የቤተ ክርስቲያን ታሪክ ጠቀሜታ

* ተግባራዊ ተሞክሮ ነው
* ጥንታዊውንና ትክክለኛውን ሃይማኖት ለማወቅ ይረዳል
* ለመልካም ምግባር የሚያነሳሱ ምሳሌ የሆኑ ቅዱሳን ህይወት አለው
* ለተግባራዊ ክርስትና ይረዳል
* ያለ ምስክር ላለመቅረት ያግዛል
* የማንም መሞከሪያ ላለመሆን ይረዳል
* ሃይማኖታዊ ጥያቄዎችን በአግባቡ ለመፍታት ይጠቅማል

#ዲያቆን_ያረጋል_አበጋዝ

#ቅዱሳን_መጽሐፍት

ለሚጠቀሙባቸው ሰዎች የክርስትና መጽሐፍትን ገንዘብ ማድረግ መልካም ነው፡፡ እነዚህን መጽሐፍት አብዝተን በተመለከትን ቁጥር ወደ ኃጢያት ማዘንበላችን ይቀንሳል፡፡ በእምነት ፀንተን ጽድቅንም የበለጠ እንፈጽም ዘንድ ያነቃቁናል፡፡

ቅዱሳት መጽሐፍትን አለማወቅ በአዘቅትና በጥልቅ ጉድጓድ ውስጥ መኖር ነው፡፡

ሐዲሳት መጽሐፍት ማንበብ ከኃጥአን ፍላጻ የመደበቂያ ጽኑ መከላከያ ነው፡፡

#አባ_ኤጲፋንዮስ

The main thing is a struggle for prayer, for our attention to the heart.
Everyone, even an atheist, is capable of doing good deeds, but only Holy Christians can keep their heart pure.
#archpriestSergiyBaranov

የአውስትራሊያው ታዋቂ የአሦሪያ ጳጳስ የግድያ ሙከራ፣ መ*ና*ፍ*ቁ ንስጥሮስ እና ሌሎች ተያያዥ ጉዳዮች (እንደወረደ)
++++++
(ቀሲስ ኤፍሬም እሸቴ)
ሀ/ መነሻ
የሰኞ የብዙዎች መነጋገሪያ ርዕሰ ጉዳይ የነበረው በአውስትራሊያ የሚገኙ የአሲሪያ ቤተ ክርስቲያን ጳጳስ ላይ በቤተ መቅደሳቸው እንዳሉ የተፈጸመባቸው የመግደል ሙከራ ነው። ጳጳሱ በቀጥታ ሥርጭት በሚተላለፈውና በመላው ዓለም ያሉ በሺህዎች የሚቆጠሩ ተመልካቾቻቸው በሚከታተሉት ዝግጅት ላይ ነው በስለት የመግደል ሙከራ የተደረገባቸው። አንድ በወጣትነት ዕድሜ ላይ የሚገኝ ሰው ጳጳሱን በስለት ደጋግሞ ሲወጋቸው በቪዲዮው ይታያል። ከእርሳቸውም በተጨማሪ በቤተ መቅደሱ የነበሩ ሌሎች ሰዎች አደጋ ደርሶባቸዋል::
እኒህጳጳስ በፌብርዋሪ ወር 2024ም ተመሳሳይ በስለት የመግደል መኩራ ተደርጎባቸው ተርፈዋል፡፡ በፊብሩዋሪ ወንጀሉን የፈጸመው የ 15 ዓመት ወጣት እንደነበር መገለጹ ይታወሳል።
ዛሬ የተፈጸመባቸው የመግደል ሙከራ በጣም አሳዝኖኛል፣ አስደንግጦኛልም:: በርግጥ ወንጀሉን የፈጸመው ሰው ማንነት ግልጽ ባይሆንልኝም ከሊበራሉ ዓለም እስከ አክራሪ ጽንፈኞች ድረስ ጥቃት ሊያደርሱባቸው የሚችሉ ሰዎች እንዳሉ መገመት ይቻላል። በትምህርታቸው ጠንካራነት ምክንያት። በቅርቡ እንኳን እሥራኤል በጋዛ ፍልስጥኤማውያን ላይ የምትፈጽመውን ጥቃት የተቃወሙበትን ንግግር ተመልክተናል። ይህንን ጽሑፍ እስከጻፍኩበት ሰዓት ድረስ የአውስትራሊያ ፖሊስ ወንጀሉን የፈጸመውን ሰው ማንነት እና ወንጀሉን ለመፈጸም የገፋፋውን ምክንያት አልገለጸም።
ለሁሉም ግን እንኳን እግዚአብሔር አተረፋቸው፡፡ አሁንም ቶሎ አገግመው ወደር ወደሚወዱት አገልግሎት እንዲመለሱ ምኞቴ ነው።
++++
ለ/ ጳጳሱ ማር ማሪ ኢማኑኤል (Bishop Mar Mari Emmanuel) ማን ናቸው?
----------
ማር ማሪ ኢማኑኤል በአውስትራሊያ የሚገኘው የ"Assyrian Church" ሊቀ ጳጳስ ሲሆኑ መልካም እረኛ ቤተ ክርስቲያን (Christ The Good Shepherd Church) በተባለ ሥፍራ ያገለግላሉ። በ2009 (እ.አ.አ) ቅስናን፣ በ2011 ደግሞ ጵጵስና መቀበላቸውን ታሪካቸው ያሳያል።
ጳጳሱ ማር ማሪ ኢማኑኤል በስብከቶቻቸው የሚያነሧቸው ጉዳዮች በብዙ ሰው ዓይን ውስጥ እንዲገቡ ያደረጋቸው ይመስላል። በዘመነ ኮሺድ በመላው ዓለም የተጣለውን ከቤት ያለመውጣት እግድ በጽኑዕ በመቃወማቸው ይታወቃሉ። ከዚያም ቀጥሎ በአሜሪካ እና በሩሲያ ፖለቲካዊ ጉዳዮች ላይ የሚሰጧቸው ሐሳቦች በተለይም በሊበራሉ ዓለም "አክራሪ" አሰኝቷል። የአሜሪካው ፕሬዚዳንት ባይደን "የተመረጡት በሕቡዕ ቡድኖች ይሁንታ ነው" ማለታቸው እንዲሁም "ግ*ብ*ረ ሰ*ዶ*ማ*ዊነት"ን በጽኑዕ መቃወማቸው ጠላት ያፈራባቸው ይመስላል።
ታዋቂነታቸው ከእንግሊዝኛ ተናጋሪው አልፎ ወደ ኢትዮጵያ እና ኤርትራ ኦርቶዶክሳውያን ዘንድም ደርሷል፡፡ ለመጀመሪያ ጊዜ ስለ ጳጳሱ ያወቅኹት ስለ ቤተ ክርስቲያኒን ጠንካራ ትችት ያቀረቡበትን እና ቤተ ክርስቲያን "ንስሐ ግቢ" የሚል መንፈስ ያለው አጭር ቪዲዮ አይቼ ነው። "እንዴ!!! ቤተ ክርስቲያን ኃጢአት የማይስማማት የክርስቶስ አካሉ መሆኗን የደፈጠጠ የምዕራቡ ዓለም ፕሮ*ቴስ*ታን*ቲዝም ትምህርት የሚናገር ጳጳስ ከየት ተገኘ?" ብዬ ተገርሜ ነበር። የግብጽ/ቅብጥ ጳጳስ መስለውኝም ነበር። ኋላ ነው የአሦር ኦርቶዶክስ ጳጳስ መሆናቸውን የተረዳኹት። ብዙ ኦርቶክሳውያን የተዋሕዶ ልጆች ስብከቶቻቸውን ሼር ሲያደርጉ "የተዋሕዶ ጳጳስ መስለዋቸው ይሆን?" እል ነበር።
+++++
ሐ/ ስለ ምሥራቅ አሦሪያ ቤተ ክርስቲያን በመጠኑ
---------
1/ ሙሉ ስማቸው:-
## The Assyrian Church of the East (ACOE)፤
## የፓትርያርኩ መቀመጫ (መንበረ ፓትርያርኩ) ሰሜን ኢራቅ ኢርቢል (Erbil) ነው።
2ኛ/ ሌሎች ሰዎች "ንስጥሮሳዊት ቤተ ክርስቲያን" (the Nestorian Church) ይሏቸዋል። በኤፌሶን ጉባዔ የተወገዘውን የንስጥሮስን አስተምህሮ የሚቀበሉ ቢሆንም ንስጥሮሳውያን መባል አይፈልጉም። ከጽርፈት (ስድብ) ይቆጥሩታል።
3ኛ/ ራሳቸውን "ኦርቶዶክስ" ብለውም አይጠሩም:: በየትኛውም ጽሑፋቸው ላይ "ኦርቶዶክስ" የሚል ቃል አይጠቀሙም። ነገር ግን ብዙ ሰዎች የኦርቶዶክስ አብያተ ክርስቲያናት በተለይም የተዋሕዶዎቹ "የኦሪየንታል አብያተ ክርስቲያናት" አካል አድርገው ይቆጥሯቸዋል። ስሕተት ነው።
4ኛ/ Assyrian Church of the East (branch of Syriac Christianity) ከሚባሉት ውስጥ በ1870 የተለዩት/ የተገነጠሉት "The Chaldean Catholic Church" ከሮማ ካቶሊክ ጋራ ውሕደት ፈጽመዋል። በ1994 ባደረጉት ውሳኔ በነገረ ክርስቶስ ላይ ያላቸውን አስተምህሮም ከሮማ ካቶሊክ ጋራ አንድ አድርገዋል። መንበረ ፓትርያርካቸውም ኢራቅ ባግድዳ ነው። የቅዳሴ ቋንቋቸው ግን ልክ እንደሌሎቹ የሲሪያክ ይትበሐል አብያተ ክርስቲያናት ሁሉ አሁንም "አራማይክ" ነው።
መ/ ኦርቶዶክስ ተዋሕዶዎቹ የሦሪያ ክርስቲያኖች
—-------------
ሙሉ ስማቸው The Syriac Orthodox Church ይባላል፤
West Syriac Church ወይም West Syrian Church ይባላሉ፣
በመደበኛው (official) አጠራራቸው ደግሞ the Syriac Orthodox Patriarchate of Antioch and All the East ይባላሉ፤
በኢመደበኛ (informal) አነጋገርም ቢሆን (the Jacobite Church) ያዕቆባዊት ቤተ ክርስቲያን ይባላሉ። በትምህርቱ እና በተቀበለው ሰማዕትነት ቤተ ክርስቲያኗን በተዋሕዶ እምነቷ ባጸናት በሊቀ ጳጳሱ በቅዱስ ያዕቆብ ዘእልበረዲ (Jacob Baradaeus ወይም Jacob bar Addai) ስም ይጠራሉ።
የቅዳሴ ቋንቋቸው አራማይክ ሆኖ ይትበሐሉ ግን "የምዕራብ አራማይክ (West Syriac)" ነው።
ንስጥሮሳውያኑ "የምሥራቅ አራማይክ" ይትበሐል ተከታዮች መሆናቸውን ከላይ መግለጻችንን ልብ ይሏል።
የሕንድ ማላንካራ ኦርቶዶክስ ተዋሕዶዎች የነዚሁ የያዕቆባውያን ኦርቶዶክሶች አካል ናቸው።
++++++
ሠ/ መ*ና*ፍ*ቁ ንስጥሮስ እና የኤፌሶን ጉባኤ (431 ዓ.ም)
—------
ጉባኤ ኤፌሶን በ431 ዓ.ም በኤፌሶን ከተማ በ200 ሊቃውንት የተካሄደ ታላቅ ጉባዔ ነው፡፡ የስብሰባው መሪ ቅዱስ ቄርሎስ ነበር፡፡
የስብሰባው ዋና ምክንያት የንስጥሮስ ክህደት ነው፡፡
የንስጥሮስ ክህደቱም "ቃል ከሥጋ ጋር አልተዋሐደም። ሰው አልኾነም። አምላክም ሰው የሆነው በኅድረት ነው፡፡ ኅድረት ማለትም እመቤታችን የወለደችው ሰውን ብቻ ነው፡፡ ማርያም በወለደችው ሰው ላይ የእግዚአብሔር ቃል አደረበት (ሕድረት)፤ ስለዚህ እርሷም ወላዲተ አምላክ አትባልም" የሚል ነው፡፡
ንስጥሮስን ተከራክሮ የረታውና መልስ ያሳጣው እስክንድርያዊው ሊቀ ጳጳስ ቅ/ቄርሎስ ነው፡፡
የንስጥሮስን የክህደት ትምህርት በመሠረዝ እመቤታችን "እመአምላክ ወላዲተ አምላክ፣ እመ እግዚአብሔር (Mother of God, Theotokos)" መሆኗን እናምናለን፣ እናሳምናለን፣ እናስተምራለን።

