#Qonunchilikdagi_yangiliklar
#Qaror_sharh

Muhtoj shaxslar uchun yanada keng imkoniyatlar: protez va reabilitatsiya vositalari bilan ta’minlash sohasida muhim o‘zgarishlar

🖋 Davlat tomonidan kafolatlangan tarzda ta’minlanadigan protez moslamasi va reabilitatsiya vositalari ro‘yxatini kengaytirishga qaratilgan Hukumatning qarori qabul qilindi.

Hukumat qarorda quyidagilar nazarda tutilmoqda:

✅ Davlat tomonidan kafolatlangan tarzda ta’minlanadigan protez moslamalari va reabilitatsiya vositalarining ro‘yxati 30 tadan 38 ta kengaytirildi.

Ya’ni, endilikda quyidagi yangi maxsulotlar ham muhtojlarga taqdim etiladi:
• Bolalar uchun kreslo-aravacha;
• Elektron skuter;
• Funksional krovat;
• Maxsus matras;
• Tibbiy tuvak;
• Ko‘taruvchi kreslo-aravacha;
• Maxsus yurish moslamasi;
• Bionik qo‘l protezi.

Yangi turdagi reabilitatsiya vositalariga yillik 21,9 ming nafar ehtiyoj kutilmoqda, bunga qo‘shimcha 68,4 mlrd so‘m mablag‘ yo‘naltirilishi rejalashtirilgan.

✅ Yangi kiritilayotgan protez moslamalari va reabilitatsiya vositalariga shaxslarning muhtojligini aniqlash bo‘yicha tibbiy ko‘rsatmalar tasdiqlandi.

Shaxsning tibbiy holatiga asosan protez va reabilitatsiya vositasiga muhtojligi vrachlik yoki ekspert komissiyasi tomonidan aniqlanadi.

✅ "Inson" markazlari binolarida tadbirkorlar tomonidan reabilitatsiya vositalari ta’mirlanib, qayta foydalanish tartibi joriy qilindi.

Birgina yil davomida 100 ta nogironlar aravachasi qaytarib berilgan taqdirda, shuncha shaxsga bepul vaucherga asosan foydalanish imkoni yaratiladi.

✅ besh va undan ko‘p marotaba protez moslamasi yoki reabilitatsiya vositasini muhtoj shaxslarga vaqtida yetkazib bermagan tadbirkorlar Reyestridan chiqarish va qayta kiritish asoslari belgilandi.

📝 telegram    💻 instagram  
📝 facebook   🐧 xcom
🎞 youtube     🎖 ihma.uz