Qor ko‘chkisi xavfi tufayli Qamchiq dovoni avtotransportlar uchun soat 13:30 da vaqtincha yopilgan.

Ayni damlarda FVV rahbarligida vaziyatni tezroq tiklash bo‘yicha choralar ko‘rilmoqda.


👉 @xushnudbek 👈

O‘zbekistonlik qutqaruvchilar Turkiyada qutqaruv operatsiyasi boshlanganidan buyon 13 nafar jarohatlangan va 38 nafar halok bo‘lganlarni vayronalar ostidan olib chiqdi.


👉 @xushnudbek 👈

❗️Rossiyadan o‘qishini ko‘chirishga ruxsat berilgan talabalar ro‘yxati

Ukraina bilan chegaradosh bo‘lgan Rossiyaning 8 ta (Kursk, Bryansk, Belgorod, Voronej, Rostov, Krasnodar, Qrim, Sevastopol) hududidagi OTMlardan o‘qishini O‘zbekistondagi davlat OTMlariga ko‘chirilishi ruxsat etilgan navbatdagi bir guruh talabalar ro‘yxati tasdiqlandi (ilovada).

💾 Ro‘yxatni yuklab olish

Ushbu ro‘yxatga kiritilgan talabalar o‘zlari hujjat topshirgan OTMning o‘qishni ko‘chirish bo‘yicha mas’ullariga uchrashishlari so‘raladi.

❗️Bu oxirgi ro‘yxat emas. Yaqin kunlarda qo‘shimcha ma’lumot e’lon qilinadi.


👉 @xushnudbek 👈

2023-yilgi “Tashabbusli byudjet” loyihasining 1-mavsumiga start berildi.

openbudget.uz sayti orqali 26-fevralga qadar tashabbus qoldirishingiz mumkin bo'ladi. Shundan so'ng 18-martga qadar ishchi guruh tashabbuslarni ko'rib chiqadi. Ovoz berish jarayoni 18-martdan 7-aprelga qadar davom etadi.

Hozirgacha (3 kun ichida) 10 mingdan oshiq tashabbuslar qoldirilgan. Ro'yxati bu yerda.

❗️Tushunmagan joyim: lekin negadir saytda "Tashabbusli byudjet"ning 1-mavsumi uchun 756,5 mlrd so'm ajratilgani yozilgan. Bu juda kam summa. Vaholanki Prezident 2023-yilda "Tashabbusli byudjet" uchun 8 trln so'm ajratilishini e'lon qilgandi. Shunda Iqtisodiyot va moliya vazirligi 1-mavsumga 756 mlrd so'm, 2-mavsumga 7 trln 244 mlrd so'm ajratmoqchimi? G'alatiku. Vazirlik shunga izoh bersa yaxshi bo'lardi.


👉 @xushnudbek 👈

Termiz yaqinida kuzatilgan yong'in bo‘yicha ma’lumot berildi

Viloyat hokimligining bildirishicha, O‘zbekiston va Afg‘oniston davlatlari chegarasidagi neytral hududda joylashgan Amudaryo ichkarisidagi kichik orolchalarda rejali tartibda yoqish ishlari olib borilgan.

Yoqishdan maqsad qamishzorlarda turli kasalliklar tashuvchisi hisoblangan zararkunanda hasharotlar ko‘payishi va yuqumli kasalliklar tarqalishining oldini olish bo‘lgan.

Yoqish tadbiri mas’ul organlarning o‘zaro kelishuvi asosida amalga oshirilib, orolchalardagi yong‘in harakatlari va ko‘lami to‘liq nazoratga olingan, deyiladi xabarda.


👉 @xushnudbek 👈

Turkiyadagi zilzilada jabrlangan 11 nafar o‘zbekistonlik Toshkentga evakuatsiya qilindi

Bugun tongda O‘zbekistondan Turkiyaga yuborilgan navbatdagi insonparvarlik yordami Hatayga yetkazildi.

Mazkur bortning ortga qaytishida zilzilada jabrlangan O‘zbekistonning 11 nafar va Qirg‘izistonning 6 nafar fuqarosi Toshkentga evakuatsiya qilindi.

O‘zbekistonlik qutqaruvchilar xarobalar orasidan olib chiqqan jasadlar soni 50 taga yetgan.


👉 @xushnudbek 👈

"Qamchiq" dovoni avtomobillar harakati uchun qayta ochildi — FVV.


👉 @xushnudbek 👈

Farmatsevtika agentligi sobiq rahbari Sardor Kariyev qamoqqa olindi

Korrupsiyaga qarshi kurashish agentligi tomonidan Farmatsevtika tarmog‘ini rivojlantirish agentligi va uning huzuridagi “Dori vositalari, tibbiy buyumlar va tibbiy texnika ekspertizasi va standartlashtirish davlat markazi” DUKda o‘tkazilgan o‘rganish yakunlariga ko‘ra aniqlangan juda ko‘p miqdordagi moliyaviy xato va kamchiliklar hamda byudjet mablag‘larining sarf qilinishida belgilangan talablarning qo‘pol ravishda buzilganlik holatlari bo‘yicha jinoyat ishi qo‘zg‘atilgan. Hozirda DXX tergov boshqarmasi tomonidan tergov harakatlari olib borilmoqda.

Shuningdek, “DOK-1 MAKS” va “AMBRONOL” siropining nojo‘ya ta’siri sababli “o‘tkir buyrak yetishmovchiligi” tashxisi bilan bolalar vafoti bo‘yicha qo‘zg‘atilgan jinoyat ishi tergovi doirasida bir qator mansabdor shaxslar qamoqqa olingan.

