در شهادت حضرت علی علیه السلام
#گریز به #قتلگاه
.
.
#سبک_کوفه_را_ماتم_گرفته
.
حاج علی زلفی تبریزی
.
شورش محشر بپادی
قدسیان غرق عزادی
.
ماه رحمت دوشوبدور خسوفه
آغلاشوللار یتیمان کوفه
.
یاعلی یا علی یا علی جان (2)
.
.
.
باش آچوب جنتده طاها
ذکری دیلده واعلیا
عالمین بو عزا پوزدی حالون
سولدوروب اهل بیتون جمالون
.
.
.
گویلره قاره چکیلدی
زینبون قدی بوکولدی
قلب زاری گلردی نوایه
سسلنردی آنا گل عزایه
.
.
.
جان ویروب روح مناجات
بیرده مثلی گلمز هیهات
.
بولمدی قدرینی اهل عالم
غصه دن اولدی چوخ حالی برهم
.
.
.
چوخ جلالیله نهایت
دفن اولوب شاه ولایت
شیعیان جسم شاه شهیدان
قالدی گونلر قباقینده عریان
جان یارالی یارالی یارالی ...
.
.
#گریز به قتلگاه
.
گرچه حیدر دلشکسته
جان وئروبدور زار و خسته
.
اوغلی اما او میدان ایچینده
قالدی گودالیده قان ایچینده
.
.
.
بیر طرفده شمر ملعون
بیرده زینب گلدی دلخون
.
ال آتوب قاتلین خنجریندن
تا دوتوب قان آخوب اللریندن ...



💠کانال کربلایی فریدون بهره‌مند

@yaranmahdi_a

#روضـــــه
شهادت حضرت امیرالمومنین علیه السلام
#گریز به وقایع عاشورا

مرحوم حاج قدرت اله نادری
🌹🌹🌹🌹
چون وداع ایلدی دنیانی او گون میر حنین
آلدیلار تختۀ تابوتینی دوشه حسنین

