小編探訪札記 #1
小編代表小杰感謝眾多位的訂閱及支持，你們每一個留言，小編都有Cap圖寄給小杰，讓他即使在牆內都可以感受到大家的溫暖。
小杰已經寄出了第一封給Patreon的信，小編與大家一樣熱切期待中。小編收到信件後將會第一時間讓大家（訂閱會員）閱讀，請耐心等候。
在等待小杰信件的過程，讓小編先跟大家交代一下小杰近況。
以下為可公開閱讀的小編探訪札記。
－－－－－－－－－－－－－－－
#2022年1月1日
#荔枝角收押所
#1
小杰表示「好掛住大家」，由於佢本身有長期病患，所以要申請見收押所醫生，而家佢要留喺收押所醫院裡等兩日。喺收押所醫院裡面，佢瞓到兩三個鐘。我問佢「飯係咪好難食？」佢點頭表示難食，考慮想訂兩星期嘅私飯。
佢話收押所醫院係一個好差好差好差嘅地方，周邊嘅人唔係白粉佬就係喺出面同人打交所以拉入嚟，佢喊住同我講：「好難受。」小杰係一個好少喊嘅人，就算喊都好少嚎哭。今日見到佢嘅狀態，可以話係我從未見過的，我自己望到佢我自己都好難過。
佢喊住講：「可唔可以幫我搵個勁啲嘅律師，我想上訴成功，我唔想坐監。」 當時我哋兩個都已經泣不成聲。我答佢「我一定會幫你同出面嘅人講。」
我問佢見唔見到當日送囚車嘅人，佢話其實佢只係見到我。當時車上係坐滿懲教人員，「但係佢哋全部人都笑鳩你。」講到呢到小杰再喊，我諗當時車上嘅人一定係講咗好多好難聽嘅說話，彷彿要羞辱小杰咁，我感受到佢覺得好難受。由於我哋嘅對話係被監聽住，所以我唔想再問佢details，我只係同佢講：「唔洗理佢哋，最緊要你見到我就得喇！」但我同佢講其實好多人送佢車。
15分鐘好快，交代一下工作同屋企人情況就差唔多夠鐘，佢話只係坐咗一晚，好似坐咗兩個月咁。我不停叫佢「忍耐！我每日都會喺到！有好多朋友喺到！你個Patreon 已經過100人喇！」佢臉上沒有露出笑容。最後講一句「我愛你，聽日見。新年平安。」個鐘就響，電話被cut。
－－－－－－－－－－－－－－－
「被時代拆散，才道別那樣難」，小編相信小杰一定可以戰勝離別、孤獨、改變。
衷心多謝關注小杰的每一位。
小杰SiuuKit Patreon
小編代表小杰感謝眾多位的訂閱及支持，你們每一個留言，小編都有Cap圖寄給小杰，讓他即使在牆內都可以感受到大家的溫暖。
小杰已經寄出了第一封給Patreon的信，小編與大家一樣熱切期待中。小編收到信件後將會第一時間讓大家（訂閱會員）閱讀，請耐心等候。
在等待小杰信件的過程，讓小編先跟大家交代一下小杰近況。
以下為可公開閱讀的小編探訪札記。
－－－－－－－－－－－－－－－
#2022年1月1日
#荔枝角收押所
#1
小杰表示「好掛住大家」，由於佢本身有長期病患，所以要申請見收押所醫生，而家佢要留喺收押所醫院裡等兩日。喺收押所醫院裡面，佢瞓到兩三個鐘。我問佢「飯係咪好難食？」佢點頭表示難食，考慮想訂兩星期嘅私飯。
佢話收押所醫院係一個好差好差好差嘅地方，周邊嘅人唔係白粉佬就係喺出面同人打交所以拉入嚟，佢喊住同我講：「好難受。」小杰係一個好少喊嘅人，就算喊都好少嚎哭。今日見到佢嘅狀態，可以話係我從未見過的，我自己望到佢我自己都好難過。
佢喊住講：「可唔可以幫我搵個勁啲嘅律師，我想上訴成功，我唔想坐監。」 當時我哋兩個都已經泣不成聲。我答佢「我一定會幫你同出面嘅人講。」
我問佢見唔見到當日送囚車嘅人，佢話其實佢只係見到我。當時車上係坐滿懲教人員，「但係佢哋全部人都笑鳩你。」講到呢到小杰再喊，我諗當時車上嘅人一定係講咗好多好難聽嘅說話，彷彿要羞辱小杰咁，我感受到佢覺得好難受。由於我哋嘅對話係被監聽住，所以我唔想再問佢details，我只係同佢講：「唔洗理佢哋，最緊要你見到我就得喇！」但我同佢講其實好多人送佢車。
15分鐘好快，交代一下工作同屋企人情況就差唔多夠鐘，佢話只係坐咗一晚，好似坐咗兩個月咁。我不停叫佢「忍耐！我每日都會喺到！有好多朋友喺到！你個Patreon 已經過100人喇！」佢臉上沒有露出笑容。最後講一句「我愛你，聽日見。新年平安。」個鐘就響，電話被cut。
－－－－－－－－－－－－－－－
「被時代拆散，才道別那樣難」，小編相信小杰一定可以戰勝離別、孤獨、改變。
衷心多謝關注小杰的每一位。
小杰SiuuKit Patreon
小編探訪札記 #2
當《探訪札記 #1》發佈後隨即收到各位的留言及私下訊息，小編已將大家的文字收入信封內，小編代表小杰感謝眾多位的訂閱及支持，讓他即使在牆內都可以感受到大家的溫暖。
在等候小杰的第一封來信時，讓小編繼續為大家交代一下小杰狀況。
以下為可公開閱讀文章：
－－－－－－－－－－－－－－－
#2022年1月2日
#荔枝角收押所
#2
今日一見面，佢終於有啲笑容同我打招呼，佢話自判決以來終於在今早去咗一次大廁所，不過佢依然只會用3分鐘去沖完一個涼，因為廁所嘅衞生太惡劣。昨晚睡覺同樣瞓到三個鐘左右，不過佢話都係喊住瞓，好掛住佢愛錫嘅人。
昨日第一次見佢嘅時候，15分鐘裡面有10分鐘我哋都係喊住講，今日我諗只係得5分鐘係喊住講。我問佢係咪好啲，佢話適應中，但心情係平穩咗。我話佢個Patreon 好叻，好多人俾月費，佢就即喊「我一蚊都唔想要，我只係想出番嚟咋！」
由於呢兩日都係紅日，佢仲未見到醫生同埋福利官，所以好多申請都未辦妥，探訪名單亦都未update，暫時只係我同杰妹探到佢。佢喺醫院裡面「好撚悶」，只可以食瞓同睇20吋大的電視。不過佢聽聞自己聽日可以出院，過埋聽日，啲安排就應該會正常番。
佢已經收到日用品同零食，但佢話望都冇望到一眼，朱古力已經被其他囚友「換哂」，一包朱古力都冇剩，反而換嚟好多煙，我問佢個「換」係咪你自願㗎？佢扁嘴擰頭。總之叫我聽日再入多啲朱古力俾佢，我諗都係獄中社交一環喇，唔開心梗有㗎喇。
最後仲有兩分鐘，佢喊「又得番兩分鐘咋，我好掛住你呀」我話我每日都會喺到，我話你喺我面前想喊就喊唔好扮過得好好，鬱喺心好辛苦，佢點頭繼續喊。兩分鐘過去之後，隔離個囚友拍佢膊頭，教咗佢一招點樣賺時間見到我幾秒，就係不停喺走廊左右行，佢都叫我喺電話亭走廊左右行，你行住懲教就以為你番緊囚室，然後你就會見到有經驗嘅家屬同囚友一完咗都會不停咁左右行，場面有點搞笑。最後賺多咗十幾秒時間揮手講bye bye。
小杰 SiuuKit Patreon
當《探訪札記 #1》發佈後隨即收到各位的留言及私下訊息，小編已將大家的文字收入信封內，小編代表小杰感謝眾多位的訂閱及支持，讓他即使在牆內都可以感受到大家的溫暖。
在等候小杰的第一封來信時，讓小編繼續為大家交代一下小杰狀況。
以下為可公開閱讀文章：
－－－－－－－－－－－－－－－
#2022年1月2日
#荔枝角收押所
#2
今日一見面，佢終於有啲笑容同我打招呼，佢話自判決以來終於在今早去咗一次大廁所，不過佢依然只會用3分鐘去沖完一個涼，因為廁所嘅衞生太惡劣。昨晚睡覺同樣瞓到三個鐘左右，不過佢話都係喊住瞓，好掛住佢愛錫嘅人。