Xususan, to‘plangan dalillar asosida Farmatsevtika tarmog‘ini rivojlantirish agentligi hamda uning huzuridagi “Dori vositalari, tibbiy buyum va tibbiy texnika ekspertizasi va standartlashtirish davlat markazi” DUK direktori K.S. hamda sodir etilgan jinoyatlarga aloqador bo‘lgan uning bir nechta jinoiy sheriklari ish bo‘yicha gumon qilinib ushlanib, ularga nisbatan qamoq ehtiyot chorasi qo‘llangan.

Dastlabki tergov davomida sifatsiz dori vositalarini O‘zbekistonga import qilib, iste’molga chiqarilishiga ruxsat bergan mas’ullar doirasini aniqlab, harakatlariga huquqiy baho berishga qaratilgan kompleks tergov-tezkor harakatlari va tegishli ekspertizalar o‘tkazilmoqda.

Eslatib o‘tamiz, prezident Farmatsevtika agentligi rahbari Sardor Kariyevni 2022-yilning 30-dekabr kuni lavozimidan ozod qilgan edi.


👉 @xushnudbek 👈

“Tashabbusli budjet” uchun yo’naltiriladigan mablag’lar haqida ma’lumot

Iqtisodiyot va moliya vazirligining xabar berishicha, 2023-yilgi tuman va shahar budjetlarida tashabbusli budjet uchun jami 2,0 trln so‘m mablag‘ ko‘zda tutilgan bo‘lib, shundan 1 trln so‘mi 1-mavsumda ajratiladi.

Umuman olganda jamoatchilik tomonidan bildirilgan takliflarni moliyalashtirish uchun 2023-yilda budjetdan jami 8 trln so‘m mablag‘lar yo‘naltirilishi mo‘ljallangan. Shundan:

2 trln so‘m – “Tashabbusli budjet” jarayonlari uchun tuman va shahar budjetlarida rejalashtirilgan;

320 mlrd so‘m – “Mening yo‘lim” loyihasi doirasida tuman va shahar budjetlarida rejalashtirilgan;

4 trln so‘m – “Obod qishloq” va “Obod mahalla” dasturlarini jamoatchilik fikri asosida shakllantirish uchun;

1,7 trln so‘m – mahalliy budjetlar qo‘shimcha manbalarining 30 foizi hisobiga miqdoridagi mablag‘lar Fuqarolar tashabbusi jamg‘armalariga yo‘naltirilishi prognoz qilingan.


👉 @xushnudbek 👈

Prezident farmoniga ko‘ra, tadbirkorlik sub’yektlari quyidagi mezonlar asosida toifalarga ajratiladi:

➖ kichik tadbirkorlik subyektlari:
✅ yakka tartibdagi tadbirkorlar;
✅ mikrofirmalar – ta’sischilari (ishtirokchilari) jismoniy shaxslar bo‘lgan hamda jami daromadi kalendar yil davomida 1 mlrd so‘mgacha bo‘lgan tadbirkorlik subyektlari;
✅ kichik korxonalar – jami daromadi kalendar yil davomida 1 mlrd so‘mdan 10 mlrd so‘mgacha bo‘lgan hamda ushbu kichik bandning uchinchi xatboshisidagi ta’sischilari (ishtirokchilari) yuridik shaxslar bo‘lgan tadbirkorlik subyektlari;

➖ o‘rta tadbirkorlik subyektlari – jami daromadi kalendar yil davomida 10 mlrd so‘mdan 100 mlrd so‘mgacha bo‘lgan tadbirkorlik sub’yektlari;

➖ yirik tadbirkorlik subyektlari – jami daromadi kalendar yil davomida 100 mlrd so‘m va undan yuqori bo‘lgan tadbirkorlik sub’yektlari.


👉 @xushnudbek 👈

Prezidentning tegishli farmoni (PF–21-son, 10.02.2023 y.) bilan 2023-yil 1-maydan avtomobillarga gaz to‘ldirish kompressor stansiyalari va avtomobillarga gaz quyish stansiyalarida elektron o‘lchash uskunalari va onlayn video kameralarini o‘rnatish hamda ularni soliq organlarining axborot tizimlari bilan integrasiya qilish majburiy bo‘ladi.


👉 @xushnudbek 👈

Turkiyada zilzila oqibatida halok bo‘lganlar soni 20 ming nafarga yaqinlashdi, jarohatlanganlar esa 77 mingdan ko‘proq.


👉 @xushnudbek 👈

❗️O‘zbekistonlik qutqaruvchilar Turkiyadagi zilziladan omon qolgan yana bir insonni qutqarishdi

Uning ismi Naim Bayasli bo‘lib, u 32 yoshda.

Naim zilzilalardan 102 soat o‘tib, Hatay viloyatidagi bino vayronalari ostidan qutqarib olindi.

O‘zbekistonlik qutqaruvchilar 4 kundan buyon tinimsiz ishlamoqda. Hozirgacha 14 nafar jabrlangan va 70 ga yaqin halok bo‘lganlar vayronalar ostidan olib chiqildi.

Manba: O‘zA


👉 @xushnudbek 👈

Toshkentda 9 balli zilzilalar bo’lishi mumkin bo’lgan hududlar ro’yxati haqidagi xabarlarni Favqulodda vaziyatlar vazirligi rad qildi.

“Vazirlik tomonidan bu ma’lumot e’lon qilinmagan”, — deyiladi xabarda.


👉 @xushnudbek 👈

Turkiyada zilzilalar oqibatida halok bo‘lganlar soni 24 ming 617 nafarga yetdi, jarohatlanganlar esa 80 mingdan ko‘proq.


👉 @xushnudbek 👈