בילדינג.עי-איי, וועלכע איז אין דער פארגאנגענהייט געווען ווערד 1.5 ביליאן דאלער, האט זיך צוזאמגעלייגט נאך וואס עס איז געווארן אויפגעדעקט אז איר עי-איי איז פאלש.

די פירמע האט אנגעבליך געזאלט אפערירן מיט פארגעשריטענע עי-איי אבער אנשטאט האט זי אויפגענומען מענטשליכע דעוועלאפערס אין אינדיע צו שרייבן קאוד.

▫️אידישער ווינקל ▫️

דער ספעציעלער דיפלאמאט פון די טראמפ אדמיניסטראציע, סטיוו וויטקאף מעלדט אז די פרישע פארשלאג פאר אן אפמאך איז צעפאלן מיט כאמאס נישט איינשטימענדיג דערויף, לויט וויטקאף איז כאמאס' ענטפער "אומאקצעפטירבאר און גייט נאר פירן די פארהאנדלונגען צוריקצואוועגס.‏

כאמאס איז גרייט צו באפרייען בלויז 4 משכונות אין דער ערשטער טאג, און די אנדערע 6 צעטיילט צווישן א מאנאט און צוויי מאנאטן, זי פארלאנגט אויך אן ענדע צו די קריג.

טראמפ האט לעצטע נאכט געזאגט אז אן אפמאך אין אויסטויש פאר די באפרייאונג פון משכונות איז זייער נאנט.

די מדינת ישראל מיליטער זעצט פאר צו אפערירן, עוואקואירן און אויספלאסטערן געגנטער אין עזה.

▫️אידישער ווינקל ▫️

די סופרים קאורט האט געגעבן ערלויבעניש פאר די טראמפ אדמיניסטראציע אוועק צו נעמען די לעגאלע סטאטוס פון 500,000 אימיגראנטן וועלכע האבן באקומען צייטווייליגע בירגערשאפט אונטער ביידען.

▫️אידישער ווינקל ▫️

אין א קאמישער אינצידענט האט זיך א פארברעכער איינגעבראכן אין א הויז אין אפסטעיט ניו יארק, זיך געזעצט עסן, גענומען א שאוער און זיך אנגעטוהן קליידונג וואס ער האט דארט געטראפן.

ווען דער בעל הבית איז אהיים געקומען האט ער געבעטן דעם פארברעכער ארויס צו גיין, אבער יענער האט גע'טענה'ט אז דאס איז זיין הויז.

▫️אידישער ווינקל ▫️

ווילדע וואלד פייערן אין קאנאדע'ס וואלדפייער סעזאן פארשפרייטן שעדליכע לופט אין ארומיגע געגענטער, און האט שוין דערגרייכט אמעריקאנער שטאטן ביי די קאנאדישע גרעניצן.

▫️אידישער ווינקל ▫️

אייס אגענטן פירן ווייטער דורך ארעסטן אויף אומלעגאלע אימיגראנטן וועלכע קומען אין געריכט זיך פארטיידיגן, און האבן ארעסטירט נאך זיבן פארגאנגענעם דאנערשטאג אין מאנהעטן.

▫️אידישער ווינקל ▫️

די סי-די-סי האט עטוואס געטוישט זייער שטאנד אויף די קאוויד 19 וואקסינאציע, און האט אראפ גענומען די אפיציעלע רעקאמענדאציע אז קינדער זאלן ווערן וואקסינירט.

▫️אידישער ווינקל ▫️

צוויי ניו-יארקער פאליציי אפיצירן זענען אנגעבליך געדינגען געווארן פאר פערזענליכע זיכערהייט, דורך די פארברעכער וועלכע האבן פארכאפט און געפייניגט אן איטאליענער קריפטא-מיליאנער די וואך.

פאליציי פארשט אויב די אפיצירן זענען געווען פארמישט און אויב זיי האבן באקומען די פאלאנגטע באשטעטיגונג צו זיין פערזענליכע זיכערהייט וועכטער.

▫️אידישער ווינקל ▫️

יונייטעד לופטליניע מעלדט אז זיי וועלן צוריק אנהויבן די רייזעס פון ניו-יארק קיין תל-אביב, אנגעהויבן פון יוני 05.

▫️אידישער ווינקל ▫️

אוקראינע'ס עס-בי-יו אגענטור האט איבערראשט די וועלט מיט'ן דורכפירן א מאסיווער אפעראציע נוצנדיג זעלבסטמארד דראונס.

די מיסיע וואס זי האט א נאמען געגעבן "שפין געוועב" איז פארגעקומען ביי די בעלאיע לופטבאזע אין די אירקוטסק ראיאן, 4,200 קילאמעטער אוועק פון די דע-פאקטא אוקראינישע גרעניץ.

עס זענען דארט געווארן פארניכטעט אדער געשעדיגט געווארן העכער 40 באמבארדיר פליגערס, אריינגערעכנט A-50 סורוועילענס פליגערס, Tu-95 און TU-22M3 סטראטעגישע באמבארדירונג פליגערס.

לויט ערשטע שאצונגען האט די אטאקע געשאפן שאדנס פון העכער $2 ביליאן רובל [געשאצטע זיבן ביליאן דאלער] פאר די רוסישע עירפארס.

