🔷 Երևանի քաղաքապետի տեղակալ Սարգիս Մադաթյանը հյուրընկալել է բժշկական գիտությունների դոկտոր, նյարդաբանության պրոֆեսոր, գիտնական Յես Օլեսենին:

🔷 Հանդիպման ընթացքում Երևանի քաղաքապետարանի առողջապահության վարչության և «Ցավի բժշկության ազգային ասոցիացիա» հասարակական կազմակերպության միջև ստորագրվել է փոխըմբռնման և համագործակցության հուշագիր: 

🔷 Համագործակցությունը կնպաստի ընթացող կրթական, բժշկագիտական և առողջապահական բարեփոխումներին:

🔷 ЕVE Capital ընկերությունը՝ Կենտրոն վարչական շրջանի աջակցությամբ վերանորոգում է մայրաքաղաքի ցայտաղբյուրները:

🔷 Բակային տարածքներում նախատեսվում է 2000-ից ավելի ցայտաղբյուրի վրա կոճակային փականներ տեղադրել, իսկ կենտրոնական փողոցներում և զբոսաշրջային վայրերում ցայտաղբյուրները փականներ չեն ունենա՝ պահպանելով քաղաքի կոլորիտը:

🔷 Երևանում 2020-2024 թվականներին կառուցվել է շների համար առանձնացված 6 զբոսայգի՝ Մալաթիա-Սեբաստիա, Նոր Նորք, Քանաքեռ Զեյթուն, Արաբկիր, Շենգավիթ, Կենտրոն վարչական շրջաններում:

🔷 Նոր Նորքում և Քանաքեռ-Զեյթունում արդեն 2-րդն է կառուցվում, Դավթաշեն, Նուբարաշեն և Նորք Մարաշ վարչական շրջաններն էլ նախագծման փուլում են:

🔷 Երևանի քաղաքապետ Տիգրան Ավինյանը հյուրընկալել է Ճարտարապետների միությունների միջազգային ասոցիացիայի կոորդինացիոն խորհրդի անդամներին, ովքեր Հայաստան են ժամանել Հայկական ճարտարապետության փառատոնին մասնակցելու նպատակով:

🔷 Հոկտեմբերի 10-12-ն անցկացվող միջազգային ստուգատեսի շրջանակում կներկայացվի շուրջ 150 նախագիծ:

🔷 Ճարտարապետների միությունների միջազգային ասոցիացիայի կոորդինացիոն խորհրդի նախագահ է ընտրվել Երևանի ավագանու «Քաղաքացիական պայմանագիր» խմբակցության անդամ, ճարտարապետ Ալեքսանդր Բադալյանը:

🔷 Այս օրերին մայրաքաղաքում անցկացվում է «Գլխացավերի վարման արդի մոտեցումները» խորագրով միջազգային գիտաժողովը, որը նվիրված է բժշկական գիտությունների դոկտոր, նյարդաբանության պրոֆեսոր, գիտնական Յես Օլեսենին:

🔷 Յես Օլեսենը իր փորձով և գիտական ուսումնասիրություններով է կիսվել առողջապահության ոլորտի հայ մասնագետների հետ:

Երևանի 2806 ամյակի առթիվ ժամը 12։00-ից մայրաքաղաքի տարբեր վայրերում կանցկացվեն տարաբնույթ միջոցառումներ։

🔷 Շառլ Ազնավուրի հրապարակում տեղի կունենա էստրադային համերգ.

🔹13:00 - Երվանդ Երզնկյան
🔹14:45 - Գարիկ և Սոնա
🔹15:30 - "Kami Friends" band
🔹16:30 - Արամ MP3
🔹17:15 - Իվետա Մուկուչյան


🔷 Ազատության հրապարակում տեղի կունենա դասական համերգ․

🔹17:00 - «Երևան» պատանեկան սիմֆոնիկ նվագախումբ
🔹19:00 - Հայաստանի պետական սիմֆոնիկ նվագախումբ


🔷 Գաֆէսճեան քանդակների պարտեզում (Կասկադ) տեղի կունենա ջազ համերգ.

