Якшанба ҳикмати:

Қаердан бошлаганингиз эмас, қандай тугатишингиз муҳим.


👉 @xushnudbek 👈

Ижтимоий тармоқларда пиёдалар йўлакчасидан югуриб ўтаётган пиёдага йўл бермасдан, уни уриб юборган қоидабузар “Матиз” ҳайдовчиси ҳақида видео тарқалди. Албатта, бунақа видеоларни кўриш аянчли. Ҳайдовчилар ҳам, пиёдалар ҳам йўлларда қоидага риоя қилишлари керак.

❗️Ҳайдовчилар пиёдалар йўлакчаси яқинида тезликни камайтириши, пиёдаларга албатта йўл бериши, пиёдалар эса фақат белгиланган жойлардан йўлни кесиб ўтиши ва йўлдан югуриб ўтмаслиги керак.

Бир пайтлар пиёдалар учун ўлим хавфи бор тузоқлар ҳақидаги роликни ўзбек тилига таржима қилгандим. Ўша роликда бу ҳақда аниқ мисоллар келтирилган.

Роликнинг тўлиқ версияси: https://t.me/xushnudbek/2293

Кўринг. Хулоса қилинг. Дўстларингизга ҳам юборинг.


👉 @xushnudbek 👈

Президент матбуот хизмати Бухорога ташрифга оид жуда қизиқ репортаж тайёрлабди. 25 дақиқалик репортажнинг энг қизиқ жойларини 5 дақиқада жамлашга ҳаракат қилдик.

Мундарижа:

00:01 - Олот туманидаги вертолёт майдончасида Президентни 3 киши кутиб олди

00:11 - Олот туманига Очилбой Раматов шахсан масъул этиб тайинланди;

00:36 - «Мулоқотда ҳақиқат, қарсакда ҳақиқат йўқ. Қарсакда ҳақиқат бўлганда биз жуда буюк бўлиб кетардик»

00:57 - «Камроқ гапиринг. Менга баландпарвоз гаплар ёқмайди»

01:10 - «Қайси тилда гапирсанг ҳам майли, “подводить” қилмасанг бўлди»

01:53 - Бухоронинг янги прокурори М.Истамовга: «Прокурорга одамлар ёруғ юз билан қарай олсин, ўғрига ўхшаб қараши керакмас»

02:07 - Тадбиркор: «Бу помидорлар Ўзбекистонники эканлигига ишонишмайди»

02:39 - Энг ёш дастурчи Самира билан суҳбат

03:04 - «Ота-оналарингизга мени номимдан раҳмат айтинглар»

03:36 - Президент уйга пойабзалини ташқарида ечиб кирди

04:04 - чой узатиш маросимида барчасини назорат қилган уддабурон буви😊


👉 @xushnudbek 👈

​❗️"Генеральная доверенность" мулк ҳуқуқини бермайди!

Хусусий амалиёт билан шуғулланувчи нотариуслар томонидан амалга оширилган нотариал ҳаракатлар тўғрисида маълумот бергандик.

Ўша статистикада бир жиҳат эътиборимни тортди. 2020 йил давомида берилган ишончномалар сонига эътибор берсак, 400 мингдан ошиқ тасарруф этиш ҳуқуқи билан ишончномалар берилган. Яъни халқ тилида айтганда "генеральная доверенность". Бу жуда катта рақам албатта.

Бизда бир анъана бор. Кўпчилик уй ёки машинани олди-сотди қилган бўлса ҳам, лекин буни тегишли расмийлаштирмасдан "генеральная доверенность" олиш билан чекланади ва шу билан "мулк меники", деб хотиржам юраверишади.

Аммо "генеральная доверенность" мулк ҳуқуқини бермайди! Исталган пайт ишончнома берган шахс буни бекор қилиши ва мулкни олиб қўйиши мумкин.

Бундай амалиёт шаклланганининг бир қанча сабаблари бор, албатта. Энг аввало олди-сотди қилиш жараёнининг қимматлиги бунга сабаб бўлади. Айниқса автомобил олди-сотдиси камида 3-4 млн сўмга айланиб кетади ва даҳмазаси, қоғозбозлиги катта.

Биргина солиштириш учун: 80 кв.м.ли уйни олди-сотди қилишда давлат божи атиги 223 минг сўм. Аммо 80 от кучига эга автомашинани олди-сотди қилишда давлат божи 1 млн 338 минг сўм. Яна қўшимчасига Йўл фондига отнинг калласидай тўлов ҳам бор! Шунча пул олинадиган йўлларимизнинг аҳволига эса маймунлар йиғлайди! Бу қип-қизил қароқчилик эмасми?!

