#احوالات_حضرت_زهرا_بعد_از_شهادت_حضرت_پبامبر_اکرم_علیهما_سلام

بخش سوّم


او شمعِ خلوتِ عصمتدَن آلدی جلوه دِئمم
چراغِ دیدهء تاریکِ قومِ ظلمِ شیم

مَحالدور گُوره آیاتِ حقّ دقایقینی
او گُوز که پَردَه چَکیب نورینه غَشای ظُلم

دِئمه او عارضی نامَحرمین گُوزی گُوردی
عفافِ پردهء ذاتی دی عصمته مُنضم

جمالِ آینهء حقّ جَلا و جلوه سینی
شَوائبِ نظرِ باطل اِیلمز بَرهم

گُونه دقیق اوُلانون تار اُولار جَهان گُوزونه
شعاعیله ویرار اُوخ مهرِ آسمان گُوزونه

زهی او نَخله که تقدیرِ خالقِ ذُوالمَن
پیمبرین قیزینا اِئتدی سایه سین مأمن

جِمال حقّه اُولان نور دیده تابش اِئدیب
او نَخلی اِیلدی چون نَخلِ وادی ایمن

اِئدیب دی سُنبله برجینده زُهره مَنزلگاه
درخت سایه سینی نوری اِیلدی روشن

نجه که سایهء طوبادَه حُور اِیدر مَنزل
او رشگِ حُور ِائدیب نَخله سایه سین مَسکن

سپیده جیبِ اُفقدَن وِئریبدی باش گُویا
قَمردی یا دوزولوب دوره سیندَه عَقد پَرن

نجه که غزوهء خیبردَه تکیه گاه اُولدی
آتاسینا او مُبارک درختِ سایه فکن

بَتوله دَه بو برومند نَخله سایه سالیب
که رَنجه اُولمیا گُوندن او رَنجدیدَه بدَن

جفای خلقدَن آزردَه دل پریشان حال
کناره اِیلدی یَثربدَن اهلِ یَثربدَن

اِئویندَه آغلاماقا قویمادی مُنافق لَر
بقیعی اِیلدی ناچار فاطمه مَسکن

مَدینه یوسفینون فُرقتیندَه چون یعقوب
نوای وا اَسفا دلدَه قوردی بیتِ حَزن

صباح اُولاندا قویاردی بقیعه اُوز هر گُون
یانیندا گُوزلرینین جلوه سی حسین و حسن

او نَخله نین هر اُوچی سایه سیندَه دالدالانیب
غروب اُولونجا اِیدردی آتاسینا شیون

سیزیلتیسی گَتیرردی فَغانه دشت و دری
اُولاردی ناله سینه همنوا تِلال و دَمن

او آز زَمان که بویورموشدی سیّدِ ثَقلِین
اِئدنده اَمرِ حقیله وداع دیری کُهن

خیال اِئدردی خدایا نه وقت باشه یِتر
رَها اُولام بو هامی مُحنت و بلادَن من

بو عادتیله اُولوبدور بیر آز زَمان سپری
بنای ظلمِ دگر قویدی کینهء دشمن

یخیلدی مأمنِ زَهرا بَقیعدَه ناگاه
او نَخلی ریشه کَن اِیلوبله اَشقیای زَمن

بیلَنمیرم که اِئدیب هانسی دل بو ظلمی قَبول
حقیقتاً او اؤرک سخت تردی یا آهن

بیلَنمیرم نجه اِنصاف اِئدیب بو ظلمی اِیدَن
او روح صاحبی اِنساندی یا که اَهریمَن

گَلیبدی عادتِ معهودیله گینه بیر گُون
گُوروب بَتول اَیاقدان دوشوب او نخلِ کُهن

قالوبدی گُونلر اِئویندَه او سایه پَرورِ ناز
اِیدردی نالهء جانسوزه دلدَه سوز و گُداز