昨日第一次見佢嘅時候，15分鐘裡面有10分鐘我哋都係喊住講，今日我諗只係得5分鐘係喊住講。我問佢係咪好啲，佢話適應中，但心情係平穩咗。我話佢個Patreon 好叻，好多人俾月費，佢就即喊「我一蚊都唔想要，我只係想出番嚟咋！」
由於呢兩日都係紅日，佢仲未見到醫生同埋福利官，所以好多申請都未辦妥，探訪名單亦都未update，暫時只係我同杰妹探到佢。佢喺醫院裡面「好撚悶」，只可以食瞓同睇20吋大的電視。不過佢聽聞自己聽日可以出院，過埋聽日，啲安排就應該會正常番。
佢已經收到日用品同零食，但佢話望都冇望到一眼，朱古力已經被其他囚友「換哂」，一包朱古力都冇剩，反而換嚟好多煙，我問佢個「換」係咪你自願㗎？佢扁嘴擰頭。總之叫我聽日再入多啲朱古力俾佢，我諗都係獄中社交一環喇，唔開心梗有㗎喇。
最後仲有兩分鐘，佢喊「又得番兩分鐘咋，我好掛住你呀」我話我每日都會喺到，我話你喺我面前想喊就喊唔好扮過得好好，鬱喺心好辛苦，佢點頭繼續喊。兩分鐘過去之後，隔離個囚友拍佢膊頭，教咗佢一招點樣賺時間見到我幾秒，就係不停喺走廊左右行，佢都叫我喺電話亭走廊左右行，你行住懲教就以為你番緊囚室，然後你就會見到有經驗嘅家屬同囚友一完咗都會不停咁左右行，場面有點搞笑。最後賺多咗十幾秒時間揮手講bye bye。
小杰 SiuuKit Patreon
小編探訪札記 #3 #4
歡迎各位留言及私訊，小編會定期Cap圖print out寄到小杰手上，因此你們對小杰的說話及支持，他會完全接收得到！（不用擔心，小編不覺辛苦）
－－－－－－－－－－－－－－
#2022年1月3日
#荔枝角收押所
#3
今日同樣面帶笑容同我打招呼，當然唔係燦爛嗰種，但尚算可以，感覺佢又再適應多啲了。一開口就話受其他囚友所托，要我幫手帶口訊，原來真係有呢啲文化。處理完之後，佢話今早做咗好多嘢，終於見咗醫生同福利官，醫生話已經可以出院，不過暫時未有懲教職員帶佢走，希望今日下午佢就可以去番正常嘅期數（可理解為班房）。我再一次提佢申請私飯，佢又話忽然唔申請了，唔想浪費錢咁話，我即刻同佢講：「傻㗎？幾抵都申請！我話你聽而家我哋富可敵國！幾貴嘅私飯都俾得起，你同我食到2月11號！」佢被我堅定嘅眼神說服了，佢：「好喇，我陣間去入紙喇。」另外探訪朋友名單終於寫咗喇！不過未寫哂，因為啲懲教做嘢好趕急，有啲人名未寫到，聽日再見福利官就可寫埋其他。申請咗郵票、眼鏡盒、收音機，等探訪人士聽日去交錢。
另外，佢今早寄咗封信出去俾我，裡面當然有啲說話要我同大家講或者打上Patreon，等我收到信之後就會第一時間話俾大家知。
食屙瞓方面都係咁喇，瞓到兩三個小時，未屙到，食飯唔食餸。佢話醫院裡面隔離嗰個成日賴屎賴尿，廁所又冇門，所以一有人屙屎就會臭足全間房，令佢難以入睡。
今日見面15分鐘裡面，基本上喊住講嘢嘅時間大約只有1分鐘，而佢都只係眼濕濕冇再流眼淚，我哋雙方都進步咗好多。第三日嚟講，佢適應力好強，我覺得佢好叻。仲識得問我：「你有冇開心啲呀？」然後我同佢分享咗我買咗部相片打印機，咁就隨時可以print相入俾佢，佢：「咁叻呀？」，仲識得問下佢妹妹個BB近況。
15分鐘過去，大家都學識咗嗰招「喺走廊左右行」，賺得一秒得一秒見面。用口形講咗句「我愛你」，佢就入番去了。
－－－－－－－－－－－－－－
#2022年1月4日
#荔枝角收押所
#4
今日佢手揸住一本我揀俾佢嘅書《What If 如果這樣，會怎樣？》（古怪趣問正經認真科學妙答書）踏入探訪電話亭，意味住我1月1日入俾佢嘅嘢終於到佢手。佢用我入俾佢嘅河粉（我隻貓）相當作書籤。笑住同我打招呼然後同我講呢本書好深，我即刻笑出聲：「你咁多時間自己慢慢用腦諗下喇！」我哋雙視而笑。
我哋嘅對話終於有啲突破，唔再單單講「我好掛住你呀好想出嚟呀」嗰啲說話，佢開始講佢裡面嘅生活係點。0630就會起身梳洗食早餐，然後會去一個day room嘅地方活動，可以睇電視、閱讀、傾計、寫信。可喜嘅係佢已經出咗院，去咗某一個期數，終於見番同案嘅D3被告，叫做有個照應。佢話期數裡面啲人正常啲，竟然夾手夾腳喺房內做清潔同埋洗佢哋個廁所，大家都頂唔順衛生情況。佢而家瞓碌架床嘅下格床。由於疫情關係，由出面入嚟收押所嘅人均需去某一個地方隔離21日，所以佢而家屬於隔離群體，因此唔可以落操場打波，只可以留喺班房入面做自己嘢。每晚最後聽完鄭子誠嘅音樂情人之後院所就會熄燈瞓覺，不過多數佢都會喺床上面輾轉反側兩三個鐘先瞓得着。
令人氣餒嘅事係探訪名單雖然已經寫哂，但係前台嘅懲教人員仲未update data，所以今日有位朋友都係白行一趟，未能夠探訪佢。佢話佢好希望每一日都有人探佢，叫我好好安排，我同佢講放心，我已經打爆咗佢個schedule。
今日順利入咗眼鏡盒同埋郵票俾佢。
最後我問佢仲有冇喊住入睡，佢話昨晚都仲有但係喊少咗喇，我忍不住喊：「你喊少咗我其實係安心咗，但同時間我唔想你係習慣咗呢到！」佢安慰我：「我冇習慣到呀，我記得我係因咩事入嚟，我一直都記住。」15分鐘又完，喺呢到係會完全顛覆我對15分鐘嘅概念，好似眨吓眼就冇咗。我哋依舊左右行，一路笑一路揮手bye bye。
小杰 SiuuKit Patreon
歡迎各位留言及私訊，小編會定期Cap圖print out寄到小杰手上，因此你們對小杰的說話及支持，他會完全接收得到！（不用擔心，小編不覺辛苦）
－－－－－－－－－－－－－－
#2022年1月3日
#荔枝角收押所
#3
今日同樣面帶笑容同我打招呼，當然唔係燦爛嗰種，但尚算可以，感覺佢又再適應多啲了。一開口就話受其他囚友所托，要我幫手帶口訊，原來真係有呢啲文化。處理完之後，佢話今早做咗好多嘢，終於見咗醫生同福利官，醫生話已經可以出院，不過暫時未有懲教職員帶佢走，希望今日下午佢就可以去番正常嘅期數（可理解為班房）。我再一次提佢申請私飯，佢又話忽然唔申請了，唔想浪費錢咁話，我即刻同佢講：「傻㗎？幾抵都申請！我話你聽而家我哋富可敵國！幾貴嘅私飯都俾得起，你同我食到2月11號！」佢被我堅定嘅眼神說服了，佢：「好喇，我陣間去入紙喇。」另外探訪朋友名單終於寫咗喇！不過未寫哂，因為啲懲教做嘢好趕急，有啲人名未寫到，聽日再見福利官就可寫埋其他。申請咗郵票、眼鏡盒、收音機，等探訪人士聽日去交錢。
另外，佢今早寄咗封信出去俾我，裡面當然有啲說話要我同大家講或者打上Patreon，等我收到信之後就會第一時間話俾大家知。
食屙瞓方面都係咁喇，瞓到兩三個小時，未屙到，食飯唔食餸。佢話醫院裡面隔離嗰個成日賴屎賴尿，廁所又冇門，所以一有人屙屎就會臭足全間房，令佢難以入睡。
今日見面15分鐘裡面，基本上喊住講嘢嘅時間大約只有1分鐘，而佢都只係眼濕濕冇再流眼淚，我哋雙方都進步咗好多。第三日嚟講，佢適應力好強，我覺得佢好叻。仲識得問我：「你有冇開心啲呀？」然後我同佢分享咗我買咗部相片打印機，咁就隨時可以print相入俾佢，佢：「咁叻呀？」，仲識得問下佢妹妹個BB近況。
