O‘qituvchilarga to‘lanmay qolgan qariyb 8 mlrd so‘mlik ta’til pullari undirib berildi

Ta’lim va fan xodimlari kasaba uyushmasi Respublika kengashi tomonidan 9 ming 403 ta ta’lim muassasalarida pedagoglarga mehnat ta’tili uchun haq to‘lanishi holati o‘rganilgan.

O‘rganishlarda respublika bo‘yicha jami 656 ta holatda buyruqni rasmiylashtirishda xatolikka yo‘l qo‘yilgani, buning natijasida mehnat ta’tili uchun haq belgilanganidan kam to‘langani aniqlangan.

Ko‘rilgan ta’sir choralaridan so‘ng 8 ming 243 nafar pedagogning ta’til pullari qayta hisob-kitob qilinib, ular foydasiga jami 7 mlrd 825 mln so‘m mablag‘ undirib berilgan.


👉 @xushnudbek 👈

❗️Joriy yilda testga kiradigan abituriyentlar soni 1 mlnga ham yetmadi

BBAning xabar berishicha, joriy yilda 948 ming 486 nafar abituriyent test sinovida ishtirok etadi.

Avvalroq, 1 mlndan oshiq abituriyent onlayn ro‘yxatdan o‘tgani aytilgan edi. Demak, salkam 70 ming abituriyent testga kirish uchun to‘lovni amalga oshirmagan va ular ro‘yxatdan o‘tmagan deb topilgan.

Maʼlumot uchun, o‘tgan yili 1 mln 146 ming 744 nafar abituriyent testga kirishi belgilangan edi. Demak, joriy yilda testga kiradigan abituriyentlar soni o‘tgan yilgiga qaraganda deyarli 200 mingdan kamroq bo‘ladi.


👉 @xushnudbek 👈

🌧 Joriy yilning 27-30-iyul kunlari respublika bo‘ylab yomg‘irlar yog‘ishi kutilmoqda

Shu sababli, quyidagi tog‘ oldi va tog‘li hududlarida sel va suv toshqinlari yuzaga kelishi mumkin.

Qashqadaryo viloyatining Yakkabog‘, Dehqonobod, Chiroqchi, Kitob, Shahrisabz, Qamashi, Gʻuzor tumanlarida;

Surxondaryo viloyatining Sariosiyo, Uzun, Oltinsoy, Denov, Boysun, Sherobod, Sho‘rchi, Qumqo‘rg‘on, Muzrobot tumanlarida;

Jizzax viloyatining Zomin, Baxmal, Gʻallaorol, Sharof Rashidov, Forish, Yangiobod tumanlarida;

Toshkent viloyatining Ohangaron, Bo‘stonliq, Parkent, Piskent, O‘rtachirchiq, Yuqorichirchiq tumanlarida va Angren, Olmaliq shaharlarida;

Namangan viloyatining Pop, Kosonsoy, Chortoq, Chust, Namangan, Yangiqo‘rg‘on tumanlarida;

Farg‘ona viloyatining So‘x, Shohimardon, Farg‘ona, Beshariq tumanlarida;

Andijon viloyatining Andijon, Asaka, Jalaquduq, Qo‘rg‘ontepa, Paxtaobod, Izboskan, Xo‘jaobod, Marhamat tumanlari va Xonabod shahrida.

Fuqarolar, dam oluvchilar hamda avtomobillarda harakatlanuvchi haydovchilardan ehtiyotkorlik choralarini ko‘rish so‘ralmoqda.


👉 @xushnudbek 👈

1 200 dan ortiq daraxt kesib tashlangan

Bosh prokuratura tomonidan Ekolgiya, atrof-muhitni muhofaza qilish va iqlim o‘zgarishi vazirligi bilan hamkorlikda Farg‘ona viloyati hududida olib borilgan o‘rganishda, Norin-Farg‘ona irrigatsiya tizimidagi Katta Andijon kanali qirg‘og‘ida o‘sib turgan 1 ming 213 tup daraxt joriy yilning yanvar-fevral oylarida “Bag‘dodmaxsussuvpudrat” MCHJ mansabdor shaxslari va boshqalar tomonidan qasddan kesib tashlanib, o‘simlik dunyosiga 4,6 mlrd. so‘m zarar yetkazilganligi aniqlangan.

Holat yuzasidan Jinoyat kodeksining 198-moddasi (Ekinzorlarni, o‘rmonlarni, daraxtlarni yoki boshqa o‘simliklarni shikastlantirish yoxud nobud qilish) bilan jinoyat ishi qo‘zg‘atilgan.


👉 @xushnudbek 👈

Toshkent viloyatida 20-avgustdan ichimlik suvi va oqova xizmatlar narxlari oshiriladi

Ichimlik suvi:

a) aholi uchun — 1 m3 – 1 700 so‘m;
b) byudjet tashkilotlari uchun — 1m3 - 7 000 so‘m;
v) ulgurji iste’molchilar uchun — 1m3 - 7 000 so‘m;

Oqova suv xizmati uchun:

a) aholi uchun – 1 m3 – 850 so‘m;
b) byudjet tashkilotlari uchun - 1m3 – 1 850 so‘m;
v) ulgurji iste’molchilar uchun - 1m3 – 1 850 so‘m.

Shuningdek, viloyatdagi “Chimgan-Chorbog‘ suv ta’minoti” MChJ hamda "Musaffo obi hayot" MChJ iste’mochilari uchun ham 20-avgustdan boshlab tariflar oshiriladi.


👉 @xushnudbek 👈

Prezident maktablarida joriy yilda bitta to‘g‘ri javobga necha ball berildi?

Cambridge Assessment kompaniyasi Prezident maktablari uchun imtihonlarni olishidan xabaringiz bor. Kecha 1-bosqich test savollari javobi eʼlon qilindi.

Eng avvalo bir narsani tushunish kerakki, test javoblarini Cambridge Assessment o‘zi hisoblaydi, o‘zi tekshiradi, bu jarayonga O‘zbekistondan hech kim aralasha olmaydi. Bunda siz-u biz o‘rganib qolgan DTM testidagi kabi 3,1 yoki 2,1 ball bilan osongina javoblar chiqmaydi.

Bu yerda eng avvalo har bir savolning qiyinlik darajasi aniqlab olinadi. Yaʼni bitta savol 10 mingta o‘quvchiga berilsa, shundan nechta o‘quvchi to‘g‘ri va nechta o‘quvchi noto‘g‘ri javob berganiga qarab savolning qiyinlik darajasi aniqlanadi. Foiz chiqarilayotganda ham shunga qarab ball beriladi.

Jadvalga eʼtiborga bersangiz, ochiq maʼlumotlar asosida 2023-yilgi Prezident maktablari 1-bosqich testida nechta to‘g‘ri javobga necha ball berilganini hisoblab chiqdim.

Bunda muhim joyi smenalarda ballar bir-biridan biroz farq qiladi, chunki har bir smenada bir-birini takrorlamaydigan (!) savollar tushgan. Shuning uchun ham bitta smenadagi o‘quvchi boshqa smenadagi o‘quvchining natijasini aynan takrorlay olmaydi.

Masalan, 1-smenadagi 1-savolga 7 ming o‘quvchi to‘g‘ri javob bergan, 2-smena 1-savolga esa 6 ming 500 o‘quvchi to‘g‘ri javob bergan va h.k.

Xullas, yuqoridagi jadvalga qarab farzandingiz qaysi blokdagi savollarning nechtasiga to‘g‘ri javob berganini bilib olishingiz mumkin.


👉 @xushnudbek 👈

Sodir Meliboyev Markaziy bank raisi o‘rinbosari etib tayinlandi

U bungacha Markaziy bankda departament direktori lavozimida ishlab kelayotgan edi.


👉 @xushnudbek 👈

Firibgarlarning xabarlariga aldanib qolmang!
#firibgar

Firibgarlar tomonidan "menga so'rovnomada ovoz bering", degan xabarlar tarqatilmoqda.

Eng qizig‘i bu kabi xabarlar kontaktingizdagi biror tanish insondan kelayotgan bo‘lishi ham mumkin. Gap shundaki, mana shunaqa soxta xabarga ishonib, pastdagi saytga kirsangiz, undagi virus tufayli Telegram profilingiz boshqaruvi firibgarlar qo‘liga o‘tib ketadi. Keyin esa maxsus botlar sizning nomingizdan hamma tanishlaringizga mana shunaqa xabar yuborib chiqadi. Buni siz nazorat qila olmay qolasiz.

Iltimos, internetda duch kelgan xabarga ishonavermang. Shubhali saytlarga qiziqish uchun ham kirib ko‘rmang. Yaqinlarni ham ogohlantirib qo‘ying.


👉 @xushnudbek 👈

Prezident farmoni bilan Nazarbekov Ozodbek Ahmadovich O‘zbekiston Respublikasi madaniyat vaziri lavozimiga tasdiqlandi.

Demak, turizm sohasi yana madaniyatdan ajratiladi. Eng darbadar sohalardan biri, sportdan keyin, albatta.


👉 @xushnudbek 👈

Turizm qo’mitasi tashkil etildi. Qo’mita Aziz Abduhakimov rahbarlik qilayotgan Ekologiya vazirligi huzurida bo’ladi.

Shadiyev Umid Rustamovich Turizm qo‘mitasi raisi lavozimiga tayinlandi.

Bungacha u O‘zbekistonning YUNESKO huzuridagi doimiy vakili lavozimida ishlagan.


👉 @xushnudbek 👈

❗️Markaziy bank asosiy stavkani yillik 14 foiz darajasida o‘zgarishsiz qoldirdi.


👉 @xushnudbek 👈

Shavkat Mirziyoyev 27-28-iyul kunlari (bugun va ertaga) Farg‘ona viloyatida bo‘ladi.


👉 @xushnudbek 👈

Toyota O‘zbekiston bozoriga yangi model taqdim etmoqchi

Yaponiyada bo‘lib turgan O‘zbekiston bosh vaziri o‘rinbosari Jamshid Qo‘chqorov boshchiligidagi mamlakat delegatsiyasi Toyota Motor Corporation kompaniyasining Sharqiy Osiyo, Okeaniya va Yaqin Sharq mintaqasidagi bosh ijrochi direktori Akitoshi Takemura bilan uchrashdi.

Tomonlar O‘zbekiston bozorida Toyota brendi ostidagi avtomobillarga bo‘lgan yuqori qiziqishni hisobga olgan holda o‘zaro hamkorlikning istiqbollari yuzasidan atroflicha fikr almashdi.

Kompaniya bosh ijrochi direktori Akitoshi Takemura yaqin kelajakda O‘zbekiston avtobozoriga Toyota avtomobillarining yangi modeli taqdim etilishini maʼlum qildi.


👉 @xushnudbek 👈

Bema’ni loyihalar o’rniga yuzlab yangi Prezident maktablarini qursak boʻladi

Bu haqda iqtisodchi Behzod Hoshimov o’zining Telegram kanalida fikr bildirdi. Postni sizga ham to’liq havola qilaman:

“Prezident maktablari haqidagi diskussiyadan yagona qiladigan xulosam — maktablar sonini bir-ikki yilda kamida oʻn barobarga oshirish kerak ekan. Oʻn yilda esa qabul kvotasini yuz barobarga oshirish kerak.

Bu narsa qimmatmi? Ha, qimmat. Lekin davlat pul ketkazayotgan boshqa joylardan iqtisod qilaylik.

Bir Prezident maktabini qurish — 40 milliard soʻm atrofida ekan. Bu taxminan 3.5 million dollar. Bizdek kambagʻal mamlakat uchun katta pulmi — albatta. Lekin solishtirish uchun Toshkent shahridagi bir dona Hyatt mehmonxonasi uchun davlat 200 million dollardan koʻp xarajat qilgan edi (yer uchun xarajatlar hisobga olinmagan). Bu 70 ta yangi Prezident maktabi narxi. Xuddi shunday, yaqinda moliyaviy muammolarga uchragan Toshkent metallurgiya zavodini qurishga 400-500 million dollar ketgan. Prezident maktablari soniga chaqsak raqamlar tushunarli. Bunday zarar keltiruvchi yuzlab sanoat va qishloq xoʻjaligi korxonalari mavjud. Ayrimlari, hozirgi keltirilgan misollar kabi — buxgalterlik darajasida manfiy foyda keltiradi, ayrimlari esa, masalan avtosanoat kabi, musbat raqamlarga chiqish uchun yana bir necha yuz million dollarga isteʼmolchilarga zarar keltiradi.

Lekin umuman olganda hammasi byudjetimiz va iqtisodiyotimiz uchun teshik. Shuning uchun, boshqa xarajatlarimizga qarasak, yuzlab yangi Prezident maktablarini qursak boʻlar ekan. Notoʻgʻri iqtisodiy siyosatdan pulni tejasak bas.

Men Prezident maktablarini misol keltirishimni sababi — bugungi kunda ularga kirish koʻp mulohazalarga sababi boʻlmoqda. Aslini olsa, Oʻzbekistonga minglab oddiy maktablar ham kerak, aksar maktablar kapital remont talabida — bu haqida koʻp va xoʻb gapirildi.

Men aytmoqchi boʻlganim, hatto Prezident maktablari darajasidagi “yaxshi” yuzlab maktablar qursak boʻlar edi, bemaʼni loyihalarda byudjet va aholini pulini isrof qilmasak”.

Post tugadi.


👉 @xushnudbek 👈

Prezident raisligida o‘tayotgan yig‘ilishda quyidagilar lavozimidan ozod etildi:

— Farg‘ona viloyat hokimining birinchi o‘rinbosari A.O‘rinboyev;
— Farg‘ona soliq boshqarmasi boshlig‘i A.Tillavoldiyev;
— Rishton tumani hokimi S.Soliyev;
— Marg‘ilon shahar hokimi A.Ziyavitdinov;
— Marg‘ilon shahar soliq boshlig‘i T.Xusanov.

Shuningdek, Farg‘ona viloyati hokimining qurilish hamda investitsiya bo‘yicha o‘rinbosarlari, Bag‘dod, Quva va Buvayda tumanlari hokimlariga hayfsan eʼlon qilindi.

Farg‘ona shahri hokimi va sektor rahbarlarining lavozimi 3 oy sinov muddati bilan o‘z vazifasini bajaruvchi darajasiga tushirildi.


👉 @xushnudbek 👈

Faoliyatida yo‘l qo‘ygan kamchiliklar uchun Farg‘ona viloyati ichki ishlar boshqarmasi boshlig‘i M.Jo‘rayev lavozimidan ozod etildi.


👉 @xushnudbek 👈