🔹 نسخ الأسئلة الوزارية للتاريخ #بدون_حل.
🔸 للصف السادس #الادبي.
🔹 من عام 2016 إلى عام 2021 و لكافة
الأدوار.

#كيفية_الأجابة
#اللغة_العربية

• شلون حبدي اجاوب أسئلة اللغة العربية بالامتحان ؟ تجاوب كالآتي :

1⃣ " تبدي تجاوب الأدب "

• أول ما تستلم الاسئلة تقلب راسًا على صفحة اسئلة الأدب ، وتعوف اسئلة القواعد ، تمام !؟ فهمت ؟! اوكي.

• من تطلع اسئلة الأدب لا تگعد تقراها الاسئلة كلها ثم تبدي تحل !!؟ لا دير بالك ، مثل ماعلمتك أنه ماقرا الاسئلة كلها ثم احل ، لا ، احط دفتري الامتحاني فوك الاسئلة واطلع أول سؤال من الأدب أول فرع ( يعني اول سؤال تقرا اول فرع منو ثم مباشرةً تبدي تحل ، تكمل ثم للفرع اللي بعدو ، تقراه وتحلو ثم تراجع اجوبتك كلش زين وتتاكد من السؤال ثم يلا تشوف السؤال إللي بعدو).

• صادفتك نقطة أو فرع ممتذكرو زين ؟! تحس ناسيه ؟ تحس متعرفو ؟ تعوفو متلزك بي ، أعبر للي بعدو تجاوب بالتسلسل ، كل إللي تعرفهم بالكامل.

• من تخلص ، أرجع للشي اللي معرفتو ، تكعد تفكر وتتذكر براحتك خطوة خطوة ، بدون استعجال او خوف ، صدكني إذا قاري راح تتذكر الجواب.

• تراجع اجوبتك وتتاكد من الترك ، هاي هي خلصنا ؟ اوكي هسه نروح للقواعد.

2⃣ " بعد الأدب اجاوب القواعد "

• من تكمل اجوبة الأدب ترجع تجاوب القواعد وايضًا نفس خطوات إجابة الادب تطبقهم خوش ؟! اللي خلاصتهم ( متقرا كل الاسئلة ، لا تستعجل , شي متعرفو عوفو للاخير ، بعدين أرجع للشي اللي معرفتو ، راجع الأجوبة والأسئلة وتتاكد من الترك).

• ها خلصنا الادب ثم القواعد ؟ هسه نروح آخر شي للمساعدة ، اللي هو الإنشاء.

3⃣ السؤال الأخير عندك فرعين عن الإنشاء ب آخر سؤال من الاسئلة ، مطلوب تجاوب واحد وتترك واحد تمام ؟ ف انت اختار الموضوع إللي يناسبك ، وتبدي تجاوب.


أهم #الإنشاءات_المتوقعة أنه تجي :-

1- العلم.
2- الوطن.
3- الاخلاق.
4-الصديق.
5- العمل.
6- الكلمة الطيبة.
7-الصبر.

#انتبه : هي مجرد توقعات لا أكثر.

#الادبي :- طلاب الادبي انتوا يكون ترتيب اجابتكم ك الآتي :- ادب ، نقد ، قواعد ، إنشاء.

#ملاحظة_مهمة :-

° جاوب كل سؤال بمكانو #المخصص مثل ماعلمتك بترتيب الدفتر الامتحاني ، يعني الأدب حتبدي تجاوب عليه ، مباشرةً تفتح #سؤال_الرابع لأنه عندو تبدي أسئلة الأدب.

#اساسيات |

* تتريك يلا تطلع للامتحان.
* لا تراجع مع أحد عند القاعة.
* لا تهتم باللي يصير داخل القاعة.
* لا تشوف الأجوبة بعد إلامتحان.