تاپیب وقوفِ علی ظلمِ قومِ عُدوانه
سالیب بو کینه شَرر قلبِ شاهِ مَردانه

گُوروب که یاندیریری تابِ آفتابِ حرور
او گُللری که صفا دور ریاضِ ایمانه

حسینیله حسنین عارضی سُولوب گُل تک
اَسوب سمومِ خَزان گُوئیا گُلستانه

حجاز اِیستیسی گُون سوزی تاب فَرسا دور
چیتندی صبر اِئلیه بیر هوای سوزانه

ادامه دارد


#شادروان_عابد_رحمت_الله_علیه

#مجموعه_کانالهای_ادبیات_آئینی_عاشورایی
@yaranmahdi_a

#احوالات_حضرت_زهرا_بعد_از_شهادت_حضرت_پبامبر_اکرم_علیهما_سلام

بخش دهم


سن ای بهارِ اُمیدیم نه تئز خَزان اُولدون
نه تئز بو گُلشنی سُولدوردی چرخِ اَرزق فام

منه سراچهء ظلمتدی بو جَهان سنسیز
نجه که اُولماسا گُون تیره شام اُولور اَیّام

نجه حسین و حسن دردینه وِئروم تخفیف
نه نوع زینب و کُلثومی اِیلیوم آرام

سنیله بیتِ اِمامتدَه هر صَفا واریدی
قیریلدی رشتهء اُلفت پوزولدی سبکِ نظام

نولوبدی قَبریوون اُوسته سنه سلام اِیدورم
نوازش اِئتموری جان گوشینی جوابِ سلام

کیمیله دردِ دل اِیلوم فشارِ مُحنتدَه
کیمه دیوم سوزیمی اِیلسه هجُوم آلام

اؤرکدَن آیریلوقون دردی زایل اُولماز اُولا
اگر چه عُمریمون اُدواریدَه تاپا اِتمام

علی که خنده وِیروب شدّت مَهالکدَه
مُصیبتوندَه توکَر اشگ صبح اوُلا یا شام

غمیم همیشه لیق اُولدی مُصیبتیم دائم
مَلال و حُزن مؤبّد فشارِ غصّه مُدام

دانیشدی بسکه کنارِ مَزارِ زَهرادَه
گَتوردی قَبریدَه روحِ بَتولی فریادَه

سن ای تَجلّی نورِ هُدا روانیمدَه
سن ای نفوذِ وِلای الَست جانیمدَه

سن ای ترشّحِ ابرِ عنایتِ ازَلی
بنفشه و سمن و یاس و اَرغَوانیمدَه

سن ای سحرگه رحمت نَسیمِ جان بخشی
شکوفه و گُل و گُلگشت و گُلستانیمدَه

سن ای یگانه فروغِ ستارهء اُمّید
شبِ سیه دَه دلِ هفت آسمانیمدَه

سن ای حریمِ سویدای دلدَه صدر نشین
سن ای مَکینِ اَمین بزمِ لامکانیمدَه

او اُود که ویردیلا درگاهِ باجَلالتوه
هنوز سوزشی وار مغزِ استخوانیمدَه

نه حاله قالدی او گُون طایرانِ گُلشنِ قُدس
که چَکدی شُعله جَفا ناری آشیانیمدَه

بو درد شدّتینی آشنای درد بُولر
نفوذ اِیستدی بیگانه دودمانیمدَه

او لَحظه که سنه بیر لَحظه مین قیامت اُولوب
نه چَکدی دل دِئماقا یوخ توان بیانیمدَه

