痴痴率先回覆大家嘅生日祝賀：
多謝大家嘅祝福。首先🤣呢度好凍，唔夠衫著。大家近排搞緊咩啊？記住啊，好多野唔係得個口號架，立場要鮮明，要做野。得閒睇吓歷史、政治書，認識下我哋嘅制度，仲有要留意下自己大廈業主法團！唔好掛住吃喝玩樂，食黃店唔夠架。
————————
叮囑大家唔使擔心痴痴，雖然又老左一歲，但佢仍係一個人見人愛嘅小妹妹。冇俾人蝦，個個爭住疼錫佢。
附上一張呢個星期先收到佢嘅一幅聖誕畫。寄信需時，節日已過，但每位在囚手足都希望自己仍有可以感染他人嘅力量，所以想同大家分享下痴痴呢幅畫嘅意念：呢一年大家都幾經滄桑如圖中聖誕老人，即使路再艱辛，保持初心，微笑迎接挑戰。

但願大家會有耐性一齊撐落去。

#在囚手足 #yellowsupports #手足生日快樂

黃色助人圈yellowsupports

🎄聖誕卡資訊~🎄

就嚟到聖誕節啦，都係時候買定聖誕卡俾牆內手足寫下卡！

記得聖誕卡只可以入單層、冇機關、冇閃粉，總之最簡單嗰種就啱架啦！

男監而家可以無需申請下直接入 10 張聖誕卡 + 10 張信封 + 1 本郵票（10 張 $2.2），但記住要三樣野同時入，就算牆內手足唔寫卡都可以照入，當入多本郵票！

女監就需要牆內手足申請「聖誕卡郵票」，先可以入聖誕卡同時入郵票，所以記住提手足申請！但係只限聖誕入一次郵票，下一個月入卡都係好似平時咁，淨係可以入 10 張卡連信封！

暫時已知入到聖誕卡連郵票嘅監房：赤柱、壁屋（成人）、塘福、大欖女、羅湖

—

至於寄聖誕卡俾手足當然都可以，不過請大家手下留情，監房規矩每人只可以 keep 住 20 張卡，多過 20 張就要扔或者出翻俾屋企人。同埋如果手足收到嘅聖誕卡數量過多，都會影響佢收日常信嘅速度🥲

根據過往經驗，郵局聖誕信件截郵日大概係聖誕前一星期，想寄聖誕卡俾牆內親友，睇住時間啊！

大家探訪嘅時候留意下！預祝各位牆內牆外嘅手足聖誕快樂~🎄🎄🎄

—

候鳥服務熱線｜6012 5534
#候鳥 FB / IG｜waitingbirdhk

🫂 候鳥產品｜候鳥平安包 #linkinbio
💛 歡迎隨緣購買，和候鳥一起幫助更多有需要人士

#候鳥 #平安包 #waitingbird #在囚 #支援 #在囚支援 #在囚物資 #在囚手足 #香港 #hongkong #同行 #重生

候鳥在囚支援