[大粒☁️Admin]
雖然唔係咩大時大節…
但都想大家多啲寫信俾三粒星🙏🏻

雖然佢地成日話冇事、唔洗擔心、安好之類
但呢啲說話 信個七成就好🥲始終坐得耐 間唔中都會有啲情緒… 何況而家寫信時差好勁🥴想用書信作為陪伴都難🤦🏻‍♀️只係希望佢地情緒低落嘅個一日 會係有信收嘅一日
拜托大家了🙏🏻一齊撐住三粒星🌟

📬筆友探訪計劃：
與三粒星（其中一個or more）保持來回寫信三個月嘅筆友，如果有興趣去探佢地嘅話，請dm admin或用telegram聯絡 @saamlapsing_jh🤍
雖然未完全開放探訪，但搞得嚟差唔多～
btw面對面傾偈好爽㗎😆唔洗等覆 有咩直接講！
-
-
唔慣寫信 唔想探訪嘅…
考慮下subscribe patreon吖🌟
Link in bio🙏🏻
#saamlapsing
#三粒星
#save12hkyouths

saamlapsing

［上庭後記］
有留意法庭文字直播嘅手足 應該都見到啦～
上次4月25號三粒星上庭👩🏻‍⚖️
➡️係 咩 進 展 都 冇 嘅🥱🥱🥱
「控辯雙方指仍需時處理轉介至高院的文件，以及索取法律意見或申請法援，申請押後。」
案件押後到7月4日下午2點半👩🏻‍⚖️
（admin到時早一個禮拜再提大家🙋🏻‍♀️）
-
旁聽可以一次過見哂三粒星真人 so cute😂佢哋三隻野係被告欄入面同我哋打眼色👀 章魚星仲回我一個心心手勢🫰🏻（笑）雖然後來去探呆星嘅時候 佢話叫我哋唔洗特登去旁聽啦🤷🏻‍♂️反正有排都開唔到審咁話（苦笑）但問心邊個會想見到旁聽席空空如也吖… 就算只係見到一面 一個眼神交流都好吖 至少知道有人支持佢哋嘛！
所以大家有時間真係要多啲去旁聽呀✊🏻
-
上圖記錄咗金毛豬admin跑得勁快送囚車嘅畫面🏃🏻好彩我都追得切🤪平時練下體力真係好重要！
*
*
*
請支持三粒星嘅patreon🌟
Link in bio🙏🏻
#saamlapsing
#三粒星
#save12hkyouths

saamlapsing

外星人～

Hay~唔知大家知唔知我同章魚升左Cat A未呢？反正我已經係一個Cat A了😵以後成日都要坐鐵威龍？⋯諗起都頭痛！

近排報紙成日報有啲關於國安法啲case等開審等好耐⋯唔坐唔知程序慢，地院等2-3年開審大家知la! High Court Case 嗰啲隨時要等個4,5年先開審！點解冇人會表示關注嘅呢？？我真係R晒頭~

BTW我新落嘅期數得20人😑其中30歲以後下嘅得3個⋯我瞬間覺得自己入咗老人院LOL 😂
好！悶！吖 😴

唔孤獨嘅浮標～（靚仔星）

#三粒星
#save12hkyouths

saamlapsing 

唔知大家有無疑惑點解，我哋近期絕少更新棨然的更況？

老實講家書、生活費，我家每月仍有投寄、匯款。可惜自二月中後開始，我家一直亦未有收到棨然的任何信件。
所以一直只能繼續透過獄方，就每月對棨然情況的有限資訊更新，得知棨然的近況。例如過往因哮喘發作，所以需要接受獄內治療，及後更被評為 病的級別； 之後曾於獄內的考核理想獲加分，但早前亦分唔兩次違規而被扣共十一分。

可是，本月的獄方資訊，不單未有任何棨然情況的更新，而且更發現原來自五月後，棨然每月的支岀收入並未有更新或作任何記錄，更連我家每月所支付的生活費亦未有記錄，而且更未有扣減到任何棨然的罰款！！！
(11/7/2022最新一次查閱棨然資訊日期）

所以不禁令我家擔心，仍因此近月未能再為大家帶上棨然的消息。😢

#求集氣 #save12hkyouths #save12 #bringthemallback #鄧棨然 #我們不只一個數字 #save12hkyouth

yanlegobrother 

記得dm 我地拎新號碼呀！

寫好寄唔到比佢地就白廢心機喇！

#寫信師
#save12hkyouths

三粒星

然媽媽: 呢封信第二次打回頭，冇呢個人，好擔心佢

同一封信，寄咗兩次，都話無人領取！！！
姐係點，第一次當寫錯地址，第二次係咩原因？😭😭😭😭 打完電話又話要問，叫我等。 唔通真係要上訪？

#save12 #save12hkyouths #鄧棨然 #bringthemallback

yanlegobrother

縱使棨然可能已經被剝奪消費及通訊權，甚或被禁閉的當中，失去了一切權利，只能生活於一個只有狹窄細小的空間，但我相信每次的扣分，都證明着棨然仍舊在努力的對抗當中，即使面對持續的思想改造。