🔹12:00 - «Երևան» փողային նվագախումբ
🔹13:00 - "Jazz for kids"
🔹14:00 - Արցախի պետական ջազ նվագախումբ
🔹15:00 - «Կատուներ» նվագախումբ
🔹16:00 - «Մալխաս» ջազ եռյակ
🔹17:00 - Հայաստանի պետական ջազ նվագախումբ
🔹18:00 - Արտո Թունջբոյաջյան և Արմենիան Նեյվի բենդ
🔹19:00 - Տիգրան Համասյան տրիո


🔷 Դիանա Աբգարի անվան զբոսայգու տարածքում տեղի կունենա ռոք համերգ.

🔹14:00 - Սևագիր
🔹15:00 - Կավիճ
🔹16:00 - Թմբաթա
🔹17:00 - "Fairwind"
🔹18:00 - "Rozen Tal"
🔹19:00 - Լավ էլի
🔹20:00 - Jag և Նարեկ Բարսեղյան
🔹21:00 - Նեմրա


🔷 Համերգին զուգահեռ նույն տարածքում կանցկացվի նաև գարեջրի փառատոն:


🔷 12:00-23:00 Հյուսիսային պողոտայում կանցկացվի գինու փառատոն:

🔷 12:00-18:00 Սախարովի հրապարակում կանցկացվեն փողոցային ֆուտբոլին, բասկետբոլին, ռաունդնեթին, սեղանի թենիսին և այլ սպորտաձևերին նվիրված միջոցառումներ:


🔷 Ժամը 21։00-ին՝ Հանրապետության հրապարակում, կկայանա օրվա գլխավոր միջոցառումը՝ եզրափակիչ տոնական համերգը, որտեղ ելույթ կունենան հանրապետության սիրված արտիստները։

🔷 Ռոք, ջազ, էստրադա, դասական երաժշտություն, սպորտային գոտի ու գինու և գարեջրի փառատոներ.

🔷 «Էրեբունի-Երևան 2806» տոնական միջոցառումները քաղաքի սրտում իրենց շուրջն էին հավաքել երևանցիներին ու մայրաքաղաքի հյուրերին:  
 
ԱՎԵԼԻՆ

🔷 «Էրեբունի-Երևան 2806» միջոցառումներն ամփոփվեցին եզրափակիչ տոնական համերգով:

🔷 Հանրապետության հրապարակը լեփ-լեցուն էր քաղաքի տոնը վայելող երևանցիներով ու հյուրերով:

🔷 Բեմում՝ սիրված արտիստներն էին, սիրված կատարումներով:

ԱՎԵԼԻՆ

🔷 Երևանի քաղաքապետարանի «Կենդանիների խնամքի կենտրոն» ՀՈԱԿ-ը շարունակում է կենտրոնում ապաստան գտած կենդանիներին խնամակալության հանձնել:

🔷 Այս տարի արդեն 100 շուն հոգատար տեր է գտել:

🔷 Երևանի ավագանու որոշմամբ բեմադրիչ, ՀՀ ժողովրդական արտիստ Արմեն Խանդիկյանին, օպերային երգիչ, ՀՀ ժողովրդական արտիստ Բարսեղ Թումանյանին, քանդակագործ, ակադեմիկոս, ՀՀ ժողովրդական նկարիչ Լևոն Թոքմաջյանին և բանաստեղծ, գրականագետ, բանասիրական գիտությունների դոկտոր, պրոֆեսոր, ՀՀ մշակույթի վաստակավոր գործիչ Հենրիկ Էդոյանին շնորհվել է «Երևանի պատվավոր քաղաքացի» կոչում։

🔷 Ավագանին արտոնություններ է սահմանել Երևան քաղաքում սեփականության իրավունքով պատկանող և անշարժ գույքի հարկով հարկման օբյեկտ համարվող բնակելի նշանակության շինությունների և փոխադրամիջոցի գույքահարկի գծով:

🔷 Խմբում ընդգրկված է 87 քաղաքացի, որից 52-ը՝ Արցախյան և Հայաստանի Հանրապետության պատերազմների 1-ին և 2-րդ խմբի զինհաշմանդամներ, 35-ը՝ գերեվարված, անհայտ բացակայող կամ մահացած ճանաչված անձանց և զոհվածների ընտանիքների անդամներ:

🔷 Երևանի ավագանու հաջորդ հերթական նիստը կգումարվի նոյեմբերի 19-ին:

🔷 Հոկտեմբերի 16-ից երթևեկության կազմակերպման փոփոխություն կկատարվի Շարիմանյան փողոցում:

🔷 Մասնավորապես Հերացի փողոցից դեպի Աբովյան պուրակ երթևեկելի մասի աջ կողմում կարգելվի մեքենաների կանգառը:

🔷 Միաժամանակ նշված ճանապարհահատվածում կարվի համապատասխան գծանշում և կտեղադրվեն ճանապարհային նշաններ:

🔷 Մալաթիա-Սեբաստիա վարչական շրջանում 4000-ից ավելի գովազդային վահանակներից 2874-ը ապամոնտաժվել է:

🔷 Մեծ տեղեկատու դաշտով 106 գովազդային վահանակից 67-ը հեռացվել է, 39-ը առաջիկայում կհեռացվի:

🔷 Տնտեսվարողները նախօրոք զգուշացվում և ծանուցվում են նոր չափորոշիչների մասին, որոշ դեպքերում հենց իրենք էլ հեռացրել են արտաքին գովազդային վահանակները:

🔷 Երևանում 2024-2025թթ ընթացքում 237 կմ ջրագիծ և կոյուղագիծ կանցկացվի ու կփոխարինվի: Ծրագիրն իրականացվում է բոլոր վարչական շրջաններում:

🔷  Պետություն-համայնք - «Վեոլիա ջուր» գործակցությամբ իրականացվող ծրագրերի վերջնարդյունքում ընդհանուր առմամբ շուրջ 14400 բաժանորդի խնդիր կլուծվի:

🔷 Երևանի ներքաղաքային կոյուղատար ցանցը շուրջ 1200 կմ է, որի մոտ 80%-ը փոխարինման կարիք ունի:

🔷 Հոկտեմբերի 17-ից   Երևանյան – Գասպարյան փողոցների խաչմերուկում կկատարվի երթևեկության կազմակերպման փոփոխություն:

🔷 Մասնավորապես՝ Էջմիածնի խճուղուց եկող ուղղությամբ նախկին «ուղիղ, աջ», «ուղիղ, ձախ» թույլատրված երթևեկության փոխարեն երթևեկությունը կթույլատրվի «ուղիղ և աջ»,  «միայն ուղիղ» ուղղություններով:

🔷 Նշված խաչմերուկում կկատարվի համապատասխան գծանշում և կտեղադրվեն ճանապարհային նաշններ:

🔷 Ամիսներ առաջ Ալեք Մանուկյան փողոցից հեռացվեցին կենսունակությունը կորցրած հարյուրամյա ծառերը: Դրանց փոխարեն տնկվեցին արժեքավոր ու գեղազարդ ծառատեսակներ, որոնց ծաղկման շրջանը տևում է 3-4 ամիս:

🔷 Մայրաքաղաքում կանաչ և բուսածածկ տարածքներն ընդլայնելու նպատակով այժմ այդ նույն փողոցում թփեր են տնկվում, հեռացվում են երկաթե ցանկապատերն ու բետոնապատված հատվածները:

🔷 Համայնքի ենթակայությամբ գործող 40 նախակրթարաններ համալրվել են ֆիզկուլտուրայի պարապմունքների համար նախատեսված նոր գույքով:

🔷 Երևանի մարդիկ. դերասանը

🔷 Անդրանիկ Աբրահամյանը՝ թատրոնի և կինոյի զուգահեռ աշխարհներում մեկը մյուսից շատ տարբեր կերպարներ է կերտում:

🔷 Սարյանական ոգին ու գունապնակն այսուհետ կլինի Երևանի սրտում: Կենտրոն վարչական շրջանը, «Կերոն» զարգացման հիմնադրամը և «Մանե Թայլս» ընկերությունը համատեղ նախաձեռնել են Մարտիրոս Սարյանի անվան փողոցի գլխավոր աստիճանների և դրա հարակից տարածքի բարեկարգման ծրագիրը:

🔷 «Սարյանի աստիճաններ» անվանումը ստացած նախագծի շրջանակում նախատեսվում է արտացոլել մեծ նկարչի «Հայաստան» կտավը կավից պատրաստված խճանկարով, որը բաղկացած է 1620 ամբողջությամբ ձեռագործ սալիկներից:

🔷 Պլանավորվում է նաև ժամանակակից ինստալացիայի տեղադրում և հարակից տարածքի կանաչապատում քաղաքի այդ հատվածը հետաքրքիր լուծումներով Երևանի գրավիչ վայրերից մեկը դարձնելու համար: