Машҳурлашиб бораётган «инновацион» китоблар: тил ўрганиш воситасими ё лотерея?

KunUz сўнгги вақтларда хорижий тилларни тез ва инновацион методлар орқали ўргатишда фойдаланиш мумкинлиги ҳақида реклама қилинаётган китоблар устида кичик суриштирув ўтказибди.

Booknomy ёки Tedbook каби лойиҳаларга ҳозир мен мутлақо ишонмайман. Шунчаки лотереяга ўхшаш ўйин эвазига рекламанинг кучи билан катта миқдорда сотувга эришмоқда. Одамларимиз содда, уларга текин машина, текин совға, умуман текин нарсалар жуда ва жуда ёқади. Ваҳоланки улар текинга эмас, фалон суммага нархига арзимайдиган китоб сотиб олиши кераклигини эса хаёлига келтирмайди.

Ушбу китоблардан сотиб олмоқчи бўлаётганлар, KunUz мақоласини диққат билан ўқиб чиқинг, видеони албатта кўринг. Шунда фақат эшитиб 6 ой ичида хорижий тилни ўрганиб бўлмаслигини, бу шунчаки сафсата эканлигини тушуниб етасиз.

Бундан ташқари инглиз тилини ўргатадиган Booknomy деган китобнинг муаллифининг ўзи инглиз тилини билмаслигини билиб оласиз. Ахир бу майнавозчилик эмасми? Содда халқнинг устидан кулиш эмасми?

Бу каби мисоллар жуда кўп. Хулоса ўзингиздан.

👉 Мақолани ўқиш

📹 Видеони кўриш


👉 @xushnudbek 👈

Тошкент вилоятидаги бозор ва жамоат жойларида назорат кучайтирилади

Тошкент вилоятида аҳоли гавжум бўладиган бозор ва савдо мажмуалари, жамоат жойлари ва жамоат транспортларида карантин қоидаларига риоя қилиш устидан назорат кучайтирилади.

Шу муносабат билан вилоят ҳокимлиги аҳолига мурожаат билан чиқди:

«Ҳурматли Тошкент вилояти аҳолиси ва меҳмонлари! Мавжуд вазиятдан келиб чиқиб, ўзингиз ва ўзгалар соғлиғини асраш, вилоят ҳудудида касаллик тарқалишини олдини олиш учун, белгиланган карантин қоидаларига қатъий амал қилишингизни сўраймиз», дейилади вилоят ҳокимлиги расмий сайтида.


👉 @xushnudbek 👈

Испания 4 кунлик иш ҳафтасини жорий қилмоқчи. Бу иш ҳақига таъсир қилмайди

Мамлакатда 1 ҳафтада 3 кунни дам олиш қилиб, ишни 32 соатга тушириш режалаштириляпти. Ҳозир синов 3000–6000 ходим ишлайдиган 200га яқин компанияда ўтказиляпти, - демоқда XPress.

Тажриба 3 йил давом этади. Биринчи йилда компаниялар зарарининг 100 фоиз, иккинчи йил 50, учинчи йилда эса 33 фоизини давлат қоплаб беради. Тажриба ўзини оқласа, бутун Испания 4 кунлик иш ҳафтасига ўтиши мумкин.

Бу билан иш сифати, ходимлар руҳий саломатлигини яхшилаш кўзда тутилган. Ишчиларнинг 1 кун кам ишга бориши иқлим ўзгаришига қарши курашда ёрдам бериши айтилмоқда.

P.S.: Ўзбекистон ҳам шу каби ишларни бошласа яхши бўларди. Яъни бошланишига дам олиш кунлари ишга чиқмайдиган қилиб, ходимларни, айниқса минглаб давлат хизматчиларини ҳеч бўлмаса, ана боринг соат 20:00 да (18:00 десам фантастика бўлса керак) кетадиган қила олсак ҳам, катта ютуқ бўлардиёв. Айтмоқчиманки, ходимларга қанақадир енгиллик ҳам шартмас, шунчаки Меҳнат кодексига амал қилишни ўрганволсак, дўппимизни осмонга отардик.


