#በህይወት እስካለህ:-
:
ልትሳሳት ፣ልትወድቅ ትቸላለህ ፣
:
ሰዎች ላይቀበሉህ ይችላሉ ፣
:
ወይም ሀሳብህን ላይረዱህ፣ቦታ ላይሰጡህ ይችላሉ ፣
:
በእጅህ ላይ ያለው ሙሉ በሙሉ አመድ ሆኖ ልታገኘው ትችላለህ ፣
:
ሰዎች ሊጠሉህ ፣ ሊያሙህ ፣ ወይ ስም ሊያወጡልህ ፣ አሊያም ሊስቁብህ ፣ ይችላሉ።:"
:
☞በህይወት ውስጥ ትልቁ ስህተት ለሁሉም ሰው ትክክለኛ ሆኖ ለመታየት መሞከር ነው።
:
መልካም ብትሆን ክፉዎች ይጠሉሀል።
:
አዋቂ ብትሆን አላዋቂዎች ባዶነታቸውን ስለምትገልጥባቸው አብዝተው ይፀየፉሀል።
:
ብርሃናዊ ራዕይ ቢኖርህ የጨለምተኞችን ጨለማ ስለምታሳይ መኖርህ ያንገበግባቸዋል።
:
ነፃ አውጭ ብትሆን ጨቋኞች ያሳድዱሀል።
:
ምናለፋህ በአለም ስትኖር በሙሉ ድምፅ ልትወደድም፣ ልትጠላም አትችልም።
:
☞ስለዚህ በደረስክበት ሁሉ ልክ እንደ ውሃ ቅርፅህን አትቀያይር!
:
☞ከምንም በላይ በፈጣሪህ ፊት ትክክል ሁን!"
:
# አንድ ነገር ልንገራችሁ!
:
~>በህይወታችሁ ማንንም አትውቀሱ ጥሩ ሰዎች ደስታን ይሰጡዃችሀል
:
~>መጥፎ ሰዎች ልምድ ይሆኑዃችሀል
:
~>ክፉ ሰዎች ማስጠንቀቂያ ይሆኑዃችሀል
:
~>ምርጥ ሰዎች ትዝታ ይሆኑዃችሀል።

"ሁሌም ጥሩ ሁን ጥሩ ነገር ይገጥምሀል"።

#ስብሀት_ገብረ_እግዚአብሔር #


Comment ➪ @yefidel_gebeta_bot

@yefidel_gebeta @yefidel_gebeta
════════ •✧๑♡๑✧• ════════

እንኳንለብርሃነ
🕯🕯ል🕯🕯
🕯🕯ደ🕯🕯
🕯🕯ቱ🕯🕯
🌹አ
🌹🌹ደ
🌹🌹🌹ረ
ሳ🌹
ች🌹🌹
ሁ🌹🌹🌹
"በጎል ሰከበ አፅርቅት ተጠብለለ
ቤዛ ኩሉ ዓለም ዮም ተወልደ"
በበረት ተኛ በጨርቅ ተጠቅለለ፡
የዓለም መድኃኒት ዛሬ ተወለደ

🕯🕯📖📖🕯🕯

📖📖📖
" ስለዚህ ጌታ ራሱ ምልክት ይሰጣችኋል፤ እነሆ፥ ድንግል ትፀንሳለች፥ ወንድ ልጅም ትወልዳለች፥ ስሙንም አማኑኤል ብላ ትጠራዋለች።"
(ኢሳ 7: 14)
📖📖📖
" እነሆ፥ ድንግል ትፀንሳለች ልጅም ትወልዳለች፥ ስሙንም አማኑኤል ይሉታል የተባለው ይፈጸም ዘንድ ይህ ሁሉ ሆኖአል፥ ትርጓሜውም፦ እግዚአብሔር ከእኛ ጋር የሚል ነው።"
(ማቴ 1: 23)
📖📖📖
" ሕፃን ተወልዶልናልና፥ ወንድ ልጅም ተሰጥቶናልና አለቅነትም በጫንቃው ላይ ይሆናል ስሙም ድንቅ መካር" ኃያል "አምላክ" የዘላለም አባት፥ የሰላም አለቃ ተብሎ ይጠራል።"
(ኢሳ 9: 6
🕯🕯🕯🕯🕯
ውድ አባቶቼ እናቶቼ ወንድም እህቶቼ፡ህፃናት የተዋህዶ ልጆች


🌷በሀገርም🌷
💜ውስጥ💜
🌹ከሀገርም🌹
💜ውጭ💜
🌷ያላችሁ🌷
🌹በስደት🌹
🌳በእስራት🌳
🌳በጎዳና🌳
🌳በጭንቅ🌳
🌳በአልጋ🌳
🌳በዱር🌳
🌳በበረሃ🌳
🌳በዋሻ🌳
🌳ያላችሁ🌳
💜ለመላው💜
🌹የክርስትና🌹
💜እምነት💜
🌷ተከታይ🌷

💜በሙሉ💜

🌹እንኳን🌹
💜ለ💜
ለብርሃነ ልደቱ
ለጌታችን ልደት
💙በዓል 💜
🌹በሰላም🌹
💜አደረሳችሁ💜
🌷በ🌷
💜ዓ💜
🌹ሉ🌹
💜መ💜
🌷ል🌷
💜ካ💜
🌹ም🌹
💜የ💜
🌷ተ🌷
💜ቀ💜
🌹ደ🌹
💜ሰ💜
🌷በ🌷
💜ዓ💜
🌹ል🌹
💜ይ💜
🌷ሁ🌷
💜ን💜
🌹ል🌹
💜ን💜
🌷አ🌷
💜ሜ💜
🌹ን🌹
🌹🌹🌹🌹🌹
ባ ለ ው ለ ታ ች ን
🌷🌷🌷🌷🌷
ጌ ታ ች ን
🌹🌷🌹🌷
አ ም ላ ካ ች ን
🌹🌳🌹🌳🌹
መ ዳ ኒ ታ ች ን
🌹🕯🌹🕯🌹
🍸ኢ🍸
🍸የ🍸
🍸ሱ🍸
🍸ስ🍸
🕯🕯 ክርስቶስ🕯🕯
🕯🌳🌹የእናታችን 🍸
🕯🌳🌹የቅድስት 🍸
🕯🌳🌹ድንግል🍸
🕯🌳🌹ማሪያም🍸
📖ል📖
📖ጅ📖
🕯 አ🕯
🕯ማ🕯
🕯ኑ🕯
🕯ኤ🕯
🕯ል🕯

🌺🌺በቸርነቱ 🌺🌺
🌺 ይ
🌺🌺ባ
🌺ር🌺🌺
ከ🌺
ን 🌺
🌷💜🌷 🌹🌳🌹
🌹 የሰላም 🌳
🌹የደስታ 🌳
🌹 የፍቅር🌳
🌹የበረከት🌳
🌹የአንድነት 🌳
🌳🌳🌳🌳🌳🌳
🌳በዓል
🌳🌳ይሁንልን
🌳አሜን!!!🌳
🌳አማን!!!🌳
🌳አማን!!!🌳

Comment ➪ @yefidel_gebeta_bot

@yefidel_gebeta @yefidel_gebeta
════════ •✧๑♡๑✧• ════════

አንዲት ሴት ወይዘሮ በባቡር ጉዞ ላይ ሳሉ አጠገባቸው ባለው ወንበር ላይ የተቀመጠ ሻንጣአልተፈቀደምና ስለነበር አንድ ሠራተኛ መጥቶ ይህ ወንበር ለሰው መቀመጫ እንጂ ለዕቃ ማኖሪያ እባክዎ ያንሱ ሲላቸው ‹‹አላነሳም›› አሉት፡፡

‹‹ቢያነሱ ይሻላል እምቢ ካሉ ላለቃዬ እነግራለሁ›› ቢላቸውም ‹‹ሂድ ንገር›› አሉት፡፡ ሂዶ ሲነግረው አለቅየው መጥቶ "ያንሱ እንጂ ለምን አላነሳም ይላሉ?" ብሎ ቢነግራቸው ‹‹አላነሳም›› በሚለው ሐሳባቸው ጸንተው የማይበገሩ ሆኑበት፡፡

በመጨረሻም ለዋናው ኃላፊ ተነግሮት ይመጣና ‹‹ይህን ሻንጣ ያንሱ›› ሲላቸው ‹‹አላነሳም›› አሉት፡፡ ዋና ኃላፊውም ‹‹ለምን?›› ሲላቸው ‹‹ገና አሁን አዋቂ ሰው መጣ፡፡ እኔ የቸገረኝ እኮ እስካሁን ድረስ ‹‹ለምን›› ብሎ የጠየቀኝ ባለመኖሩ ነበር፡፡ አንተ ‹‹ #ለምን ?›› ስላልከኝ አመሰግንናለሁ፡፡ በመሠረቱ ግን ሻንጣው የእኔ #አይደለም ሲሉት በመደነቅ ይቅርታ ጠየቃቸው፡፡

✍አብዛኞቻችን በሰዎች ላይ በደፈናው እንፈርዳለን፡፡ ነገር ግን ሁሌም በደፈናው ከመፍረዳችን በፊት "ለምን?" ብሎ መጠየቅም እውቀት ነው፡፡


. 💁🏿‍♂👉🏾 ማወቅ መልካም ነው ያወቁትን ማሳወቅ ደግሞ ፍፁም በጎነት ነውና #share አድርጉት።


Comment ➪ @yefidel_gebeta_bot

@yefidel_gebeta @yefidel_gebeta
════════ •✧๑♡๑✧• ════════

🥰 #ሕይወት_እንደ_ማዕበል_ሲሆን

☝️አንዳንድ ጊዜ ሕይወት እንደ ማዕበል ነው፡፡በሰላም ይሄዱ የነበሩ ነገሮች ልክ የተመካከሩ ይመስል በአንድ ላይ ይናጋሉ፡፡ የሁኔታዎች አልሳካ ማለት፣ ድንገተኛ ወጪዎች፣ የገንዘብ እጥረት፣ የጉዳዮች መጥመም፣ የሰዎች ክህደት፣ ስጋትን የሚፈጥሩ ሁኔታዎች መከሰት፣ የጤንነት መቃወስን የሚጠቁሙ ምልክቶች . . . ልክ እንደ ማዕበል በአንድ ላይ ይመጣሉ፡፡

☝️ይህ የተለመደ የሕይወት አካል የሆነ ክስተት በእኛም ላይ ሲደርስ መረጋጋት ወሳኝ ነው፡፡ ማዕበል ይመጣል፣ ልክ እንደመጣ ደግሞ ይሄዳል፡፡ ነፋስ ከየት እንደመጣ ሳናውቀው ወደ እኛ ይነፍሳል፣ ወደየት እንደሚሄድ ሳናውቀው ደግሞ ወደሌላ ቦታ ይነፍሳል፡፡

አይዟችሁ! ጽኑ! አትናወጡ! ተንጋግቶ የመጣው ተንጋግቶ ይሄዳል!

#መልካም_ቀን ❤️

✍ዶ/ር እዮብ ማሞ


Comment ➪ @yefidel_gebeta_bot

@yefidel_gebeta @yefidel_gebeta
════════ •✧๑♡๑✧• ════════

ፍቅርም እንደዚህ ነው!!!



    " ፍቅርም እንደዚህ ነው፤ እግዚአብሔር እርሱ ራሱ እንደ ወደደን ስለ ኃጢአታችንም ማስተስሪያ ይሆን ዘንድ ልጁን እንደ ላከ እንጂ እኛ እግዚአብሔርን እንደ ወደድነው አይደለም።" 1ኛ የዮሐንስ መልእክት 4 : 10

    ▪ፍቅር ምንድነው ሲባል ሁሉም የልቡን መዝገብ ገልጦ ቁስሉን እያነበበ ፍቅር እውር ነው፤ ፍቅር ሸውራራ ነው፤ ፍቅር እብደት ነው እያለ የራሱን መዝገበ ቃላት ይደረድራል። ሰውዬው ፍቅርን የሚያይበት ዓይን የታወረ ይሆናል እንጂ ፍቅር እውር ልቦችን የሚያበራ ብርሃን ነው። አንዳንድ ሰዎች የሰው ፍቅር በማጣታቸው ራሳቸውን አጥፍተዋል እብድም ሆነዋል። ፍቅር የተሰጣቸው እብዶች ሲድኑም አይተናል ስለዚህ ፍቅር እብድ አይደለም፤ ፈዋሽ እንጂ።

         ▪ወዳጆቼ ፍቅር አንተም እኔም አንቺም ይህ ነው እንደምንለው አይደለም። ፍቅር በአራት ነጥብ የተዘጋ ፍቺ ተሰጥቶታል። ቃሉ ፍቅርም እንደዚህ ነው ይለናል። እንዴት ካልከኝ እግዚአብሔር እኛን እንደወደደን ብቻ ነው። እግዚአብሔር እኛን እንደወደደን አይነት ፍቅር እኛ ለሰዎች አንሰጥም። እኛ ፍቅራችን እስኪሰድቡን እንጂ እስኪገሉን ድረስ አይደለም፤ እኛ ፍቅራችን ቺት እስኪያደርጉብን እንጂ እስከ ይቅርታ አይደለም። ኢየሱስ ክርስቶስ ያፈቀረን እስክንክደው እስክንሸጠው ድረስ ብቻ ሳይሆን እስክንገለውም ጭምር ነው።

▪የማይሞት፤ ምድርና ሰማይ ተጠቅልላ ስታልፍ አብሮ የማያልፍ፤ በዘመናት እርጅና መልኩ የማይወይብ ፤ በሰማይም በምድርም ህያው ሆኖ የሚኖር ነገር ቢኖር ፍቅር ነው። ፍቅር ስሩ ሰማይ ነው። ከሰማይ ወደ ምድር ከእግዚአብሄር ልብ ውስጥ የተመዘዘ ሀረግ በልባችን እርሻ ላይ የበቀለ የህይወት ሰብል ነው። ፍቅር በዘመኑ ርካሽ ቦታ ላይ ነግሶ አያውቅም መናገሻው ልብ ነው።

      ▪ፍቅር እጣ ፈንታ አይደለም። ስጦታም አይደለም፤ ፍቅር የስብእናችን ገፅታ ነው። ሰው የመሆናችን ሚስጢር የሚገለጠው በፍቅር ነው ። የሞተ ሰው  ወይንም ሬሳ ምንም ብናደርገው ምንም እንደማይመልስልን ሁሉ በህይወት እየተመላለሰ ያለፍቅር የሚኖር ስብእና እንዲሁ ሬሳ በድን ማለት ነው፡፡

      
▪የሰው ልጅ በምድር ላይ ሲኖር ከምግብ፣ ከውሃ ከመጠለያ፣ ከሁሉም መሰረታዊ ፍላጎቶች በፊት በህይወት እንዲቆይ ፍቅር ያስፈልገዋል። ፍቅር ከሌለው ባይሞትም ገዳይ ነው፤ ባንቀብረውም ሙት ነው። በህይወት ቢመላለስም ሬሳ ነው። ፍቅር ህይወትን በትክክለኛ የመንገድ አቅጣጫ የሚተልም የስብእና ገበሬ ነው።

     ▪የክርስቶስን ፍቅር ከመተረክ ባለፈ በሕይወታችን እንግለጠው። የሚጠጡት ውሃ በሰጣቸው በምትኩ በሰፍነግ ሆምጣጤ እንደሰጡት በሰጣችኋቸው እምነት ፈንታ ክህደትን የለገሷችሁ፤ በሰጣችኋቸው ፍቅር ምላሽ ጥላቻን ያሳጨዷችሁን፤ ስትስሟቸው የነከሷችሁን፤ ክርስቶስን በበርባን እንደለወጡት በሌላ ሰው የለወጧችሁን ሁሉ እንደ ክርስቶስ ግሩም በሆነ ፍቅር ልባችሁን ከፍታችሁ በይቅርታ ተቀበሏቸው። አልቀበልም ብላችሁ የገፋችሁትን ይቅርታ ዛሬ ተቀበሉ። አልሰጥም ያላችሁትን ይቅርታ ዛሬ ለግሱ። ፀፀትና በደል ባጎበጠው ኅሊና መኖር ይብቃችሁ በይቅርታ ቀና በሉ። ፍቅርም እንደዚህ ነውና እንደዚህ አድርጉ።

ከተጠቀሙበት ወዳጅዎ እንዲጠቀም ይጋብዙ ቤተሰብ እንዲሆኑ ቻናሉን ይጋብዙ


Comment ➪ @yefidel_gebeta_bot

@yefidel_gebeta @yefidel_gebeta
════════ •✧๑♡๑✧• ════════

እውነት ተገንዞ ስለተቀበረ;
ውሸት ገዥ ሆነና ሰው ለሰው አደረ።

ፍቅርና ሰላም ፈላጊ ስላጡ;
ተባረው ሔደዋል በአገር እንዳይመጡ።


Comment ➪ @yefidel_gebeta_bot

@yefidel_gebeta @yefidel_gebeta
════════ •✧๑♡๑✧• ════════

ለኔ...
ከድብልቅልቁ አለም
ሰዉ ከሞላባት
ከጉዲቱ ምድር
ወከባ ካለባት
ውሸቱ ከእውነቱ ከተዳቀለባት
ወዳጅ ከጠላቱ ከተዋዋለባት
አስመሳይ ማንነት ከተንሰራፋባት
አዋቂ ነን ባዮች ከሚያጫርሱባት
የእውነት አዋቂዎች አላዋቂ ተብለው ከተገለሉባት
ከዚች ጉደኛ አለም ተገነጠልኩና
ውስጤ ውስጥ ዘልቄ
"ማን አለልሽ ?" ብላት
ከአንድ ራሴ ውጭ
አንድም አጣሁላት ።


Comment ➪ @yefidel_gebeta_bot

@yefidel_gebeta @yefidel_gebeta
════════ •✧๑♡๑✧• ════════

➳"በሕይወት ትምህርት እንጅ ስህተት የለም። የሚለመልሙ መልካም ዕድሎች ፣ እንጂ አጓጉል ገጠመኞች የሉም ። ....ትግል ያበረታል። ሕመም እንኳን ሳይቀር ድንቅ መምህር ነው።"


Comment ➪ @yefidel_gebeta_bot

@yefidel_gebeta @yefidel_gebeta
════════ •✧๑♡๑✧• ════════

አርምሞ

በክፉም በደጉም ያለፈውን ጊዜ
በሰከነ መንፈስ በኋሎሽ ትካዜ
በቀናት መካከል በወር ባመታቱ
ስንት መልካም መጥቶ ከፍቶ አለፈ ስንቱ
አባጣ ጎርባጣ የህይወት ስንክ ሳር
ፍቅር ያጠቃ ጦር የመልካም ጥፍ ነበር
ለዚያ ነው ...
ዝም ያልኩት ፀጥ ያልኩት አክብጄ
በዝምታዬ ውስጥ አርምሞን ወድጄ
ራሴን አሳልፌ ስሰጥ ለፀጥታ
የኮልኮሌ ዓለም ቅብርጥስ ጋጋታ
ልረሳው ብወስን ፍቅር የነሳኝን
ውስጤን የረበሸው ክፉ ጥብርብርታን
እሱን ልረሳ ስል ከብዷል ዝምታዬ
ከቶ ላላሸንፍ በነበር ውሎዬ
እናም እሮዝ አለም መገፋት ክፋቱ
ፍቅር አደብዝዞ ሲባረር እውነቱ
አንቺም በዚህ መሀል በነበረሽ ሚና
አንዱ ክፍል ሆኖል ያርምሞዬ ዜና
እናም ውዴ ፍቅር ዝምታዬ ቢከብድ
ስትረሽኝ ስተዊኝ ብታገል ለመልመድ
መቆዘም አበዛሁ ፍቅር አሳዘነኝ
ከልብ መዝገብ ውስጥም ስረዛሽ አመመኝ
ግናም ሁሉም ይሁን ...
ብታለል በቃልሽ ልቤ አንቺን አምኖ
ፁፍሽን ብጠብቅ ባይመጣ ጉም ሆኖ
በሰው አፍ ብናገር ምላሹ ቢከፋ
በራሴ ብሞክር ባጣ ትንሽ ተስፋ
አርምሞ መረጥኩኝ በተሰረኩት ልብ
በእሮዟ ውብ መዓዛ በትካዜ ቅንብብ

አፍቃሪሽ!


Comment ➪ @yefidel_gebeta_bot

@yefidel_gebeta @yefidel_gebeta
════════ •✧๑♡๑✧• ════════

አንድ #የቆሎ_ተማሪ ነበር ይህ ተማሪ ከሌሎች እሱን መሰል ተማሪዎች
የሚለየው ስለ ማርያም ስለ እመብርሃን ብሎ ከለመነ በኋላ ያገሬው ሰው
ሲሰጡት
" ደግም ለራሱ ክፉም ለራሱ "
ብሎ መርቆ ይሄዳል፡፡
እናም ይህ የቆሎ ተማሪ ትምህርቱን እየተማረ የተዘከሩትንም ' ደግም ለራሱ
ክፉም ለራሱ'
እያለ ሲኖር ባንድወቅት ወደ አንዷ ሴትዮ ቤት ገብቶ "ስለ ማርያም ስለ ወላዲተ
አምላክ ተዘከሩኝ" ብሎ ሲለምን የቤቱ ባለቤት ቁራሽ እንጀራ አውጥታ
ተዘከረችው እሱም የለመደው ነውና
"ደግም ለራሱ ክፉም ለራሱ" ብሎ መርቆ ይሄዳል በዚህ ግዜ ሴትዮዋ
"እንዴት ስዘከረው እግዚአብሔር ይስጥልኝ ብሎ መመረቅ ሲገባው
'ደግም ለራሱ ክፉም ለራሱ' ይለኛል" ብላ ትናደዳለች፡፡ "እንዲህ ከሆነማ
ጥሩ ብላ ነገ ሲመጣ አሳየዋለሁ" ብላ ትፎክርበታለች በነገታውም ወደ አመሻሹ
ለእራት የሚሆነውን ሊለምን ወደ መንደሮቹ እንደለመደው "ስለ ማርያም" እያለ
ሲሄድ ሴትዮዋም በጎማ ጠላ አዘጋጅታ ጠላው ውስጥ መርዝ ጨምራ
ጠበቀችው ተማሪውም እሷ ቤት እንደደረሰ ስለ ማርያም ስለ እመብርሃን ብሎ
ደምፁን እንዳሰማት ወዲያውኑ ያዘጋጀችውን ጠላ የያዘውን ጎማ አውጥታ
ሰጠችውና ከዛው ቁጭ ብሎ ከጠጣው መርዙ ሊገለው ስለሚችል "በል እዚህ
ቁጭ ብለህ ከጠጣኸው ስለሚመሽብህ ከቤትህ ሄደህ አረፍ እንዳልክ ጠጣት፡፡
እንዴት ያለች ጠላ መሰለችህ" ብላ ትልከዋለች፡፡ "እሱም ደግም ለራሱ
ክፉም ለራሱ " ብሏት ይሄዳል "እስኪ ደግም ሆነ ክፋት ለራስ ከሆነ እናያለን"
ብላ በውስጧ ሞቱን አስባ ተሳለቀችበት፡፡ እሱም የተዘከሩትን ምግብም ሆነ
መጠጥ ይዞ ወደ ማደርያው ጉዞውን ጀመረ በመንገድ ላይ የሴትዮዋ ልጆች
በረሃ ቆይተው በጣም ደከሟቸው ከተማሪው ጋር ተገናኙ ወደ ተማሪው ቀረብ
ብለው "እባክህን በርሃ ቆይተን በጣም ደክሞን መግባታችን ነውና እቤት
እስክንደርስ የውሃ ጥማችንን ቢያስታግስልን ከያዝከው መጠጥ ትንሽም ቢሆን
አጠጣን" ብለው ሲለምኑት "እኔም ለምኜው ነው ደግነትም ለራስ ነው" ብሎ
ከያዘት ጎማ እንዲጠጡ ፈቀደላቸው ሁለቱም ልጆች ከጎማዋ እንደጠጡ
ወደያው ይሞታሉ ይህን ጊዜ እሪታው ቀልጦ ⚂የመንደሩ ሰው በሙሉ ይሰበሰቡና
ግማሹ ዱላ ይዞ ደብድበን ካልገደልነው
⚂ገሚሱም በድንጋይ መወገር አለበት
⚂የተቀሩት ደግሞ ለህግ መቅረብ አለበት ሲባባሉ ሴትዮዋ የመንደሩን ግርግር
ሰምታ ስትመጣ ሁለቱም ልጆቿ ሞተው መርዝ ከጠላ ጋር ቀላቅላ የሰጠችውም
ተማሪ ሰዎች እያመናጨቁ ይዘውት ወደ ህግ እናቅርበው ብለው ሲወስዱት
ታያለች ይሄኔ ነበር 'ደግም ለራሱ ክፉም ለራሱ' የሚለው ነገሩ ትዝ
ያላት ሴትዮዋም "በሉ የያዛችሁትን ተማሪ ልቀቁት የዚህ ሁሉ ችግር ምክንያት
እኔው እራሴው ነኝ" በማለት የሆነውን ነገር ሁሉ ተናግራ "በገዛ ክፋቴ የገዛ
ልጆቼን የገደልኩት እኔው እራሴው ነኝ እናም ይሄ ሰው ንፁህ ሰው ነው ልቀቁት"
ብላ እራሷን ለህግ ሰጠች፡፡
እውነትም ደግም ሆነ ክፉ መሆን ለራስ ነው ክፉ መሆን በቅድሚያ የሚጎዳው
እራስን ነውና ደግ እንሁን ከደግነት በላይ መልካም ነገር የለምና


Comment ➪ @yefidel_gebeta_bot

@yefidel_gebeta @yefidel_gebeta
════════ •✧๑♡๑✧• ════════

ፍቅር እስከ መቃብር

ሰብለ ሰብለ ሰብለ ወዳጄ እመቤቴ
የመአልት ምርኩዜ የሌሊት መብራቴ
ስራብ እንጀራዬ ስጠማ ወተቴ
ሳዝን መጽናኛዬ ስደክም ጉልበቴ
ሳጣ አለኝታዬ ስጠቃ ኩራቴ
የስጋ የመንፈስ ያለሽኝ አንድ ሀብቴ
ቁርጥ ከሆነማ እኔ አንችን ማጣቴ
ምን ዋጋ ሊኖረዉ ከእንግዲህ ሂወቴ
የለም ህይወት በቃኝ ይገላግለኝ ሞቴ
ተቀማሁ ወይኔ ድሃ በመሆኔ
ጥየሽ የሄድኩለት ወንዝ ተሻግሬ
የደም እምባ አልቅሼ በድሌ አማርሬ
የሁዋሊት ስጎተት በፍቅርሽ ታስሬ
ወደ ፊት መራመድ እያቃተዉ እግሬ
አሁንም አሁንም ቆሜ እያየሁ ዞሬ
ምን ልቤ ቢፈራ ባይቀር መጠርጠሬ
በተስፋ ነበረ የወጣሁ ካገሬ
እስከ ዛሬም ድረስ በህይወት መኖሬ
ተስፋ ሆኖኝ ነበር ፍቅርሽና ፍቅሬ
ግን እዉነት ከሆነ የነገሩኝ ወሬ
ሊያገባሽ ነዉ ብለዉ ባለብዙ በቅሎ ባለብዙበሬ
በፍቅር ለሞተ መታሰቢያ ሆኖ እንዲቀር መቃብሬ
መኖር አልፈልግም ሞቼ ልደር ዛሬ


Comment ➪ @yefidel_gebeta_bot

@yefidel_gebeta @yefidel_gebeta
════════ •✧๑♡๑✧• ════════

❤️ፍቅርና ጊዜ

💛ሁሉም አይነት ስሜቶች የሚኖሩበት አንድ ደሴት ነበር፡፡ የደስታ ስሜት፣የመከፋት ስሜት፣ እውቀት እና ሌሎቹ ስሜቶች ፍቅርን ጨምሮ፡፡ አንድ ቀን ታዲያ ደሴቱ ሊሰምጥ እንደሆነና ሁላቸውም ስሜቶች ሊያመልጡ የሚችሉበትን ጀልባ መስራት እንዲችሉ አዋጅ ተነገረ፡፡ በዚህም መሠረት ሁሉም ስሜቶች ጀልባቸውን ሲሰሩ ፍቅር ግን ደሴቱ እስኪ ሰምጥ ድረስ ጀልባ አልሰራም ነበርና ከሊሎቹ ስሜቶች እገዛ ለመጠየቅ ወሰነ፡፡

💙ሀብታምነት የሚባለው ስሜት በፍቅር በኩል ሲያልፍ “ሀብታም ሆይ ከአንተ ጋ ይዘኸኝ ልትሻገር ትችላለህ?” አለው ፍቅር፡፡ “አይሆንም፡፡ አልችልም በጀልባየ ውስጥ በርካታ ወርቅና መዳብ የያዝኩ በመሆኑ ለአንተ የሚሆን ቦታ የለኝም” ሲል ጥሎት ሄደ፡፡ ፍቅር አቶ ስግብግብን ሲያልፍ ተመለከተውና እንዲረዳው ጠየቀው፡፡ “አልችልም አቶ ፍቅር ጀልባየን ታበላሽብኛለህ አይሆንም ብሎ” ትቶት ሄደ፡፡ አቶ መከፋትን በቅርብ አገኘውና አሁንም ፍቅር አብሮ እንዲያሻግረው ጠየቀው፡፡ “ኦው! ፍቅር አዝናለሁ እኔ ብቻየን ነው መሆን የምፈልገው፡፡” ብሎ አሰናበተው፡፡ ደስታም ፍቅርን አልፎት እየሄደ በጣም በፈንጠዝያ ስሜት ላይ ስለነበር ፍቅር ሲጠራውም መስማት አልቻለም፡፡

💜ፍቅር ትዕግስቱን እያጣ በመከፋት ስሜት እንዳለ ባጋጣሚ “ፍቅር ና እኔ እወስድሃለሁ” የሚል ድምጽ ሰምቶ ሲዞር የተባረከ አዛወንት ነበር፡፡ “ጊዜው ነው” ወዳጀ ፍቅር ሲል እውቀት የተባለው ስሜት መለሰ፡፡

📍 “ጊዜ ማለት!?” ፍቅር በመደነቅ ጠየቀው “ነገር ግን ለምን ጊዜው ሊረዳኝ ቻለ?” እውቀት ፈገግ እያለ ምክንያቱም “የፍቅርን ዋጋ መረዳት የሚችለው ጊዜ ነው፡፡” ሲል መልስ ሰጠው፡፡

❤️በዚህ ዓለም ፍቅር ብቻ ነው ሠላምንና ታላቅ ደስታን ሊያመጣ የሚችለው፡፡ ባለጸጎች ስንሆን ፍቅርን ካራቅነው፣ ተፈላጊነታችን ሲጨምር ፍቅርን ከዘነጋን፣ ምናልባትም በደስታና በሀዘን ስሜት ስንሆንም ፍቅር ካጣን የማስተዋል ጊዜው ሲደርስ ነው የፍቅር ጥፍጥና የሚታወቀን፡፡

💞የልባችን ብርሀን የሚበራው በፍቅር ነውና ሁሌም ፍቅርን እናስቀድም፡፡

ምንጭ፡ Lovely Time.. Or Timely Love

ውብ አዳር❤️


Comment ➪ @yefidel_gebeta_bot

@yefidel_gebeta @yefidel_gebeta
════════ •✧๑♡๑✧• ════════

ቡ ሄ
•✦•
መጣና መጣና ደጅ ልንጠና
መጣና ባመቱ እንዴት ሰነበቱ፣

ክፈት በለው በሩን፣ የጌታዬን፤
ክፈት በለው ተነሳ፣ ያንን አንበሳ፤

መጣሁኝ በዝና
ተው ስጠኝ ምዘዝና

የኔማ ጌታ የገደለበት
ስፍራዉ ጎድጉዶ ዉሃ ሞላበት
እንኳን ሰውና ወፍ አይዞርበት
ያሞራ ባልቴት ውሃ ትቅዳበት።

የኔማ ጌታ የሰጠኝ ካራ
ከዚህ ብመዘዉ ጎንደር አበራ፣
የኔማ ጌታ የሰጠኝ ስንዴ
ገና ሳልበላዉ አበጠ ክንዴ።

ወይ የኔ ጌታ የሰጠኝ ሙክት
እግንባሩ ላይ አለው ምልክት፣
መስከረም ጠባ እሱን ሳነክት።
ሆያ ሆዬ፣
ሆያ ሆዬ
ወይ የኔ ጌታ
ዋርካ ነህ ዋርካ
ቢጠለሉብህ የማታስነካ።
. . . . .

የኔማ እመቤት፣ እሜት እሜት፣
ሎሚ ተረከዝ ትርንጎ ባት።

የኔማ እመቤት የፈተለችው፣
የሸረሪት ድር አስመሰለችው፣
ሸማኔ ጠፍቶ ማርያም ሰራችው።
ለዚያች ለማርያም እዘኑላት፣
አመት ከመንፈቅ ወሰደባት።

የኔማ እመቤት መጣንልሽ፣
የቤት ባልትና ልናይልሽ።
የኔማ እመቤት ብትሰራ ዶሮ፣
ሽታዉ ይጣራል ገመገም ዞሮ።
የኔማ እመቤት የጋገረችው፣
የንብ እንጀራ አስመሰለችው።
. . . . .
ለቡሄ ጨፋሪዎቹ ህፃናትና ታዳጊዎች እናቶች ካዘጋጁት ዳቦ ይሰጧቸውና እየገመጡ ጅራፋቸውን ሲያጮሁ ያመሻሉ። የቡሄ ዕለት ለእያንዳንዱ የቤተሰብ፣ ዘመድ አዝማድ ልጅ አንዳንድ ሙልሙል ዳቦ በልጆቹ ልክ ይሰጣል።

በቆሎ ተማሪዎች ዘንድ ደብረ ታቦር ‘የተማሪዎች በዓል’ ነው። ተማሪዎቹ ቀደም ብለው “ስለ ደብረ ታቦር" እያሉ እህሉንም፣ ብቅሉንም፣ ጌሾውንም ይለምኑና ጠላውን ጠምቀው፣ ዳቦውን ጋግረው፣ ቆሎውን ቆልተው ለደብረ ታቦር ዕለት ሊያስቀድሱ የመጡትን ምዕመናን ሁሉ ይጋብዛሉ።
. . . . .


Comment ➪ @yefidel_gebeta_bot

@yefidel_gebeta @yefidel_gebeta
════════ •✧๑♡๑✧• ════════

​​​​​​┉✽̶»̶̥🌺የቡሄ ፀሃይ🌺̶̥✽̶┉
❣:¨·.·¨: ❣
══════❁✿❁ ══════
"""""""""""""""""""""""""""""
አንቺ የሳሎን ጌጥ
ቢቆጡሽ አባትሽ ከቤት የማትወጪ
እኔ በአመት አንዴ
ሆያ ሆዬ እያልኩኝ ከቤታችሁ መጪ
በነሀሴ ዝናብ
ብቅ የምትይ ፀሀይ ብርሃን አመንጪ
ከእናትሽ ጀርባ
ሙልሙል ዳቦ ይዘሽ ነይ ውጪ ነይ ውጪ!!

አይንሽን እያየሁ
"ቡሄ በሉ" እያልኩኝ ስትይ አ.ፈ.ር ቀና
ምቱ ተዛባብኝ
አፌ ተሳሰረ ግጥሙም ጠፋና።
እናትሽ ታዘቡ
አባትሽ ተቆጡ ወንድምሽ ደነፋ
እኔን ውሀበላኝ
የማረገው አጣሁ መላ ቅጤ ጠፋ።

ብቻ እዘማምራለሁ

"ቡሄ በሉ.....ቡሄ በሉ
ይቺን ቆንጆ ለእኔ በሉ
እኔም ላቁም መስለምለሙ
እሷም ትተው መሽኮርመሙ

እዛ ማዶ ጭስ ይጨሳል
እዚ ማዶ ልቤ ጨሷል
የሷን ፍቅር ይፈልጋል
አል'ያ ግን ጨሶ ያልቃል

ድምፅዋን ብሰማ
ብሩህ ነው ቀኔማ"

ብዬ እንኳን ሳልጨርስ መዘማመሬን፤
አባቷ ደቆሱኝ በዱላ ጎኔን።
ከቀልብያ ሆኜ ሳልጀምር እሩጫ፤
ዋልጌ ነህ እያለ
ይነግረኝ ነበረ የእናቷ ግልምጫ።
አቤት የወንድሟ
በእኔ ግጥም ስንኝ በብስጭት ናውዞ፤
ካልገደልኩት ይላል
በአገላጋዮች ተከቦ ተይዞ።

ምን አለ ፈጣሪ
ከቤቷ በረንዳ እሷን እያየሁኝ
ከሙልሙሉም ዳቦ እየገማመጥኩኝ
እሷ ፈገግ ብላ እኔ እየጨፈርኩኝ
አመቱን በሙሉ ሆ እያልኩኝ በኖርኩኝ!


Comment ➪ @yefidel_gebeta_bot

@yefidel_gebeta @yefidel_gebeta
════════ •✧๑♡๑✧• ════════

❤❤❤ እንኳን አደረሳችሁ አደረሰን ❤❤❤

🙏🙏🙏 "ቡሄ ማለት ምን ማለት ነው"? 🙏🙏🙏

✍️ የኢትየጵያ ኦርቶዶክስ ተዋሕዶ ቤተ ክርስቲያን ከምታከብራቸው ዘጠኝ ዓበይት በዓላት አንዱ የደብረ ታቦር በዓል ነው። በየዓመቱ ነሐሴ ፲፫ ቀን የሚከበረው ይህ በዓል መሠረቱ ኢየሱስ ክርስቶስ ነው፡፡ ደብረ ታቦር ኢየሱስ ክርስቶስ ሦስት ደቀመዛሙርቱን ይዞ ወደ ተራራው የወጣበትና ፊቱ እንደ ፀሐይ የበራበት፣ ልብሱም እንደብርሃን ነጭ የሆነበት፣ ብርሃነ መለኮቱን የገለጠበት ተራራ ነው።

✍️ ከስድስት ቀንም በኋላ ኢየሱስ ጴጥሮስንና ያዕቆብን ወንድሙንም ዮሐንስን ይዞ ወደ ረጅም ተራራ ብቻቸውን አወጣቸው። በፊታቸውም ተለወጠ፥ ፊቱም እንደ ፀሐይ በራ፥ ልብሱም እንደ ብርሃን ነጭ ሆነ። እነሆም፥ ሙሴና ኤልያስ ከእርሱ ጋር ሲነጋገሩ ታዩአቸው። ጴጥሮስም መልሶ ኢየሱስን ጌታ ሆይ፥ በዚህ መሆን ለእኛ መልካም ነው፤ ብትወድስ፥ በዚህ ሦስት ዳስ አንዱን ለአንተ አንዱንም ለሙሴ አንዱንም ለኤልያስ እንሥራ አለ። እርሱም ገና ሲናገር፥ እነሆ፥ ብሩህ ደመና ጋረዳቸው፥ እነሆም፥ ከደመናው። በእርሱ ደስ የሚለኝ የምወደው ልጄ ይህ ነው፤ እርሱን ስሙት የሚል ድምፅ መጣ። ደቀ መዛሙርቱም ሰምተው በፊታቸው ወደቁ እጅግም ፈርተው ነበር።

✍️ ኢየሱስም ቀርቦ ዳሰሳቸውና፡ ተነሡ አትፍሩም አላቸው። ማቴ. ፲፯፡፩-፭ በቤተ ክርስቲያን ደብረታቦር ከቤተክርስቲያን ውጭ አከባበሩ ቡሄ እየተባለ የሚከበረው በዓል በሀገራችን በየዓመቱ ነሐሴ ፲፫ ቀን በታላቅ ድምቀት ይከበራል፡፡ ቡሄ ማለት ብራ፣ ብርሃን፣ ደማቅ ገላጣ፣ የተገለጠ ማለት ነው፡፡ ቡሄ ሲመጣ የክረምቱ ጨለማነት አልፎ ወደ ብርሃን፣ ወደ ጥቢ የሚያመራበት፣ ወደ መፀው የሚዘለቅበት ወገግታ ፣ ሰማይ ከጭጋጋማነት ወደ ብሩህነት የሚለወጥበት፣ የሚሸጋገርበት ወቅት በመሆኑ ከቡሄ በኋላ የጠነከረ ክረምት አይኖርም፡፡ በዚህ መሰረት የክረምቱ አፈና ተወግዶ የብርሃን ወገግታ የሚታየውም በዚህ በዓል አካባቢ ስለሆነ ይቺ ዕለት 'ቡሄ' የሚለውን ስያሜ አገኘ። ቡሄ ማለት ገላጣ፣ የተገለጠ ማለት ነው፡፡ ጌታችን ብርሃነ መለኮቱን የገለጠበት፣ ብረሃን የታየበት ድምጸ መለኮት የተሰማበት ስለሆነ፤ ችቦ ስለሚበራ የብርሃን በዓል በማለት የቡሄ በዓልም ይባላል፡፡

✍️ በገጠርም ሆነ በየከተማው ልጆች ጅራፋቸውን ገምደው ሲያጮሁ ይሰነብታሉ። እናቶችም ለበዓሉ ዝግጅት ስንዴ ሲለቅሙ፣ ሲፈትጉ፣ ሲፈጩ ይሰነብታሉ። መነሻ የሆናቸው ትውፊት ጌታችን ብርሃነ መለኮቱን የገለጠበት ዕለት ጊዜው ምሽት ነበር፡፡ እረኞችም ከብርሃኑ የተነሣ እየተገረሙና እየተደነቁ ወደ ቤት አልተመለሱም ነበር፡፡ የልጆቹን መዘግየት ያዩ ወላጆች ችቦ አብርተውና ዳቦ ይዘው ፍለጋ ወጥተዋል ፡፡ያንን ለማስታወስ «ቡሄ» ለሚሉ ልጆች ሙልሙል ዳቦ የሚሰጠውና ችቦ በማብራት በዓሉን የሚከበረው ከዚህ በመነሣት ነው፡፡ የንጋት ወጋገን ሲፈናጠቅ ልጆች በከባድ ድምጽና በጅራፍ ጩኸት የሚታጀብ፣ በገደላገደል ስር እንዲያስተጋባ ተደርጎ ብዛት ባላቸው ህጻናት በከፍተኛ ድምጽ የሚዘመር ነው ቡሄ ። የጅራፉ ጩኸትም እግዚአብሔር አብ “የምወደው ልጄ ይህ ነው እርሱን ስሙት” ሲል ሐዋርያት ራሳቸውን ስተው የወደቁበትን የመለኮት ድምፅ ለማስታወስ ነው፡፡

✍️ ደብረታቦር ወይም ቡሄ በአብነት ተማሪዎች “ስለ ደብረ ታቦር" እያሉ እህል፣ ፣ ጌሾ ለምነው ጠላውን ጠምቀው፣ ዳቦውን ጋግረው፣ ቆሎውን ቆልተው ለደብረ ታቦር ዕለት ሊያስቀድሱ የመጡትን ምዕመናን በመጋበዝ በታላቅ ድምቀት ያከብራሉ፡፡ ይህ ትውፊት መምህረ ሐዋርያት የነበረው ኢየሱስ ክርስቶስ ሦስቱን ተማሪዎቹን ጴጥሮስን፣ ያዕቆብንና ወንድሙንም ዮሐንስን ይዞ ወደ ደብረ ታቦር ይዞ ሄዶ የተገለጠ ምስጢር ስለሆነ ከመምህራቸው ጋር በመሆን በዓለ ደብረ ታቦርን /ቡሄን ያከብራሉ፡፡ ስሙን ይጠራሉ፡፡

🙏❤ የበዓሉ እረዴት በረከት ይደርብን አሜን


Comment ➪ @yefidel_gebeta_bot

@yefidel_gebeta @yefidel_gebeta
════════ •✧๑♡๑✧• ════════

Join Cartoon Pics

Join Cartoon Pics