​​ግራ አጋብቷትም አፏን ከፍታ ትከታተላለች...
"በል አሁን ሂድ ተማሪ ነኝ ለአንተም አስብልሃለሁ...ድጋሜ ግን በዚህ ጉዳይ ከተገጣጠምን ይታይሃል ቢሮዉ እዛ አንፈታዋለን" አለዉ አለምነህ በአገጩ የሬጅስትራል ጽ/ቤት ቢሮዉን እያመለከተዉ..
ወጣቱ ልጅ ምንም ሳይመልስ ወደ ግቢዉ መዉጫ አቀና...
"እህት ደህና ነሽ.
..?" አላት አለምነህ በእጁ የያዘዉን ማጭበርበሪያ ደረሰኝ ለሁለት እየቀደደዉ...
"አዎ ደህና ነኝ...አመሰግናለሁ በጣም ፈጣሪ ይባርክህ" አለችዉ ከመገረሟ ሳትወጣ
"እንዲህ አይነቶች ብዙ ስላሉ ጥንቃቄ አርጊ"
"ያዉ ሀገሬ እያለሁኮ እሰማለሁ ፍሬሽ ተማሪዎች ላይ ሚሰራዉን ተንኮል..ስለፈራሁም ነበር ፈንጠር ብዬ የቆምኩት..ታዉቃለህ ተማሪ አልመሰለኝም የግቢዉ ሰራተኛ ነበርኮ የመሰለኝ" አለችዉ እየተደነቀች..
"ባልገመትሽዉ ሁኔታ ሊመጡብሽ ይችላሉ ለማንኛዉም እኔ ልርዳሽ ወይስ እኔንም አታምኒኝም" አላት ፈገግ ብሎ ሻንጣዋን እያንጠለጠለ...
"እረ በጭራሽ..ትእግስት እባላለሁ" አለችዉ ከልቧ ደስ ብሏት..
"ቆንጆ ስም ነዉ እንደ ስምሽ ታጋሽ ለመሆን ሞክሪ" አላትና ዝም አለ...
ዝምታ ሲጨንቅ...ዝምታ ሲያስፈራ...
ምንም አያወሩም ብቻ ግን ወደፊት ይራመዳሉ...
"ጥሩ ሰዉ ነህ" አለችዉ ዝምታዉን ለመስበር በሚመስል ሁኔታ ፈገግ እያለችለት..
"ጥሩ ሰዉ መሆኔን እንዴት ታዉቂያለሽ...ምንም አታዉቂኝምኮ"
"ያስታዉቃላ ጥሩ ሰዉ ባትሆን ከዛ ልጅ አታተርፈኝም ነበር" ቁጥብነቱ ደስ ብሏታል..
"እንግዲህ ደርሰናል የፍሬሾች ዶርም...እዚህኛዉ ህንፃ ላይ ስምሽ ከሌለ ወደሌላኛዉ ህንፃ እንሄዳለን" አላት ሻንጣዉን የሴቶች ዶርም ዋናዉ መግቢያ በሩ ጋር እያስቀመጠ....
"እእ አመሰግናለሁ በጣም ስለ ቀናነትህ" አለችዉ ትእግስት እጅና እጇን እያፋተገች..
"አሁን እዚህ ስምሽ እንዳለ እናረጋገጥና የተመደበሽበትን ዶርም ክፍልም በዛዉ ማወቅ እንችላለን...ሙሉ ስምሽን ንገሪኝ" አላት
"ትእግስት ሲሳይ" ቀልጠፍ ብላ መለሰች
አለምነህ ወደ ፊት ራመድ አለና ፕሮከተር ቢሮ ግድግዳዉ ላይ የተለጠፈዉን የተማሪዎች ስም ዝርዝር ማሰስ ጀመረ...."t" ቤት ላይ ሲደርስ ፍጥነቱን ቀነስ አድርጎ በጥልቀት መመልከቱን ተያያዘዉ...አዎ ስሟን አገኘዉ..ትእግስት ሲሳይ ይላል እዚሁ የቆሙበት ህንፃ ላይ ነዉ የተመደበችዉ...ብዙ ድካም ቀለለት ኡፎይ ብሎ ሳይጨርስ ግን ሌላ አድካሚ ጉዞ እንዳለበት ተገነዘበ የተመደበችበት ዶርም የመጨረሻዉ ፍሎር ላይ ነዉ....አለምነህ ሁሌም ቢሆን ፊቱ ላይ ምንም አይነት የድካም ስሜት እንዲነበብ አያደርግም...ለነገሮች በቀላሉ ማይሸነፍ ጠንካራ ሰዉ ነዉ...በህይወቱ የሚመጡ መጥፎ አጋጣሚዎችና ስንክሳሮችንም ተመስገን ብሎ ነዉ ሚቀበላቸዉ...ደስታ ወደ አለምነህ ካልመጣ አለምነህ ወደ ደስታ ይሄዳል...አለምነህ ለመደሰት ቤተ ክርስቲያን ጎራ ማለት ብቻ በቂዉ ነዉ.....
አለምነህ ቦርጩ ከከበደዉ ፕሮክተር የክፍሉን ቁልፍ ተቀበለና "ቲጂ ስምሽ እዚሁ ህንፃ ላይ ነዉ..እንደድል ሆኖ ከብዙ ፍለጋ ተርፈናል" አላት ሻንጣዉን በድጋሜ እያንጠለጠለ...
ፈገግታዋን ችራዉ እሷም ቀለል ያሉትን ሌሎች ጓዞቿን ሸክፋ ደረጃዉን መዉጣት ተያያዙት...መዳረሻዋ ራቀባት...ይሄን የሚያህል ሻንጣ ተሸክሞ ይሄን ሁሉ ደረጃ እየወጣ እንደሆነ ስታስብ ሰቀጠጣት "እእ ወንድም ከይቅርታ ጋር ላግዝህ..? አለችዉ ስትፈራ ስትቸር....ዝም ያለ ሰዉኮ ያስፈራል እናንተዬ...ድሮስ ሬሳን ዝም ስለሚል አይደል ሰዉ የማይቀርበዉ...
"አይ ችግር የለዉም ደርሰናል" አላትና መዉጣቱን ቀጠለ..

