#TURKIYA_SAFARI
#BIRINCHI_KUN

🇺🇿🇹🇷 Navoiy viloyati hokimi Normat Tursunov boshchilidagi delegatsiyaning Turkiya Respublikasiga tashrifining ilk kuni sermazmun va muzokaralarga boy o‘tdi.

Dastlab Anqara shahrida Turk dunyosi muhandislar va me’morlar ittifoqi raisi Ilyas Demirchi bilan uchrashuv tashkil etildi.

Uchrashuv yakunlari bo‘yicha ittifoq raisi bilan Navoiy viloyatida Turk dunyosi muhandislar va me’morlar markazini tashkil etish, muhandis va me’morlarni tayyorlash, o‘qitish va malaka almashishi bo‘yicha hamda Navoiy viloyati hokimiga turkiyalik arxitektorni maslahatchi etib yuborish yuzasidan kelishib olindi.

Ushbu takliflardan kelib chiqib, ittifoq raisi Ilyas Demirchi joriy yilning 22-23 iyul kunlari Navoiy viloyatiga tashrif buyurish istagini bildirdi.

⭐️Ma’lumot uchun aytish kerakki, mazkur Ittifoq - bu turk dunyosidagi muhandis va me’morlar ittifoqi bo‘lib, tashkilotning asosiy maqsadi – muhandis va me’morlar o‘rtasidagi aloqalarni mustahkamlash, bilim va tajriba almashish, shuningdek, mintaqadagi infratuzilma va arxitektura yaxshilanishiga qaratilgan qo‘shma loyihalarni amalga oshirishdir.

👌Navoiy viloyati hokimligi
Axborot xizmati

📝📝📝

#ТУРКИЯ_САФАРИ
#БИРИНЧИ_КУН

🇺🇿🇹🇷 Навоий вилояти ҳокими Нормат Турсунов бошчилидаги делегациянинг Туркия Республикасига ташрифининг илк куни сермазмун ва музокараларга бой ўтди.

Дастлаб Анқара шаҳрида Турк дунёси муҳандислар ва меъморлар иттифоқи раиси Иляс Демирчи билан учрашув ташкил этилди.

Учрашув якунлари бўйича иттифоқ раиси билан Навоий вилоятида Турк дунёси муҳандислар ва меъморлар марказини ташкил этиш, муҳандис ва меъморларни тайёрлаш, ўқитиш ва малака алмашиши бўйича ҳамда Навоий вилояти ҳокимига туркиялик архитекторни маслаҳатчи этиб юбориш юзасидан келишиб олинди.

Ушбу таклифлардан келиб чиқиб, иттифоқ раиси Иляс Демирчи жорий йилнинг 22-23 июль кунлари Навоий вилоятига ташриф буюриш истагини билдирди.

⭐️Маълумот учун айтиш керакки, мазкур Иттифоқ - бу турк дунёсидаги муҳандис ва меъморлар иттифоқи бўлиб, ташкилотнинг асосий мақсади – муҳандис ва меъморлар ўртасидаги алоқаларни мустаҳкамлаш, билим ва тажриба алмашиш, шунингдек, минтақадаги инфратузилма ва архитектура яхшиланишига қаратилган қўшма лойиҳаларни амалга оширишдир.

👌Навоий вилояти ҳокимлиги
Ахборот хизмати

🌐Veb Sayt |✅ Telegram | ✅Facebook | 🌐Instagram | 📹 Youtube

#TURKIYA_SAFARI
#IKKINCHI_KUN

🇺🇿🇹🇷 Navoiy viloyati hokimi Normat Tursunov boshchiligidagi Navoiy delegatsiyasi Anqara shahriga tashrifining ikkinchi kunida 1-Anqara uyushgan sanoat zonasiga tashrif buyurib, sanoat zonasi direksiyasi direktori janob Juneyt Chalik bilan muzokaralar o‘tkazdi. Shuningdek, navoiyliklar sanoat zonasi faoliyati va unda yaratilgan imkoniyatlar bilan yaqindan tanishdi.

