【回家之路】

黃偉然媽媽：
我哋住喺村，入村一定要經過呢條橋，可以話係每日返屋企必經之路。上次警察上門拉人搜屋，封咗條橋等於封咗半條村。宜家每朝出門返工，同埋放工返屋企，一經過條橋，我就諗：仔呀，你幾時返屋企呀

(編按：黃媽媽思想好潮，但用手機呢啲科技嘢都係唔多熟手。張相影咗好多次，唔係out-fo就係歪咗無置中，但佢都好堅持要影條橋，因為呢條橋代表偉然的「回家之路」，亦見到一個媽媽的堅持與盼望！)

#BringThemBack
#save12hkyouths
#save12

【幸福】

「我係12港人其中一位不願曝光之女友，希望大家能夠體諒或明白。

我地識於微時 關係由好朋友昇華至情侶。

認識他的人都清楚知道，他每一天都會好好珍惜時光，每一天都會好好愛錫我，保護我，甚至交帶一些朋友們照顧我，因為他唔確定何年何月要受到不公平的審訊，再一次步入監房。

他待我在朋友眼中係一個好浪漫好甜好暖的男朋友，而我在他眼中便是一生中最愛。

今日係他離開第77日，每一日都期昐著有他的消息，不論是好是壞只求有消息。

昨日再一次舊地重遊，去懷念我們的苦與甜，回憶一一浮現在眼前，但我知道我們仍然可以手拖手步向屬於我們倆口子的將來。

面對種種的打壓甚至未知的刑期，我都願意等你，你曾經講過可能10年或20年後再見，寧願我放棄你去追尋一生的幸福，我好想你知道：你就是我一生中的幸福。

最後我好想透過關注組多謝他的朋友/兄弟姐妹一直支持我陪伴我，亦好多謝你為我所做的一切。

#願你早日平安歸來
#你就是我一生的幸福 」

—

#BringThemBack
#save12hkyouths
#save12