ከጥቂት ደቂቃዎች በኋላ የመጨረሻዉ ፎሎር ላይ ደረሱ...በረዥሙ አየር አስገባና አስወጣ...የእፎይታ ትንፋሽ...የአሸናፊነት ትንፋሽ...

አለምነህ ትእግስትን የተመደበችበት ዶርሟ አስገባት....ዶርሙ ዉስጥ ቀድማ የደረሰችዉ ትእግስት ብቻ ናት...ሌሎች የዶርም አጋሮቿ ገና አልገቡም....በማታዉቀዉ ቦታ የማታዉቀዉ ክፍል ዉስጥ ብቻዋን መሆን ጨነቃት...በዛ ላይ ዶርሙ ብዙ አልተፀዳም ሁሉም ነገር እንደተዘበራረቀ ነዉ...ፊቷ ቅጭም አለ...
"በድጋሜ አመሰግናለሁ" አለችዉ የተጨነቀች ላለመምሰል እየሞከረች...
አለም ነህ ከሁኔታዋ ጭንቀት ዉስጥ እንደሆነች ገብቶታል..."ቲጂ አብሽሪ ሁሉም ይለመዳል..የግቢ ቻሌንጁ ከዚህ ነዉ ሚጀምረዉ ፈታ በይ...አዲስ ከተማ ፤ አዲስ ጓደኛ ፤ አዲስ ክፍል ፤ አዲስ ማህበረሰብ ፤ አዲስ የአኗኗር ዘይቤ አዉቃለሁ ሁሉም ለጊዜዉ ይከብዳል አልፌበታለሁ ግን ትለምጂዋለሽ" አላት ትካሻዋን መታ መታ እያደረገ..
ትእግስት የዉስጧን ሳትነግረዉ ስላወቀላት ደስታ ተሰማት...የሚገርመዉ ደሞ ገና አሁን ብዙ አወራ ይሄ ሰዉ ሰዉን ለመርዳት ነዉ እንዴ የተፈጠረዉ...? ብላም አሰበች...በሀሳቧ ብዙ ሳትርቅ ያባነናት አለምነህ "ሰላም ሁኚ ቲጂ" ብሎ በሩን ሲዘጋዉ ነዉ...
ትእግስት በርገግ አለችና በሩን መልሳ ከፍታዉ "ወንድም ስምህንኮ አልነገርከኝም" አለችዉ የበሩን እጀታ ይዛ እንደቆመች...
"አለምነህ ግርማ" አላት ፊቱን ሳያዞር ደረጃዉን እየወረደ..
"ላስቸግርህ ስፈልግ የት ላገኝህ እችላለሁ..?" በድጋሜ ጥያቄዋን ላከች...
"አለምነህ ሁሉም ቦታ አለ" አላትና የመጀመሪያዉን ደረጃ ወርዶ እጥፍ ሲል ከአይኗ ተሰወረ.....

ይ..................
ቀ....................
ጥ....................
ላ....................
ል........................

ሀሳብ እና አስተያየታችሁን 😋
👇👇👇👇👇👇👇👇
@yegetemkal_bot

Owner by 👌 Merry
@buchula36

🌹🍃✨JOIN US 💌SHAER✨🍃🌹

⚡️ @yegetemkalat ⚡️

🔥 🌸 😍 ፍቅር ብቻ 😍🌸🔥

🌹ፍቅር ብቻ🌹

🌊የወጀቡ ጥግ🌊

🔥ክፍል 4

✍ደራሲ ሸረፈዲን የእናቱ ልጅ(ምትኩ)
.
.
.
የአዉራ ዶሮ ጩኸት የንጋት ዜናን እያበሰረ ነዉ...አዲስ ቀን ተጨምሮናል አዲስ ተስፋ ተሰጥቶናል..ሰማዩ ጥርት ብሎ ለእይታ ማራኪ ነዉ..ለስለስ ያለች ሰዉነት የማታቃጥል የፀዋት ፀሀይ ምድርን ልታበራ ከማህፀኗ ጨረሮቿን አለም ላይ በትናለች..ፍንትዉ ብላ ደምቃ በስተምስራቅ ትታያለች.... እዚህ ጋር ደሞ ሌላ ንጋት ሌላ ፀሀይ የሆነችዉ ትእግስት...ዉበቷ ከአድማስ እስከ አድማስ የሚናኘዉ ትእግስት...በዉበቷ ምድረ አዳምን ብርክ ምታሲዘዉ ትእግስት...ከዶርሟ ወጥታ የሬጅስትራል ጽ/ቤት ፊት ለፊት ቆማለች... ተማሪዎች ለምዝገባ እየተዋከቡ ነዉ እዛ እዚህ ይሯሯጣሉ.. ሬጅስትራሉ በሰዎች ጢም ብሎ ሞልቷል... ትእግስት ምኑን ከምኑ እንደምታደርገዉ ጭንቅ አላት....ለመመዝገብ ከየት እንደምትጀምር እንኳን አታዉቅም...ለእንደሷ አይነት አይን አፋርና ሁሉን ተጠራጣሪ ሴት ደግሞ እጅግ ከባድ ነዉ...የምዝገባ ሂደቶቹ ግቢ ዉስጥ አሰልቺ ከሆኑት ነገሮች መካከል ዋናኛዉ ነዉ..ካፌ ለመመገብ ምትሰለፈዉ ሰልፍ በምን ጣእሙ....ምዝገባዉ ብዙ ሂደቶች አሉት ሂደቶቹ ብቻ ሳይሆኑ የሰራተኞቹም ቸልተኝነት ለተማሪ እንግልት ዋነኛ ተዋንያኖቹ ናቸዉ... ኮስት ሼሪንግ ሙላ ይሉሃል እሱን ሞልተህ ስትጨርስ ዲፓርትመንትህ እላይኛዉ ፎቅ ብረር ይሉሃል..ደረስኩ ጨረስኩ ብለህ እፎይ ስትል ታችኛዉ ፍሎር ተወርወር ይልሃል...በፍጥነት ደርሰህ ተገላገልኩ ስትል 3ተኛ ፎቅ ላይ ዉጣ...ወደ ጎን ሂድ 4ተኛ ፎቅ ላይ ማህተም አስመታ እንዲሁ ሲያሰቃዩህ ይዉላሉ የሆነ ሰአት ላይ ድክም ብለህ ደረጃዉን በደረትህ አየተሳብክ መዉጣት ትጀምራለህ....