我家唔會輕易放棄，希望其他手足的家人、朋友一樣，即使親人已被判刑或候審當中，過程縱然艱辛，但不要忘記我哋絕不孤單。

今日受到一個朋友非常重要的提醒

朋友:冇麻煩嗰樣嘢，我哋唔理得咁多了，否則咩都做唔到 👌💪🫶

雖然唔知有無用，但懇請大家一齊寫生日卡或簡單的問候予棨然，並且直接寄到從化監獄。讓獄方知道，即使我哋分隔兩地，但大家並從未有忘記、遺忘棨然！獄方唔能夠為所欲為。

從化監獄 通信地址 :
廣東省廣州市從化區鰲頭鎮聚豐北路623號 從化監獄 專用信箱（011）鄧棨然收

回郵地址:
尖沙咀郵箱98697號 （即使大家的信彈回頭，我哋都可以收集得到🙇🏻‍♂️）

#save12 #save12hkyouths #save12hkyouth #鄧棨然 #我們不只一個數字 #bringthemallback

yanlegobrother

判左12港人單妨礙司法公正案後都冇update三粒星狀況，都多嘢煩，遲左d唔好意思🙏🏼

呢單案大概意思就係12港人互相幫助大家去實行逃離計劃，所以就妨礙左司法公正咁啦。最終判左15個月，認罪扣1/3。實判10個月。

佢地3個由22/3/2021年返到香港就一直還狎，所以到判12港人案都夠用還狎日子找數。佢地3個仲係還狎人士身份。囚犯編號就3個都換左新號碼。

雖然已經坐完妨礙司法公正單案，但1208單案仲未排到期開審，所以都係繼續還狎，出獄無期。

轉號碼呢件事其實都反映到懲教d程序同制度都幾On9而且唔重視囚權。下個post再詳細解釋。

留意返 #羊村繪本案 會喺7/9 裁決。連意圖都唔洗證明！荒謬到唔知講咩好！

#save12hkyouths
#bringthemallback

saamlapsing

[金毛豬admin]
大家好呀好耐冇見，其實一路都有去探富仔～不過由於我哋講啲嘢實在太無聊講出嚟都會悶親大家🤣例如係打機發現到有人用緊佢account，佢勁驚自己個Account俾人玩到衰咗嗰啲🤣所以都冇同大家講啦

近排又幫富仔報咗嚟緊9月學季既會計課程，佢話我上次報個啲好難，所以今次報左易啲嘅俾佢讀！有一科仲要有出面嘅會計行認證！要加油呀富仔！

又講到近排我食過嘅好嘢，佢流晒口水，話出返嚟要我請佢食晒講過嘅餐廳🤣🤣想食窮我！

今日戴住新產品去探左富仔，佢話：嘩！終於到左！正！
有一兩盒已經出咗俾身邊家人朋友，富話多謝佢哋，同埋多謝嚟緊會買既大家！多謝大家仲會支持佢哋咁樣～

*
*
*

請多多支持三粒星嘅Patreon
#save12hkyouths
#saamlapsing
#Threestars

https://www.patreon.com/saamlapsing

saamlapsing

《致 棨然的一封信》

兒子、哥:

轉眼一年又中秋，唔知度你嘅月亮有無屋企依邊咁圓呢？雖然唔知何年何月才能與你擁抱共聚，但不論如何家中總為你留下一席，要好好休息、保持身心健，返到屋企一齊食你最愛的菜式，好好暢談一番。

請務必持守你的信仰，千萬不要遺忘在你背後默默關心、支持你的香港人、朋友及家人❤️

祝
中秋節快樂
媽媽、弟上

#大家中秋節快樂 #人月兩團圓 #bringthemallback #yanbrother #撐手足撐到底 #save12hkyouths #我們不只一個數字 #鄧棨然
#12hkyouth #星火同盟 #尖沙咀郵箱98697號 #香港人 #香港人加油 #yanlegobrother

yanlegobrother

各位中秋節快樂啊，探完富仔update下：

一入拜山房，一開倒數計時，大家第一句都係：「中秋節快樂！」
富仔好開心同我講話今朝食咗大餐。 大餐有： 自家製蛋糕+凍檸茶🤣（蛋糕即係M&M+消化餅溝埋一齊，通常生日或者大時大節佢哋都會咁樣慶祝！）係一個豐盛嘅早上🤣

同佢分享睇完周國賢演唱會，佢2隻眼發晒光，話自己近排都係貓仔（收音機）聽到腎仔最新嗰首太平道！唔好睇少佢哋呀，佢哋D消息跟得好貼架！新歌肯定熟過我同你。

我同富講聽《今生不回家》嘅時候諗起佢地時喊左出嚟，佢話：「唉～我都好想睇埋腎仔演唱會呀🥲」為左氹佢開心，我都買左件演唱會tee比佢嫁～遲d入衫送個小驚喜比佢，大家幫手保守住呢個小秘密先，件衫9月底先收到貨🤐