Бундай катта тўловларни камайтириш керак. Шунда амалиётда мулк можаролари, фирибгарлик ҳолатлари бирмунча камайган бўлар эди.

Уй-жой учун бериладиган ишончномалар сони кўплиги эса узоқ йил давомида ўрнатилган прописка тақиқларига боғлиқ эди. Аммо бугунга келиб, бу муаммо ҳал бўлган. Боз устига юқорида айтилганидек, кўчмас мулк олди-сотдисида давлат божлари анча арзонлаштирилган. 100 кв.м.гача бўлган уйлар узоғи 300-400 минг сўмга айланади. Шу сабаб уй олишда айрим вазиятларни ҳисобга олмаганда, умумий ҳолатда "генеральная доверенность" расмийлаштиришга сунъий тўсиқлар йўқ, менимча.


👉 @xushnudbek 👈

Юқоридаги постга қолдирилган изоҳлардан бири.

Парламент ва Вазирлар Маҳкамаси бу масалани ўйлаб кўришса ёмон бўлмасди. Ўрнатилган жуда юқори давлат божлари ҳамда таги тешик йўл фондига тўланадиган маблағлар жамиятда қонунсизликни кучайтириб, мулк ҳуқуқи дахлсизлигига путур етказмоқда.

Ишончноманинг яна бир муаммоси, машинанинг янги эгаси қоидаларни бузиб, фотокамераларга тушиб қолса, эски эгасига жарима келади. Жарима вақтида тўланмаса МИБдан келишади. "Машинамни сотганман, рулда мен эмасдим" деса ҳам, МИБдагилар "машина сизнинг номингизда, жарима сизга чиққан" дейишади. Энди ё машинанинг янги эгаси билан судлашиш керак, ё мана сенга, деб ишончномани бекор қилиш керак.

Хуллас, қарабсизки аҳоли орасида жанжал ва можаро катталашиб кетаверади.

Айтишларича, юқори давлат божлари бир пайтлари жонажон монопол компаниямизни қўллаб-қувватлаш мақсадида ўрнатилган. Яъни иккиламчи машина бозорида сунъий қийинчилик юзага келтириш учун.

Ўртоқлар, бу нархларни инсоф билан ўйлаб кўриш вақти келди.


👉 @xushnudbek 👈

⚡️Сайловларни октябрь ойида ўтказиш ҳақида қонун лойиҳаси кўриб чиқилмоқда

Бугун Олий Мажлис Қонунчилик палатасининг навбатдаги мажлиси бўлиб ўтди. Унда депутатлар “Сайлов қонунчилиги такомиллаштирилиши муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги қонун лойиҳасини биринчи ўқишда кўриб чиқди.

Амалдаги қонунчиликка мувофиқ, Президентлик сайлови, Олий Мажлис Қонунчилик палатасига ҳамда маҳаллий вакиллик органларига сайловлар тегишинча уларнинг конституциявий ваколат муддати тугайдиган йилда — декабрь ойи учинчи ўн кунлигининг биринчи якшанбасида ўтказилади. Бу эса сайловлардан кейинги сиёсий тадбирларни ўтказиш, жумладан, Давлат дастурини қабул қилиш ва бошқа ислоҳотларнинг кечиктирилишига сабаб бўлади, дея таъкидланибди бугунги мажлисда.

Шу боис, қонун лойиҳасига кўра, сайловларни октябрь ойи учинчи ўн кунлигининг биринчи якшанбасида ўтказиш таклиф этилмоқда.

❓Бизда бу қонунга оид айрим саволлар пайдо бўлди. Нима учун қонун лойиҳаси жамоатчиликнинг очиқ муҳокамасига қўйилмасдан, Олий Мажлисга кўриб чиқиш учун киритилган? Ахир бу қонун Бош қомусимиз бўлган Ўзбекистон Конституциясига ўзгариш киритишни талаб этадику! Яна ўша эски ҳолат такрорланяпти шекилли. Бирор жойда матни эълон қилинмаган ва оммавий муҳокама бўлмаган қонун билан Конституцияга ўзгариш киритишмоқчими?

Ёки бирор жойда қонун лойиҳаси матни эълон қилиндию, мен кўрмай қолдимми? Унақа бўлса, олдиндан узр сўрайман. Фақат ўша очиқ эълон қилинган жойга манба беришсин, бир кўриб чиқайлик, агар сир бўлмаса, албатта.