15分鐘過去，大家都學識咗嗰招「喺走廊左右行」，賺得一秒得一秒見面。用口形講咗句「我愛你」，佢就入番去了。
－－－－－－－－－－－－－－
#2022年1月4日
#荔枝角收押所
#4
今日佢手揸住一本我揀俾佢嘅書《What If 如果這樣，會怎樣？》（古怪趣問正經認真科學妙答書）踏入探訪電話亭，意味住我1月1日入俾佢嘅嘢終於到佢手。佢用我入俾佢嘅河粉（我隻貓）相當作書籤。笑住同我打招呼然後同我講呢本書好深，我即刻笑出聲：「你咁多時間自己慢慢用腦諗下喇！」我哋雙視而笑。
我哋嘅對話終於有啲突破，唔再單單講「我好掛住你呀好想出嚟呀」嗰啲說話，佢開始講佢裡面嘅生活係點。0630就會起身梳洗食早餐，然後會去一個day room嘅地方活動，可以睇電視、閱讀、傾計、寫信。可喜嘅係佢已經出咗院，去咗某一個期數，終於見番同案嘅D3被告，叫做有個照應。佢話期數裡面啲人正常啲，竟然夾手夾腳喺房內做清潔同埋洗佢哋個廁所，大家都頂唔順衛生情況。佢而家瞓碌架床嘅下格床。由於疫情關係，由出面入嚟收押所嘅人均需去某一個地方隔離21日，所以佢而家屬於隔離群體，因此唔可以落操場打波，只可以留喺班房入面做自己嘢。每晚最後聽完鄭子誠嘅音樂情人之後院所就會熄燈瞓覺，不過多數佢都會喺床上面輾轉反側兩三個鐘先瞓得着。
令人氣餒嘅事係探訪名單雖然已經寫哂，但係前台嘅懲教人員仲未update data，所以今日有位朋友都係白行一趟，未能夠探訪佢。佢話佢好希望每一日都有人探佢，叫我好好安排，我同佢講放心，我已經打爆咗佢個schedule。
今日順利入咗眼鏡盒同埋郵票俾佢。
最後我問佢仲有冇喊住入睡，佢話昨晚都仲有但係喊少咗喇，我忍不住喊：「你喊少咗我其實係安心咗，但同時間我唔想你係習慣咗呢到！」佢安慰我：「我冇習慣到呀，我記得我係因咩事入嚟，我一直都記住。」15分鐘又完，喺呢到係會完全顛覆我對15分鐘嘅概念，好似眨吓眼就冇咗。我哋依舊左右行，一路笑一路揮手bye bye。
小杰 SiuuKit Patreon
小編探訪札記 #5
#2022年1月5日
#荔枝角收押所
#5
荔枝角收押所係一個好落後嘅地方，探訪室內的電話有啲會好細聲，有啲係壞嘅，我最經常遇到就係當我同小杰都到齊但係仍然未通到電話，我哋等電話通電過程中，當然唔會浪費一分一秒，我哋會做口形／手語，務求爭取時間溝通。我用手語問佢「ok？」佢「ok。」我問「保暖？」佢「暖。」感覺就係冇嘢可以阻礙到我哋交流，只要我哋想交流。
今日小杰見咗感化官（評核犯罪者的行為、表現、家庭背景，法庭判刑前需得到被告的感化報告），佢表示「我感化咗個感化官。」what? 感化官睇完法官判詞以及了解完小杰背景之後都認為「你唔應該係呢到，係因為個官。」嗰一刻我忍唔住喊，其實呢個諗法有邊個唔係咁諗？當刻都只有無奈，我哋諗份感化報告應該都會係正面嘅。
商討少少上訴嘅事／法律事務，問候屋企人。佢話愈來愈適應到牆內嘅生活，9個人一間房一齊瞓，7日轉一次房。佢整日嘅活動空間就係喺Day Room。總括而言，佢離開咗收押所嘅醫院，轉番正常期數後狀態就愈來愈平穩，大家都可以放心。我覺得佢真係好叻。仲記得早幾日探訪時佢喊住同我講一句「你要幫我搞（處理），我靠哂你喇。」
15分鐘過去，比起之前4次探訪，沒有太多不捨，大家都想努力適應這裡的壞。左右行，不斷揮手，今天終於被懲教喝了一句「探訪者呢邊走，嗰邊唔係景點冇嘢睇㗎。」Thank you for trying to be funny。
小杰 SiuuKit Patreon
#2022年1月5日
#荔枝角收押所
#5
荔枝角收押所係一個好落後嘅地方，探訪室內的電話有啲會好細聲，有啲係壞嘅，我最經常遇到就係當我同小杰都到齊但係仍然未通到電話，我哋等電話通電過程中，當然唔會浪費一分一秒，我哋會做口形／手語，務求爭取時間溝通。我用手語問佢「ok？」佢「ok。」我問「保暖？」佢「暖。」感覺就係冇嘢可以阻礙到我哋交流，只要我哋想交流。
今日小杰見咗感化官（評核犯罪者的行為、表現、家庭背景，法庭判刑前需得到被告的感化報告），佢表示「我感化咗個感化官。」what? 感化官睇完法官判詞以及了解完小杰背景之後都認為「你唔應該係呢到，係因為個官。」嗰一刻我忍唔住喊，其實呢個諗法有邊個唔係咁諗？當刻都只有無奈，我哋諗份感化報告應該都會係正面嘅。
商討少少上訴嘅事／法律事務，問候屋企人。佢話愈來愈適應到牆內嘅生活，9個人一間房一齊瞓，7日轉一次房。佢整日嘅活動空間就係喺Day Room。總括而言，佢離開咗收押所嘅醫院，轉番正常期數後狀態就愈來愈平穩，大家都可以放心。我覺得佢真係好叻。仲記得早幾日探訪時佢喊住同我講一句「你要幫我搞（處理），我靠哂你喇。」
15分鐘過去，比起之前4次探訪，沒有太多不捨，大家都想努力適應這裡的壞。左右行，不斷揮手，今天終於被懲教喝了一句「探訪者呢邊走，嗰邊唔係景點冇嘢睇㗎。」Thank you for trying to be funny。
小杰 SiuuKit Patreon
小編探訪札記 #10
#2022年1月10日
#荔枝角收押所
#10
唔經唔覺得已經去到Day 10，記得邵家臻講過，喺裡面嘅人千祈唔好數「仲有」幾多日，要數「已經過咗」幾多日。今日坐車出荔枝角時候睇到卓韻芝嘅一篇文章，講「唯有某些時刻人才真正意識到時間，在其他時候，時間 simply passes。假的。假設而已。」的確係，我最意識到時間流逝無疑就係見小杰嗰15分鐘。
探訪名單已經更新，過去幾日我開始同其他朋友一齊去探小杰，明顯小杰狀態好了很多，面色有點紅潤，有剃鬚，未有消瘦跡象。佢見到朋友嘅時候都會笑住打招呼：「喂」就好似以前咁。小杰問朋友：「你個show點呀？」朋友：「啲show停鳩哂喇！」杰：「我知呀，我而家睇新聞分分鐘多過你呀！」
呢幾晚開始凍番，小杰表示裡面真係好凍，不過都冇辦法，衫就係得咁多。小杰話都唔係好瞓到，主要係光，裡面唔會熄燈，佢慣咗黑哂先瞓到覺（裡面好似可以申請眼罩，聽日同小杰講先）。私飯方面，佢決定同幾個囚友夾一齊訂私飯，一來唔洗孤單食，二來唔洗驚被人搶雞髀（我見私飯餐單有雞煲食囉），應該會由21號開始食私飯。
小杰亦分享咗裡面好多人都好傳奇，危險駕駛又有，吸毒又有，打人又有，打劫又有，有位囚友用咗三年半就讀完一個degree破咗監獄記錄。不過無論遇到幾多「猛人」都好，刑期最長嘅都係小杰（暴動量刑起點為4年），啲囚友笑說：「番嚟再坐都可能仲見到你。」我都只好苦笑。記得第二三日探訪時小杰話：「佢哋（囚友）話我呢啲斯文人唔啱嚟呢到，咁點啫！我想嚟㗎？」係囉，根本冇人想。
隨住日子過去，佢開始適應呢到嘅生活，我開始熟悉探訪嘅流程，其實愈來愈少「公事」要講...