باش آچیب زینب کبری ائدیب افغان بو گئجه
اهل بیت شه دین اولدی پریشان بو گئجه
شاه مردانه اولوب شام غریبان بو گئجه
فلکین چرخینی بیلمم، نیه اولمازدی خراب
بوتُرابی بو گئجه آلدی قوجاقینه تراب
🌺
وادیِ ملک نجف تاپدی ابد عزّ و شرف
اوردا دفن اولدی گئجه باش یارالی شاه نجف
قییدیب گلدی اوغوللار هامیسی شهره طرف
یددی اوغلو نئچه قیز دوتدولا یاسین بو گئجه
مجلس ختم قوروب آلدی دعاسین بو گئجه
🌺
گلدی باش ساقلقا مردم قورولوب مجلس خاص
گتدیله قاتلی شهزاده حسن آلدی قصاص
بیر قیلیج ووردی عدالتله اونو ائتدی خلاص
قاتلین ئولمگی بیر نوع وئریب قلبه صفا
یادیمه دوشدی گینه واقعۀ کرب و بلا
🌹
یئرده قالدی اورادا شاه شهیدان بدنی
نور خورشید اولوب اول شاه لب عطشان کفنی
یارالی سینیه چیخمیشدی او گون شمر دنی
باخمادی زینب بیچاره توکور گوز یاشینی
دالیدان کسدی عداو‌تله حسینین باشینی
🌺
نه اونی دفن ائد‌ن اولدی نه ده مجلس قورولوب
خیمه ‌سی یاندی یتیم قیزلارا قمچی وورولوب
فاطمه گوللری گلشنده عداو‌تله سولوب
زینب غمز‌ده ‌نین حال پریشانینه باخ
گل حسین‌ ابن علی شام غریبانینه باخ
🌺
بیر یانان چادر ایچینده یاتیب اولاد علی
صبحه تک لیلی چکیب قلبیده فریاد علی
سالموسان لیلنی گوزدن ائوین آباد علی
قلبیمین دفتری‌ نین مالک و سر دفتری‌ سن
اوره‌گیم بندی بالا سن دیلیمین ازبری ‌سن
🌺🌺
بیر دعا مجلسی اول شاهه او گون قورمادیلار
باجی یا قیزلارینی آغلاماقا قویمادیلار
غارت اهلی نقد‌ر غارت ائدیب دویمادیلار
ال آتیب بیر بالا گهواریه لشگر دئدیلر
سو ایچیب صاحبی اوخدان علی اصغر دئدیلر
🌺
گه گئدن غار‌ته گهواره‌ نی ساخلاردی رباب
اصغرین اوخشیوب عالملری داغلاردی رباب
سو ایچیب دوشلرینه سود گلیب آغلاردی رباب
آنون ئولسون سودومو قوملارین اوسته ساغیرام
بیلمیرم هارداسان اصغر گلیب اوردان چاغیرام
🌹🌺
عشقیوین آتشینه گور نئجه اودلاندیم علی
سن عط‌شد‌ن ولی من سن گولومه یاندیم علی
سن بوغازدان ولی من سینه د‌ن اوخلاندیم علی
یاندی قلبیم باشی ای حرمله یانسین ئوره گون
قوروییدی اوخ آتان وقتیده ظالم بیله‌ گون
🌺🌺
نه بیلیدیم قوجاقیم نوگلی پرپر اولاجاق
اوخلانان عرصۀ جنگاهیده اصغر اولاجاق
سود امر قاتلی بیر مرد ستمگر اولاجاق
آچمایان دیل، قوجاقیم زینتی ای‌وای بالا وای
بیر دویونجا دئمه‌ دیم من سنه لای‌لای بالا وای
🌺🌺
کوفه شهرینده اگر شیر خدا اولدی نزار
لیک اوغلانلاری دفن ائتدی اونا قازدی مزار
قیزلاری اولمادی عریان دوه‌ نین اوسته سوار
کربلا دشتینی دوتموشدو او گون آه و فغان
بابا دفن اولمامیش اولدی بالاسی شامه روان
🌺🌺
ووردیلار ضربت اگر شیر خدانین باشینا
وورمادی قانلی باشی خولی جدانین باشینا
باجیسی سویله ‌مه‌ دی شاه هدانین باشینا:
ناقه د‌ن سس وئریر‌م ناطق قرآن سسیوه
اوخو قرآن، اولا زهرا قیزی قوربان سسیوه
🌺🌺
ووردی شمشیر اگر حیدر کرّاره عدو
چکمه‌ دی قیزلارینی کوچۀ بازاره عدو
قویمادی اهل و عیالین بئله آواره عدو
ییرمی بئش ایل گر اولوب شیر خدا خانه‌ نشین
اوچ یاشیندا بالاسی اولمادی ویرانه ‌نشین
🌺🌺
«نادری» خاتمه وئر مطلبه اودلاندی قلم
وورگیلان نیّت پاکیله بو درگهده قد‌م
سائله قاعده دیر لطف ائدر ارباب کر‌م
طیّب و طاهر اولان باب کرامتدی بولار
شافع روز جزا، کان صداقتدی بولار
🌹🌺🌹🌺🌹🌺🌹🌺



💠کانال کربلایی فریدون بهره‌مند


@yaranmahdi_a

﷽

➖➖➖➖➖
نه حالدیدی بو عالمده حالی فاطمه نون #فاطمیه_صحاف_تبریزی
➖➖➖➖➖

مصائب حضرت خیرالنساء فاطمة الزّهرا (س)
#گریز #شام_غریبان
.
.
.
مرحوم صحاف تبریزی
.
.
نه حالدیدی بو عالمده حالی فاطمه نون
او گون که گئتدی الیندن جلالی فاطمه نون
.
که یعنى ئولدى آتاسی قاپوسی باغلاندی
فزون اولوب غم و درد و ملالی فاطمه نون
.
نه شأنیده نه بلا کشلِقنده دنیایه
محالدور گله بیرده مثالی فاطمه نون
.
تصور ایلمه گلسون مقال و تحریره
بیان حال اسف اشتمالی فاطمه نون
.
اولوب زمانه ده اون سگزایل هامی عمری
دوشوب نه صورته گور وضع حالی فاطمه نون
.
بهار عمرینه تیز آفت خزان یتشوب
سارالدی گل کیمی سولدى جمالی فاطمه نون
.
آغاردی ساچلاری بار ملال و محنتدن
بوکولدی سرو قد اعتدالی فاطمه نون
.
قاپوسی یاندی قولی سندی باغری قان اولدی
حیاتینه یوخیدی احتمالی فاطمه نون
.
یتشدی صدمه اولوب محسنی شهید یتوب
سپهر عُمرده گون تک زوالی ...
➖➖➖➖➖

@yaranmahdi_a