讀書方面啱啱收到學校嘅receipt,相信好快就會有教材到手喇！要加油呀富仔！

中秋佳節未必個個都可以團圓
大家要好好珍惜身邊人，互相撐落去🖤

小插曲：因為咁啱呀邦（3c電話維修老闆）係隔離窗，佢見到我戴住嘅三粒星口罩跟住話好靚！再次多謝晒各位支持！

大家記得聽日11/9 後日12/9 去自取點拎口罩喇！另外！好景會有現貨開賣～希望11/12號大家嚟捧下場！

*
*
*

請多多支持三粒星嘅Patreon
#save12hkyouths
#saamlapsing
#Threestars

https://www.patreon.com/saamlapsing

三粒星

[大粒☁️Admin]
探完阿銘🐙⭐️update大家:

阿銘前排病咗🤒收到佢話病個封信嘅時候 佢已經好番啦🤥探佢嘅時候更加係龍精虎猛😂🤦🏻‍♀️

一行入去就見到佢剪咗個新髮型😂佢問我好唔好睇～我反問佢係咪一定要剪🙊佢話唔係 係佢自己想剪👻我好坦白咁講：唔好睇😂太短啦💩

傻仔銘由9月開始讀番書啦📚好努力自我增值呀😚佢讀緊Maths同Physics嘅課程📉大概下年1月就要考試！佢話要用英文讀好辛苦😂日日都係渡查字典咁話喎😂笑死！幫佢徵識maths同physics嘅筆友，指點下迷津！

📍地址：上環郵政信箱📪33496號

同佢講到我之前去咗睇林家謙演唱會😆有好多感動嘅位🥹問佢有冇聽過「記得」呢首歌～佢話唔記得有記得呢首歌😂下次要寄啲歌詞俾佢睇下先得！

跟住講咗最近賣口罩嘅事！佢話多謝大家支持&辛苦哂咁多位admins🙏🏻佢話除咗多謝都唔知可以做咩🙈我叫佢多啲寫信覆下大家就得（你地知佢幾懶寫信㗎啦😂）

跟住講咗少少我地自己感情上嘅問題…咁就15分鐘🫠快到傻咗🫠臨尾諗住佢竟然咁好死 今日冇話我肥 點知佢最後都講咗句：「睇得出你今日著呢件衫係想遮住個肚腩啦🤣👇🏻」屌！😂俾佢走甩咗！冇時間還擊添😂🤣
-
p.s. 今日上庭again🙏🏻希望順利
-
📬筆友探訪計劃：
與三粒星（其中一個or more）保持來回寫信三個月嘅筆友，如果有興趣去探佢地嘅話，請dm admin或用telegram聯絡 @saamlapsing_jh 🤍
-
唔慣寫信唔想探訪嘅…
考慮下subscribe patreon吖🌟
Link in bio🙏🏻
#saamlapsing
#三粒星
#save12hkyouths

三粒星

探監日常
Hello大家好呀，今日又探富仔喇～

終於被懲教罰完1個月水記落返山，富又堅強咁渡過呢30日單獨囚禁，幸好仲精精神神。富最近又輕左，而家重68kg，然後就bully我笑我肥🥲又笑我操得線條唔夠靚。跟住開始同我講gym經喇。

富仔想將做gym經驗分享下俾大家知：佢話如果減肥就係咁操腳同一個星期做兩次帶氧，跑步個啲。

🧐唔知由幾時開始變埋做gym導師！重點係！！佢同我講話想食零食叫我入多啲俾佢！嗰頭話自己輕左keep得好好，轉個頭就想食零食！！我會努力入零食比佢，等佢肥左再恥笑佢！

富仔近排忙緊功課，好似多咗幾條白頭髮添啊，睇得出真係好努力！希望大家都寫信幫佢加油！用文字書信陪佢繼續行落去。

Case方面，幾時上庭，審幾耐都未知，只能夠等，無嘢可以做住。

最後，希望大家都可以繼續支持三粒星！

*
*
*

請多多支持三粒星嘅Patreon
#save12hkyouths
#saamlapsing
#Threestars

https://www.patreon.com/saamlapsing

saamlapsing

大家好，遲嚟嘅聖誕快樂呀！

今日係富仔生日，祝佢生日快樂！

佢話好想快啲出返嚟慶祝下生日同埋聖誕節，大大話話都有成三年冇慶祝啦。希望單案可以快啲排到期，想件事快啲完，咁大家就可以出嚟慶祝返補祝🥲

嚟緊新年，希望大家都繼續寫信俾三粒星同埋其他手足，大家留意下法庭資訊會見到23年會有好多手足嘅審判正式開始，越嚟越多手足會有機會被坐監。

到今時今日都仲有好多嘢可以做到，寫信關心支援係最簡單可以做到嘅嘢！

預祝各位新年快樂，最緊要平平安安！

P.S.我哋以前真係成日食雞煲慶祝 佢都好想快啲食🥲一定好快可以！

*
*
*

請多多支持三粒星嘅Patreon
#save12hkyouths
#saamlapsing
#Threestars

https://www.patreon.com/saamlapsing

saamlapsing