די צוגרייטונגען: די דראונס וועלכע זענען געווארן אויפגעבויעט אין אוקראינע און אריינגעשמוגלט קיין רוסלאנד. אינדערצייט וואס די אקציע איז געווארן באשטעטיגט צו פאראויסגיין האבן אלע קאנטעינארס, טרעילארס און הייזער אין רוסלאנד וואס האבן פארמאגט איינגעפלאנצטע דראונס אנגעהויבן שיסן אין דער זעלבער צייט.

אין בילד אויבן לינקס: די דאך פון א טרעילאר וואס האט זיך געעפנט און ארויסגעלאזט א שווארמע פון אטאקיר דראונס.

▫️אידישער ווינקל ▫️

איינער פון די דראונס וואס האבן אטאקירט רוסלאנד.

▫️אידישער ווינקל ▫️

רוסלאנד'ס סטראטעגישע באמבארדיר פלאטע ברענט.

עס ווערט קלאר אז דראונס אטאקעס זענען פארגעקומען נעבן פיר לופטפעלדער טיף אין רוסלאנד.

מער ווי 40 פליגערס פארניכטעט אדער געשעדיגט אין:

- אליענא לופטבאזע אין מארמאנסק.
- בעלאיע לופטבאזע, אין אירקוטסק
- איוואנאווע לופטבאזע, אין איוואנאווע
- דיאגאליווע לופטבאזע, אין ריעזאן

טייל פון די באזעס זענען טויזענטער קילאָמעטערס אוועק פון אוקראינע.

עס האט גענומען 45 סאקונדעס פון ווען די דראונס זענען געווארן באפרייט ביז ווען די פליגערס האבן אויפגעריסן.

▫️אידישער ווינקל ▫️

איינער פון די טראקס נאכ'ן ענדיגן די מיסיע, רייסט אויף, מיט א רוסישער בירגער וואס האט אריינשפאצירט דערין צו פרובירן אפשטעלן די אטאקע.

▫️אידישער ווינקל ▫️

מעריב אנליין באריכט אז נאך וואס מדינת ישראל האט באוויזן צו עלימינירן אלע כאמאס פירער אין עזה, וועט זי פאקוסירן אויפ'ן נאכיאגן און אפווישן פון דער מאפע, אלע כאמאס פירער וועלכע געפונען זיך ארום דער וועלט.

▫️אידישער ווינקל ▫️

א פערזאן פון עגיפטן וואס האט זיך געפונען אומלעגאל אין די פאראייניגטע שטאטן האט אטאקירט א פרא מדינת ישראל פארזאמלונג אין בולדער, קאלאראדא אין וועלכע 12 מענטשן זענען פארוואונדעט געווארן, זונטאג פארנאכטס.

די פאליציי זאגט אז ער האט געפלאנט די אטאקע פאר א יאר צייט. די אייס אגענטור האט ארעסטירט די פאמיליע און וועלן זיי דעפארטירן.

▫️אידישער ווינקל ▫️

דער פרעזידענט פון איראן מאסוד פאזעשקען זאגט אז איראן וועט זיך נישט בייגן צו אמעריקאנער דרוק איבער אויפגעבן איר נוקלעארער פראגראם.

▫️אידישער ווינקל ▫️

פרעזידענט טראמפ האט נאכאמאל געלאזט הערן זיין מיינונג אז איראן וועט נישט ווערן ערלויבט צו פארמאגן סיי וועלכע בארייכערטע אוראניום. עס איז ערווארטעט אז איראן וועט צוריקקומען מיט א נעגאטיווע ענטפער איבער דער לעצטער אמעריקאנער דיעל פארשלאג.

▫️אידישער ווינקל ▫️

אוקראינע האט דורכגעפירט אן אטאקע אויף די קרימיע בריק צום דריטן מאל.

העכער א טאן פון אויפרייס מאטריאל זענען געווארן צוגעבינדן צו איינער פון די אונטערוואסער שטאנגען וואס שטיצן אונטער דעם קערטש בריק.

די פארקער פון די בריק איז שוין צוריק געעפנט געווארן.

▫️אידישער ווינקל ▫️

Beautiful House In Airmont, Available To be rented For the summer.

Message Us here:
https://api.whatsapp.com/send?phone=18459079672&text=Hi,%20I'm%20interested%20Please

דער קאנסערוואטיווער קאנדידאט קאראל נאוראקי האט געווינען די וואלן פאר פרעזידענט אין פוילן.