وِلایتونله ولی دل تاپاردی آرامش
یاناردی مَشعلِ توحید خانمانیمدَه

نبردِ حالِ حیاتیمدَه سن اُمیدی مدون
یوخ اؤزگه قَبریدَه سندَن صُورا گُمانیمدَه

نیاز اُولمادی اِئتسون سؤال امامتدَن
فرشته گُوردی آدون نَقشینی زَبانیمدَه

نقدر شَرم اِئدورم اِئتمدی وَفا عُمریم
یتوب بهاریوه آفت منیم خَزانیمدَه

چوخالدی غصّه و دردون عم اُوغلی جان بولورم
یانار نَهانیدَه قَلبون غمِ نَهانیمدَه

نه عمر باشه یتوب یِتدی باشه عهدِ وِلا
بو عُلقه ریشه سی وار جوهرِ روانیمدَه

ریاضِ خُلدَه تماشایه اِحتیاجیم یوخ
که واردی نَقشِ رُخون چشمِ خونفشانیمدَه

بهار اُولاندا وِیرر لاله باش مَزاریمدَن
که شرحِ حال اِیلسون نقل داستانیمدَه

یانار او حالِ جگر سوزه شاعَریم #عابد
نجه که اُودلانی #فیروز نوحه خوانیمدَه

اِئده لّه اهلِ عَزائیله ناله و فریاد
که بزمِ غم قورالار بلکه آستانمدَه

التماس دعای فرج


#شادروان_عابد_رحمت_الله_علیه

#مجموعه_کانالهای_ادبیات_آئینی_عاشورایی

@yaranmahdi_a

#احوالات_حضرت_زهرا_سلام_الله_علیها
#تایپ_توسط_علیرضا_نادری

اَشقیا آیری سالیب یارینی اوز یاریندَن
اَلینی اوُزدی علی مَحرمِ اَسراریندَن

اَسدی طوفانِ بلا سولدی گُلستانِ وفا
گُلی گُلشندَن اِئدییب بلبلی گُلزاریندَن

او نه طوفان او نه تاراج گئدیب سندَه سوروش
او اِئوین قانه بویانمیش در و دیواریندَن

قاپی یاندی بالا اوُلدی او بُویوک فاجعه دَه
خبر آل اول قاپینین زحمتِ مَسماریندَن

آفتِ بادِ خَزان دئیدی گُلِ یاسمنه
چهره سی اوُلدی کَبود شدتِ اِضراریندَن

گُل وجودی یارالاندی دلی خونبار اوُلدی
بیلدی کی آیری دوشور یارِ وفاداریندَن

نئجه دوزسون بو چتین آیریلیغا آل علی
اهلِ بیت ئوپدی او لحظه آنا رُخساریندَن

بو مصیبت نه علی، عالمی آغلار قویدی
همدمی اوُلدی شَهیده یارا آثاریندَن

حیدرین بُوکدی بئلین فاطمه نین آیرلیقی
کیم بولور چکدی نه لر فرقتِ دلداریندَن

تکجه بیر تاری بولور گوردی نه لر شیرِ خدا
اورگی قانه دونوب قُنفذون آزاریندَن

کیمدی عالم دَه علی تک اوُلا مظلومِ جهان
بیر بولَن کیم سه بولور تاریخین اِقرایندَن

دنیا تَحسین ائلیر حیدرِ کَراری مُدام
عالمی بُهت آپاریر جملهء اِظهاریندَن

فخر اِئدر فاطمی یه حضرتِ طاها و علی
مین کتاب یازماق اوُلار عفت و کرداریندَن

درس آلیب زینبِ کُبری آناسی فاطمه دَن
اِئتدیگی تربیت و طاعت و رفتاریندَن

بیر بئله حُبِ وِلا جمله سی ایمان گُوجو دور
تا دمِ مرگ اَلین چکمدی ایلقاریندَن

گر چه #یاور سوزون آز اولدی بو ماتم دَه ولی
چاتاسان اَجریوه مَحشردَه بو گفتاریندَن