ንስጥሮሳውያን እና የነርሱን ትምህርት የሚከተሉ አንዳንድ ፕ*ሮ*ቴስ*ታንቶች ዛሬም ድረስ Mother of Jesus እንጂ Mother of God አይሉም።
* ቅዱስ ቄርሎስ ለንስጥሮስ ሲመልስ፦ "ወልድ ጌታችን ኢየሱስ ክርስቶስ በማይመረመር ተዋሕዶ ሰው የኾነ አምላክ ነውና ቀዳሚ ሲኾን ከዘመናት አስቀድሞ ከአብ የተወለደ ነው! ዳግመኛም ከድንግል ማርያም በሥጋ የተወለደ ነው" ብሏል /ሃይማኖተ አበው 73፣4 ገጽ 271)
+++++
ረ/ ቃል ሥጋ ሆነ፤ ዘእንበለ ሕድረት (ያለማደር)
==============
የንስጥሮስ ክህደት የሆነው "ሕድረት" የሚለው ነው።
ሕድረት ማለት አንድ አካል በሌላ አካል ውስጥ ገብቶ ማደር ማለት ነው። ለምሳሌ መጽሐፍ ማሕደር ውስጥ ያድራል፤ ሰይፍ ሰገባ ውስጥ ያድራል።
በሕድረት ጊዜ አዳሪውና ማደሪያው በባሕርይ አይዋሐዱም።
ቃል ሥጋ የሆነው ግን በሕድረት አይደለም። ቃል ሥጋ ውስጥ አደረ ከተባለ ሥጋ ለቃል ማሕደሩ፤ ልብሱ፤ መቅደሱ ሆነ እንደማለት ነው። ይህ ማለት ደግሞ ባሕርያዊ ተዋሕዶ አልተፈጸመም እንደማለት ነው።
ቃል ግን ሥጋ ሲሆን የቃል ገንዘቡ ሁሉ ለሥጋ፤ የሥጋም ገንዘብ ሁሉ ለቃል ሆኗል። ስለዚህም ከእመቤታችን ከቅድስት ድንግል ማርያም በፍጹም ተዋሕዶ ከሥጋዋ ሥጋ ከነፍሷ ነፍስ ነሥቶ ፍጹም ሰው ፍጹም አምላክ ሆነ እንላለን።
ሰ/ የኢንተርኔት ላይ ክርስትና
—-----
ኢንተርኔቱ በጠቅላላው በተለይ ማኅበራዊ ሚዲያው ሃይማኖታችንን ለማወቅ፣ ለመጠበቅና ለማስፋፋት ይረዳል። ነገር ግን በነባራዊው ዓለም እንዳለው ሕይወታችን ተመልካች፣ መሪ፣ ተቆጪ፣ ተጠያቂ ስለሌለበት ለሃይማኖታዊ ፈተና ሊያጋልጠን ይችላል። ኑ*ፋ*ቄዎች ትክክለኛ ትምህርት፣ የተሳሳቱ መምህራንም ቀና እምነት የሚያስተምሩ መስለው ብዙዎችን ሲያሳስቱ እናያለን። ስለዚህ ራሳችንን ከቀጥተኛዋ የተዋሕዶ ትምህርት ውጪ ሆነን እንዳናገኘው ጥንቃቄ እናድርግ።
ይቆየን!!!

No matter what awaits us in the future, whether it be hunger, war, plague, or the antichrist, our last point should always be "Even so, come, Lord Jesus!"
#archpriestSergiyBaranov

ወደ ቤተ ክርስቲያን ስላልመጡ ምዕመናን

የሚያስጨንቅህ የዚህ ዓለም ጉዳይ አለብህ? እዚህ በምታሳልፈው ጊዜ የእግዚአብሔርን ርዳታና ምሕረት ታገኝ ዘንድ፣ በመረጋጋትና በመጽናናት መንፈስ ሆነህ ትሄድ ዘንድ ስለዚህ ምክንያት ወደዚህ ና፡፡ እርሱ ኃይልሀና ጋሻህ ይሆን ዘንድ፣ በሰማያዊ ሥልጣን በመጠበቅ ለጠላቶችህ ለአጋንንት የማትሸነፍ ትሆን ዘንድ ወደዚህ ወደ ጸጋው ዙፋን ና፡፡ በአባቶች ከሚደርሰው ጸሎት ሱታፌ ካለህ፣ በማኅበር ጸሎት ከተሳተፍክ፣ ቅዱስ የሆነውን የእግዚአብሔርን ቃል ከሰማህ፣ የእግዚአብሔርን ርዳታ ካገኘህ፣ እነዚህን መሣሪያዎች ከታጠቅህ የትም ብትሄድ እንዳንተ ያሉ ሥጋ የለበሱ ጠላቶችህ ክፉዎች ሰዎች ይቅርና ዲያብሎስ ራሱ ፊትህን ማየት አይችልም፡፡ ነገር ግን ከቤትህ እንደ ተነሣህ ወደ ቤተ ክርስቲያን ሳትመጣ ወደ ገበያ፣ ወደ ሥራ፣ ወዘተ ብትሄድ ብቻህን ያለ ምንም መንፈሳዊ ትጥቅና ጸጋ እግዚአብሔር ስለምትሆን ሁሉም ነገር በአንተ ላይ ይበረታብሃል፤ ጠላቶችህም በቀላሉ ያጠቁሃል

#ቅዱስ_ዮሐንስ_አፈወርቅ_ህይወቱና_ትምህርቱ

#ዲያቆን_ያረጋል_አበጋዝ

"መጽሀፍ ቅዱስ ብቻ"

* መለያየትን ያመጣል
* የጋራ እውነትን ያጠፋል
* ክርስትናን ያዳክማል
* እንደተፈለገ መተርጎምን ያስከትላል
* ሃይማኖትን አንፃራዊ ያደርጋል
* ሥነ ምግባርን ያጠፋል
* ሁሉም እምነት ያስኬዳል ወደሚል ክህደት ይወስዳል


#ዲያቆን_ያረጋል_አበጋዝ

Orthodox Survival Course
Orthodox Lectures on the History of the Apostasy (Middle Ages to the Present)
by Fr. Seraphim Rose

This lecture introduces the Orthodox world view compared to other religious sects and philosophies. It states that Orthodoxy is not just one system of thought among many, but is God's true religion. It explains that sectarian views provide simplistic answers and isolate adherents from reality, whereas Orthodoxy respects human reason and seeks to understand phenomena in the world. The lecture argues Orthodoxy can understand all things through an open-minded examination of ideas, political systems, and art, discerning what contains truth and what does not, rather than denying outside influences.

ኒቆዲሞስ

እንኳን አደረሰን!

ሊቁ ቅዱስ ያሬድ የታላቁ ዐቢይ ጾም ፯ኛ ሳምንት መጠሪያ አድርጎ በጾመ ድጓው ‹‹ወሀሎ አሐዱ ብእሲ እምፈሪሳውያን ዘስሙ ኒቆዲሞስ፣ ዘሖረ ኀቤሁ ቀዲሙ ሌሊተ፣ ወይቤሎ ለኢየሱስ እጓለ አንበሳ ሰከብከ ወኖምከ፣ አንሥአኒ በትንሣኤከ፤ አስቀድሞ በሌሊት የሄደ ከፈሪሳውያን ወገን ስሙ ኒቆዲሞስ የተባለ አንድ ሰው ነበር፤ ፈጽመህ የተኛህ የአንበሳ ልጅ ኢየሱስ ሆይ በትንሣኤህ አንሳኝ አለው›› እያለ ስለዘመረለት በየዓመቱ ታሪኩ ሲነገር ታላቅነቱ ሲወሳ ይኖራል። (ጾመ ድጓ ዘኒቆዲሞስ ዘሰንበት)

ኒቆዲሞስ ‹‹ቀናዕያንና ወግ አጥባቂዎች›› ከሚባሉት ፈሪሳውያን አለቆች አንዱ ነበር። ነገር ግን ፈሪሳውያን የተሰኙት አይሁድም ስለ መሲሑ መምጣት በነበራቸው የተሳሳተ አመለካከት ጌታችን ኢየሱስን ካልተቀበሉት ወገን ነበሩ፡፡ (ዮሐንስ ፫፥፴፬)

የጌታችን መድኃኒታችን ኢየሱስ ክርስቶስን ትምህርት የሰሙና የእጆቹን ተአምራት የተመለከቱ ብዙዎች እርሱን ይከተሉት እንደነበር ሁሉ ኒቆዲሞስ ደግሞ የሕዝቡ አስተማሪ ቢሆንም እንኳን በሌሊት ለመማር ወደ ጌታችን ይሄድ ነበር። ቅዱስ አውግስጢኖስ ይህን ሲያስረዳ አንድም ‹‹ሳይማር ያስተምረን ኖሯል?›› ብለው አይሁድ እንዳያቃልሉት ለገዛ ስሙ ሰግቶ ሲሆን በሌላ በኩል ደግሞ ጨለማው የኦሪት ምሳሌ ስለሆነ ነው። ወንጌልን መማር ወደ ፍጹም ዕውቀት እንደሚያደርስና የድኅነት መንገድ እንደሆነ ስለተረዳ ለመማር ወደ ጌታችን መጣ። (ትርጓሜ ወንጌል ዘዮሐንስ)

ኒቆዲሞስ መምህሩ ኢየሱስ ክርስቶስን ያከበረው ሰግዶ ጭምር ነው። ‹‹ኒቆዲሞስ ሰገደ በመንፈቀ ሌሊት፤ ለዘቀደሳ ለሰንበት፤ ኒቆዲሞስ ሰንበትን ለአከበራት ጌታ በመንፈቀ ሌሊት ሰገደ›› እንዲል። (ጾመ ድጓ ዘኒቆዲሞስ ዘሰንበት)

በመምህርነቱ ሳይመጻደቅ ከጌታችን ዘንድ ለመማር መምጣቱ ታላቅነቱን ሲያስረዳ ለዘመኑ መምህራን ደግሞ ትምህርት የሚሆን ነው። ሐዋርያው ያዕቆብ ‹‹ከእናንተ ብዙዎቹ አስተማሪዎች አይሁኑ›› ያለው መዘንጋቱ ‹‹መምህራነ ኮኑ በበደወሉ፤ ፊደላተ ዘኈለቁ ኵሉ፤ ፊደላትን የቆጠሩ ሁሉ በየቦታው መምህራን ሆኑ›› የሚለው ቅኔም በተግባር እየታየ ነው፤ ፊደል የቆጠረው ሁሉ ቀሚስ አሰፍቶ፣ ሰናፊሉን አንሰርትቶ ልስበክ ባይ ሆኗል። እንኳን ከመምህርነት አስቀድሞ ድኅረ መምህርነትም ከሊቃውንተ ቤተ ክርስቲያን እግር ሥር ቁጭ ብሎ መማር እንደሚገባ የኒቆዲሞስ ታሪክ ያስረዳናል። (ያዕቆብ ፫፥፬)

ኒቆዲሞስም ወደ ጌታችን ቀርቦ እንዲህ አለው፤ ‹‹መምህር ሆይ፥ ልታስተምር ከእግዚአብሔር ዘንድ እንደ መጣህ እናውቃለን፤ እግዚአብሔር ከእርሱ ጋር ከሆነ በቀር አንተ የምታደርገውን ይህን ተአምር ሊያደርግ የሚችል የለምና፡፡›› ጌታችን ኢየሱስም መልሶ ‹‹እውነት እውነት እልሀለሁ፤ ዳግመኛ ያልተወለደ ሰው የእግዚአብሔርን መንግሥት ለማየት አይችልም›› አለው፡፡ ነገር ግን ኒቆዲሞስ ምሥጢሩ ስላልተገለጠለት ‹‹ሰው ከሸመገለ በኋላ ዳግመኛ መወለድ እንደምን ይቻላል? ዳግመኛ ይወለድ ዘንድ ወደ እናቱ ማሕፀን ተመልሶ መግባት ይችላልን?›› በማለት ጌታን መልሶ ጠየቀው፡፡ ጌታችንም እንዲህ ብሎ መለሰለት፤ ‹‹እውነት እውነት እልሀለሁ፤ ዳግመኛ ከውኃና ከመንፈስ ቅዱስ ያልተወለደ ወደ እግዚአብሔር መንግሥት ሊገባ አይችልም፡፡ ከሥጋ የተወለደ ሥጋ ነው፡፡ ከመንፈስ የተወለደ መንፈስ ነውና›› ሆኖም ኒቆዲሞስ ምሥጢሩ አሁንም ስላልተገለጠለት ‹‹ይህ ሊሆን እንዴት ይቻላል?›› በማለትም ጌታን ጠየቀው፡፡ ጌታችንም ‹‹አንተ የእስራኤል መምህራቸው ነህ፤ ነገር ግን እንዴት ይህን አታውቅም? በምድር ያለውን ስንነግራችሁ ካላመናችሁኝ በሰማይ ያለውን ብንነግራችሁ እንደምን ታምናላችሁ? ከሰማይ ከወረደው የሰው ልጅ በቀር ወደ ሰማይ የወጣ የለም፤ እርሱም በሰማይ የሚኖረው ነው፡፡ ሙሴ በምድረ በዳ እባቡን እንደ ሰቀለ የሰው ልጅ እንዲሁ ይሰቀል ዘንድ አለው፡፡ ያመነበት ሁሉ ለዘለዓለም ሕያው ሆኖ እንዲኖር እንጂ እንዲጠፋ አይደለም…፤›› ብሎ አስረዳው፡፡ (ዮሐ. ፫፥፪-፲፭)

ጌታችን ኢየሱስ ክርስቶስ ምሥጢረ ጥምቀትን ያስተማረው ኒቆዲሞስም ትምህርቱን ተረድቶ እስከ መጨረሻው ጸንቶ ለመኖር ችሏል፡፡ ሰውም ሀሉ እኛም በክርስቶስ ክርስቲያን ይባል ዘንድ በዕለተ ዐርብ ከጌታችን ኢየሱስ ክርስቶስ ከቀኝ ጎን በፈሰሰው ማየ ሕይወት መጠመቅ እንዲሁም ከቀደመ ኃጢአቱ መንነጻትና የሥላሴ ልጅነትን ማግኘት ይገባዋል፡፡

ኒቆዲሞስም ይህን ምሥጢር ጌታችን አስተምሮታልና የእርሱ ደቀ መዝሙር ከመሆኑ ባሻገር በመልዕልተ መስቀል ተሰቅሎ በገዛ ሥልጣኑ ነፍሱን ከሥጋው በለየ ጊዜ ክቡር ሥጋውን ወስዶ በክብር ለመገነዝ የበቃ ሰው ሁኗል፡፡

ጌታችንም የተበተኑ ልጆቹን ከትንሣኤው በኋላ ሲሰበስብ ከሁለቱ የኤማሁስ መንገደኞች አንዱ ኒቆዲሞስ ነበር። በዚህም ጌታችን ከትንሣኤው በኋላ ከተገለጠላቸው የመጀመሪያዎቹ ሰዎችም መካከል አንዱ መሆን የቻለ ታላቅ ሰው ነው።

ለኒቆዲሞስ ምሥጢሩን ገልጾ ያዳነውና ያከበረው ጌታችን ለእኛም ምሥጢሩን ይገልጽልን ዘንድ ቅዱስ ፈቃዱ ይሁንልን፤ አሜን፡፡

ወስብሐት ለእግዚአብሔር

Liturgy as Life

Prayer as Communion

The Angry God of Anselm

Seeds of Heaven and Hell: Passions, Virtues, and Life After Death

Beauty That Saves the World: Beauty, Liturgy, and Liturgical Art

Monasticism: Ancient and Contemporary Values for a Timeless Tradition

Adam, the First-Created Man

St. Augustine and Orthodoxy: In Light of the Eastern Church Fathers

Sermon on the Dormition of the Mother of God

Sermon on the Exaltation of the Life-Giving Cross

Sermon on the Sunday of Orthodoxy

Sermon on the Sunday of All Saints

Sermon on the Canaanite Woman

A Prayer Rule...