በትእግስት ዉበት የተቁነጠነጡ ወንዶች አጠገቧ ሁነዉ ሊረዷት በሚል ምክንያት ከእሷ ጋር ማዉራትን ቢፈልጉትም..እሷን ለማሳቅ ቢሞክሩም ሊቀርቧት ጥረት ቢያደርጉም እሷ ግን ትላንት የረዳትን መንገድ አሳይ መላእኳን ፈለገችዉ...ዝምተኛዉን አለምነህን ድጋሜ ልታስቸግረዉ ፈለገች....
"ደጉን ሰዉ የት ላግኘዉ" ስትል አሰበች.. ወዲያዉ የተኮሳተረዉ ግንባሯ ፈታ አለ..ሳይታወቃት ፈገግ አለች..አለምነህን የት ልታገኘዉ እንደምትችል አዉቃለች..ዛሬም ተማሪዎች ገብተዉ አላለቁም ስለዚህ አለምነህ እንደተለመደዉ እነሱን እየረዳ ነዉ..ወደዛዉ መሄድ አለባት...እግሯን አንቀሳቀሰች አለምነህን ፍለጋ የግቢዉ መዉጫና መግቢያ አመራች...
ነፍስን ከስጋ ነጥለዉ ሲፈልጉ ባህር የሚከቱ ሲያሻቸዉ ህዋ ላየ የሚያንሳፍፉ አይኖቿን በቅርብም በሩቅም ላከቻቸዉ።...አይኖቿ አለምነህን ተራቡት..አይኖቿ አለምነህን ፈለጉት..አለምነህ ግን በስፍራዉ የለም። ሀሞቷ ፍስስ ሲል ተሰማት..ሀሳቧ እንደ ጉም ብትንትን አለባት... እዉነት አለምነህ እንዲረዳት ፈልጋ ነዉ..? ወይስ በምክንያቶች የአለምነህን ከጎኗ መሆን ፈልጋዉ ነዉ...? እንጃ ለእራሷም ስሜቷ አልገባትም..ግራ የሚያጋባ ማህበረሰብ ፤ ግራ ሚያጋባ ስሜት ፤ ግራ የሆነ ልጅ....
"ምናልባት ተማሪዎችን ወደ ዶርማቸዉ ሊያስገባ ሂዶ ይሆናል እስኪመለስ ልጠብቀዉ" ስትል አሰበች...ልትጠብቀዉ ወስና ለእይታዋ ምቹ የሆነ ጥላ ቦታ ፈለገች..ወዲህ ወዲያ ስታማትር የጠረጴዛ ቴኒስ የሚጫወቱ ልጆች ያሉበት ስፍራን ምቹ ሆኖ አገኘችዉ...
አግዳሚ ወንበሩን ደገፍ ብላ ተቀምጣ አንዴ የቴኒስ ጨዋታዉን ስትመለከት አንዴ ደግሞ ቀልቧን ሰብሰብ አድርጋ አለምነህ ይመጣበታል ብላ ያሰበችዉን አስባም በሀሳቧ የሳለችዉ መንገድ ላይ አይኗን ስትወረዉር ሰአቱ ነጎደ...አለምነህ ግን የለም... ደጉ ሰዉ ሊመጣ አልቻለም...
ቴኒስ የሚጫወቱት ልጆች እንድትጫወት ቢጋብዟትም...ተጫዉታ እንደማታዉቅ ገልፃለቸዉ ሌላ ቀን እንደምትሞክር በትህትና ነግራቸዉ አለምነህን በተስፋን መጠበቋን ተያያዘችዉ...አለምነህ ግን ዝር አላለም..
ሰአቱ እየቆጠረ ነዉ 3:00...3:30...4:00...5:00 የምሳ ሰአት ደረሰ ምዝገባዉ ላይ ሳትሳተፍ ሬጅስትራል ጽ/ቤቱ ለምሳ ተዘጋ..ሰራተኞቹ እየተንጠባጠቡ መዉጣት ጀመሩ...ለሷ ግን ይሄ ግድ አልሰጣትም እረ ከነ አካቴዉም ትዝ አላላትም..እየተጨነቀች ያለችዉ ትላንትን ብቻ ስላወቀችዉ ሰዉ ነዉ..የሰአቱ መርፈድ ጉዳዩዋ አልነበረም ብዙ ሰአቶችን ተቀምጣ ስለጠበቀችዉም አልቆጫትም እነዚህ ሁሉ ተራ ትርክሚኪዎች ናቸዉ..ሀሳቧ አለምነህ እና አለምነህ ብቻ ናቸዉ።..
"ለምን ሊቀር ቻለ..? ለምንስ ዛሬ ተማሪዎችን አልረዳም...ክፉ ነገር አጋጥሞት ይሆን..?" ባዶ ጭንቀት ብቻ...ጓደኞቹን አታዉቅ...የዶርሙን መገኛ አድራሻ እንኳን አታዉቅም...ምንድነዉ ማድረግ ያለባት...? ጭንቀቷን ሚያስተነፍስላት ነገር ፈለገች..ፍቱን መድሀኒቷ ደሞ ቀዝቃዛ ዉሃ ዉስጥ መነከር ነዉ...ከተቀመጠችበት ተነሳች
ቅርዝዝ እንዳለች ወደ ዶርሟ አመራች..ፍሎሯ ላይ ካሉት ሻወር ቤቶች መካከል አንደኛዉን መርጣ ገባች..የሻወሩን ቁልፍ እስከ መጨረሻዉ አዞረችዉ...ዉሃዉ ሿ..ሿ..ሿ እያለ ከፀጉሯ ጀምሮ በእርቃን ገላዋ ላይ ይፈስ ጀመር...ምንም አይነት እንቅስቃሴ የለም ለመታጠብ... ገላዋን በሳሙና ለመምታት የምታደርገዉም ጥረት የለም...ብቻ ዉሃዉ በገላዋ ላይ ኮለል ክብልል እያለ ይወርዳል...የዉሃዉ ጠብታ ዳሌዋ ላይ እየነጠረ ጭኖቿን እያዳረሰ ቁልቁል ይምዘገዘጋል።
ረዘም ላሉ ደቂቃዎች ከዉሃዉ ሳትወጣ ከሀሳቧ ጋር እየሞገተች አሳለፈች...በመጨረሻም ከዉሃዉ ወጥታ ብርዱ እያንዘፈዘፋት ወደ ዶርሟ አመራች...ሰዉነቷን አደራርቃ የምትወደዉን ሽቶ በአፍንጫዋ ማገችዉ...መአዛዉ በአፍንጫዋ ገብቶ ዉስጧን ሲያረሰርሰዉ ተሰማት..ሽቶ ደስታዋ ነዉ...ስትጨነቅም ሆነ ስትደሰት ሽቶ አይለያትም..ዛር እና ዉቃቢ እንዳለባት አሮጊት ሽቶን ታፈቅራለች።...
በአንገቷና በደረቷ ሽቶዉን አርከፈከፈችዉና ተጠቅልላ በጎኗ ጋደም አለች...አሁን ትንሽ ቀለል ብሏታል...ቅዝቃዜዉ እያንቀጠቀጣት ቢሆንም የዛለዉ ጉልበቷ ሀይል አግኝቷል...በጭንቀት የተወጠረዉ አእምሮዋም ረገብ ብሏል...ክፍሏን ቃኘት አደረገችዉ...በሚገባ አፅድተዋለች..የተዘበራረቁትን ነገሮች አስተካክላ ሰዉ የሚኖርበት አስመስላዋለች...
"እነዚህ ልጆች መች ይሆን የሚመጡት..?" እራሷን ጠየቀች ብቻዋን እንደሆነች እያሰበች
"ምናልባት ዛሬ ማታ ይገቡ ይሆናል...ለእራሷ ጥያቄ እራሷዉ መላሽ ሆነች...
"አለምነህ ግን ምን ሆኖ ይሆን የጠፋዉ..?" በድጋሜ ጠየቀች የሚመልስላት ያለ ይመስል...
"አልመቸዉ ብሎ ይሆናል...እንደዉም ዛሬ ተራዉ አይደለም ማለት ነዉ"...ከጭንቀቴ ይገላግለኛል ያለችዉን መላምት አስቀመጠች...ዙሪያዋን በግድግዳ እና ተደራራቢ አልጋዎች ተከባ እንዲህ ብቻዋን ከራሷ ጋር እየተነጋገረች እንቅልፍ ሸለብ አደረጋት።...