یا علی منده مُقدس قاپیوین سائلیم
بهرمند ایله منی دولتِ سرشاریندَن

دردمندم منی دَه اِیسته گلیم درگهیوه
اوُندا صَحت تاپارام دعوتِ دین داریندَن

التماس دعای فرج


#یاور

#مجموعه_کانالهای_ادبیات_آئینی_عاشورایی

@yaranmahdi_a

#احوالات_حضرت_امام_حسین_علیه_السلام_و_سخاوتش

بخش دوّم


اِیتدی عَطا او سائله خجلَت چَکه چَکه
در ضمن اِیتدی بیر نچه شَعریله اِعتذار

آلدی عَرب او زَرلَری بیر باخدی آغلادی
توکَدی سرشگِ شدّتیله اُولدی اَشگبار

سُلطانِ دین عَربدَه او حالی گُورن زَمان
فرمایش اِیتدی رأفتیله اُول بزرگ وار

بو اَشگبار اُولما قیوین وار نه علّتی
آیا آز اُولدی تُحفه میز ای مَردِ دلفکار

وِیردی جواب عَرب او شَهنشاهِ عالمه
ای زینتِ سَما و زمین عَرشه گُوشوار

لطفوز چوخ اُولدی شُکرونه من دلدَن عاجزم
اِیتسون زیاده نَعمتوزی حَیّ
کِرد گار

صد حیف که بو اَل گِیدَه جاق توپراق آلتی نا
بو ماجرا سببدی بیله گُوزیاشیم آخار

اعرابی آلدی هدیه سینی گِیتدی دورمادی
سالدی بو سوز وَلیک منیم جانیمه شرار

اِیکاش عَرب گَلیدی بلا قَتلگاهینه
بو اللّرین گُوریدی که نه ماجراسی وار

یاصاحب الزَمان و ایا شَهریارِ دین
ای ذلفقار صاحبی وی ختمِ هشت و چار

بو اللّره نه ظلم اِیلدی ساربانِ دون
قویموب آناسی فاطمه دَه صَبرو اِصطبار

واضح بیان اِیتماقا یوخ دور جَسارتیم
نه جرأت اِیتدی نصفِ شب اُول دون و نا بکار

امّا گلندَه قَتلگهه زینبِ حَزین
بیر نوع تاپدی قارداشین اُول زار و دلفکار

گُوردی نه وار بدندَه باشی نه بلکدَه اَل
جسمین سُویوبدی ظلمیله اَشرارِ کین شُعار

اوّل اوتوردی نیزه قلج اُوخ سنقلارین
بیر بیر او پاره پاره بدندَن اِیدوب کنار

جان تک چَکوب کناره او گُل تک جَنازه نی
گَلدی فَغان و دادَه گُل اُوستوندَه چون هَزار

سسلندی آچ گُوزون یارالی قارداشیم اُویان
ای گُل جنازه سی هدفِ تیرِ آبدار

قان اِیچره یاتما نازیله ای تَشنه جان وِیرن
دور اُول بو غم گُونوندَه منه یار و غمگُسار

خَندان اُولوبدی گُل بدَنین یِردَه گُل کیمی
بسکه وِیروبدی زخمِ جَفا قُومِ کین شُعار

سانسیز دَگُوبدی یاره بو صد پاره پیکره
جسمون اُولوبدی یارئیله گُلشنِ بهار

قانی آخوبدی پیکریون کربلا چُولون
گُلزاره دوندروبدی اِیدوب طُرفه لاله زار

عَطر و طَراوتین بورویوب یکسر عالمی
اَلدَن آلور شَمیمِ فَرح بخشون اِختیار

بادِ صبا دَگندَه بو گُلشندَه گُل لَره
اِیلور جَهانی سربسر عَطرونله مُشگبار

خوشرَنگ گُللّرین بزیوب صَحنِ گُلشنی
صد حِیف اِیدوبدی دَستِ جَفا هم نشینِ خار

مندَه بو گُلستانیدَه شُوریدَه بُلبلَم
لازمدی عَندلیب اُولا گُل اُوسته نَغمه سار

یِتمز تَمامه زینبِ غم دیده مُحنتی
چوخ طُول وِیرمه #هوشی سوزی اِیله اِختصار

غم چَکمه عَرصه گاهِ قیامتدَه خرج اُولی
درَِّ گِران بَها یِرینه نَظمِ کم عَیار

التماس دعای فرج


#شادروان_غلامعلی_باقری_هوشی_تبریزی

#مجموعه_کانالهای_ادبیات_آئینی_عاشورایی

@yaranmahdi_a

#احوالات_حضرت_امام_موسی_کاظم_علیه_السلام

بخش اول


دین اُوسته هر کیم ئولسه تا روزِ مَحشر ئولمَز
وار دور شَهیدِ حَقهَ اِجلالِ بَرتَر ئولمَز

