扭力夠大，吊一吊極力子就行到，棍波私家車難啲，吊完又要比啖油先去到。不過如果開慣咗就OK。其實咁耐以嚟，我泊車都係麻麻哋XD
起居方面，呢到真係搞唔掂，熱到hihi，出晒汗，張床又硬，又冇乜氈可以舖床，風又吹唔到入嚟，都幾巴，我瞓得好差。// Apr 2020
#手足家書 #還押 #還押手足 #抗爭 #光復 #時代 #反送中 #唯一出路
skylines_at_dawn