而家開始定落嚟，真係可以當夜晚傾電話咁傾計，講下我昨晚同朋友打牌嘅時候食咗鋪十三么好開心，連埋朋友我哋三個相視而笑。
冇人想習慣呢到，只係一定要轉過心態去面對。
今日小杰被帶去醫院覆診，我又白行一趟，冇得探小杰。I miss him。
小杰 SiuuKit Patreon
#2022年1月10日
#荔枝角收押所
#10
唔經唔覺得已經去到Day 10，記得邵家臻講過，喺裡面嘅人千祈唔好數「仲有」幾多日，要數「已經過咗」幾多日。今日坐車出荔枝角時候睇到卓韻芝嘅一篇文章，講「唯有某些時刻人才真正意識到時間，在其他時候，時間 simply passes。假的。假設而已。」的確係，我最意識到時間流逝無疑就係見小杰嗰15分鐘。
探訪名單已經更新，過去幾日我開始同其他朋友一齊去探小杰，明顯小杰狀態好了很多，面色有點紅潤，有剃鬚，未有消瘦跡象。佢見到朋友嘅時候都會笑住打招呼：「喂」就好似以前咁。小杰問朋友：「你個show點呀？」朋友：「啲show停鳩哂喇！」杰：「我知呀，我而家睇新聞分分鐘多過你呀！」
呢幾晚開始凍番，小杰表示裡面真係好凍，不過都冇辦法，衫就係得咁多。小杰話都唔係好瞓到，主要係光，裡面唔會熄燈，佢慣咗黑哂先瞓到覺（裡面好似可以申請眼罩，聽日同小杰講先）。私飯方面，佢決定同幾個囚友夾一齊訂私飯，一來唔洗孤單食，二來唔洗驚被人搶雞髀（我見私飯餐單有雞煲食囉），應該會由21號開始食私飯。
小杰亦分享咗裡面好多人都好傳奇，危險駕駛又有，吸毒又有，打人又有，打劫又有，有位囚友用咗三年半就讀完一個degree破咗監獄記錄。不過無論遇到幾多「猛人」都好，刑期最長嘅都係小杰（暴動量刑起點為4年），啲囚友笑說：「番嚟再坐都可能仲見到你。」我都只好苦笑。記得第二三日探訪時小杰話：「佢哋（囚友）話我呢啲斯文人唔啱嚟呢到，咁點啫！我想嚟㗎？」係囉，根本冇人想。
隨住日子過去，佢開始適應呢到嘅生活，我開始熟悉探訪嘅流程，其實愈來愈少「公事」要講...
而家開始定落嚟，真係可以當夜晚傾電話咁傾計，講下我昨晚同朋友打牌嘅時候食咗鋪十三么好開心，連埋朋友我哋三個相視而笑。
冇人想習慣呢到，只係一定要轉過心態去面對。
今日小杰被帶去醫院覆診，我又白行一趟，冇得探小杰。I miss him。
小杰 SiuuKit Patreon
小編探訪札記 #11
#2022年1月11日
#荔枝角收押所
#11
今日等候探訪室相對少人，破記錄只係等咗1小時就探到小杰。朋友一見到小杰就興奮到喊，小杰見到朋友咁嘅狀態都笑笑口，感覺小杰今日心情唔錯，精神唔錯，係一個好嘅對話開始。
問小杰有冇瘦到，佢就話自己感覺係有，但作為日日探訪嘅我其實就未見明顯，唔緊要喇，依舊肥肥白白我都ok㗎。小杰話其實好多囚友羨慕佢每日都有人嚟探，小杰自己好自豪咁講：「梗有人探我㗎喎。」朋友形容小杰係「紅牌阿姑」／「花魁」。小杰話有啲人明顯係食死貓，幫人頂，所以唔會有人探。現時小杰嘅探訪schedule 係被安排到爆哂，我相信每日都可以讓佢見住新嘅朋友，佢都會開心啲，時間又會好過啲。
佢話而家喺Day Room可以睇到TVB嘅劇集，最近睇緊《鐵拳英雄》，懲教會錄咗昨晚嗰集然後第二日放喺電視到不停咁播同一集。喺Day Room唔係好睇到書，因為好多人好嘈，而且啲人會聊你傾計。懲教做嘢超慢，呢個都唔係第一日講，上星期入哂相簿錢、包頭袋錢、郵票，到而家都未到小杰手，所以小杰寄信速度都有受阻，所以等佢回信嘅朋友請耐心等待。
小杰鼓勵大家寫信時抄／Print歌詞俾佢，等佢自己喺裡面都可以唱下歌。
之前小杰一直搵機會同我一齊去食屏山一間隱世拉麵－「小町」，但判決前都係冇去到，於是早幾日我自己一個去食，正所謂「兩個人的願望，一個人去完成」，並且影咗張拉麵相，寫咗啲食評寄俾小杰。誰不知小杰今日同我講：「啲囚友話你條女真係玩鳩你㗎喎，攞景呀？」ok，我係有少少唔開心嘅，明明就係想同你分享。我問小杰係咪唔開心先，唔開心我可以唔再寫呢啲，佢又笑笑口話：「咁我又冇所謂！」
15分鐘快到冇人有，歡愉地揮手講再見，雙方都例牌講句「我愛你」先走。
朋友表示其實探訪嘅氣氛比想像中歡欣同埋輕鬆，好想快啲再探小杰。Well，咁已經要等到2月。不過都係嗰句喇，多謝咁多位錫小杰嘅朋友，佢有你哋關心真係好。
－－－－－－－－－－－－－－
歡迎各位留言或私訊，小編會代你將文字寄到院所內，小杰亦會托小編給大家回信。
再一次感謝大家沿途上的支持。
－－－－－－－－－－－－－－
路雖難走，但至少我們牽著手。
小杰 SiuuKit Patreon
#2022年1月11日
#荔枝角收押所
#11
今日等候探訪室相對少人，破記錄只係等咗1小時就探到小杰。朋友一見到小杰就興奮到喊，小杰見到朋友咁嘅狀態都笑笑口，感覺小杰今日心情唔錯，精神唔錯，係一個好嘅對話開始。
問小杰有冇瘦到，佢就話自己感覺係有，但作為日日探訪嘅我其實就未見明顯，唔緊要喇，依舊肥肥白白我都ok㗎。小杰話其實好多囚友羨慕佢每日都有人嚟探，小杰自己好自豪咁講：「梗有人探我㗎喎。」朋友形容小杰係「紅牌阿姑」／「花魁」。小杰話有啲人明顯係食死貓，幫人頂，所以唔會有人探。現時小杰嘅探訪schedule 係被安排到爆哂，我相信每日都可以讓佢見住新嘅朋友，佢都會開心啲，時間又會好過啲。
佢話而家喺Day Room可以睇到TVB嘅劇集，最近睇緊《鐵拳英雄》，懲教會錄咗昨晚嗰集然後第二日放喺電視到不停咁播同一集。喺Day Room唔係好睇到書，因為好多人好嘈，而且啲人會聊你傾計。懲教做嘢超慢，呢個都唔係第一日講，上星期入哂相簿錢、包頭袋錢、郵票，到而家都未到小杰手，所以小杰寄信速度都有受阻，所以等佢回信嘅朋友請耐心等待。
小杰鼓勵大家寫信時抄／Print歌詞俾佢，等佢自己喺裡面都可以唱下歌。
