🐯 Yo‘l-Bars berar dars?

⚠️ Ha, siz to‘g‘ri eshitdingiz! Endilikda bolajonlarimiz yo‘l harakati xavfsizligi qoidalarini Yo‘l-Bars bilan birga o‘rganishadi.

Bu loyihaning naqadar muhim ekanini yo‘l-transport hodisalari bo‘yicha statistikalarning o‘zi ham ko‘rsatib turibdi. Aynan shu sababli bolalarda yo‘l madaniyatini erta yoshdan shakllantirish juda muhim.

🎞️ Bugun jajji mehmonlarimiz loyiha bilan yaqindan tanishib, multfilm yaratilish jarayonida ham bevosita ishtirok etishdi.

Eng quvonarlisi, Yo‘l-Bars va uning sarguzashtlari bolajonlarga juda manzur bo‘ldi. 😊

Bizni kuzatishda davom eting — hali hammasi endi boshlanyapti!

🐯 Yo’lBars berar dars!

Bolaga yo‘l xavfsizligini qanday o‘rgatamiz?

Yo‘l xavfsizligi — bolalar uchun ham jiddiy masala. Dunyoda yo‘l-transport hodisalari yoshlar o‘limining asosiy sabablaridan biridir.

Bu muammoning muhim yechimlaridan biri — bolaga svetoforning qaysi chirog‘ida yo‘lni kesib o‘tish, mashinalar orasida qanday xavfsiz harakatlanish va yo‘lda o‘zini qanday tutishni o‘rgatish.

Buni multfilm orqali ham o‘rgatish mumkin.
Tadqiqotlar ta’limiy bolalar kontenti bolalarning bilim olishiga, jumladan, sog‘liq va xavfsizlik haqidagi bilimlariga ijobiy ta’sir qilishi mumkinligini ko‘rsatgan.

"Yo‘lbars berar dars" multseriali haqida to‘liqroq bilishni istasangiz, bizni kuzatishda davom eting.

🐯 Yo‘lBars berar dars!

🎨 Yo‘lbars qanday chizilgan?

Yo‘lbars shunchaki yo‘l harakati inspektori emas. U — bolalar bilan tez til topishadigan, aqlli, topqir va kerak bo‘lsa, muammoni noodatiy usulda hal qila oladigan qahramon.

Ammo u birdaniga shunday ko‘rinishda paydo bo‘lmagan.

Avval oddiy eskizlar paydo bo‘ldi. Qanday yuz ifodasi unga mos? U jiddiyroqmi yoki quvnoqroqmi?

Bir nechta takliflardan so'ng, eng ma'qul varyant tanlab olindi.

🐯 Yo‘lBars berar dars!

🦸 “Yo‘lbars berar dars”ning navbatdagi qahramoni bilan tanishing!

Toshbaqa tog’a - xarakteri sokin va bosiq. Hech kim bilan janjallashmaydi, baqirishni esa umuman yoqtirmaydi.

Lekin bitta g‘alati odati bor…

🐢 Toshbaqa mopedda juda tez yuradi. Chunki tormozni bosgunicha ham ancha joyga borib qo‘yadi! 😄

🐯 Yo‘lBars berar dars!

🚘 Haydovchilik guvohnomasini endigina olgan Qo‘zichoq bilan tanishing!

Keyingi qahramonimiz juda sodda va ishonuvchan. Xarakteri yumshoq, hech kim bilan janjallashmaydi. Ayblashsa, boshini egib oladi 😅

🚦 Rulga yaqinda o‘tirgani uchun ba’zan shunchalik dovdirab qoladiki, nima qilishni ham bilmay qoladi!

🐯 “Yo‘lbars berar dars” multiserialida ko‘rishguncha!