👉 @xushnudbek 👈

Қонун лойиҳаси жамоатчилик муҳокамасига қўйилди

Олий Мажлис Қонунчилик палатаси томонидан сайлов тизимини такомиллаштиришга оид қонун лойиҳаси муҳокамага қўйилди.

👉 http://parliament.gov.uz/uz/laws/discussed/33438/

Қонунчилик палатаси хабарида айтилишича, қонун лойиҳаси билан назарда тутилаётган янгиликлар Марказий сайлов комиссияси, Қонунчилик палатаси депутатлари, Сенат аъзолари, шунингдек қатор мутасадди идора ва ташкилотлар иштирокида муҳокама қилинган, шу жумладан 2020 йилнинг май-июнь ойларида лойиҳа бўйича жамоатчилик муҳокамаси ташкил этилган (айни карантин ва локдаун пайтида жамоатчилик муҳокамасини қилишган экан, қизиқ).

Қонун лойиҳаси билан:

➖ Ўзбекистон Конституцияси;
➖ “Референдум якунлари ҳамда давлат ҳокимияти ташкил этилишининг асосий принциплари тўғрисида”ги Конституциявий Қонун;
➖ “Сиёсий партияларни молиялаштириш тўғрисида”ги қонун;
➖ Сайлов кодексига ўзгартиш ва қўшимчалар киритилмоқда.

Мазкур қонун лойиҳасини такомиллаштириш бўйича таклифларингиз бўлса, қуйидаги манзилга (demokratkom@parliament.gov.uz) жўнатишингиз мумкин.


👉 @xushnudbek 👈

Конституцияга қуйидагича ўзгариш киритиш таклиф этилмоқда:

«117-модданинг иккинчи қисмидаги «декабрь ойи» деган сўзлар «октябрь ойи» деган сўзлар билан алмаштирилсин».

Бошқа ҳеч қандай ўзгариш йўқ. Қонун лойиҳасидаги бошқа таклифлар асосан сайлов тизимидаги айрим техник ўзгаришлар билан боғлиқ.

Лойиҳа билан танишиб чиқинг, агар таклифларингиз бўлса белгиланган электрон манзилга юборинг.


👉 @xushnudbek 👈

Бугун, 26 январь - божхона органлари ходимлари куни.

Фурсатдан фойдаланиб, ушбу соҳада фаолият олиб бораётган барча божхоначиларни чин қалбдан табриклайман. Юрт равнақи йўлида фидойилик билан хизмат қилишдан чарчаманг!

Маълумот учун: божхона органлари ходимлари куни 2018 йил 22 декабрдаги Қонун билан белгиланган.


👉 @xushnudbek 👈

Ижара азоби

Дўстимиз Феруз Муҳаммад ижара азоблари ҳақида яхши репортаж тайёрлабди. Ўзим қатнашганлигим учун яхши демаяпман. Аксинча, мен асосан ҳуқуқшунос сифатида ўз фикримни айтганман холос.

Лекин машҳур диний уламо Саййид Раҳматуллоҳ Термизий, маҳоратли журналист Нозима Воҳидова, маърифий чиқишлари билан танилган Абдукарим Мирзаев, актёр Аҳрор Қўшматов, "Азон китоблари" нашриёти бош муҳаррири Ҳусан Мақсуд каби юртдошларимиз ижарада туриш қийинчиликлари, ўз бошидан ўтган ибратли воқеалар ва фойдали насиҳатлар билан ўртоқлашган.

Ушбу репортажни ижара берувчиларга ҳам, ижарада турувчиларга ҳам кўришни тавсия этаман.

👉 Тўлиқ видео: https://youtu.be/ZH1W2P_YTCo

⚡️Республика махсус комиссияси қарорига биноан, халқимизнинг маданий ҳордиқ чиқаришлари учун қулай шароит яратиш мақсадида концерт-томоша тадбирларини жорий йилнинг 28 январидан бошлаб санитария-эпидемиологик талабларга қатъий риоя этган ҳолда ташкил этишга рухсат берилди.

Шунингдек, ушбу қарор билан умумий овқатланиш корхоналари ва кўнгилочар объектлар томонидан соат 8:00 дан 23:00 гача бўлган даврида фаолият юритиши билан боғлиқ бўлган чекловлар бекор қилинди.


👉 @xushnudbek 👈