之前小杰一直搵機會同我一齊去食屏山一間隱世拉麵－「小町」，但判決前都係冇去到，於是早幾日我自己一個去食，正所謂「兩個人的願望，一個人去完成」，並且影咗張拉麵相，寫咗啲食評寄俾小杰。誰不知小杰今日同我講：「啲囚友話你條女真係玩鳩你㗎喎，攞景呀？」ok，我係有少少唔開心嘅，明明就係想同你分享。我問小杰係咪唔開心先，唔開心我可以唔再寫呢啲，佢又笑笑口話：「咁我又冇所謂！」
15分鐘快到冇人有，歡愉地揮手講再見，雙方都例牌講句「我愛你」先走。
朋友表示其實探訪嘅氣氛比想像中歡欣同埋輕鬆，好想快啲再探小杰。Well，咁已經要等到2月。不過都係嗰句喇，多謝咁多位錫小杰嘅朋友，佢有你哋關心真係好。
－－－－－－－－－－－－－－
歡迎各位留言或私訊，小編會代你將文字寄到院所內，小杰亦會托小編給大家回信。
再一次感謝大家沿途上的支持。
－－－－－－－－－－－－－－
路雖難走，但至少我們牽著手。
小杰 SiuuKit Patreon
小編探訪札記 #13
#2022年1月13日
#荔枝角收押所
#13
今日探望小杰，見佢攞住一本《沙士比亞故事集》出嚟，佢話係問其他囚友借嚟睇，「呢到啲人係會睇啲咁嘅嘢。」佢面色都唔錯，問佢「瞓到嘛？」，佢造手勢表示ok，問佢「咁食飯呢？」佢又造手勢表示ok。
通話計時開始，我哋兩個都熟練地知道點樣分配對話時間，我馬上攞本簿仔出嚟開始同佢講公務，例如交代一下我收緊佢第幾封信，而家我收到佢第一、二、四號信，冇咗第三封，但小杰已經寄咗，唔知從中被懲教抽起抑或寄失，我哋都無從稽考，幸好我哋一早有共識寫信一定要寫number，就算封信失咗蹤都有個知字。交代一下屋企人狀況，跟進小杰收到收音機未，ok 當然未喇，等下添喇，起碼兩星期。小杰表示歡迎朋友仔去《音樂情人》點歌俾佢聽，除此之外，小杰特別提到「又話有好多朋友寄信俾我嘅？我收到兩封咋喎！」我話：「今早我再代寄咗一封㗎喇，我幫你同啲朋友講聲喇！」嗱，大家識做喇，佢真係好悶㗎，寫啲信俾佢睇喇。想佢覆你的話，就寫啲深情嘢俾佢喇。
佢攞住張私飯申請表同我講，佢已經同其他囚友夾好由17號開始食私飯，叫我開始出去準備下，佢今個星期都會入紙申請。昨日我哋嘅事務律師有探望小杰，傾咗少少法律上嘅事務，之前我哋會問上訴失敗係咪會有加監的可能性？律師就向小杰解釋了，上訴分兩個範疇，一：上訴控罪；二：上訴刑期。只有上訴後者先會加監。不過另一令人困擾嘅就係，若果向高院申請保釋候上訴，法援就「一定」唔會批錢，變相我哋要自己俾錢打上訴官司；相反唔申請保釋候上訴，即係荔枝角收押所等候上訴的話，法援批錢嘅機率就大好多，咁當然等候上訴嘅時間一定唔會短，可能係一年嘅時間。聽完小杰嘅解釋，我自己都唔知講咩好，我真係完全俾唔到意見，亦都唔能夠代佢去選擇，無力感好重，覺得法律這一回事真係唔係一般凡人可處理，只可以話佢做咩決定都好，我都會義無反顧地支持佢。一切都留待2月11日判刑後再商討上訴策略。
小杰表示自己有啲痰，好似有少少作病，我都擔心佢係咪唔夠衫凍親，佢又話可能係啲煙太啃，我叫佢一定要好好保重，因為在囚睇醫生真係好麻煩，佢都唔會想再入番去收押所嘅醫院裡面。
佢同今日探望佢嘅朋友都傾咗陣，有講有笑，氣氛輕鬆。15分鐘過後依依不捨咁揮手說再見，佢用手指俾咗個韓式心心我，然後消失於閘後。
離開時朋友話原來15分鐘真係好快過，之前甚至有朋友質疑收押所嘅通話計時器係咪被人做過手腳。
佢已經入咗去14日了，幾時先可以再觸摸到對方呢？
小杰 SiuuKit Patreon
#2022年1月13日
#荔枝角收押所
#13
今日探望小杰，見佢攞住一本《沙士比亞故事集》出嚟，佢話係問其他囚友借嚟睇，「呢到啲人係會睇啲咁嘅嘢。」佢面色都唔錯，問佢「瞓到嘛？」，佢造手勢表示ok，問佢「咁食飯呢？」佢又造手勢表示ok。
通話計時開始，我哋兩個都熟練地知道點樣分配對話時間，我馬上攞本簿仔出嚟開始同佢講公務，例如交代一下我收緊佢第幾封信，而家我收到佢第一、二、四號信，冇咗第三封，但小杰已經寄咗，唔知從中被懲教抽起抑或寄失，我哋都無從稽考，幸好我哋一早有共識寫信一定要寫number，就算封信失咗蹤都有個知字。交代一下屋企人狀況，跟進小杰收到收音機未，ok 當然未喇，等下添喇，起碼兩星期。小杰表示歡迎朋友仔去《音樂情人》點歌俾佢聽，除此之外，小杰特別提到「又話有好多朋友寄信俾我嘅？我收到兩封咋喎！」我話：「今早我再代寄咗一封㗎喇，我幫你同啲朋友講聲喇！」嗱，大家識做喇，佢真係好悶㗎，寫啲信俾佢睇喇。想佢覆你的話，就寫啲深情嘢俾佢喇。
佢攞住張私飯申請表同我講，佢已經同其他囚友夾好由17號開始食私飯，叫我開始出去準備下，佢今個星期都會入紙申請。昨日我哋嘅事務律師有探望小杰，傾咗少少法律上嘅事務，之前我哋會問上訴失敗係咪會有加監的可能性？律師就向小杰解釋了，上訴分兩個範疇，一：上訴控罪；二：上訴刑期。只有上訴後者先會加監。不過另一令人困擾嘅就係，若果向高院申請保釋候上訴，法援就「一定」唔會批錢，變相我哋要自己俾錢打上訴官司；相反唔申請保釋候上訴，即係荔枝角收押所等候上訴的話，法援批錢嘅機率就大好多，咁當然等候上訴嘅時間一定唔會短，可能係一年嘅時間。聽完小杰嘅解釋，我自己都唔知講咩好，我真係完全俾唔到意見，亦都唔能夠代佢去選擇，無力感好重，覺得法律這一回事真係唔係一般凡人可處理，只可以話佢做咩決定都好，我都會義無反顧地支持佢。一切都留待2月11日判刑後再商討上訴策略。
小杰表示自己有啲痰，好似有少少作病，我都擔心佢係咪唔夠衫凍親，佢又話可能係啲煙太啃，我叫佢一定要好好保重，因為在囚睇醫生真係好麻煩，佢都唔會想再入番去收押所嘅醫院裡面。
佢同今日探望佢嘅朋友都傾咗陣，有講有笑，氣氛輕鬆。15分鐘過後依依不捨咁揮手說再見，佢用手指俾咗個韓式心心我，然後消失於閘後。