דער רוסישער פרעזידענט האט גערופן פאר אן עמערדזשענסי זיכערהייט קאונסיל זיצונג.

▫️אידישער ווינקל ▫️

נאנטע ווידעא צייגט ווי רוסישע עראפלאנען וועלכע מאכן דעם טויט פאר אוקראינע בירגער מיט'ן באמבארדירן אומאויפהערליך, ווערן ארויסגענומען פון דינסט איינס נאכ'ן צווייטן דורך א גאר פרעציזער אקציע.

לויט באריכטן האט אוקראינע נישט אינפארמירט די טראמפ אדמיניסטראציע איבער די פלאן.

▫️אידישער ווינקל ▫️

די דראונס גענוצט צו אטאקירן די רוסישע באמבארדיר פליגערס זענען געווארן ארויסגעשיקט פון טרעילארס וואס זענען געווארן פארקירט נישט ווייט פון די מיליטערישע באזעס.

די טראקס האבן אויפגעריסן פון זיך אליינס, ווי נאר זיי האבן געענדיגט ארויסשיסן אלע דראונס.

▫️אידישער ווינקל ▫️

ווייטערדיגע באריכטן איבער די אוקראינישע אטאקע אין רוסלאנד, איינס פון די מערסט דראמאטישע מיסיעס אין מאדערנע היסטאריע.

אוקראינע האט גענוצט עי-איי צו טרענירן אירע דראונס צו אטאקירן די שוואכסטע באשיצטע באשטאנדטיילן פון יעדן מאדעל פון רוסלאנד'ס סטראטעגישע באמבארדיר פליגערס, דורכאויס די אטאקע.

אין בילד: אוקראינע'ס עס-בי-יו טשיף וואסיל מאליוק, שטודירנדיג די אטאקע פלענער, וועלכע האבן גענומען 18 מאנאטן צו אנגרייטן.

▫️אידישער ווינקל ▫️

דורכאויס די אטאקע טיף אין אירקוטסק ראיאן זענען א גרופע רוסישע בירגער ארויפגעקראכן אויף א טראק, אין א פרואוו צו אפשטעלן דאס ארויסשיסן נאך דראונס. זיי האבן מעגליך אפגעהאלטן ווייטערדיגע אטאקעס.

▫️אידישער ווינקל ▫️

די צוגרייטונגען: די דראונס וועלכע זענען געווארן אויפגעבויעט אין אוקראינע און אריינגעשמוגלט קיין רוסלאנד. אינדערצייט וואס די אקציע איז געווארן באשטעטיגט צו פאראויסגיין האבן אלע קאנטעינארס, טרעילארס און הייזער אין רוסלאנד וואס האבן פארמאגט איינגעפלאנצטע דראונס אנגעהויבן שיסן אין דער זעלבער צייט.

אין בילד אויבן לינקס: די דאך פון א טרעילאר וואס האט זיך געעפנט און ארויסגעלאזט א שווארמע פון אטאקיר דראונס.

▫️אידישער ווינקל ▫️

איינער פון די דראונס וואס האבן אטאקירט רוסלאנד.

▫️אידישער ווינקל ▫️

רוסלאנד'ס סטראטעגישע באמבארדיר פלאטע ברענט.

עס ווערט קלאר אז דראונס אטאקעס זענען פארגעקומען נעבן פיר לופטפעלדער טיף אין רוסלאנד.

מער ווי 40 פליגערס פארניכטעט אדער געשעדיגט אין:

- אליענא לופטבאזע אין מארמאנסק.
- בעלאיע לופטבאזע, אין אירקוטסק
- איוואנאווע לופטבאזע, אין איוואנאווע
- דיאגאליווע לופטבאזע, אין ריעזאן

טייל פון די באזעס זענען טויזענטער קילאָמעטערס אוועק פון אוקראינע.

עס האט גענומען 45 סאקונדעס פון ווען די דראונס זענען געווארן באפרייט ביז ווען די פליגערס האבן אויפגעריסן.

▫️אידישער ווינקל ▫️

איינער פון די טראקס נאכ'ן ענדיגן די מיסיע, רייסט אויף, מיט א רוסישער בירגער וואס האט אריינשפאצירט דערין צו פרובירן אפשטעלן די אטאקע.

▫️אידישער ווינקל ▫️

מעריב אנליין באריכט אז נאך וואס מדינת ישראל האט באוויזן צו עלימינירן אלע כאמאס פירער אין עזה, וועט זי פאקוסירן אויפ'ן נאכיאגן און אפווישן פון דער מאפע, אלע כאמאס פירער וועלכע געפונען זיך ארום דער וועלט.

▫️אידישער ווינקל ▫️

א פערזאן פון עגיפטן וואס האט זיך געפונען אומלעגאל אין די פאראייניגטע שטאטן האט אטאקירט א פרא מדינת ישראל פארזאמלונג אין בולדער, קאלאראדא אין וועלכע 12 מענטשן זענען פארוואונדעט געווארן, זונטאג פארנאכטס.

די פאליציי זאגט אז ער האט געפלאנט די אטאקע פאר א יאר צייט. די אייס אגענטור האט ארעסטירט די פאמיליע און וועלן זיי דעפארטירן.

▫️אידישער ווינקל ▫️