ትእግስት ትላንት ላወቀችዉ ሰዉ እንዲህ አጥብቃ መጨነቋ ለምን ይሆን..? ሰዋዊነቱ ዉስጧ ዘልቆ ገብቶ ሰብአዊ ጎኗን ነካት..? ወይስ ወዳዉ ይሆን..? አሁን ላይ እሷንም ብጠይቋት መልሱን አታዉቀዉም...እኔም የማዉቀዉ ነገር የለም ብቻ ግን ጊዜ ይፈታዋል...ጊዜ የማያነግሰዉ የማይሽረዉ...

🌹 ፍቅር ብቻ🌹

🌊የወጀቡ ጥግ🌊

🔥ክፍል 5

✍ደራሲ ሸረፈዲን የእናቱ ልጅ(ምትኩ)
.
.
#እኔ በመፃፍ ልበርታ እናንተ ሼር በማድረግ በርቱልኝ።
.
.
እግሮቿን ብርክ እየያዛቸዉ ነዉ..ሰዉነቷ ቅርዝዝ ብሎባታል ስትራመድ እግሮቿ እርስ በእርስ ይማቱባታል..ደስ ብሏታል ግን ደግሞ ፈርታለች.. ከቀኑ 11 ሰአት ሆኗል...ትእግስት አለምነህን ልታገኘዉ እየሄደች ነዉ..ደርሳ ከላይብረሪዉ በስተጀርባ ማሰስ ጀምራለች..."ፈለግሽኝ እንዴ ቲጂ ምን ልርዳሽ" ቢላት የምትመልሰዉ መልስ የላትም ብቻ ግን እየፈለገችዉ ነዉ...ብዙም ሳትደክም አገኘችዉ..አለምነህ ብቻዉን ተቀምጦ ይፅፋል...ቦታዉ ላይ ሌላ ማንም ሰዉ የለም..ፍፁም ፀፅታ የሰፈነበት ነዉ..ከፊት ለፊቱ በእኩል እርዝመት ችምችም ብለዉ ያደጉ አረንጓዴ ሳሮች ይታያሉ...በስፍራዉ ያሉት ብዛት ያላቸዉ ትልልቅ ዛፎች ንፁህ እና ያልተበከለ አየር እንዲዘዋወር አስተዋፅኦ አድርገዋል...አለምነህ የመረጠዉ ቦታ እራስን ለማዳመጥ ምቹ ነዉ...መንፈስን ያድሳል...
ትእግስት አየሩን ደጋግማ ወደ ዉስጧ ማገችዉ...በቀረበች ቁጥር የልብ ምቷ ጨመረ...ዝብርቅርቅ ያለ ድዉታ እና ብዉታ....(ብዉ..ብዉ መልሶ ደግሞ ድዉ...ድዉ) ይላል
"ቲጂ ነይ ተቀመጭ እንኳን ወደ ግዛቴ በሰላም መጣሽ" አላት አለምነህ ወረቀቱ ላይ እንደተደፋ...ትግስት አመዷ ቡን አለ ከፉኛ ደነገጠች..ግራ እና ቀኟን ገልመጥ ገልመጥ ብላ ተመለከተችና አማተበች..ልቧ ከድዉታ ወደ መዝለል ተሸጋገረ.. "አለምነህ አስደነገጥከኝኮ" አለችዉ
"ይቅርታ በጣም ኮቴሽን ስሰማ አንቺ እንደሆንሽ ስለገባኝ ነው አላት" ካቀረቀረበት ቀና እያለ
"ቢሆንስ እንዴ ልቤን ቀጥ አርገሀት ልትገለኝ ነበረኮ"ትግስት ከአለምነህ ጎን ተመቻችታ ተቀመጠች...
አለምነህ ደብተሩን አስቀመጠው እና ፈገግ አለላት...
"ይሄን ቦታ ለምን መረጥከው..? ዝም ያለ ነው በጣም"
"አዎ ዝም ያለ ነገር ይመቸኛል...በጫጫታ ከምናሳልፈዉ 24 ሰዓት ውስጥ ጥቂት ሰዓታትን ቆርሰን እንዲህ ዝም ስንል መንፈሳችን ይታደሳል..ካልተመቸሽ ግን መራመድ እንችላለን" አላት ፍላጎቷን ለማወቅ በሚመስል ሁኔታ ቀና ብሎ እየተመለከታት...