👉 @xushnudbek 👈

Адлия вазири Русланбек Давлетов Сенат ялпи мажлисида интернет трафиги қимматлиги ҳақида айрим маълумотларни берган эди. Жумладан, Ўзбекистонда 1 ГБ мобил интернет трафиги 16 минг сўм ва бу жаҳонда 54-ўриндалиги, интернет тезлиги бўйича эса 128-ўриндалигимиз, шунингдек Ўзбекистонда аҳолининг интернет қамрови атиги 51 фоиз ва бу 21-аср учун уятлигини айтганди.

Ахборот технологиялари ва коммуникацияларини ривожлантириш вазирлиги бу бўйича баёнот берди.

Унда айтилишича, Русланбек Давлетов юқоридаги маълумотларни cable.co.uk ресурсидан олган ва бу 2020 йилнинг феврал ойида шакллантирилган бўлиб, ҳозирги кундаги кўрсаткичларга мос келмайди.

АКТ вазирлиги 2021 йилнинг март ойи ҳолати бўйича Ўзбекистонда фаолият юритувчи мобил алоқа операторларининг 1 Гигабайт интернет трафик учун энг қиммат, энг арзон ва ўртача нархларига тўхталиб ўтди.

«Бугун аҳолининг ойлик ўртача интернет сарфи 4-5 гигабайтни ташкил этади. Айнан шу асосда амалдаги мобил интернет пакетлари нархлари таҳлил қилинганда 1 ГБ ҳажмдаги мобил интернет хизматининг ўртача нархи 6-7 минг сўмни ташкил этмоқда», дейилади АКТ вазирлиги хабарида.


👉 @xushnudbek 👈

Негадир Ўзбекистонда UzAutoMotors автомобилларини кўп сотиб олишар экан. Қизиқ факт, шундай эмасми?

Давлат статистика қўмитасининг маълумотларига кўра, 2021 йилнинг 1 январь ҳолатига Ўзбекистон бўйича жисмоний шахсларга тегишли бўлган энг оммалашган енгил автомобиллар сони қуйидагича:

✅ Nexia - 637 547 дона;

✅ Damas - 429 404 дона;

✅ Matiz - 288 685 дона;

✅ Lacetti - 282 929 дона;

✅ Cobalt - 267 948 дона.

Юқоридаги рўйхатга қарар эканмиз, қизиқ фактни кўришимиз мумкин. Негадир ўзбекистонликлар асосан UzAutoMotors (GM) компанияси машиналарини сотиб олишар экан. Бошқа брендлар, масалан, Hyundai, Toyota, BMW, Mercedes, KIA, Volkswagen, Ford, Şkoda ва бошқа маркадаги автомобилларни унчалик хушламас экан. Қизиқ, бунинг сабаби нима экан-а? Нега бошқа машиналарни сотиб олмаймиз?

❗️Менимча, бунинг сабаби битта: GM машиналари ҳам сифати, ҳам нархи бўйича бутун ўзбекистонликларнинг кўнглидан жой эгаллаган, ўшанинг учун ҳам бу машиналар халқимизнинг энг севимли уловига айланиб улгурган. Қолган компанияларга эса уят, соғлом рақобатда ютқазиб қўйишмоқда. Қандай ишлашни UzAutoMotors'дан ўрганишса бўларди, шундай эмасми?

#номингўчсинмонополия


👉 @xushnudbek 👈

❗️ЭСКИ ХАБАРЛАРГА ИШОНМАНГ!

Шу кунларда Телеграм гуруҳларида ўтган йили каналимда эълон қилинган эски хабарлар яна қайта тарқатилмоқда.

Биринчиси - 16 мартдан карантин эълон қилиниши ҳақидаги овозли хабар (t.me/xushnudbek/4618). Бу 2020 йил 15 март кунги хабар эди.

