Кўпчилик яқинда старт берган Metsenat.uz лойиҳамиз ҳақида сўраётгани учун яна бир бор батафсилроқ маълумот бериб ўтмоқчиман.

Тўғри, бироз узунроқ аудио бўлди, лекин имконингиз бўлганда эшитиб қўйсангиз, хурсанд бўлар эдим.

Яна бир бор саховатпеша меценатларни ҳамкорликка чорлаб қоламиз.

Фикр-мулоҳаза ва таклифлар бўлса, изоҳларда қолдиришингиз мумкин.


👉 @xushnudbek 👈

Тошкент вилоятида уй қамоғидаги шахснинг зиёфатида қатнашган судья кўп ўтмай уни озодликка чиқарди

Олий судда 30 ноябрь куни бўлиб ўтган конференцияда Коррупцияга қарши курашиш агентлиги директори ўринбосари Умида Тўхташева судьяларнинг жиноий унсурлар билан киришиб кетиш ҳолатлари учраб турганини айтиб ўтди, дея хабар бермоқда «Дарё» мухбири.

«Масалан, 2020 йил май ойида Тошкент вилояти шаҳарларидан бирининг судьялари Л.Н ва Р.О. карантин қоидаларини қўпол равишда бузган ҳолда, жиноий унсурлар вакили, бир неча марта судланган Д.Н.нинг туғилган кунини нишонлаш учун кафеда 100 нафардан ортиқ шахс иштирокида ташкил этилган зиёфатга борган.

Эътиборлиси – судьялар Д.Н.нинг ўша вақтда навбатдаги жинояти учун озодликни чеклаш жазосини ўтаётганлигидан хабардор бўлган. Ачинарлиси, мазкур судья маҳкум Д.Н.га нисбатан қўзғатилган жиноят ишини кўриб чиқиб, уни озодликка чиқарган», – деди Коррупцияга қарши курашиш агентлиги директори ўринбосари.

Айтилишича, агентлик ташкил этилганидан буён фуқаролардан йўллаган мурожаатларнинг энг кўп қисми, яъни 20 фоизи суд қарорлари юзасидан келиб тушган.


👉 @xushnudbek 👈

Ўзбекистон хориждан 781,7 минг дона мобил телефон импорт қилди

Давлат статистика қўмитаси маълумотларига кўра, жорий йилнинг 1 ноябрь ҳолатига кўра, мамлакатимизга қиймати 64,6 млн. AҚШ долларига тенг бўлган 781,7 минг дона мобил телефонлари импорт қилинган.

Ўтган йилнинг шу даврида 79,9 мингта телефон ҚОНУНИЙ йўл билан импорт қилинган эди, қолганлари ўғринча ва яширин йўллар билан кирган ҳамда сотилган. Демак, қонуний йўллар билан телефон кириши тахминан 10 бараварга ошган. Ёки бошқача айтганда ўтган йили чегараларимиз орқали шунча телефон худди шамолдаги чанг каби кўзга кўринмасдан ўтиб кетган ва чегара ҳамда божхона органлари буни сезмай қолган (ажойиб!).

Ўзбекистон жорий йилда жами 19 та давлатдан мобил телефонлар импорт қилган, улар орасида Хитой, Вьетнам, Ҳиндистон, БАА, Россия давлатлари етакчи.


👉 @xushnudbek 👈

Боғчалардаги талон-торож ҳақида

Мактабгача таълим вазири масъули тизимда аниқланган талон-торож ҳолатлар ҳақида маълумот берди.

Асосан иш ҳақига ажратилган маблағларнинг ноқонуний ва ортиқча сарфланишига йўл қўйиш ҳолатлари аниқланмоқда: 2019 йилда 9,4 млрд сўм, 2020 йилнинг 10 ойида 8,5 млрд сўм иш ҳақи маблағлари ноқонуний тўланган.

Озиқ-овқат харажатларига ажратилган маблағларнинг ноўрин сарфланиши эса 2019 йилда 6,2 млрд сўм, 2020 йилда 3,6 млрд сўмни ташкил қилган.

2019 йилда 750 нафар, 2020 йилда 446 нафар «ўлик жон» аниқланган.

“Ўлик жонлар» мактабгача таълим тизимидаги энг катта муаммолардан бири. «Ўлик жонлар» – мактабгача таълим ташкилотига турли лавозимларга расмийлаштирилган, лекин аслида ташкилотда ишламайдиган ходимлар. Бу йўл билан боғча мудираси «ўлик жон» ходимларга ёзилган иш ҳақларини ноқонуний ўзлаштиради, ишламайдиган «ўлик жон» ходимлар эса ноқонуний меҳнат стажига эга бўлади”, - деган вазирликнинг Ички аудит, молиявий ва ҳуқуқий назорат хизмати бошлиғи Дилшод Норматов.

Бу ҳали аниқланган ҳолатлар холос. Аниқланмагани яна неча миллиард экан, Худо билади.


👉 @xushnudbek 👈

Элдор Шомуродов Италия “А” сериясида ўзининг биринчи голини урди. Шу тариқа у ТОП-5 чемпионатларда гол урган илк ўзбек футболчиси сифатида тарихга кирди.