"አይ አይሆንም እንዲሁ ተመችቶኛል እንደውም ወደ ግዛትህ እንድገባ የጥገኝነት ጥያቄ እያቀረቡ ነው ትቀበለኛለህ...?" አለችው ፈገግ እያለች
"ለቆንጆ ሴቶች አይሆንማ የኔ ግዛት..ትሰለቺያለሽ በዛ ላይ ቤቴ ጠባብ ነው" አላት ሳቅ እያለ...
"አላማርርም... ተፈቅዶልኛላ" አለችው ቅብጥብጥ እያለች..
"አንቺን ካልጨነቀሽ በደስታ ነዋ"
"እስኪ ስለ አለምነህ ንገረኝ..አለምነህ ማን ነው ብል ማን ነው ትለኛለህ"..ትግስት ጉልበቶቿን እጥፍ አድርጋ አገጯን አስደግፈቻቸው..ፊቷን ወደ አለምነህ አዙራ በአይኖቿ ትከታትለው ጀመር....
አለምነህ አይኖቿን የፈራቸው ይመስል አንገቱን ሰበር አደረገ..
"አለምነህ ምንም የሚነገር ታሪክ የለዉም..አለምነህ የኮምቦልቻ ልጅ ነው.. ወሎ ኮምቦልቻ ስሟን ሲጠሯት ሰምተሻል ይሆናል...ሌላዉ ደሞ አለምነህ የ3ተኛ አመት የcivil ኢንጅነሪንግ ተማሪ ነዉ" አላትና ዝም አለ....አለምነህ እንዲህ ነዉ.. ራሱን ብዙ መግለጽ አይፈልግም ስለ ሰዉ ህይወትም ማወቅ እና መጎርጎር አይፈልግም....
"እእ ወሎ የቆንጆዎች አገር..ብዙ ይዘፈንላችኋል በቁንጅናችሁ"
"አንቺም በጣም ቆንጆ ነሽ..እጅግ በጣም ውብ ነሽ" አላት አይን አይኗን እያየ
ትግስት ድንብርብሯ ወጣ...አለምነህ ቆንጆ ነሽ ሰላላት ዉስጧ እረክቷል ቆንጆ እንደሆነች ታውቃለች ግን ቃሉ ከአለምነህ አፍ ሲወጣ አቁነጠነጣት...ልቧን ሲሞቃት ተሰማት..ፊቶቿና የእጆቿ የውስጥ መዳፎች ቀሉ...የምትለው የምታደርገው ጠፍቷት እጆቿን ታፋትጋለች...
"እእ አላውቅም ነበር አመሰግናለሁ" አለችው..
"ሌሎች ሰዎችም እንደኔዉ እንዳሉሽ አስባለሁ" አላትና ሳቀ
"ምንድነዉ የምትጽፈው" አለችዉ..ወሬውን ለማስቀየር የፈለገች ትመስላለች
"ዝም ብሎ ሙንጭርጭር ነዉ..ደስ ሲለኝ ሲከፋኝ ዝም ብዬ እፅፋለሁ..,ቤት መታም አልመታም ስሜት ሰጠም አልሰጠም ዝብርቅርቅ ያለዉን ሀሳቤን አሰፍረዋለሁ"..
"ኦህ ጥሩ ነገር ነዉኮ ይሄ...ችሎታህን ከማዳበር ባለፈ ጥሩ የህይወት መማሪያ ይሆንሃል በዛ ላይ እያንዳንዱን የህይወትህን ክፍሎች እዚህ ስታስቀምጣቸዉ ትዝታዎችህ ይሆኑሃል...እንደምትፅፍ ቀድሞዉኑም ገምቼ ነበር..በል አሁን እስኪ አንድ ግጥም አንብብልኝ እንደዉም ግጠምልኝ"
"ግጥም ትወጂያለሽ...?" አለምነህ ደስ ብሎት ጠየቃት...
"አዎ በጣም እንደዉም እንዳቅሚቲ እሞክራለሁ"
"በይልኛ ቲጂ..እንደዉም አንቺ ቅደሚ" አለ አለምነህ ያነሳዉን ደብተር መልሶ እያስቀመጠዉ..
ትእግስት ከንፈሯን በምላሷ ሞዠቀችዉና አረጠበችዉ..ሰዉየቷን ወደ አለምነህ አዙራ ተመቻችታ ተቀመጠች..