Иккинчиси - 27 мартдан ҳудудлараро транспорт воситалари ҳаракати тўхтатилар экан, деган хабар (https://t.me/xushnudbek/4824). Бу 2020 йил 27 мартдаги хабар.

❗️Жорий йилда карантин қайта эълон қилиниши ҳозирча кутилмаяпти (илоҳим, бунга эҳтиёж ҳам бўлмасин).

Агар эълон қилинса ҳам, расмий манбаларни кузатиб боринг ва уларга ишонинг.

Ўзи умуман ўтган йили эълон қилинган хабарлар энди тез-тез Телеграмда айланади. Масалан, фалон кундан жамоат транспорти чекланаркан, пистон кундан кўчага умуман чиқиб бўлмас экан ва ҳ.к. Бунақа хабарларга дарров ишониш ва ҳаммага ваҳима қилиб тарқатишдан олдин маълумотни текшириб кўришни ўргансак яхши бўларди.

Раҳмат!


👉 @xushnudbek 👈

Қоравой волейболни яхши ўйнолмас экан, шеригини уялтириб қўйди 😊

Бир латифа эсимга тушиб кетди:

Бир инсон ити билан шахмат ўйнаб ўтирса, қўшниси келиб “Ия, қўшни, бу жуда ақлли ит эканку, шахмат ўйнашни биларкан-а?” деса, ҳалиги одам “Қанақасига ақлли бўлсин, 2:1 ютқазяпти-ку” деган экан.



👉 @xushnudbek 👈

❓Наврўз байрамида ўзбекистонликлар неча кун дам олишади?

Жорий йилги Наврўз байрамида иш ҳафтасининг давомийлигидан қатъи назар барча ходимлар кетма-кет 3 кун дам олишади. Бу ҳақда ЎзА хабар бермоқда.

Иш ҳафтасининг давомийлигидан қатъи назар Наврўз байрамида барча ходимларга қуйидаги саналар дам олиш куни ҳисобланади:

20 март – шанба (барча ходимлар учун дам олиш куни);
21 март – якшанба (Наврўз байрами);
22 март – душанба (барча ходимлар учун дам олиш куни - 27 март (шанба)даги дам олиш куни кўчирилган).

27 март - шанба куни барча ходимлар учун, жумладан ҳафтасига 5 кун ишлайдиган ходимлар учун ҳам иш куни бўлади.


👉 @xushnudbek 👈

Жаҳон соғлиқни сақлаш ташкилоти «AstraZeneca» вакцинасидан фойдаланишни тавсия қилди

Бугунги кунда кенг муҳокама қилинаётган AstraZeneca вакцинаси юзасидан ЖССТ ўзининг дастлабки баёнотини берди.

ЖССТнинг фикрича, «AstraZeneca» вакцинасининг хавфидан кўра фойдаси юқорироқ. Айрим Европа давлатлари эмланган инсонларда қон-томирлари ва тромблар билан боғлиқ муаммо келиб чиққани учун, эмлаш жараёнини тўхтатиб турганди. ЖССТ эса ушбу ҳолат айнан вакцина билан боғлиқлиги тасдиқланмагани учун эмлашни давом эттиришни тавсия қилди.

Эслатиб ўтамиз, Санитария-эпидемиологик осойишталик ва жамоат саломатлиги хизмати раҳбари Баҳодир Юсупалиев ҳеч ким аҳолини қайсидир вакция билан мажбурлаб эмламаслигини маълум қилган эди.

«Хоҳласангиз мана AstraZeneca/Oxford, хоҳласангиз хитой вакцинаси, хоҳласангиз Ўзбек-Хитой ёки хоҳласангиз «Спутник V» вакцинаси. Ихтиёрий равишда эмланади», — деган эди Баҳодир Юсупалиев.


