< 監房膳食 I >

M&m’s 朱古力嘅風波都算係告一段落🙏🏻。我哋希望帶一個新題目俾大家，就係監房入面嘅膳食。

無訂私飯嘅還押手足/ 已被定罪嘅手足，佢哋都會食監房入邊提供嘅膳食，咁到底入面有啲咩食呢？依個真係好少人講。

我哋明查暗訪咗半個月，最終發現。。。《一釋尚存》原來已經出過類似嘅資料整合post，不過由於關注嘅人實在唔夠多😭，所以我哋都決定再出多次，希望大家可以用關注M&m’s嘅心去留意吓 膳食 依個比起 零食 「更更更更重要」嘅題目。

你睇完會問：「我可以點幫手？」
其實，坦白講，我哋有諗過單純叫大家捐612做私飯支援，但經我調查完之後，我只想將調查到嘅嘢呈獻俾大家睇，大家再自行決定，不過都有幾個重點想先俾大家知：

1. 我哋想大家知道 請手足食私飯 遠遠 有用過 請手足食零食。因為手足如果正餐食得飽，零食嘅作用可能只會係交易用。

2. 612 係其中一個長期 幫手足俾私飯錢嘅組織，至今已用咗超過700萬喺私飯度。捐612某程度上等於請手足食私飯，當然612用得最多錢喺係打官司方面。

3. 私飯好貴，老實講，我整理晒啲資料都唔知值唔值俾咁多錢，所以我想大家仔細睇我3個關於 監房膳食嘅post ，同時多啲討論，捐唔捐俾612可以睇晒3個post 自己再決定。

最後，我哋好希望大家唔好嫌悶，去睇晒今星期三個膳食post。

Jimmy Jungle 因為支援手足物資零食而出名，但其實我哋一早就清楚依啲物資 比起 私飯支援嘅重要性係有幾微不足道。我哋無早早去帶出個話題俾大家知係我哋嘅責任，請大家原諒(真係屈咗喺個心好耐）。

#內容有錯嘅話歡迎指正
#關於份量方面會再講
#唔好再去買m&m’s
#我哋入咗過千包37g

Jimmy Jungle