یاخشی مُرور اِیدندَه تاریخ هر کتابی
فُوجِ مُجاهدینون وار آتَشین خِطابی
بَستردَه ئولمیوب دور مَردانِ اِنقلابی
آزادَه آری آری ما بینِ بَستر ئولمَز

رُوحه صدای یاحقّ آوازِ زندگی دور
دینه مُجاهد اُولماق اِعجازِ زندگی دور
اِیثارِ جان و پِیکر آغازِ زندگی دور
پُر شُور رُوح و قانه غَلطیدَه پیکر ئولمَز

لَحنِ صَراحتیلَه قرآن اِیدور گُواهی
مَردانِ جان نِثاری اِحیاء بیلور اِلهی
مَنشورِ حقّون اُولماز واللهی اِشتباهی
ای مُدّعی کَلامِ خَلّاقِ داور ئولمَز

نازل اُولوب او گُوندَن قرآنِ لایزالی
نَشر اُولدوقیجا آرتور مَعناسینون جَلالی
بیر نُقطه سین پُوزانماز عُمّالِ لااِبالی
نامَرد اَلیندَه ذِکرِ الله و اکبر ئولمَز

سالارِ اَنبیانون وَحدت نشان لَواسی
غارِ حَرادَه زیبا تَکبیرینون صَداسی
فریادِ وَحدهء حقّ یا تُفلِحوا نِداسی
پِیغامِ دلرُبا و اَرواح پَرور ئولمَز

آخدی اُحُد داغیندا قانلار که اِتقیادَن
دامانی اُولدی جَنّت یاحقّ یازان دَمادَن
حَمزه یاتوب دور اُوردا دوشمز او داغ صَفادَن
هر یِردَه جاری اُولسا خُونِ مُطهّر ئولمَز

گِیتمز فنایه هرگز فَرمانی مُرتضانون
برنامه سیندَه وار دور تأمینی آرمانون
نَهج البَلاغه سیلَه روشن رهِ اَمانون
وار جانِ جاویدانی مَنشُورِ حِیدر ئولمَز

هِند اُوغلی چوخ چالشدی دینی سالا اَثردَن
چوخ اِستفادَه اِیتدی مَردانِ کَم نَظردَن
حُکّامِ بی پدردَن نیروی سیم و زردَن
دَرک اِیتمدی خَذَفله پُر اَرج و گُوهر ئولمَز

مُرآتِ دینه گردِ ذِلّت قویان دوشون سُون
مَردانِ حَقّه رَنگِ تُهمت قویان دوشون سُون
اِسلامی فَطرتی دَه بِدعَت قویان دوشون سُون
زُور و زَریلَه مُطلق مِحراب و مَنبر ئولمَز

مُختصّ دور بو مَجلس چون هَفتیمن اِمامه
یُوخ اَرزشی بُکایه خاطر تاپا اِدامه
مَجلس گرک هَدَفدَن اُوتری اُولا اِقامه
ناحقّ بیلَه جَهاندا یاحق دِین لَر ئولمَز

هارون مُستَبدّ اُول غولِ رهِ مَناهی
بَغدادیدَه واریدی فِرعُونی دستگاهی
مِیخانه اِیتدی بَزمین تاریخ اِیدور گُواهی
فکر اِیلیوردی اَهل بادَه اِیله ساغَر ئولمَز

یُوز کَعبیه قویوب دور مَردِ هزار و یِکشب
تَکوین اُولا او یِردَه مَذهَب عَلیهِ مَذهَب
یَثربدَه اوّل اِیتدی پیغمبری مُعذّب
بیلمُوردی حیلَه اِیلَه شَرعِ پیمبر ئولمَز

بیر بَزمِ وِیردی تَشکیل اِحضار اِیدوب رِجالی
شَهرون اَعاظمیلَه ساداتِ خوش خِصالی
ئوز زُور و قدرتیندَن اَفکاری اِیتسُون حالی
تَهدید اُولونسا رُوحِ مَردِ دِلاوَر ئولمَز

