法庭文字直播台

【０５月２０日星期一】

以下法庭聆訊需要報料：

🕤10:00
📍#西九龍法院大樓第三庭 #續審[79/80]

及所有上午內容從缺的聆訊，見上帖。

(截至1100)

🔰請按此報料

💛其他法庭暫不需要，請留意本台更新💛

1.6K viewsedited 03:37

#區域法院第卅二庭
#陳廣池法官
#0721元朗 #721唔見人 #審訊 [49/25]

上午進度

A1: 林卓廷 (43)
A2: 庾 (35) / A3: 陳 (37) / A4: 葉 (31)
A5: 鄺 (26) / A6: 尹 (48) / A7: 楊 (26)
🛑林卓廷因另案已還押逾38個月

控罪：暴動（所有被告）
被控於2019年7月21日，在新界西鐵元朗站大堂連同其他身份不詳的人參與暴動。
干犯香港法例第245章《公安條例》第19(1) 和 (2) 條。

案情資料：
https://t.me/youarenotalonehk_live/24622

控方代表：高級檢控官 #程慧明及 #岑頴欣
辯方代表：
A1代表：#黃錦娟大律師 #郭雅媛大律師 #管致行大律師
A2代表：#李百秋大律師
A3代表：#潘熙資深大律師 #陳曉妍大律師
A4代表：#鄭凱霖大律師
A5代表：#周慶澎大律師
A6代表：#黎建華大律師
A7代表：#曾敏怡大律師 #于雋謙大律師

============
[10:00] 開庭

繼續由A7作供（第四日）

🔹控方盤問

🔎與朋友食歡送晚飯
詢問有關餐廳的資料，係唔係經常去？餐廳的用餐時間，點解咁早走？點解唔坐耐啲？急住去元朗係有嘢做？

🔎政治立場
A7表示中立係對整個社會運動，件事有對有錯，每定位在某一方，平日衣着主要係黑色，唔怕被標籤有特定立場。

🔎有人派衫，信唔信打人
當時月台有人話打着黑色衫的人，叫人換衫，主問時話唔信，因為貪便宜，所以攞咗先，被質疑信定唔信，A7解釋如果跟比例，信嘅只佔一成，係極度不相信，未到半信半疑嘅程度。

當時都有其他人被截停，唔知發生咩事，係感到奇怪，A7無詢問派衫嘅人，唔記得朋友有無問，唔同意問出嚟嘅答案係重要，問派衫嘅人都可以係假，睇新聞較為可靠，有用手機搵相關資料，但搵唔到，唔信嘅原因，係如果有人打人，警察會做嘢。

唔同意因為信，所以改去朗屏站出閘，改去朗屏站係朋友嘅決定，同埋有車到，就上咗車。

🔎送朋友回家其實係去觀察
質疑無必要多花錢拍卡出閘，送到返屋企，浪費時間，不走回頭路返朗屏站而去元朗站，目的係去圍村觀察情況，返去月台報告。A7解釋拍卡出閘係不經意，距離約打麻雀還有1小時，返去元朗站因為嗰邊近啲，而且熟路，22:13出閘，22:33入閘，由朗屏去尚豪庭返元朗站，只係20分鐘。

🔎元朗站射水行為
A7上到月台，因為聽到樓下大堂有人叫救命，所以先落去，同意在落去之前，無望過下面情況。

落到大堂，A7走來走去，因為無一個位置見到兩邊閘口，影片中見到救護員到場，有人大聲講「呢邊」，同意唔止一個熱心人，但無諗過搵人幫手一人守住一邊，當刻無諗咁多，自己做到幾多就幾多。

大概在客戶服務中心附近接過水喉，同意與7-11有一段距離，中間有人，但唔同意睇唔到在閘機前噴水驅散白衣人的情況，覺得有效。主控問：「射水唔係你決定？」A7:「接過水喉射水係自己決定，唔明意思」。
主控：「唔會設陷阱俾你踩嘅」。
A7不同意睇唔到有人射水，覺得有效，所以接過水喉，初頭係向白衣人方向射水，後來見到一對男女被襲擊，就針對個別白衣人射水，唔同意係挑釁和襲擊。

[11:00~11:38] 小休

🕳️確認時間點
控方引述辯方的文件冊，向A7確認以下時間：23:05去咗商場，23:16買飲品，在商場逗留咗一陣，用咗20～25分鐘行去紅van站，約23:40去到，等咗一陣，小巴唔係直出旺角，大約01:15到達太子。

🔎回元朗站報告
🎥A出入口CCTV 22:32～22:33，見到A7從扶手電梯上大堂，主控指A7急步走上大堂，係急於上月台通知有白衣人聚集（唔同意）。

🎥P7E 林卓廷Facebook 直播，12:10～12:35，市民重複大叫「黑社會唔好走」，A7顯示唔係在此階段知道黑社會，係林卓廷一到場已經有講黑社會。

🔎刀手
🎥多段商場閉路電視，和在站內市民拍攝的片段，向A7指出一名白衫藍褲男子，由商場進入元朗站時雙手無揸物品，在元朗站內打鬥時在地上執起一些物品，似係斷咗嘅木棍，指出A7睇唔到清楚揸乜（唔同意）。

🔎🕳️🕳️🕳️
🎥商場閉路電視片段，@23:13 指出A7在商場換咗灰色衫，掉咗黑色衫，站內CCTV 23:53:40~23:54:10，A7在扶手電梯，站內CCTV 00:23:54~00:25:76，A7戴上黑色口罩，商場CCTV @00:43 A7 離開商場出去停車場。
A7 解釋係在商場停留咗一段時間，但講唔到實際時間，口供提到後段的時間係估計。
主控指一派胡言、唔清唔楚、不盡不實，仲有幾多未講俾法庭聽？

📌控方向被告指出：
- 當晚滿場飛，閘內任何地方要人就走到嗰度，當唔使出手時，就去第二度，猶如監場；
- 在等救護員的時間，見到暴力視而不見；
- 行為係與閘內集結人士分工合作；
- 表示中立、喝止其他人，只係針對白人，無喝止黑衣人；
- 拉走其他人，只係將佢拉離欄杆，唔係阻止佢哋；
- 知道白衫村民想你哋走，清楚知道村民立場，因此留低一定會刺激到佢哋，留低挑釁佢哋；
- 單純留低已經係挑釁；
- 縱使集內已經有衝突，仍然留低加入衝突；
- 成件事係選擇對立，並非中立；
- 在月台時，已經有人告誡你會打黑衫嘅人，仍然返到元朗站，目的就係參加非法集結；
- 見到付費區嘅挑釁行為，無退出，繼續留守，一齊參與；
- 向白衣人射水，藉着留守、支持、鼓勵壯大聲勢
- 聲稱23:15離開，跟住折返搵機會參與非法集結；
- 聚眾非法集，結破壞社會安寧，聯同其他人包括六名被告一齊參與暴動。
A7 全部否認！

盤問完畢。

回答陳官詢問，辯方文件冊係在去年初次審訊之前做好；唔記得對白色膠手套去咗邊，唔記得幾時掉個藍色外科口罩，唔記得邊個俾個黑色口罩。

[12:55] 休庭，14:30 續審，辯方覆問。

===========
直播員按：A7的作供，不單解釋了他的行為，相信還講出了好多在場人士的心聲，因為見到白衣人打人，非法禁錮閘內市民，警方有部署卻視而不見，出於公義與良知，互相保護，抵擋/阻止/拖延白衣人的無差別攻擊，何罪之有！