As a collective, these essays present a different understanding of the relationship of Orthodoxy to secular politics; comprehensive, up-to-date and highly relevant to politically understanding today's world. The contributors present their views and arguments by drawing lessons from the past, and by elaborating visions for how Orthodox Christianity can find its place in the contemporary liberal democratic order, while also drawing on the experience of the Western Churches and denominations. Touching upon aspects such as anarchism, economy and political theology, these contributions examine how Orthodox Christianity reacts to liberal democracy, and explore the ways that this branch of religion can be rendered more compatible with political modernity.

ለካህን መናዘዝና ቀኖና መቀበል ለምን?

* የተሐድሶዎች ትምህርት ለካህን ስለመናዘዝና ቀኖና ስለመቀበል
* በዚህ ጉዳይ ላይ የተሐድሶዎች መሠረታዊ ስህተቶች
* ለንስሐ አባት መናዘዝና ቀኖና መቀበል በመፅሀፍ ቅዱስ ትምህርት
* ቀኖና የሚሰጥባቸው ምክኒያቶች
* ንስሐ አባትና ቀኖና በአበው ትምህርት

~ +++++ ~~

“ነቢዩ ናታን ንጉሥ ዳዊትን ኃጢአቱን ከነገረው በኋላ ወዲያውኑ ኃጢአቱን እንዳመነ አጽናንቶት ነበር፡፡ ሆኖም ብፁዕ ዳዊት ግን ምንም እንኳ እግዚአብሔር ደግሞ ኃጢአትህን አርቆልሃል፡ ኣትሞትም' (2 ሳሙ. 12፡13) የሚለውን የነቢዩን ቃል የሰማ ቢሆንም ንስሐ ከመግባት ግን አልተመሰለም፡፡ ንጉሥ የነበረ ቢሆንም በልብሰ መንግሥት ፋንታ አመድ ለበሰ በወርቅ ዙፋን ላይ በመቀመጥ ፋንታ በመሬት ላይ፣ ያውም በአመድ ላይ ተቀመጠ፡፡ በአመድ ላይ የተቀመጠ ብቻ ሳይሆን አመድንም ምግቡ አደረገ፤ እርሱ ራሱ “አመድን እንደ እህል ቅሜያለሁና፣ መጠጤንም ከእንባዬ ጋር ቀላቅያለሁና” (መዝ 101፡9) ብሏልና፡፡ ወደ ኃጢአት የተመለከተው ዓይኑ በዕንባ እስኪሟሟ ደረሰ፤ “ሌሊቱን ሁሉ አልጋዬን አጥባለሁ፣ በዕንባዬም መኝታዬን አርሳለሁ፤ ዓይኔ ከቍጡ ዕንባ የተነሣ ታወከች” እንዳለ፡፡ መዝ. 6፡6-7 መኳንንቱ እህል እንዲቀምስ በለመኑት ጊዜ እንኳ አልሰማቸውም፡፡ ጾሙን እስከ ሰባት ሙሉ ቀናት አራዘመ፡፡ ንጉሥ የነበረው እርሱ እንዲያ ባለ ሁኔታ ንስሐ ከገባ ተራ ግለሰብ የሆንከው አንተ ንስሐ ልትገባና ልትናዘዝ አይገባህምን?” (ቅዱስ ቄርሎስ ዘኢየሩሳሌም፣ ትምህርት 2 በእንተ ንስሐ ወሥርየተ ኀጢአት፣ ቁ 12)


#መድሎተ_ጽድቅ

#ዲያቆን_ያረጋል_አበጋዝ

አትጨነቁ

መጨነቅ የበታችነት ስሜትን ይፈጥርባችኋል
ምንም ነገር አትጨምሩም ብዙ ነገር ግን ይጎድልባችኋል

https://youtu.be/bqZoGJ1-Vhw?si=AvCSrtlkBrE8YVDF

#መምህር_ኢዮብ_ይመኑ