離開時朋友話原來15分鐘真係好快過，之前甚至有朋友質疑收押所嘅通話計時器係咪被人做過手腳。
佢已經入咗去14日了，幾時先可以再觸摸到對方呢？
小杰 SiuuKit Patreon
小編探訪札記 #15
#2022年1月15日
#荔枝角收押所
#15
等咗個半鐘，終於可以見小杰。今日明顯佢個樣有啲攰，應該係因為感冒，不過懲教每晚都有俾感冒藥佢食，所以還好喇。今日有好多公務事要處理，主要關於屋企人即將見感化官的事。跟進郵票終於到小杰手上，收音機、包頭袋依然等緊。私飯方面終於攞咗批文，探訪完畢之後亦都已經去咗餐廳幫佢揀好咗食咩，ok 係有雞煲同羊腩煲食嘅，都有少少開心喇。
今日企喺我隔離嘅係小杰爸爸。講完公事之後，爸爸交代一下屋企狀況，循例叫小杰唔洗擔心媽媽，阿爸都會好好照顧自己等等嘅說話。爸爸又提供下意見關於Patreon上的文章可以寫啲咩，令到多啲人有追看性。都幾搞笑，我同小杰對望微笑，爸爸好似好認真咁。當個計時器仲有1分鐘嘅時候，爸爸依然講緊點樣寫文章可以寫得好啲，小杰見況就索性打斷爸爸，講一啲最後一分鐘佢想講嘅說話。佢話1月21號就係佢隔離完嘅日子（疫情下的措施），佢會「升班」，由2樓升去3樓，加入正式期數（班房），會去第二棟Building生活（都係荔枝角收押所喇當然），適應新嘅人，新嘅環境。佢而家係同同案的第三被告一齊生活一齊瞓，由朝對到晚咁話喎。最後十秒，「記得保暖呀！」「你都係！我愛你！」「我都愛你！」，韓式心心，斷線，離開視窗。
小杰 SiuuKit Patreon
#2022年1月15日
#荔枝角收押所
#15
等咗個半鐘，終於可以見小杰。今日明顯佢個樣有啲攰，應該係因為感冒，不過懲教每晚都有俾感冒藥佢食，所以還好喇。今日有好多公務事要處理，主要關於屋企人即將見感化官的事。跟進郵票終於到小杰手上，收音機、包頭袋依然等緊。私飯方面終於攞咗批文，探訪完畢之後亦都已經去咗餐廳幫佢揀好咗食咩，ok 係有雞煲同羊腩煲食嘅，都有少少開心喇。
今日企喺我隔離嘅係小杰爸爸。講完公事之後，爸爸交代一下屋企狀況，循例叫小杰唔洗擔心媽媽，阿爸都會好好照顧自己等等嘅說話。爸爸又提供下意見關於Patreon上的文章可以寫啲咩，令到多啲人有追看性。都幾搞笑，我同小杰對望微笑，爸爸好似好認真咁。當個計時器仲有1分鐘嘅時候，爸爸依然講緊點樣寫文章可以寫得好啲，小杰見況就索性打斷爸爸，講一啲最後一分鐘佢想講嘅說話。佢話1月21號就係佢隔離完嘅日子（疫情下的措施），佢會「升班」，由2樓升去3樓，加入正式期數（班房），會去第二棟Building生活（都係荔枝角收押所喇當然），適應新嘅人，新嘅環境。佢而家係同同案的第三被告一齊生活一齊瞓，由朝對到晚咁話喎。最後十秒，「記得保暖呀！」「你都係！我愛你！」「我都愛你！」，韓式心心，斷線，離開視窗。
小杰 SiuuKit Patreon
小編探訪札記 #18
#2022年1月18日
#荔枝角收押所
#18
有睇之前嘅札記就會知道，小杰而家係病咗，有咳有流鼻水。而家每日懲教都會派三轉藥，囚友自己舉手攞嚟食，主要係必理痛之類，小杰話佢個倉有一半嘅人都病咗，梗係喇，因為佢哋會交換嘢食喇，一支煙share幾個人食喇，基本上喺裡面冇人戴口罩喇，夜晚又凍，病都真係好正常。佢話自己會食多啲橙，飲多啲水，希望快啲好番，叫嚟探佢嘅朋友都唔洗擔心。除咗感冒之外，小杰嘅頭皮都有啲發炎，頭皮好乾，以致有頭皮出現（佢以前冇頭皮屑的），主要係用唔慣「花王飛逸」洗頭水，洗完頭髮feel到好乾旱，不過都冇計。沖涼時啲水溫得0同100㗎啫，冇中間，一係就淥熟，一係就凍到震，所以沖涼係好講技巧，又要乾淨又要快手。呢幾日見到佢件厚衫左邊心口白色格，寫住「KIT」（自己用原子筆寫），覺得幾搞笑，佢終於有件有佢名嘅衫，因為之前一直係著其他人名嘅衫。
17號開始轉食私飯，味道係比收押所嘅飯好，小杰表示為到半個月以來終於飲到咖啡而覺得好感動，頓時覺得杯熱咖啡真係好好飲。而裡面啲人對於小杰嗰杯熱齋啡不感興趣，所以佢都唔擔心被人搶走。今日探訪時佢話我知，見到隔離嗰個食韓國辛辣麵佢又好想食，不過以我所知今個星期五佢將會有雞煲嘅。
我日日探佢，當然就唔太覺得佢瘦咗，但身邊嘅朋友就係一個客觀嘅指標，已經有幾位朋友都覺得小杰係瘦咗，主要係塊面冇咁圓喇，肚腩細咗。我同佢講「唔好瘦呀！要keep圓，可愛啲先唔會俾人蝦呀！」，so far而家都有黑手（有背景的人）好關照佢，佢人緣都不錯，犀利。（雖然我記得Day1問佢有冇俾人蝦佢話有嘅）
另外有一個時刻我都一定要記低。佢將我入俾佢嘅4R相，當中有全家幅喇、我同河粉、河粉自己，佢將呢三張相都貼咗喺佢本記事簿嘅第一頁封面皮後面，佢隔住塊玻璃show俾我睇，眼淺嘅我當然即刻又感動流淚喇，佢就喺窗嘅對面笑我喊。我諗咁多次探訪時間裡面，都的確有啲moment係會令我唔記得咗大家身處嘅地方，唔係懶浪漫，而係大家經過連日嘅適應之後，喺個電話傾談裡面都盡量想講番閒話家常嘅事。佢一味叫我玩多啲，約多啲朋友。除咗公務，大家都希望講番啲會笑嘅嘢。
每次嚟探訪嘅朋友，都表示好期待嗰個「左右行」係乜鬼，而每次15分鐘完之後佢哋都會跟實我行，大家都覺得呢個trick好有趣。有唔少朋友都話探訪前一晚係會瞓唔著，有啲緊張，好驚浪費咗個寶貴嘅15分鐘，「真係囉囉攣好似去見初戀咁」。其實探訪氣氛比大家想像中更加輕鬆同歡欣，小杰嘅狀態轉變咗，相對上冇第一篇探訪札記所形容嘅咁恐怖，佢都真係好努力令自己喺裡面生活到，我諗佢比大家想像中叻嘅。探訪室嘅電話聽筒係好鬼死細聲，每次15分鐘完之後隻耳仔都會紅哂，我要好大力好大力將個電話聽筒壓落自己耳仔到，先可以聽得清楚小杰講咩。
I miss you, see you tomorrow.