▫️אידישער ווינקל ▫️

לויט באריכטן פון עזה איז דער צושטאנד ממש ווי דער גיהנם זאל זיך האבן געעפנט, מיט די מדינת ישראל מיליטער פארזעצנדיג צו פאראויסגיין מיט איר נייע אגרעסיווע "מרכבות גדעון" מיסיע.

איינוואוינער אין מדינת ישראל זאגן אז קיינמאל פארדעם האט זיך די ערד נישט אזוי געשאקלט פון די אטאקעס אין עזה מיט די מאכטפולע גערודער און אפקלאנגען ווערנדיג געהערט ביז צפון ארץ ישראל.

▫️אידישער ווינקל ▫️

אילאן מאסק, דער וועלט'ס רייכסטער מאן וואס האט נארוואס געענדיגט זיין 100 טאגיגער טערמין אלס גאווערמענט ארבעטער אין די טראמפ אדמיניסטראציע, אלס אנפירער פון דאוזש, איז נאכאמאל ארויסגעקומען שארף אטאקירן די "הערליכע גרויסע ביל פון די טראמפ אדמיניסטראציע."

לויט מאסק איז עס א שאנדע אויף סיי ווער עס שטימט דערויף.

▫️אידישער ווינקל ▫️

הויז ספיקער מייק דזשאנסאן רעאגירט און זאגט אז עס איז זייער אנטוישנד אז אילאן מאסק זאל אראפרייסן דער פרעזידענט'ס גרויסע הערליכע ביל און אז ער איז זייער נישט גערעכט מיט זיין קריטיק ארום די שפענדערייען.

▫️אידישער ווינקל ▫️

צוויי אראבער פון חברון זענען נארוואס געווארן געכאפט און אפגעשטעלט אין די באן סטאנציע אין תל אביב, טראגעדיג מונדירן פון די מדינת ישראל מיליטער אין זייערע זעקלעך.

זיי זענען גענומען געווארן פאר אויספארשונג דורך די זיכערהייט אגענטורן.

▫️אידישער ווינקל ▫️

הויז ספיקער מייק דזשאנסאן: פרעזידענט טראמפ איז נישט פרייליך אז אילאן מאסק האט געמאכט א 180...

▫️אידישער ווינקל ▫️

הויז ספיקער מייק דזשאנסאן: "איך האב געקלינגען נעכטן אילאן מאסק, ער האט נישט געענטפערט דעם רוף..."

▫️אידישער ווינקל ▫️

פרעזידענט טראמפ האט גערעדט טעלעפאניש מיט רוסישער פרעזידענט וולאדימיר פּוטין.

פוטין האט קלאר געמאכט פאר טראמפ אז ער וועט יעצט מוזן רעאגירן און נקמה נעמען אויף די אוקראינישע אינפילטראציע אטאקע אין וועלכע 40 סטראטעגישע באמבארדיר פליגערס זענען געווארן פארניכטעט אדער געשעדיגט.

טראמפ האט געזאגט פאר פוטין אז איראן קען נישט האבן קיין נוקלעארע וואפנס און אז ער קען מעגליך זיין דער מיט א לעזונג דערצו. "איראן איז שטאט מיט זייערע רעאקציעס און מיר וועלן דארפן אן ענדגילטיגער ענטפער אין דער נאנטער צוקונפט."

▫️אידישער ווינקל ▫️

טראץ וואס א צאל לענדער טוען באיקאטירן מדינת ישראל'ס פארטיידיגונג אינדוסטריע, האט דער מיניסטער פון פארטיידיגונג געמאלדן אז מדינת ישראל האט געבראכן א פרישן רעקארד פון וואפנס עקספארטן.

דער פארטיידיגונגס מיניסטער ישראל כץ מעלדט היינט אז אין יאר 2024 האט מדינת ישראל פארקויפט וואפנס אין ווערד פון נאנט צו 15 ביליאן דאלער (ארום 52 ביליאן ש"ח) א העכערונג פון ארום 13% פראצענט פון א יאר פארדעם.

מער ווי האלב פון די דיעלס זענען ווערד העכער 100 מיליאן. איבער האלב פון די עקספארטן גייען פאר לענדער אין אייראפע.

אין ארום 4 יאר האבן מדינת ישראל וואפנס עקספארטן דערגרייכט א שפרינג פון העכער 100%.

▫️אידישער ווינקל ▫️

די GB זומער סעיל איז דא 🌷