👉 @xushnudbek 👈

❗️Бу йилги тест синовлари ҳам стадионлар ва хиёбонларда ўтказилиши мумкин

АОКАда бўлган матбуот анжуманида ДТМ бошқарма бошлиғи Фарҳод Мирзаевнинг айтишича, айни пайтда ДТМ томонидан тестларни ўтказиш бўйича икки хил сценарий устида иш олиб борилмоқда;

👉 Тест синовларини анъанавий шаклда катта сиғимли биноларда ўтказиш;

👉 Пандемия шароитида тест синовларини 2020 йилдаги каби очиқ майдонларда ўтказиш.

❗️Бунинг учун тест синови ўтказиладиган жойлар танланиб, режа-чизмалари тайёрланди. 50 460 нафар абитуриент учун мўлжалланган 103 та катта сиғимли ёпиқ бино, 60 570 нафар абитуриентга мўлжалланган 66 та стадион ва хиёбон тайёрланяпти.


👉 @xushnudbek 👈

Байрам тадбирлари ижтимоий масофани сақлаган ҳолда ўтказилади

Махсус комиссиянинг қарорига кўра, Наврўз умумхалқ байрами тадбирларини ўтказишда қуйидагиларга аҳамият бериш лозимлиги белгиланди:

➖ байрам тадбирларини об-ҳаво шароитини инобатга олган ҳолда очиқ жойларда, яъни боғлар, хиёбонлар ва ўйингоҳларда ўтказиш;

➖ байрам тадбирларида аҳолини кўп тўпламаслик ва ташриф буюрувчилар ниқобда бўлишлари ҳамда ижтимоий масофани сақлашлари устидан назоратни ўрнатиш;

➖ аҳоли гавжумлигининг олдини олиш мақсадида тадбирларни кичик ҳажмда маҳаллаларда ташкил этиш чораларни кўриш.

Шунингдек, Махсус комиссия йиғилишида сўнгги кунларда аҳоли ўртасида коронавирус инфекцияси билан касалланиш ҳолатлари ортганлиги таъкидланган.


👉 @xushnudbek 👈

Шавкат Мирзиёев журналист Азиза Қурбонованинг "Шоввозсой" дам олиш зонаси ҳақидаги саволига жавоб берди.

Манба: @qurbonova_a


👉 @xushnudbek 👈

Тошкент метрополитенида иккита поезд тўқнашиб кетди

Кеча, 18 март куни, соат 20:10 ларда Тошкент метрополитенидаги «Олмазор» ва «Сирғали» метро йўналишининг «Бекат-1» бекатлари оралиғида иккита таркиб орасида тўқнашув содир бўлди.

«Чоштепа» ер усти метро бекати томон ҳаракатланиб кетаётган 5-сонли поезд техник сабабларга кўра (2 пикетнинг 1 кмда) тўхтаб қолган. Йўналишда унинг ортидан келаётган 9-сонли поезд тўхтаб турган вагонга бориб урилган.

ФВВнинг хабар беришича, жабрланган ва ҳалок бўлганлар йўқ, ёнғин чиқмаган ва вагонларга катта зарар етмаган.

P.S.: Бунақасини биринчи марта кўришим рости. Киноларда ҳам метро бир-бир билан тўқнашганини кўрмаган эканман.


👉 @xushnudbek 👈

Президент Тошкент вилоятининг собиқ ҳокими Рустам Холматов ҳақида:

- Холматов ҳаракат қилди, лекин, ҳозирги талабга жавоб бериш мушкуллигини англаб, ўзи ариза ёзди. Бу ҳам мардлик. Бирорта ҳоким ўзи ариза ёзмайди, чунки мансаб ёқади. Лекин, аравани тортмайди. Шунинг учун Холматовга муносиб иш бердик.

Манба: “Тошкент ҳақиқати” газетаси


👉 @xushnudbek 👈

Нурафшон шаҳрида бўлиб ўтаётган халқ депутатлари Тошкент вилояти кенгашининг сессиясида Даврон Хидоятов вилоят ҳокими этиб тасдиқланди.