ناگاه بیر مَگس که چوخ ریزیدی سَبُک بال
طَیّار اُولوب فَضای مَجلسدَه اِیتدی اِخلال
سیماسینه قونوبدی اُولدی خَلیفه بَد حال
قُوودی نه گُوردی آچمش پَروازه شَهپَر ئولمَز

گَلدی دِیله دانشدی سَبطِ پیمبریلَه
صادِق اِمامون اُوغلی مُوسی اَبنِ جَعفریلَه
سیز آشناسُوز آخر هر عِلمِ بَرتَریلَه
هر قَلبی نُورِ عِلموز اِیسته مُنوّر ئولمَز

وار خِلقتِ مَگسدَه آیا نه اِستفادَه
حَضرت جَواب مُثبت رَدّ اِیتدی فُوق العادَه
حِکمتلَه خالق اِیلور برنامه سین پیادَه
عِلمِ ازَلدَه هر نه اُولموش مُقدّر ئولمَز

دیدِ لَیاقتون یوخ بو صَنعتِ ظَریفه
اِیرادِ خِلقت اِیتمه ای بی خَبر خَلیفه
نِخوَت گُوزیلَه باخما بیر پَشّهء ضَعیفه
وَعظیلَه روحِ جَهلون ای مَردِ خودسَر ئولمَز

مَغروردیدی سَنون تَک نَمرودِ شُوم و جانی
عُمرون اُونون مَگسلَه مَعبود اِیتدی فانی
چَکدی حَضیض وِیلَه او مُطلق اِلعنانی
فَکر اِیلیوردی سَن تَک اُول فِتنه مُصدر ئولمز

ادامه دارد


#شادروان_انور_اردبیلی

#مجموعه_کانالهای_ادبیات_آئینی_عاشورایی

@yaranmahdi_a

#احوالات_حضرت_امام_موسی_کاظم_علیه_السلام

بخش دوّم


هارونِ پَست اِیشتدی بُو آتَشین کَلامی
دَرک اِیتدی مَجلسیندَه سَلب اُولدی اِحترامی
دستور وِیردی فُوراً جَلب اِیتدیلَر اِمامی
دَرکی یوخیدی بیلسُون آزادَه رَهبر ئولمَز

هر مُستبدّ اِیشیتسَه مَنطق اِیدر تَعلّل
تَشخیص وِیرسه تاج و تَختین اِیدور تَزَلزُل
هارون کیمی تِز اِیلر سَر نیزیه تَوسّل
نیزیلَه بیلمَز اهلِ اِیمان و باوَر ئولمَز

مَسجد دَه اِیتدی تُوهین مأمُورلَر اِمامه
قویمادیلار نَمازه حَضرت اِیدَه اِقامه
حَسرتلَه باخدی قَبرِ پیغمبرِ اَنامه
جَدّا دِیدی غُرورِ عُمّالِ کَافَر ئولمَز

فِیضِ جَوارون اُولماز بیردَه مَنیم نَصیبیم
اُولدوم دُچارِ دَردِ هِجرانوَه طبیبیم
وار دور یِری بُویورسُون وای دَربدَر غَریبیم
هِیچ بیر غَریب من تَک بی یار و یاوَر ئولمَز

جُرم اُولدی حقّ دانشماق اُولادوّه وَطندَه
هارونه حقّ دانشدیم سالدی مَنی کَمندَه
سَن اُول بابا گُواهی تَقصیر یوخدی مَندَه
تَبعید اِیدَن اُوتانمُور زیبا سُخنوَر ئولمَز

من سالخوردَه سِیّد پیرم کَثیرُ الُاولاد
اِیو سَرپرستین اَلدَن وِیرسه گر اُولماز آباد
آخر نِیه یاخامَدان اَل چَکمیور بو جَلّاد
ظلم اِیلیور عَیالِ مُوسایه پی دَر ئولمَز