小杰 SiuuKit Patreon
#2022年1月18日
#荔枝角收押所
#18
有睇之前嘅札記就會知道，小杰而家係病咗，有咳有流鼻水。而家每日懲教都會派三轉藥，囚友自己舉手攞嚟食，主要係必理痛之類，小杰話佢個倉有一半嘅人都病咗，梗係喇，因為佢哋會交換嘢食喇，一支煙share幾個人食喇，基本上喺裡面冇人戴口罩喇，夜晚又凍，病都真係好正常。佢話自己會食多啲橙，飲多啲水，希望快啲好番，叫嚟探佢嘅朋友都唔洗擔心。除咗感冒之外，小杰嘅頭皮都有啲發炎，頭皮好乾，以致有頭皮出現（佢以前冇頭皮屑的），主要係用唔慣「花王飛逸」洗頭水，洗完頭髮feel到好乾旱，不過都冇計。沖涼時啲水溫得0同100㗎啫，冇中間，一係就淥熟，一係就凍到震，所以沖涼係好講技巧，又要乾淨又要快手。呢幾日見到佢件厚衫左邊心口白色格，寫住「KIT」（自己用原子筆寫），覺得幾搞笑，佢終於有件有佢名嘅衫，因為之前一直係著其他人名嘅衫。
17號開始轉食私飯，味道係比收押所嘅飯好，小杰表示為到半個月以來終於飲到咖啡而覺得好感動，頓時覺得杯熱咖啡真係好好飲。而裡面啲人對於小杰嗰杯熱齋啡不感興趣，所以佢都唔擔心被人搶走。今日探訪時佢話我知，見到隔離嗰個食韓國辛辣麵佢又好想食，不過以我所知今個星期五佢將會有雞煲嘅。
我日日探佢，當然就唔太覺得佢瘦咗，但身邊嘅朋友就係一個客觀嘅指標，已經有幾位朋友都覺得小杰係瘦咗，主要係塊面冇咁圓喇，肚腩細咗。我同佢講「唔好瘦呀！要keep圓，可愛啲先唔會俾人蝦呀！」，so far而家都有黑手（有背景的人）好關照佢，佢人緣都不錯，犀利。（雖然我記得Day1問佢有冇俾人蝦佢話有嘅）
另外有一個時刻我都一定要記低。佢將我入俾佢嘅4R相，當中有全家幅喇、我同河粉、河粉自己，佢將呢三張相都貼咗喺佢本記事簿嘅第一頁封面皮後面，佢隔住塊玻璃show俾我睇，眼淺嘅我當然即刻又感動流淚喇，佢就喺窗嘅對面笑我喊。我諗咁多次探訪時間裡面，都的確有啲moment係會令我唔記得咗大家身處嘅地方，唔係懶浪漫，而係大家經過連日嘅適應之後，喺個電話傾談裡面都盡量想講番閒話家常嘅事。佢一味叫我玩多啲，約多啲朋友。除咗公務，大家都希望講番啲會笑嘅嘢。
每次嚟探訪嘅朋友，都表示好期待嗰個「左右行」係乜鬼，而每次15分鐘完之後佢哋都會跟實我行，大家都覺得呢個trick好有趣。有唔少朋友都話探訪前一晚係會瞓唔著，有啲緊張，好驚浪費咗個寶貴嘅15分鐘，「真係囉囉攣好似去見初戀咁」。其實探訪氣氛比大家想像中更加輕鬆同歡欣，小杰嘅狀態轉變咗，相對上冇第一篇探訪札記所形容嘅咁恐怖，佢都真係好努力令自己喺裡面生活到，我諗佢比大家想像中叻嘅。探訪室嘅電話聽筒係好鬼死細聲，每次15分鐘完之後隻耳仔都會紅哂，我要好大力好大力將個電話聽筒壓落自己耳仔到，先可以聽得清楚小杰講咩。
I miss you, see you tomorrow.
小杰 SiuuKit Patreon
小編探訪札記 #22
#2022年1月22日
#荔枝角收押所
#22
前幾日有位朋友check到自己個名竟然唔喺探訪名單上，我即刻頂上探訪位置。當日只有我一個人探小杰，先發現原來我好耐冇同小杰單獨相處了。
我哋有15分鐘完完全全嘅私人時間，慢慢講下探訪前一日見感化官的事，當然我有啲情緒喇，我都考慮咗好耐同唔同佢講，我驚同佢講佢自己又會擔心份報告係咪被感化官寫得唔夠正面，又驚佢會覺得辛苦咗我，感到內疚。好煩㗎，要顧及在囚人士嘅情緒，邊啲講得邊啲唔好俾佢知住……最後，我都決定同佢坦白。講咗見感化官過程，有啲好難答嘅問題令到我覺得好難受，過程中亦要照顧小杰父母令我覺得好大壓力。誰不知，佢冇擔心我，仲調番轉安慰我「你做得好好呀」。向來時間好有限，好多公務要講，每次拎起電話嘅開場白都係「你ok嗎？瞓到嗎？身體點呀？」甚少講「我」最近嘅感受，我想知佢嘅生活，反而忽略咗其實佢都想知我嘅近況。呢一次嘅15分鐘基本上我冇問過佢嘢，佢只係聽我訴苦，就好似番番以前臨瞓前傾電話咁。
之後有一日探訪，小杰分享咗究竟牆內嘅人有幾聰明，老手有教小杰點樣用電腦底版去煮熱啲嘢食；煙盒裡面嗰塊銀色紙係導電嘅，好值錢嘅，唔知搏啲咩就可以加熱燒到啲魷魚絲好味啲；朱古力可以變成朱古醬淋喺啲嘢食到再烘就變成超好食嘅嘢……好多好多小智慧，都令到小杰嘖嘖稱奇。人係要去到呢啲絕境先會逼發到好多潛能出嚟，牆內嘅人不停搵方法令自己生活得好一啲。
小杰陸續收到好多朋友嘅信，佢好開心，表示正在努力回覆。
去到今日1月22日，佢終於隔離完成，離開咗原本的building，調咗去新嘅期數，要同新嘅囚友相處，而家可以「放風」、打乒乓波。新人而家會瞓「豬肉房」，二人一倉，佢積極申請想同同案第三被告Calvin一倉。佢哋之前係一齊生活，一齊瞓，一齊食飯，一齊hea，形影不離咁話喎。之前小杰同啲B仔（班長）幾friend嘅，所以都有好多好路數帶俾小杰。而家調新倉，就要重新建立關係了。去咗新倉小杰而家見到其他人，包括《羊村》嘅人、7月1禮賓府縱火嘅人。小杰形容呢個倉多咗好多猛人，無論係咪同路都好猛。
小杰精神狀態幾好，清減咗少少但未至於瘦，雖然近墨者黑但佢依然白白正，希望佢出到嚟唔會真係變黑手喇。感冒未好，繼續咳。醫院打嚟話小杰鉀高，要臨急臨忙托我入啲藥粉俾小杰。小杰聽到我入藥俾佢之後「又加藥？！」
15分鐘又過去，收線。有一次依舊左右行嘅時候，小杰身邊多咗兩位囚友攬住佢個肚腩，嗰兩個囚友都同我揮手講bye bye，小杰俾心心我，佢兩個又俾心心我，三個滿臉笑容。well，我有少少尷尬喇，不過都回禮俾番個少女笑佢哋喇。
小杰 SiuuKit Patreon
#2022年1月22日
#荔枝角收押所
#22
前幾日有位朋友check到自己個名竟然唔喺探訪名單上，我即刻頂上探訪位置。當日只有我一個人探小杰，先發現原來我好耐冇同小杰單獨相處了。
我哋有15分鐘完完全全嘅私人時間，慢慢講下探訪前一日見感化官的事，當然我有啲情緒喇，我都考慮咗好耐同唔同佢講，我驚同佢講佢自己又會擔心份報告係咪被感化官寫得唔夠正面，又驚佢會覺得辛苦咗我，感到內疚。好煩㗎，要顧及在囚人士嘅情緒，邊啲講得邊啲唔好俾佢知住……最後，我都決定同佢坦白。講咗見感化官過程，有啲好難答嘅問題令到我覺得好難受，過程中亦要照顧小杰父母令我覺得好大壓力。誰不知，佢冇擔心我，仲調番轉安慰我「你做得好好呀」。向來時間好有限，好多公務要講，每次拎起電話嘅開場白都係「你ok嗎？瞓到嗎？身體點呀？」甚少講「我」最近嘅感受，我想知佢嘅生活，反而忽略咗其實佢都想知我嘅近況。呢一次嘅15分鐘基本上我冇問過佢嘢，佢只係聽我訴苦，就好似番番以前臨瞓前傾電話咁。
之後有一日探訪，小杰分享咗究竟牆內嘅人有幾聰明，老手有教小杰點樣用電腦底版去煮熱啲嘢食；煙盒裡面嗰塊銀色紙係導電嘅，好值錢嘅，唔知搏啲咩就可以加熱燒到啲魷魚絲好味啲；朱古力可以變成朱古醬淋喺啲嘢食到再烘就變成超好食嘅嘢……好多好多小智慧，都令到小杰嘖嘖稱奇。人係要去到呢啲絕境先會逼發到好多潛能出嚟，牆內嘅人不停搵方法令自己生活得好一啲。
小杰陸續收到好多朋友嘅信，佢好開心，表示正在努力回覆。
去到今日1月22日，佢終於隔離完成，離開咗原本的building，調咗去新嘅期數，要同新嘅囚友相處，而家可以「放風」、打乒乓波。新人而家會瞓「豬肉房」，二人一倉，佢積極申請想同同案第三被告Calvin一倉。佢哋之前係一齊生活，一齊瞓，一齊食飯，一齊hea，形影不離咁話喎。之前小杰同啲B仔（班長）幾friend嘅，所以都有好多好路數帶俾小杰。而家調新倉，就要重新建立關係了。去咗新倉小杰而家見到其他人，包括《羊村》嘅人、7月1禮賓府縱火嘅人。小杰形容呢個倉多咗好多猛人，無論係咪同路都好猛。
小杰精神狀態幾好，清減咗少少但未至於瘦，雖然近墨者黑但佢依然白白正，希望佢出到嚟唔會真係變黑手喇。感冒未好，繼續咳。醫院打嚟話小杰鉀高，要臨急臨忙托我入啲藥粉俾小杰。小杰聽到我入藥俾佢之後「又加藥？！」
15分鐘又過去，收線。有一次依舊左右行嘅時候，小杰身邊多咗兩位囚友攬住佢個肚腩，嗰兩個囚友都同我揮手講bye bye，小杰俾心心我，佢兩個又俾心心我，三個滿臉笑容。well，我有少少尷尬喇，不過都回禮俾番個少女笑佢哋喇。
小杰 SiuuKit Patreon
小編探訪札記 #24
#2022年1月24日
#荔枝角收押所
#24
這個星期已經連續六日去探小杰，我提醒自己要休息，注意身體，於是第七日就叫兩位朋友去探小杰，自己則休息一天。發現還是會「心掛掛」的，擔心朋友們探訪係咪順利喇，擔心小杰忽然見唔到我一日會唔會亂諗嘢喇，擔心入物資方面有冇遺漏喇，擔心小杰要傳口訊俾我但朋友們忘記咗喇……各樣各樣。唉，即係冇休息過。
係嘅，要學識放鬆啲。
之後一日探訪，有位朋友白行一趟，又係懲教未update名單未能探訪，於是我就自己一個入去探訪等候室等兩小時左右，係好悶，不過都唔係未試過，觀察下其他人囉，做下啲演員最鍾意做嘅嘢囉。直到等候室嘅探訪者所剩無幾，終於到我見小杰。探訪室好靜，唔似平日有人大叫，有人鬧交，有人拍玻璃。得番3位囚友探訪，其中一對就係我同小杰。
兩個人嘅時間，係quality time。小杰狀態唔差，佢話佢見到同案嘅第二被告（啟昌）及第五被告（麥仔），佢哋都係從石壁攞完感化報告之後終於調番嚟荔枝角，小杰話有種重逢嘅感覺，同案嘅人相遇始終係好傾啲。而家小杰同第三被告（Calvin）同倉一齊瞓，環境唔太好，房好細、好舊，而且冇檯，寫信時要喺床上寫。而家隔離完成，喺新環境裡面食飯，同路人都佔咗兩圍檯，小杰會坐埋一齊食私飯，交換下啲餸。與此同時小杰都研究緊「假釋」嘅事（是指犯人在他們的被判刑罰結束前，提前釋放，但一般仍處於某種監督之下在監獄外服滿刑期。）總之佢會用盡辦法令自己早啲坐完出嚟（當然佢都有可能上訴）。
小杰話電視機咁啱播緊《哪一天我們會飛》，佢同啲囚友講：「我女朋友有份做。」囚友們：「唔信！」然後小杰好努力喺嗰堆唱校歌嘅群眾演員裡面指我出嚟，啲囚友紛紛都繼續話「吹水喇你，你唔好指女主角？！」anyway喇。
收線前小杰講咗一句：「我好快會出嚟㗎喇，你要等我呀。」電話「咇」一聲響起，代表15分鐘已經過去。我流住眼淚咁收線，用口形講聲「我愛你，聽日見。」
－－－－－－－－－－－－－－－
其實不知不覺，已經囚咗24日，牆外嘅我覺得時間過得好快，可能係我有太多事情要做，但亦都意味住好快就到2月11日判刑日，一但判刑之後，小杰就會係「定罪人士」，咁就即時唔能夠再每日都探訪，變成1個月得2次探訪機會，每次3人，共30分鐘。唔知2月14日可唔可以探到佢呢？有時最怕佢忽然被人調走咗，咁就要去到老遠先見到佢。
小杰 SiuuKit Patreon
#2022年1月24日
#荔枝角收押所
#24
這個星期已經連續六日去探小杰，我提醒自己要休息，注意身體，於是第七日就叫兩位朋友去探小杰，自己則休息一天。發現還是會「心掛掛」的，擔心朋友們探訪係咪順利喇，擔心小杰忽然見唔到我一日會唔會亂諗嘢喇，擔心入物資方面有冇遺漏喇，擔心小杰要傳口訊俾我但朋友們忘記咗喇……各樣各樣。唉，即係冇休息過。
係嘅，要學識放鬆啲。
之後一日探訪，有位朋友白行一趟，又係懲教未update名單未能探訪，於是我就自己一個入去探訪等候室等兩小時左右，係好悶，不過都唔係未試過，觀察下其他人囉，做下啲演員最鍾意做嘅嘢囉。直到等候室嘅探訪者所剩無幾，終於到我見小杰。探訪室好靜，唔似平日有人大叫，有人鬧交，有人拍玻璃。得番3位囚友探訪，其中一對就係我同小杰。
兩個人嘅時間，係quality time。小杰狀態唔差，佢話佢見到同案嘅第二被告（啟昌）及第五被告（麥仔），佢哋都係從石壁攞完感化報告之後終於調番嚟荔枝角，小杰話有種重逢嘅感覺，同案嘅人相遇始終係好傾啲。而家小杰同第三被告（Calvin）同倉一齊瞓，環境唔太好，房好細、好舊，而且冇檯，寫信時要喺床上寫。而家隔離完成，喺新環境裡面食飯，同路人都佔咗兩圍檯，小杰會坐埋一齊食私飯，交換下啲餸。與此同時小杰都研究緊「假釋」嘅事（是指犯人在他們的被判刑罰結束前，提前釋放，但一般仍處於某種監督之下在監獄外服滿刑期。）總之佢會用盡辦法令自己早啲坐完出嚟（當然佢都有可能上訴）。
小杰話電視機咁啱播緊《哪一天我們會飛》，佢同啲囚友講：「我女朋友有份做。」囚友們：「唔信！」然後小杰好努力喺嗰堆唱校歌嘅群眾演員裡面指我出嚟，啲囚友紛紛都繼續話「吹水喇你，你唔好指女主角？！」anyway喇。
收線前小杰講咗一句：「我好快會出嚟㗎喇，你要等我呀。」電話「咇」一聲響起，代表15分鐘已經過去。我流住眼淚咁收線，用口形講聲「我愛你，聽日見。」
－－－－－－－－－－－－－－－
其實不知不覺，已經囚咗24日，牆外嘅我覺得時間過得好快，可能係我有太多事情要做，但亦都意味住好快就到2月11日判刑日，一但判刑之後，小杰就會係「定罪人士」，咁就即時唔能夠再每日都探訪，變成1個月得2次探訪機會，每次3人，共30分鐘。唔知2月14日可唔可以探到佢呢？有時最怕佢忽然被人調走咗，咁就要去到老遠先見到佢。
小杰 SiuuKit Patreon