Nodavlat OTMlar ogohlantirildi

Oliy ta’lim, fan va innovatsiyalar vaziri Ibrohim Abdurahmonov OTMga quyosh panellarini o‘rnatish masalasida yig‘ilish o‘tkazgan.

Yig‘ilishda nodavlat ta’lim muassasalaridagi ta’lim sifati va bitiruvchilarning ishga joylanish masalasiga ham e’tibor qaratilgan.

"Oliy va professional ta’lim muassasalari bitiruvchilarini ishga joylashtirish masalasiga alohida e’tibor qaratilishi, ayniqsa ishga joylanmagan bitiruvchilari soni ko‘p bo‘lgan nodavlat OTM sifatsiz ta’lim berayotgan muassasa deb topilishi va kelajakda ularning faoliyatini tugatish masalasi ko‘rib chiqilishi haqida ogohlantirildi", - deyiladi vazirlik axborotida.


👉 @xushnudbek 👈

❓O‘zbekiston barcha gaz va neft zaxiralarini 35 yilga Rossiya oligarxlariga topshirganmi?

❌Qisqa javob: Yo‘q, O‘zbekiston energotizimini hech qaysi davlatga topshirib qo‘ymagan.

✅ Kengaytirilgan javob: O‘zbekistondagi yetakchi OAV vakillari, blogerlar hamda ekspertlar energetika vaziri Jo‘rabek Mirzamahmudov, “O‘zbekneftgaz” rahbari Mehriddin Abdullayev bilan uchrashdi va bugungi kunda ko‘pchilikni o‘ylantirayotgan savollarga izoh so‘rashdi.

Eng asosiy savol, albatta — O‘zbekiston 35 yilga BARCHA gaz va neft konlarini Rossiya oligarxlariga berib qo‘yganiga oid maʼlumot haqida bo‘ldi.

Energetika vazirining taʼkidlashicha, bu mutlaqo noto‘g‘ri va yolg‘on xabar.

Gap faqat Boysun tumanida joylashgan BITTA M-25 koni haqida (O‘zbekistondagi BARCHA konlar emas).

Mahsulot taqsimotiga oid Bitim (SRP) tomonlari:

Bir tomondan (Hukumat) — O‘zbekiston Respublikasi;

Ikkinchi tomondan (Investor) — 3 ta kompaniyadan iborat konsorsium, yaʼni:

1) «Gas Project Development Central Asia AG» (Shveysariya);
2) «Altmax Holding Ltd» (Kipr);
3) “Uzneftegazdobicha” AJ (O‘zbekiston, davlat korxonasi).

Bitim muddati: 35 yil

Bitim sharti:

1) Investorlar hududga bir necha mlrd dollar investitsiya kiritadi, geologiya-qidiruv ishlarini amalga oshiradi, konni o‘zlashtiradi, zavod quradi, infratuzilma yaratadi. Bularning hammasi investorlar mablag‘lari evaziga bo‘ladi. Davlat byudjetidan bir tiyin ham pul ishlatilmaydi yoki davlat kafolati ostidagi kreditlar olinmaydi;

2) Kelgusida gaz ishlab chiqarish boshlangach, daromadning (barcha xarajatlar va O‘zbekistonga to‘lanadigan soliqlardan qolgani) 50%i O‘zbekiston Respublikasiga, qolgan 50%i esa investorlarga bo‘linadi.

❓Nega 35 yil?

Shuni 10 yil, 15 yil yoki 20 yil qilsa bo‘lmasmidi, deb so’radik.

Mas’ullarning aytishicha, mazkur kon Surxondaryoning relyefi o‘ta murakkab bo‘lgan Boysun tog‘larida joylashgan. U yerda gaz qazib chiqarishni tashkil qilish uzoq va murakkab jarayon. Masalan, 2017-yilda ishlar boshlangan bo‘lsa, mana oradan salkam 6 yil o‘tgan bo‘lsada, haligacha gaz qazib chiqarish boshlangani yo‘q. Yaʼni bu joyda gaz qazib chiqarishni yo‘lga qo‘yishning o‘ziga kamida 8 yil, yo‘qsa taxminan 10 yil vaqt ketadi.

Shuningdek, investor kiritgan mablag‘ning qoplanish muddatini ham hisobga olish kerak. Shu sababli bitim 35 yilga tuzilgan.

❓Nega aynan shu kompaniyalar tanlangan?

Bu savolni ham berdik.

Yuqorida aytilganidek, ushbu kon juda noqulay joyda joylashgan. U garchi 1960-yillarda aniqlangan bo‘lsada, lekin sobiq SSSR vaqtida ham konni o‘zlashtirish imkoni bo‘lmagan.

Mustaqillik yillarida konni o‘zlashtirish bo‘yicha takliflar ko‘plab xorijiy kompaniyalarga berilgan (BP, Total va hk). Lekin ular rozi bo’lishmagan.