Бунгача у вилоят ҳокими вазифасини бажарувчи сифатида ишлаб келаётган эди.


👉 @xushnudbek 👈

Европа чемпионлар лигасида чорак финал жуфтликлари маълум бўлди:

➖ Манчестер Сити - Боруссия (Дортмунд)

➖ Порту - Челси

➖ Бавария - ПСЖ

➖ Реал - Ливерпуль

Чорак финалнинг илк ўйинлари 6-7 апрель, жавоб ўйинлари эса 13-14 апрель саналарида бўлиб ўтади.

❓Сизнингча, қайси жуфтликнинг ўйини бошқаларидан қизиқроқ бўлади?


👉 @xushnudbek 👈

Бироздан сўнг, аниқроғи соат 20:30 да МиллийТВ телеканали орқали «Заковат» интеллектуал клуби томонидан ташкил қилинган брейн-ринг турнири финалини томоша қилишингиз мумкин бўлади.

Имконингиз бўлса, томоша қилинг, жуда қизиқ билимлар жангги бўлганди.


👉 @xushnudbek 👈

Эртадан ўзбекистонликлар учун кетма-кет 3 кунлик дам олиш кунлари бошланади:

20 март – шанба (барча ходимлар учун дам олиш куни);
21 март – якшанба (Наврўз байрами);
22 март – душанба (барча ходимлар учун дам олиш куни - 27 март (шанба)даги дам олиш куни кўчирилган).


👉 @xushnudbek 👈

Президент фармони: 140 нафар фуқаро афв этилди

“Наврўз” умумхалқ байрами арафасида яна 140 нафар фуқаро афв этилди.

Афв этилган шахсларнинг:
- 4 нафари асосий жазодан тўлиқ озод этилди;
- 69 нафари жазони ўташдан муддатидан илгари шартли озод қилинди;
- 8 нафарининг озодликдан маҳрум этиш жазоси енгилроқ жазо билан алмаштирилди.

Шунингдек, 59 нафар шахсга тайинланган озодликдан маҳрум этиш жазосининг муддатлари қисқартирилди.

Афв этилганларнинг 12 нафарини чет эл фуқароси, 9 нафарини 60 ёшдан ошган шахс, 13 нафарини аёл ҳамда 14 нафарини тақиқланган ташкилотлар фаолиятида қатнашган шахс ташкил этади.

Манба: ЎзА


👉 @xushnudbek 👈

❗️ЭСКИ ХАБАРЛАРГА ИШОНМАНГ!

Шу кунларда Телеграм гуруҳларида ўтган йили каналимда эълон қилинган эски хабарлар яна қайта тарқатилмоқда.

Биринчиси - 16 мартдан карантин эълон қилиниши ҳақидаги овозли хабар (t.me/xushnudbek/4618). Бу 2020 йил 15 март кунги хабар эди.

Иккинчиси - 27 мартдан ҳудудлараро транспорт воситалари ҳаракати тўхтатилар экан, деган хабар (https://t.me/xushnudbek/4824). Бу 2020 йил 27 мартдаги хабар.

❗️Жорий йилда карантин қайта эълон қилиниши ҳозирча кутилмаяпти (илоҳим, бунга эҳтиёж ҳам бўлмасин).

Агар эълон қилинса ҳам, расмий манбаларни кузатиб боринг ва уларга ишонинг.

Ўзи умуман ўтган йили эълон қилинган хабарлар энди тез-тез Телеграмда айланади. Масалан, фалон кундан жамоат транспорти чекланаркан, пистон кундан кўчага умуман чиқиб бўлмас экан ва ҳ.к. Бунақа хабарларга дарров ишониш ва ҳаммага ваҳима қилиб тарқатишдан олдин маълумотни текшириб кўришни ўргансак яхши бўларди.

Раҳмат!


👉 @xushnudbek 👈