በህልሜ የማልምህ አልሜም የሳልኩህ፣
አይኖቼ የተራቡህ ልቤ የሚመታልህ፣
ስእልህን ስዬ ጠዋት ማታ ማመልክህ፣
ድርሳን ምደርስልህ ቅኔ ምቀኝልህ፣
አገኘችህ መሰል ሚስኪኗ ሄዋንህ።
እቅፍህ ልወሸቅ ዝንት አለም ይሙቀኝ
በል እጄ ይሄዉልህ ይዘህ እንዳትለቀኝ።

ትእግስት አይኗን ከአለምነህ ላይ ሳትነቅል ያነበነበችዉ ግጥም ነበር..አለምነህ እጅግ ደስ አለዉ..ትእግስትን እያያት ከልቡ ፈገግ አለላት..የሚጨንቀዉ የአለምነህ ዝምታ በትእግስት ስንኞች ተሰበረ...አለምነህ ትእግስትን ፈለጋት...ሊያቀርባት ሁሉ ነገሩን ሊያጋራት ተመኘ..."ግጥምሽም እንዳንቺዉ ቆንጆ ነዉ ተገርሜብሻለሁ አላት በፈገግታ ተሞልቶ...
"እዉነት...? በል እሺ ተራዉ ያንተ ነዉ አሁን..ቶሎ በል አፍጥነዉ" አለችዉ እነደመቅበጥ እያደረጋት..

