1-iyun — Xalqaro bolalarni himoya qilish kuni muborak bo‘lsin!

Bolalik — inson umrining eng sokin, eng beg‘ubor va hech qachon ortga qaytmaydigan oltin fasli. Bugungi sana biz kattalar uchun shunchaki bayram emas, balki qalbimizdagi eng muhim savolga javob izlash fursatidir: biz kelajagimiz egalariga qanday dunyo qoldiryapmiz?

Bolalarni himoya qilish — ularni faqatgina tashqi xavf-xatarlardan asrash degani emas. Asl himoya — ularning o‘ziga bo‘lgan ishonchini sindirmaslik, qiziqish va iqtidorini bo‘g‘maslik hamda murg‘ak qalbini tushunishdir.

Davlatimiz rahbari tomonidan yosh avlod ta’lim-tarbiyasiga, ularning har tomonlama sog‘lom, el-yurtga kamarbasta va barkamol bo‘lib voyaga yetishiga eng ustuvor vazifa sifatida e’tibor qaratilmoqda. Farzandlarimizning zamonaviy bilim olishlari hamda o‘z iqtidorlarini to‘laqonli ro‘yobga chiqarishlari uchun yaratilayotgan barcha sharoitlar va keng ko‘lamli islohotlar zamirida xuddi shu oliy maqsad mujassamdir.

Uyda, bog‘chada yoki maktabda bo‘lsin — qayerda bo‘lmasin, bolalarimizni qurshab turgan muhitni mehrga, e’tiborga va samimiyatga to‘ldiraylik. Har lahzada ularning kichik va mo‘jizaviy olamiga quloq tutib, orzulariga qanot, yiqilganida suyanchiq, xatolarida esa to‘g‘ri yo‘l ko‘rsatuvchi mayoq bo‘laylik.

Yurtimizdagi barcha bolajonlarni bugungi shodiyona bilan chin dildan tabriklayman! Osmonimiz doimo musaffo, bolalarimizning kelajagi nurli bo‘lsin. Hech bir xonadondan farzandlarning shodon va beg‘ubor kulgusi arimasin!

Hurmat bilan,
E’zoza Karimova
Maktabgacha va maktab ta’limi vaziri

✉️ Telegram 📱 Instagram 🗳 Facebook

🎒 1-sinfga qabul 20-iyundan: ota-onalar nimalarni bilishi kerak?

🏢1-sinfiga qabul tartibi va asosiy muddatlari ma'lum qilindi. Bu yil 795 mingdan ortiq bola maktabga qadam qo‘yishi kutilmoqda.

⚖️ Amaldagi tartibga ko‘ra, qabul ikki bosqichda tashkil etiladi:

✅ Birinchi bosqich — 20-iyundan 31-iyulgacha: arizalar maktabga biriktirilgan mikrohudud (yashash joyi) doirasida qabul qilinadi;
✅ Ikkinchi bosqich — 1-avgustdan: mikrohududdan tashqari maktablarga hujjat topshirish muassasadagi bo‘sh o‘rinlardan kelib chiqib amalga oshiriladi.

👶 Kimlar qabul qilinadi?
"Ta'lim to‘g‘risida"gi qonunga muvofiq, bolalar 7 yoshga to‘ladigan yilda 1-sinfga chiqadi. Ya'ni, bu yilgi qabulda 2019-yilning 31-dekabriga qadar tug‘ilgan bolalar uchun hujjat topshirish mumkin. 6 yoshli bolalar uchun esa maktabga majburiy tayyorlov guruhlari faoliyat yuritadi.

Edu - ta'lim yangiliklari✅👇
https://t.me/+uvviIr74utA1MGUy
https://t.me/+uvviIr74utA1MGUy

#Qabul2026 #Abituriyent2026

📣 DIQQAT, ABITURIYENTLAR!

Abituriyentlar ruxsatnomalari tayyor bo‘ldi

🧾 2026-2027-o‘quv yilida oliy va kasbiy ta’lim muassasalariga o‘qishga kirish uchun onlayn ro‘yxatdan o‘tgan abituriyentlarga “Abituriyent ruxsatnomasi”ni berish boshlandi.

👨‍💻 Abituriyentlar test sinovlarida ishtirok etish uchun “Abituriyent ruxsatnomasi”ni my.uzbmb.uz saytidan shaxsiy identifikatsiya raqami hamda pasport seriyasi va raqamini kiritgan holda yuklab olishlari mumkin.

🆔🧾⏰ Abituriyentlar test sinoviga pasport (ID-karta) va abituriyent ruxsatnomasi bilan belgilangan vaqtdan kechikmagan holda kelishlari lozim.

📕 Pasport nusxasi yoki boshqa hujjatlar bilan kelgan, shuningdek, kechikib kelgan abituriyentlar test sinovlariga kiritilmaydi!

✅ Agentlikning rasmiy sahifalari:
Telegram | Facebook | Instagram | YouTube