و الهجران حكمتُ نفسيَ به لأني أُتهمت بالخذلان حتى و إن ما زالت دموعي توفيك ولاء تبقى انت
الذي تعلمت منه معنى الغربة يا وطني .

زمان كان خطي ف منتهى القبح لدرجة مكنتش نقدر نقراه ف مره قالتلي أبلتي ف الابتدائي متكتبش شي متفهمش سمعت النصيحه المشكله توا قاعد نعيشه .

خاطري نكمل يومي كامل منسجم و بالي متريح نبقى نحكي بشغف كبير و تشغلني الخساره بس للأسف برشلونه مش هيلعبو طول اليوم .

صاحبي خطرله اليوم يسألني كنك تميت هك رغم أنها مش اول مره نكشر و لا ندير حاجه غريبه قتله ظروف قالي انت أول حد قالي ما توقفش عند ظرف مهما كان ، نا كذاب و غلطان يا صاحبي كنت نحساب كل الظروف ظروف عند واجهت الاسواء روحي .

معادش ندور ف نصي الثاني غايتي نودر الأول .

جاي تطمن ع أثر الحرق و تنفخ عليه متخافش اللي تشوف فيه ماضي و علم و انا عادي متعود ع النُدوب عندي واجد لكن متجيش توا بتجمل النفخ كان ممكن يطفيها وقت كانت نار بس عمره ما هيمسح أثر صح
مهوش ذنبك و مكنتش موجود و هذي هي المشكله .

مفش حاجه حتأذيك اكثر من تفكيرك ، معش تفكر وتحسب كل شي خليه ماشي كيف ماهوا ، عشان معش تتعب اكثر من هكي مش ناقصك .

عندي مشكله معا تحليل كل شي ونحسب ف كل شي بس لو جيت سالتني حنقولك معش تحسب وعيش كل شي فوقته ، ونا نسأل في روحي في
كل موقف الف سؤال .

ما مشيتش ولا حنمشي بمزاج حد .

منديرش في شي ولا حققت إنجاز ولا عاد بنحقق معادش هنحاول حتى لو بتسموه فشل مهوش ساهل الفشل مش هتصدق كمِّن محاولة درت بش حققت اللّقب اهوا معادش فيها طريق نا هنا وصلت .

كانتش طيبه زايده كان ظني انه صاحب الثقة ما يغدرش و من عطيته ودي ما يهونش مدام معنداش سبب ميضرش و وقت نسامح هيتقدر هذا هبال .

. {إِنَّكَ مَيِّتٌ وَإِنَّهُم مَّيِّتُونَ }

الآية اللي جى يوم و حد طمني بيها .

والله في حاجات يا مُعاذ في وراهم أذى كبير
بقد ماهمّ سماح ، سماح لدرجه متصورش أذاهم .

ضغوطات مثقله بالحيل من كل مكان عرب مش عارف عليش يحاربو فيا اصلاً نفسيه تفرح عدوك انهيار أعصاب صداع مُدمن ، وكل ماهو سيء .

يعني مش قادر تتحمل تشوف قسوة كل ما مر عليك في لحظة وأنت مُغيب بس أنت عشته لحظة بلحظة وأنت بكامل وعيك يعني أنت مدرك إنك ما أدركتش إلا وأنت مش مدرك !

بذلت مجهود كبير عشان ميسطرش عليا التفكير و يملكني الهم درت كل شيء على مدار اليوم لين تعبت قلت خلاص وقت النوم جاء مكنتش نحساب تفكيري يرجى فيا غادي قفطني و مش هيكون في جهد حتى نرد نهرب يبال نقاوم حرب مع عقلي طبيعي انا نكون المخدوع فيها .