አንቺ ስትመጪ

ነገረ አለሙ ዝም ፀፅ ረጭ ይላሉ፣
ሁሉም ባንቺ ዙሪያ ይሽከረከራሉ።
ተራራዉ ተንዶ መሬት ይነጠፋል፣
ምድር ያለዉ ሁሉ ስላንቺ ያዜማል፣
ከወደ ሰማይ ቤት ነጋሪት ይጎሰማል፣
መላእክቶች ቁመዉ ያቆላምጡሻል፣
በፍቅር ሰረገላ ወደኔ ይሸኙሻል።
ደመናዉን ቀዝፈሽ ጉሙንም በትነሽ፣
ፍቅሬን ብቻ ይዘሽ መዉደድን ሰንቀሽ፣
ትመጪልኛለሽ አምሮብሽ ተዉበሽ።

ትእግስ በአለምነህ ግጥም ሰማየ ሰማያት አርጋለች..አይኖቿን ስልምልም እያደረገች አለምነህን በፍቅር ትመለከተዋለች..ከአለምነህ አፍ የሚወጡት ስንኞች በጆሮዋ ተንቆርቁረዉ እዛዉ አልቀሩም...ታንቡሯን ጥሰዉ አልፈዉ ልቧን ሲያሞቋት ልቧን ሲያረጥቧት ይሰማታል...በዉስጧ ባላቆመ ስትል ተመኝታለች...አለምነህ አነብንቦ እንደጨረሰ የትእግስት ጭብጨባ ተቀበለዉ...
"አለምነህ ምንም ማለት አልቻልኩም ስላወቅኩህ ደስ ብሎኛል" አለችዉ አይኖቿን ከአይኑ ላይ ሳትነቅል...
"አመሰግናለሁ እኔም ስላወቅኩሽ ደስ ብሎኛል" አላት አለምነህ ከአይኖቿ ለመሸሽ እየሞከረ..
"ሁሌም ትገጥምልኛለሃ..ማለቴ ታነብልኛለህ..?" ትእግስት ፊቷን አሳዛኝ አድርጋዉ በልምምጥ ጠየቀችዉ...
"ሁለታችንም እንገጥማለን በሚለዉ ይስተካከል...እኔም እንድታነቢልኝ እፈልጋለሁ" አላት ፈገግ ብሎ..
"ተስማምተናል..እሺ አሁን ላዉንች እራት ልጋብዝህ..እንደማስበዉ ከሆነ አልበላህም..እኔም እርቦኛል" ትእግስት ዉስጧ እየቦረቀ ነዉ...
"አዎ አልበላሁም..

🌹ፍቅር ብቻ🌹

ምን ነበር ቢኖረኝ ትግስቱ
እግርሽ ላይ ሳይጥለኝ ፀፀቱ
ማሪኝ ባልኩሽ ያኔ ሳቴጂ
የገባኝ ቆይቶ ሆነ እንጂ
💔💔💔💔💔💔💔
🎤 ገረመው አስፋው

⚡️ @yegetemkalat ⚡️

🌹ፍቅር ብቻ 🌹

ለወዳጆ ያጋሩ 🌹
https://t.me/joinchat/UVDSxnieQg-2OsJO

የእሳት ራት ስሜቱን ያቀዘቀዘ መስሎት አጥፊው ከሆነው እሳት ጋር ሲራከብ ተጠብሶ ያከትማል ሲሉ ሰማሁ።የ እሳት ራቱ እጣ ፈንታ በኔ ላይ የደረሰ መሠለኝ።💔💔
ፀሀፊ✍✍ሜሪ ጌታለም

ሀሳብ እና አስተያየታችሁን 😋
👇👇👇👇👇👇👇👇
@yegetemkal_bot

Owner by 👌 Merry
@buchula36

🍃JOIN US 💌SHAER🍃

⚡️ @yegetemkalat ⚡️

🌸 😍 ፍቅር ብቻ 😍🌸