مُشکلدی چوخ وَطنده مَعصومیه فَراقیم
شیرازه سیندَه قالماز اُوراقِ اِتّفاقیم
من سیز اِیوه گَلندَه مأیُوس اُولور قُوناقیم
گُور عِترتیم بو غَمدَن ای شاهِ مَحشر ئولمَز؟

هر اِیو بُیوکَسیز اُولسا اِجلال و جاهی اُولماز
تَنگه دوشندَه اَهلی بیر داد خواهی اُولماز
اُفتادَه سی مَریضی اُولسا پَناهی اُولماز
ناخوش دواسیز اُولسا گُور زار و مُضطر ئولمَز؟

جَدّا رَوادی هارون چاتسُون هر اِمتیازه
امُا مَنیم بَناتیم دوزسُونلَه سُوز و سازه
بیر چادریلَه دورسُون اُون یِدّی سی نَمازه
سَخت اُولسا زندگیسی گُور غملی دُختر ئولمَز؟

هارونِ شُوم و ناکس بو حُکمی اِیتدی جاری
عِصمتلی قیزلاریمدان کیم اِیتسَه خواستگاری
چِخسُون گرک وَطندَن اُولسون گرک فَراری
هر اَمرِ دِل بخواهین اِیلَر مُقرّر ئولمَز

جدّا خَلیفه آلِ اَطهاری تَنگه سالدی
قَلبیم باشین دومانلَی داغلار کیمی چَم آلدی
قیزلاریمُون آغاردی باشی اِیویمدَه قالدی
حَسرتلَی اُولسا هر قیز آیا مُکدّر ئولمَز؟

هر بیر کیشی وَطندَه مَشهور اُولسا جَدّا
خوش زندگینی اِیلَر قیزلارینا مُهیّا
کُهنه لباسی اُولماز اَگنندَه ئولسَه حَتی
باشیندَه قیزلاریم تَک بیر کُهنه مَعجر ئولمَز

حاصل او دَردمَندِ هِجر اُولدی بی مَعالِج
مأمُوریلَر اِمامی مَسجددَن اِیتدی خارج
سَر بَسته قالدی گُویا قَلبندَه کی حَوائج
حِکمت نه دور خدایا جانی سِتمگَر ئولمَز

ظلم اِیلَه دی اِمامه عُمّالِ بی شَرافت
ئوز کُوچه سین کِچَندَه دَرک اِیلدی او حَضرت
اِیودَن چخوب هَراسان یکسَر بَناتِ عِصمت
قیلسا آتا او حالی آیا مُصَوّر ئولمَز

اُول سیّدِ اَعاظم دوتدی یُوزون رضایه
فَرمایش اِیتدی قویما قیزلار گلَه نَوایه
تَقدیردَن عَزیزیم سیز اِیتمیون گِلایه
هارون ئولر رضاجان مُوسی اَبنِ جَعفر ئولمُز

پِیغمبرون مَزارین هر گُون زیارت اِیله
مُوسانی سال خیالَه قَصدِ نیابَت اِیله
نایب مَنابیم اُولدون خَلقی هِدایت اِیله
اَبناء آلِ هاشم سَروَردی سَروَر ئولمَز

حقّ لَعنتی دَمادَم عُمّالِ جیرَه خَواره
اُولسون درود بیزدَن مَردانِ حقّ شُعاره
آزادَه شاعِران و اَبرارِ جان نِثاره
آزادَه شاعر اُولسا اَشعارِ #انور ئولمَز

التماس دعای فرج


#شادروان_انور_اردبیلی

#مجموعه_کانالهای_ادبیات_آئینی_عاشورایی

@yaranmahdi_a

🍂 #حاج_داود_علیزاده
▪️ #احوالات حضرت رقیه(س)
▫️ #غروب اولاندا گیدر قلبدن قراری یتیمون
▪️مجلس #کامل #احساسی #سوزناک #ترکی #ماندگار
▫️درخواستی بسیار زیاد
▪️ ویژه #شهادت_حضرت_رقیه(س)

@yaranmahdi_a