🫥Bugungi kunda hududi 1000 gektarni tashkil etuvchi 1-Anqara uyushgan sanoat zonasi 1978-yilda tashkil etilgan, u Turkiyaning eng birinchi va yirik sanoat zonalaridan biri hisoblanadi. Mazkur hududda mashinasozlik, qurilish materiallari, mebelchilik, kimyo, tekstil, elektrotexnika mahsulotlari ishlab chiqariladi.

🫥Sanoat zonasida qariyb 300 ga yaqin ishlab chiqarish obyektlari joylashgan bo‘lib, ularda jami 40 mingdan ortiq ishchilar faoliyat yuritadi. Sanoat zonasining yillik savdo aylanmasi 7 mlrd. dollarni, shundan mahsulotlar eksporti 3 mlrd. dollarni tashkil etadi.

🫥Mazkur zonada sanoat sohasida malakali kadrlarni tayyorlash uchun o‘quv muassasalari hamda bank, poliklinika, kafe va sport majmualari mavjud.

🫥Uchrashuv yakunlari bo‘yicha Anqara uyushgan sanoat zonasi va “Navoiy” EIZ o‘rtasida hamkorlikni yo‘lga qo‘yish bo‘yicha kelishuvga erishildi. Anqara uyushgan sanoat zonasi direksiyasi tomonidan avgust oyida Navoiy viloyati, shu jumladan “Navoiy” EIZ hududida yaratilgan imkoniyatlar bilan tanishish uchun ishchi guruh yuborilishi to‘g‘risida ma’lum qilindi.

👌Navoiy viloyati hokimligi
Axborot xizmati

📝📝📝

#ТУРКИЯ_САФАРИ
#ИККИНЧИ_КУН

🇺🇿🇹🇷 Навоий вилояти ҳокими Нормат Турсунов бошчилигидаги Навоий делегацияси Анқара шаҳрига ташрифининг иккинчи кунида 1-Анқара уюшган саноат зонасига ташриф буюриб, саноат зонаси дирекцияси директори жаноб Жунейт Чалик билан музокаралар ўтказди. Шунингдек, навоийликлар саноат зонаси фаолияти ва унда яратилган имкониятлар билан яқиндан танишди.

🫥Бугунги кунда ҳудуди 1000 гектарни ташкил этувчи 1-Анқара уюшган саноат зонаси 1978 йилда ташкил этилган, у Туркиянинг энг биринчи ва йирик саноат зоналаридан бири ҳисобланади. Мазкур ҳудудда машинасозлик, қурилиш материаллари, мебельчилик, кимё, текстиль, электротехника маҳсулотлари ишлаб чиқарилади.

🫥Саноат зонасида қарийб 300 га яқин ишлаб чиқариш объектлари жойлашган бўлиб, уларда жами 40 мингдан ортиқ ишчилар фаолият юритади. Саноат зонасининг йиллик савдо айланмаси 7 млрд. долларни, шундан маҳсулотлар экспорти 3 млрд. долларни ташкил этади.

🫥Мазкур зонада саноат соҳасида малакали кадрларни тайёрлаш учун ўқув муассасалари ҳамда банк, поликлиника, кафе ва спорт мажмуалари мавжуд.

🫥Учрашув якунлари бўйича Анқара уюшган саноат зонаси ва “Навоий” ЭИЗ ўртасида ҳамкорликни йўлга қўйиш бўйича келишувга эришилди. Анқара уюшган саноат зонаси дирекцияси томонидан август ойида Навоий вилояти, шу жумладан “Навоий” ЭИЗ ҳудудида яратилган имкониятлар билан танишиш учун ишчи гуруҳ юборилиши тўғрисида маълум қилинди.

👌Навоий вилояти ҳокимлиги
Ахборот хизмати

🌐Veb Sayt |✅ Telegram | ✅Facebook | 🌐Instagram | 📹 Youtube

#TURKIYA_SAFARI
#IKKINCHI_KUN

🇺🇿🇹🇷Navoiy viloyati delegatsiyasining I-Anqara uyushgan sanoat zonasidagi ilk manzili mashinasozlik yo‘nalishidagi “Hidromek” kompaniyasi bo‘ldi. Tashrif davomida kompaniya rahbariyati, xususan janob Mustafa Bozkurt bilan muzokaralar o‘tkazilib, kompaniyaning ishlab chiqarish jarayoni bilan tanishildi.

⚙️“Hidromek” kompaniyasi 1978-yilda Anqara shahrida konstruktor Xasan Basri Bozkurt tomonidan tashkil etilgan bo‘lib, Turkiyaning qurilish sohasidagi maxsus texnikalar ishlab chiqarish bo‘yicha yetakchi kompaniyalaridan biri hisoblanadi. Kompaniya tomonidan Anqara, Izmir va Tailanddagi zavodlarida ekskavator, yuklagich, yo'l qurilishida foydalaniluvchi katoklar, greyderlar ishlab chiqarilib, 120 ta davlatga eksport qilinadi.

⚙️Bugungi kunda kompaniyada 2500 ga yaqin ishchi-xodimlar faoliyat yuritib, ular tomonidan yiliga 7000 dona texnika, shundan 3000 dona ekskavatorlar ishlab chiqariladi. Kompaniyaning Ispaniya, Rossiya, Yaponiya va boshqa davlatlarda filiallari mavjud bo‘lib, yillik savdo aylanmasi 600 mln. dollarni tashkil etadi.

👌Navoiy viloyati hokimligi
Axborot xizmati

📝📝📝

#ТУРКИЯ_САФАРИ
#ИККИНЧИ_КУН

🇺🇿🇹🇷Навоий вилояти делегациясининг I-Анқара уюшган саноат зонасидаги илк манзили машинасозлик йўналишидаги “Hidromek” компанияси бўлди. Ташриф давомида компания раҳбарияти, хусусан жаноб Мустафа Бозкурт билан музокаралар ўтказилиб, компаниянинг ишлаб чиқариш жараёни билан танишилди.

⚙️“Hidromek” компанияси 1978 йилда Анқара шаҳрида конструктор Хасан Басри Бозкурт томонидан ташкил этилган бўлиб, Туркиянинг қурилиш соҳасидаги махсус техникалар ишлаб чиқариш бўйича етакчи компанияларидан бири ҳисобланади. Компания томонидан Анқара, Измир ва Таиланддаги заводларида экскаватор, юклагич, йўл қурилишида фойдаланилувчи катоклар, грейдерлар ишлаб чиқарилиб, 120 та давлатга экспорт қилинади.

⚙️Бугунги кунда компанияда 2500 га яқин ишчи-ходимлар фаолият юритиб, улар томонидан йилига 7000 дона техника, шундан 3000 дона экскаваторлар ишлаб чиқарилади. Компаниянинг Испания, Россия, Япония ва бошқа давлатларда филиаллари мавжуд бўлиб, йиллик савдо айланмаси 600 млн. долларни ташкил этади.

👌Навоий вилояти ҳокимлиги
Ахборот хизмати

🌐Veb Sayt |✅ Telegram | ✅Facebook | 🌐Instagram | 📹 Youtube

#TURKIYA_SAFARI

🇺🇿🇹🇷Navoiy viloyati hokimi Normat Tursunov boshchiligidagi delegatsiya a’zolari ASELSANNET korxonasi rahbariyati bilan ham uchrashib, muzokaralar olib borishdi.

🧊Ushbu korxona davlat tashkiloti hisoblanib, asosan mudofaa sanoati uchun turli dasturlar ishlab chiqarish bilan shug‘ullanadi. Muzokara yakunida “Xavfsiz shahar” konsepsiyasini amalga oshirishda ishtirok etuvchi ushbu korxona bilan kelajakda hamkorlikda ishlashga kelishib olindi.

🧊Ma’lumot uchun aytish joizki, ushbu korxona butun mamlakat bo‘ylab o‘zining dilerlari, vakolatli xizmatlari bilan birgalikda simsiz aloqa tizimlari va qurilmalari, shahar xavfsizligini boshqarish tizimi, kameralar va atrof-muhit xavfsizligi tizimlari, axborot tizimlari va mahsulotlari, shuningdek, shaxsiy qo‘l radiosi kabi elektron qurilmalarini sotadi.

🧊Shuningdek, integratsiyalash, infratuzilmani loyihalash, qurilish ishlari, texnik xizmat ko‘rsatish-ta’mirlash va logistika faoliyatini ham amalga oshiradi.

👌Navoiy viloyati hokimligi
Axborot xizmati

📝📝📝

#ТУРКИЯ_САФАРИ

🇺🇿🇹🇷 Навоий вилояти ҳокими Нормат Турсунов бошчилигидаги делегация аъзолари ASELSANNET корхонаси раҳбарияти билан ҳам учрашиб, музокаралар олиб боришди.

🧊Ушбу корхона давлат ташкилоти ҳисобланиб, асосан мудофаа саноати учун турли дастурлар ишлаб чиқариш билан шуғулланади. Музокара якунида “Хавфсиз шаҳар” концепциясини амалга оширишда иштирок этувчи ушбу корхона билан келажакда ҳамкорликда ишлашга келишиб олинди.

🧊Маълумот учун айтиш жоизки, ушбу корхона бутун мамлакат бўйлаб ўзининг дилерлари, ваколатли хизматлари билан биргаликда симсиз алоқа тизимлари ва қурилмалари, шаҳар хавфсизлигини бошқариш тизими, камералар ва атроф-муҳит хавфсизлиги тизимлари, ахборот тизимлари ва маҳсулотлари, шунингдек, шахсий қўл радиоси каби электрон қурилмаларини сотади.

🧊Шунингдек, интеграциялаш, инфратузилмани лойиҳалаш, қурилиш ишлари, техник хизмат кўрсатиш-таъмирлаш ва логистика фаолиятини ҳам амалга оширади.

👌Навоий вилояти ҳокимлиги
Ахборот хизмати

🌐Veb Sayt |✅ Telegram | ✅Facebook | 🌐Instagram | 📹 Youtube

#TURKIYA_SAFARI

🇺🇿🇹🇷 "YSK Muhendislik" - Turkiyaning eng yirik qurilish kompaniyalaridan biri. U Yevropa mamlakatlarida ham mashhur hisoblanib, SONYA brendi ostida faoliyat yuritadi. Mazkur kompaniya tomonidan Turkiyadan tashqari Pokiston, Jazoir, Germaniya, Polshada qator yirik bunyodkorlik ishlari amalga oshirilgan.

🎲 "YSK Muhendislik" tomonidan birgina 2023 yil davomida Germaniyaning Frankfurt shahrida 1300 xonadonli turar-joy majmuasi, Gamburgda esa 700 xonadonli kompleks barpo etilgan. Kaspiy dengizi bo‘yidagi ulkan akvarium, Erondagi 4200 xonadonli majmualar ham ushbu kompaniya jamoasi ishi samarasidir.

🎲Endilikda Navoiy shahrida qad rostlaydigan Yangi Navoiy shaharchasida ham SONYA ning loyihalari uchun joy ajratiladi. Navoiy viloyati delegatsiyasi bilan uchrashuvda kompaniya rahbariyati shaharcha qurilishida ishtirok etish, zamonaviy va mustahkam turar-joy kompleksi va mehmonxonalar qurilishini amalga oshirishga roziligini bildirib o‘tdi. Uchrashuv yakunlari bo‘yicha ushbu loyihalarga "YSK Muhendislik" 50 mln. dollar miqdorida sarmoya kiritishi to‘g‘risidagi kelishuvlar imzolandi.

👌Navoiy viloyati hokimligi
Axborot xizmati

📝📝📝

#ТУРКИЯ_САФАРИ

🇺🇿🇹🇷 "YSK Muhendislik" - Туркиянинг энг йирик қурилиш компанияларидан бири. У Европа мамлакатларида ҳам машҳур ҳисобланиб, SONYA бренди остида фаолият юритади. Мазкур компания томонидан Туркиядан ташқари Покистон, Жазоир, Германия, Польшада қатор йирик бунёдкорлик ишлари амалга оширилган.

🎲 "YSK Muhendislik" томонидан биргина 2023 йил давомида Германиянинг Франкфурт шаҳрида 1300 хонадонли турар-жой мажмуаси, Гамбургда эса 700 хонадонли комплекс барпо этилган. Каспий денгизи бўйидаги улкан аквариум, Эрондаги 4200 хонадонли мажмуалар ҳам ушбу компания жамоаси иши самарасидир.

🎲Эндиликда Навоий шаҳрида қад ростлайдиган Янги Навоий шаҳарчасида ҳам SONYA нинг лойиҳалари учун жой ажратилади. Навоий вилояти делегацияси билан учрашувда компания раҳбарияти шаҳарча қурилишида иштирок этиш, замонавий ва мустаҳкам турар-жой комплекси ва меҳмонхоналар қурилишини амалга оширишга розилигини билдириб ўтди. Учрашув якунлари бўйича ушбу лойиҳаларга "YSK Muhendislik" 50 млн. доллар миқдорида сармоя киритиши тўғрисидаги келишувлар имзоланди.

👌Навоий вилояти ҳокимлиги
Ахборот хизмати

🌐Veb Sayt |✅ Telegram | ✅Facebook | 🌐Instagram | 📹 Youtube

#TURKIYA_SAFARI
#UCHINCHI_KUN

🇺🇿🇹🇷1898-yilda tashkil etilgan Gaziantep tijorat palatasi Gaziantepda faoliyat yurituvchi savdo kompaniyalarining tijorat operatsiyalarini tartibga solish, ularning hisobini yuritish va ushbu korxonalarni ro‘yxatga olish bilan bog‘liq ma’lumotlarni saqlash hamda ishlab chiqarish quvvatlarni yanada kengaytirish faoliyati bilan shug‘ullanadi.

💠Bugun Navoiy viloyati delegatsiyasi uchun mazkur palatada Navoiy-Gaziantep hududlari o‘rtasida investitsiyalar, sanoat va savdo hamkorligiga bag‘ishlangan biznes-forum tashkil etildi. Forumda 50 dan ortiq turk kompaniyalari ishtirok etdi.

💠Forumda Palata raisi Mexmet Tundjay Yildirim, Navoiy viloyati hokimi Normat Tursunov va Investitsiyalar, sanoat va savdo vaziri o‘rinbosari Akram Aliyevlar so‘zga chiqib, Navoiy viloyatining savdo-iqtisodiy va investitsion salohiyati to‘g‘risidagi batafsil ma’lumotlar bilan yig‘ilganlarni tanishtirdi. Shundan, so‘ng turk kompaniyalari bilan B2B va G2B muzokaralar o‘tkazildi.

💠Ma’lumot uchun: bugungi kunda palataga 38 mingdan ortiq tadbirkorlar a’zo bo‘lgan bo‘lib, a’zo korxonalarda 300 mingdan ortiq ishchilar faoliyat yuritadi. Palata a’zolarining jami eksporti 2023-yil yakuni bilan dunyoning 193 davlatiga 10 mlrd. dollarni tashkil etgan.

👌Navoiy viloyati hokimligi
Axborot xizmati

📝📝📝

#ТУРКИЯ_САФАРИ
#УЧИНЧИ_КУН

🇺🇿🇹🇷1898 йилда ташкил этилган Газиантеп тижорат палатаси Газиантепда фаолият юритувчи савдо компанияларининг тижорат операцияларини тартибга солиш, уларнинг ҳисобини юритиш ва ушбу корхоналарни рўйхатга олиш билан боғлиқ маълумотларни сақлаш ҳамда ишлаб чиқариш қувватларни янада кенгайтириш фаолияти билан шуғулланади.

💠Бугун Навоий вилояти делегацияси учун мазкур палатада Навоий-Газиантеп ҳудудлари ўртасида инвестициялар, саноат ва савдо ҳамкорлигига бағишланган бизнес-форум ташкил этилди. Форумда 50 дан ортиқ турк компаниялари иштирок этди.

💠Форумда Палата раиси Мехмет Тунджай Йилдирим, Навоий вилояти ҳокими Нормат Турсунов ва Инвестициялар, саноат ва савдо вазири ўринбосари Акрам Алиевлар сўзга чиқиб, Навоий вилоятининг савдо-иқтисодий ва инвестицион салоҳияти тўғрисидаги батафсил маълумотлар билан йиғилганларни таништирди. Шундан, сўнг турк компаниялари билан В2В ва G2B музокаралар ўтказилди.

💠Маълумот учун: бугунги кунда палатага 38 мингдан ортиқ тадбиркорлар аъзо бўлган бўлиб, аъзо корхоналарда 300 мингдан ортиқ ишчилар фаолият юритади. Палата аъзоларининг жами экспорти 2023 йил якуни билан дунёнинг 193 давлатига 10 млрд. долларни ташкил этган.

👌Навоий вилояти ҳокимлиги
Ахборот хизмати

🌐Veb Sayt |✅ Telegram | ✅Facebook | 🌐Instagram | 📹 Youtube

#TURKIYA_SAFARI
#TOʻRTINCHI_KUN

🇺🇿🇹🇷 Navoiy viloyati hokimi boshchiligidagi delegatsiyaning Shanliurfadagi navbatdagi manzili 1995-yilda tashkil etilgan MAXISU kompaniyasi bo‘ldi.

MAXİSU kompaniyasi asosan ichimlik suvi ta'minoti va qishloq xo‘jaligini sug‘orish uchun ishlatiladigan elektr motorlar, zanglamaydigan po‘latdan yasalgan suv quyish nasoslari, quyma temir quyish nasoslari va vertikal valli nasoslarini ishlab chiqarish va eksport qilish bilan shug‘ullanadi. Mazkur tajribali va professional jamoa yuqori sifatli mahsulotlar ishlab chiqarib, barqaror rivojlanish sari mas'uliyat bilan o‘z faoliyatini davom ettirmoqda.

Kompaniya tomonidan yiliga 5 kVtdan-250 kVt gacha bo‘lgan 10 ming dona yoki 15 mln. dollarlik suv nasoslari ishlab chiqarilib, shundan dunyoning 50 davlatiga mahsulotlar eksporti amalga oshiriladi. Kompaniya tomonidan Misr davlatida ishlab chiqarish quvvatlari tashkil etilgan bo‘lib, bugungi kunda Suriyaga investitsiya kiritilmoqda. Kompaniyada 100 dan ortiq ishchi xodimlar faoliyat yuritadi.

MAXİSU kompaniyasi rahbariyati, xususan janob Omer Firat bilan muzokaralarda ikki tomonlama hamkorlikni yo‘lga qo‘yish masalalari muhokama etildi.

👌Navoiy viloyati hokimligi
Axborot xizmati

📝📝📝

#ТУРКИЯ_САФАРИ
#ТЎРТИНЧИ_КУН

🇺🇿🇹🇷 Навоий вилояти ҳокими бошчилигидаги делегациянинг Шанлиурфадаги навбатдаги манзили 1995 йилда ташкил этилган MAXİSU компанияси бўлди.

MAXİSU компанияси асосан ичимлик суви таъминоти, ички сув таъминоти ва қишлоқ хўжалигини суғориш учун ишлатиладиган электр моторлар, зангламайдиган пўлатдан ясалган сув қуйиш насослари, вертикал валли насосларни ишлаб чиқариш ва экспорт қилиш билан шуғулланади. Мазкур тажрибали ва профессионал жамоа юқори сифатли маҳсулотлар ишлаб чиқариб, барқарор ривожланиш сари масъулият билан ўз фаолиятини давом эттирмоқда.

Компания томонидан йилига 5 кВтдан-250 кВт гача бўлган 10 минг дона ёки 15 млн. долларлик сув насослари ишлаб чиқарилиб, шундан дунёнинг 50 давлатига маҳсулотлар экспорти амалга оширилади. Компания томонидан Миср давлатида ишлаб чиқариш қувватлари ташкил этилган бўлиб, бугунги кунда Сурияга инвестиция киритилмоқда. Компанияда 100 дан ортиқ ишчи ходимлар фаолият юритади.

MAXİSU компанияси раҳбарияти, хусусан жаноб Омер Фират билан музокараларда икки томонлама ҳамкорликни йўлга қўйиш масалалари муҳокама этилди.

👌Навоий вилояти ҳокимлиги
Ахборот хизмати

🌐Veb Sayt |✅ Telegram | ✅Facebook | 🌐Instagram | 📹 Youtube

#TURKIYA_SAFARI
#TOʻRTINCHI_KUN

🇺🇿🇹🇷 “FLO Group” - 1960 yilda Shanliurfa shahrida tashkil etilgan poyabzal mahsulotlari ishlab chiqarish bo‘yicha Turkiyaning yetakchi kompaniyalaridan biri. Turkiyaning "In Street" sport kiyimlari tarmog‘iga kiradi. O‘z faoliyatini 25 ta davlatda olib boradigan kompaniya tomonidan yiliga 60 mln. juft poyabzal ishlab chiqariladi. Dunyo bo‘ylab 800 tadan ortiq savdo do‘konlari mavjud.

“FLO Group” kompaniyasi tarkibiga Kinetix, Lumberjack, Polaris, Butigo kabi kompaniyalar kiradi. Shuningdek, litsenziya asosida Nine West, Lotto, Reebok, U.S. Polo ASSN brendlari bilan hamkorlikda ish olib boradi. Kompaniya tarmoqlarida 15 mingdan ortiq ishchi-xodimlar, shundan Shanliurfada 1600 nafar ishchilar faoliyat yuritadi.

Navoiy viloyati delegatsiya tomonidan “FLO Group” kompaniyasiga tashrif buyurilib, kompaniya rahbariyati bilan charm-poyabzal sanoatida hamkorlikni rivojlantirish yuzasidan muzokaralar o‘tkazildi.

👌Navoiy viloyati hokimligi
Axborot xizmati

📝📝📝

#ТУРКИЯ_САФАРИ
#ТЎРТИНЧИ_КУН

🇺🇿🇹🇷 “FLO Group” - 1960 йилда Шанлиурфа шаҳрида ташкил этилган пойабзал маҳсулотлари ишлаб чиқариш бўйича Туркиянинг етакчи компанияларидан бири. Туркиянинг "In Street" спорт кийимлари тармоғига киради. Ўз фаолиятини 25 та давлатда олиб борадиган компания томонидан йилига 60 млн. жуфт пойабзал ишлаб чиқарилади. Дунё бўйлаб 800 тадан ортиқ савдо дўконлари мавжуд.

“FLO Group” компанияси таркибига Kinetix, Lumberjack, Polaris, Butigo каби компаниялар киради. Шунингдек, лицензия асосида Nine West, Lotto, Reebok, U.S. Polo ASSN брендлари билан ҳамкорликда иш олиб боради. Компания тармоқларида 15 мингдан ортиқ ишчи-ходимлар, шундан Шанлиурфада 1600 нафар ишчилар фаолият юритади.

Навоий вилояти делегация томонидан “FLO Group” компаниясига ташриф буюрилиб, компания раҳбарияти билан чарм-пойабзал саноатида ҳамкорликни ривожлантириш юзасидан музокаралар ўтказилди.

👌Навоий вилояти ҳокимлиги
Ахборот хизмати

🌐Veb Sayt |✅ Telegram | ✅Facebook | 🌐Instagram | 📹 Youtube

#TURKIYA_SAFARI
#BESHINCHI_KUN

🇺🇿🇹🇷 Navoiy viloyati delegatsiyasi Izmir viloyati gubernatori Suleyman Elban bilan uchrashib, Navoiy viloyati va Izmir viloyati o‘rtasida savdo-iqtisodiy, investitsiyaviy, madaniy-gumanitar aloqalarni yanada rivojlantirish yuzasidan muzokaralar o‘tkazdi.

Uchrashuv davomida Izmirning yetakchi kompaniyalarini Navoiy viloyatiga jalb qilish, ular tomonidan to‘g‘ridan to‘g‘ri investitsiyalar kiritish hisobiga qo‘shma loyihalarni amalga oshirish, ikki hudud tadbirkorlari doirasini kengaytirish kabi sohalarda hamkorlik o‘rnatish yuzasidan kelishuvlarga erishildi.

👌Navoiy viloyati hokimligi
Axborot xizmati

📝📝📝

#ТУРКИЯ_САФАРИ
#БЕШИНЧИ_КУН

🇺🇿🇹🇷 Навоий вилояти делегацияси Измир вилояти губернатори Сулейман Элбан билан учрашиб, Навоий вилояти ва Измир вилояти ўртасида савдо-иқтисодий, инвестициявий, маданий-гуманитар алоқаларни янада ривожлантириш юзасидан музокаралар ўтказди.

Учрашув давомида Измирнинг етакчи компанияларини Навоий вилоятига жалб қилиш, улар томонидан тўғридан-тўғри инвестициялар киритиш ҳисобига қўшма лойиҳаларни амалга ошириш, икки ҳудуд тадбиркорлари доирасини кенгайтириш каби соҳаларда ҳамкорлик ўрнатиш юзасидан келишувларга эришилди.

👌Навоий вилояти ҳокимлиги
Ахборот хизмати

🌐Veb Sayt |✅ Telegram | ✅Facebook | 🌐Instagram | 📹 Youtube

⁉️⁉️⁉️⁉️⁉️

#TURKIYA_SAFARI
#BESHINCHI_KUN

🇺🇿🇹🇷 Ayni damda Izmir shahrida Navoiy viloyati delegatsiyasi ishtirokida Navoiy-Izmir ishbilarmonlari forumi bo‘lib o‘tmoqda.

✔️Mazkur yirik forumda ikki hududning qurilish, energetika, turizm, kimyo, yengil sanoat va boshqa bir qator sohalarda faoliyat yurituvchi 100 dan ortiq kompaniyalar vakillari ishtirok etmoqda.

👌Navoiy viloyati hokimligi
Axborot xizmati

📝📝📝

#ТУРКИЯ_САФАРИ
#БЕШИНЧИ_КУН

🇺🇿🇹🇷  Айни дамда Измир шаҳрида Навоий вилояти делегацияси иштирокида Навоий-Измир ишбилармонлари форуми бўлиб ўтмоқда.

✔️Мазкур йирик форумда икки ҳудуднинг қурилиш, энергетика, туризм, кимё, енгил саноат ва бошқа бир қатор соҳаларда фаолият юритувчи 100 дан ортиқ компаниялар вакиллари иштирок этмоқда.

👌Навоий вилояти ҳокимлиги
Ахборот хизмати

🌐Veb Sayt |✅ Telegram | ✅Facebook | 🌐Instagram | 📹 Youtube

#TURKIYA_SAFARI
#BESHINCHI_KUN

🇺🇿🇹🇷 Navoiy viloyati hokimi Normat Tursunov boshchiligidagi delegatsiya oziq-ovqat sanoati uchun uskunalar ishlab chiqaruvchi “АRCAN MACHINERY” kompaniyasiga tashrif buyurdi.

◀️Tashrif davomida kompaniya rahbariyati bilan muzokaralar o‘tkazilib, ishlab chiqarish jarayoni bilan tanishildi.

◀️Ma’lumot uchun aytish kerakki, “АRCAN MACHINERY” kompaniyasi 1983-yilda Izmir shahrida tashkil etilgan bo‘lib, oziq-ovqat sanoati uchun har xil turdagi asbob-uskunalar ishlab chiqaradi.

◀️Kompaniyaning 10 000 m2 ishlab chiqarish maydonlari mavjud bo‘lib, yillik aylanmasi 12 mln. yevroni tashkil etadi. Kompaniya tomonidan ishlab chiqariladigan uskunalarning 90% dunyoning 60 dan ortiq davlatlariga eksport qilinadi.

👌Navoiy viloyati hokimligi
Axborot xizmati

📝📝📝

#ТУРКИЯ_САФАРИ
#БЕШИНЧИ_КУН

🇺🇿🇹🇷 Навоий вилояти ҳокими Нормат Турсунов бошчилигидаги делегация озиқ-овқат саноати учун ускуналар ишлаб чиқарувчи “АRCAN MACHINERY” компаниясига ташриф буюрди.

◀️Ташриф давомида компания раҳбарияти билан музокаралар ўтказилиб, ишлаб чиқариш жараёни билан танишилди.

◀️Маълумот учун айтиш керакки, “АRCAN MACHINERY” компанияси 1983 йилда Измир шаҳрида ташкил этилган бўлиб, озиқ-овқат саноати учун ҳар хил турдаги асбоб-ускуналар ишлаб чиқаради.

◀️Компаниянинг 10 000 м2 ишлаб чиқариш майдонлари мавжуд бўлиб, йиллик айланмаси 12 млн. еврони ташкил этади. Компания томонидан ишлаб чиқариладиган ускуналарнинг 90% дунёнинг 60 дан ортиқ давлатларига экспорт қилинади.

👌Навоий вилояти ҳокимлиги
Ахборот хизмати

🌐Veb Sayt |✅ Telegram | ✅Facebook | 🌐Instagram | 📹 Youtube