2006-yilda Malayziyaning Petronas kompaniyasi hamda Saudiya Arabistonining Delta Oil kompaniyalari mazkur konni o‘rganishga kirishgan. Biroq, konning murakkab geologik tuzilishi, gaz tarkibida oltingugurt va uglevodorod oksidi miqdori yuqoriligi, iqtisodiy jihatdan past rentabelligi sababli yuqoridagi kompaniyalar 2013-yilda loyihadan o‘z ixtiyorlari bilan chiqishgan.

Shundan so‘ng, kon yana bir necha yil qarovsiz qolgan. 2017-yilga kelib, yuqoridagi investorlarga berilgan.

🔍Ochiqlik haqida

Mas’ullardan shunga oid tegishli hujjatlarni jamoatchilik uchun ochiqlashni so’radik. Ishonchsizlik bo’lmasligi uchun, hamma o’z ko’zi bilan ko’rishi kerak.

Shuningdek, uchrashuvda bunday bitimlarga oid qonunchilikni yangilash haqida ham gap ketdi. Ya’ni qonunlarga bunday bitimlar albatta Parlament tomonidan tasdiqlanishi, matnlari jamoatchilikka ochiq e’lon qilib borilishi, ishlab turgan konlarni xorijiy yoki xususiy kompaniyalarga berishni taqiqlash haqidagi talablarni qo’shish kerakligi ta’kidlandi.


👉 @xushnudbek 👈

Turkiyada zilzilalar oqibatida halok bo‘lganlar soni 31 ming 600 nafardan oshdi.


👉 @xushnudbek 👈

Senatning Yoshlar, madaniyat va sport masalalari qo‘mitasi raisi Baxtiyor Sayfullayev 72 yoshida vafot etibdi.

Inna lillahi va inna ilayhi roji’un.

Baxtiyor aka juda yaxshi inson edi, ochiqko’ngil, samimiy va bag’rikeng. Alloh rahmatiga olgan bo’lsin, yaqinlariga sabr tilayman.


👉 @xushnudbek 👈

🚇 Metropolitenning “Yerusti halqa yoʼli” yo‘nalishida poyezdlar harakati 2023-yil 18-fevral (shanba) kuni bir kun davomida to’xtatiladi.

Bunga metro temir yo‘llarida bajarilayotgan qurilish ishlari sababligi aytiladi.

Yo’nalish 19-fevraldan doimiy jadval asosida o’z harakatini davom ettiradi.


👉 @xushnudbek 👈

Talabalar soni 1 mlndan oshdi

Statistika agentligi ma’lumotlariga ko‘ra, 2022/23-o‘quv yili boshiga respublikamizda faoliyat yuritayotgan 191 ta oliy ta’lim tashkilotlarida tahsil olayotgan talabalar soni 1 million nafardan oshgan.

Shundan:

🧑‍🎓Talaba yigitlar – 544,8 ming nafar;
👩🏻‍🎓Talaba qizlar – 495,6 ming nafar.

🗓 2021-yilning 1-yanvar holatiga xorijda tahsil olayotgan o‘zbekistonlik talabalar soni 85,9 ming nafarni tashkil etgan.


👉 @xushnudbek 👈

Talabalar haqida mavzu ochilgan ekan, qisqagina munosabat bildirib ketay:

O’sha kuni oliy ta’lim, fan va innovatsiyalar vaziri Ibrohim Abdurahmonov bir yig‘ilishda ishga joylanmagan bitiruvchilari soni ko‘p bo‘lgan nodavlat OTM sifatsiz ta’lim berayotgan muassasa deb topilishi va kelajakda ularning faoliyatini tugatish masalasi ko‘rib chiqilishi haqida ogohlantirgani aytilgandi.

Mening shaxsiy fikrimcha, bu umuman ta’limni tushunmaydigan insonning gapi. Bunaqa yondoshuv:

Birinchidan, nodavlat oliy ta’lim rivojiga keskin salbiy ta’sir qiladi;

Ikkinchidan, ishga joylashishda shundoq ham ko’zbo’yamachilik va quruq statistika uchun qilinadigan soxtakorlikni yanada kuchaytirib yuboradi;

Uchinchidan, nodavlat ta’limga litsenziya berish va olishda shundoq ham hozir mavjud bo’lgan korrupsiyaviy holatlarni battar ko’paytiradi va h.k.

Bu qisqa fikrlarim, keyinroq bir qo’lim tegsa, batafsilroq yozaman bu haqda. Balki video yoki ovozli chat qilarmiz.

Xullas, ta’lim kottakonlari sohaga oid bunaqa bayonotlar berishda sal ehtiyotkor bo’lishi kerak.


👉 @xushnudbek 👈

⚡️Magistraturaga qabul natijalari e’lon qilindi

2022/2023-o‘quv yili uchun davlat oliy ta’lim muassasalarining magistratura mutaxassisliklariga yanvar oyi qabuli natijalari tasdiqlandi.

Talabgorlar magistraturaga qabul natijalarini magistr.edu.uz platformasidagi shaxsiy kabineti orqali bilib olishlari mumkin.


👉 @xushnudbek 👈

⚡️Toʻlov-kontrakt mablagʻlarini toʻlash muddati 15-martga qadar uzaytirildi

Bu muddat bakalavriat ta’lim yo‘nalishlari va magistratura mutaxassisliklariga:

➖to‘lov-kontrakt jumladan, tabaqalashtirilgan to‘lov-kontrakt asosida talabalikka tavsiya etilgan abituriyentlar (boshqacha aytganda 1-kurslar);
➖o‘qishi ko‘chirilgan (ko‘chirib tiklangan);
➖va qayta tiklangan talabalar uchun.

Shuningdek, kollej va texnikumlarga kirgan 1-bosqich o’quvchilari uchun ham muddat 15-martga uzaytirildi.

❗️Yuqori kurs talabalari uchun kontrakt to’lash muddatini OTM rektorlarining o’zi mustaqil belgilaydi.


👉 @xushnudbek 👈

Ravil Abduqodirov bosh vazirning maslahatchisi lavozimiga tayinlandi. Shu munosabat bilan u Vazirlar Mahkamasining Ijro etuvchi apparati boshqaruvchisi lavozimidan ozod etildi.

Abdurashid Djurabayev bosh vazir kotibiyati rahbari lavozimiga tayinlandi. Bungacha u prezident maslahatchisi o‘rinbosari edi.


👉 @xushnudbek 👈

Turkiyada zilzilalar oqibatida halok bo‘lganlar soni 35 ming 410 nafardan oshdi.


👉 @xushnudbek 👈

Vazirlar Mahkamasida yangi tayinlovlar amalga oshirildi

Prezident farmoniga asosan, Jurabayev Abdurashid Abduvoxidovich Bosh vazir kotibiyati rahbari etib tayinlandi.

Shuningdek, Vazirlar Mahkamasining qarori bilan:

Nusratbek Davrankulovich Toychiyev Bosh vazir kotibiyati rahbarining birinchi o‘rinbosari;

Davron Narimovich Kalandarov Bosh vazir kotibiyati rahbarining o‘rinbosari;

Shuxrat Muxamadjanovich Sadikov Bosh vazir kotibiyati rahbarining o‘rinbosari;

Mansurbek Bazorboyevich Jumaniyazov Bosh vazir o‘rinbosari A.J.Ramatovning kotibiyati mudiri;

Izzat Raxmatullayevich Tangriyev Bosh vazir o‘rinbosari D.A.Kuchkarovning kotibiyati mudiri;

Jamshid Abdusalamovich Abdusalamov Bosh vazir o‘rinbosari J.A.Xodjayevning kotibiyati mudiri;

Nodir Muxtorovich Dusmatov Bosh vazir o‘rinbosari Z.B.Maxkamovaning kotibiyati mudiri lavozimlariga tayinlandi.


👉 @xushnudbek 👈

Endi Bosh prokurorning yoqilg‘i-energiya resurslariga mas’ul o‘rinbosari bo‘ladi

Prezident qarori bilan Bosh prokurorning yoqilg‘i-energiya resurslaridan foydalanish sohasida qonunchilikka rioya etilishi va uning ijrosi ustidan nazoratni amalga oshirishga mas’ul bo‘lgan o‘rinbosari lavozimi joriy etildi.

Bosh prokuror o‘rinbosari:
➖ O‘zenergoinspeksiya zimmasiga yuklangan vazifa va funksiyalarni bajarishga amaliy yordam ko‘rsatadi;

➖ Bosh prokuratura huzuridagi Majburiy ijro byurosi va Iqtisodiy jinoyatlarga qarshi kurashish departamenti faoliyatini muvofiqlashtiradi.

Shuningdek, qaror bilan tegishli tashkilotlarga elektr energiyasi, gaz hamda vodoprovoddan foydalanish qoidalarini buzish orqali talon-taroj qilish holatlarini o‘g‘rilik jinoyati sifatida belgilashni nazarda tutuvchi qonun loyihasini ishlab chiqish topshirig‘i berildi.


👉 @xushnudbek 👈

Xitoy kompaniyasi O‘zbekistonda quyosh fotoelektr stansiyalarini quradi

Qashqadaryo, Buxoro va Samarqand viloyatlarida umumiy quvvati 2000 MVt bo‘lgan quyosh fotoelektr stansiyalarini qurish bo‘yicha CEEC ENERGY CHINA kompaniyasi bilan anglashuv memorandumi imzolandi.

Quyosh fotoelektr stansiyalarining ilk quvvatlari shu yil yakuniga qadar (2024-yilda to‘liq) ishga tushirilishi rejalashtirilgan.

Natijada yiliga 5,2 mlrd kVt/soat elektr energiyasi ishlab chiqarilib, 1,4 mlrd kub metr tabiiy gaz tejalishiga erishilishi kutilmoqda.


👉 @xushnudbek 👈

Qor ko‘chkisi xavfi tufayli Qamchiq dovoni avtotransport vositalari uchun soat 22:40 da vaqtincha yopildi.


👉 @xushnudbek 👈