Баракалла, Элдор! Бу ҳали ўнлаб голларингнинг бошланиши бўлсин, илоҳим.

Афсуски ушбу ўйинда унинг жамоаси “Женоа” ўз уйида 2-1 ҳисобида мағлуб бўлди.


👉 @xushnudbek 👈

​​Metsenat.uz: Тошкент давлат юридик университети талабалари учун таълим гранти эълон қилинди

Ривожланган давлатларда таълимга меценатлик қилиш алоҳида маданият сифатида шаклланган. Гигант компаниялардан тортиб ўртамиёна тадбиркорларгача, катта амалдорлардан тортиб оддий ишчиларгача илм-фанни қўллаб-қувватлашга ҳаракат қилади. Айниқса ғарбда ўзи ўқиган олийгоҳ учун маблағ ажратиш анъанаси кенг тарқалган. Университетлар топаётган даромаднинг катта қисмини айнан муваффақиятга эришган битирувчилари ажратадиган меценатлик маблағлари ташкил қилади.

Мисол учун, агар ёдингизда бўлса Юрий Дудь АҚШдаги Кремний водийси ҳақида тайёрлаган фильмида Стэнфорд университетида ўқиган шахслар ҳар йили университетга 1 млрд доллар атрофида меценатлик ёрдами кўрсатишини айтган эди.

Балки уларнинг ривожланган давлат эканлигининг сабабларидан бири ҳам айнан таълимга маблағни аямаслигидадир, ким билсин.

Бизнинг жамиятда ҳам меценатлик фаолияти маданиятга айланишини орзу қиламан. Metsenat.uz лойиҳамизнинг асосий мақсади ҳам шу аслида.

Тўғри, ҳозирча миллионлаб доллар маблағ ажратишга қурбимиз етмайди. Аммо имконимиз етганича, ўзимиз орзу қилган маданиятга кичик ўрнак бўлиш ниятида Тошкент давлат юридик университетининг талабалари учун таълим гранти эълон қилдик. Чунки шу даргоҳда илм олдим, ҳаётдаги неки натижаларга эришмай, барчасида ушбу олийгоҳда менга таълим берган устозларимнинг катта ҳиссаси бор. Аллоҳ рози бўлсин улардан.

Шу сабабли Юридик университет талабалари учун грант эълон қилишни маъқул деб билдим. Грант миқдори 3 млн сўмдан ва 10 нафар ғолиб талабаларга берилади (жами 30 млн сўм).

Ғолибни танлашда талабанинг ўзлаштириши, ижтимоий ҳаётдаги фаоллиги, ташаббускорлиги инобатга олинади. Шунингдек, номзодлар тенг даражада бўлса, ижтимоий кам таъминланганлигига қаралади.

Аризалар 14 декабрга қадар Metsenat.uz сайтида қабул қилинади.

Грант маблағлари XushnudbekUz телеграм каналида жойлаштирилган рекламалардан тушган маблағлар ҳисобидан қопланади.

Маълумот учун: бу Metsenat.uz лойиҳасида эълон қилинган иккинчи грант. Биринчисида Ёшлар ишлари агентлиги, Ёшлар иттифоқи ва “Меҳрли қўллар” хайрия фонди 400 млн сўмлик грант эълон қилганди. Яқин кунларда яна 3-4 та меценатларнинг грант ва стипендиялари эълон қилиниши кутилмоқда.

Metsenat.uz сайтини ёки @metsenatuz, @urfon каналларини кузатиб боринг.


👉 @xushnudbek 👈

Нималар автотранспорт воситасини қайта жиҳозлаш деб ҳисобланади? Ҳукуматнинг янги қарори чиқди

Ҳукуматнинг тегишли қарори (№758, 30.11.2020й) билан, автомототранспорт воситасини қайта жиҳозлашга рухсатнома бериш тартиби тўғрисидаги низом тасдиқланди. Бу ҳақда ЎзА хабар бермоқда.

Унга кўра, автомототранспорт воситаси қайта жиҳозланган деб тан олинадиган ўзгаришлар рўйхати тасдиқланди. Мисол учун:

➖ юкхонанинг (бортнинг) габарит ўлчамларини ўзгартириш (кўтариш, узайтириш);

➖ юкхона эшикларининг икки ёнга вертикал очилишига рухсат бериш;

➖ чет элда ишлаб чиқарилган енгил автомобиллар кузовини алмаштириш;

➖ автотранспорт воситаларининг ташқи кўринишига (кузов) ўзгартириш(лар) киритиш (масалан, “Captiva-3 ” русумли автомобилни “Captiva-4 ” русумига);

➖ автотранспорт воситасининг двигателини ўзгартириш;

➖ ярим тиркамани тиркамага ўзгартириш;

➖ қўшимча ёқилғи сиғими (бак) ўрнатиш;

➖ қўшимча ўриндиқ ўрнатиш ёки камайтириш (олиб ташлаш);

➖ автотранспорт воситасига ишлаб чиқарган корхона томонидан кўзда тутилмаган антенна, сирена, рация ўрнатиш;

➖ эҳтиёт (захира) ғилдирагини белгиланмаган жойда (орқа эшикка) ўрнатиш;

➖ автотранспорт воситасининг конструкциясида кўзда тутилмаган ёритиш чироқлари (ксенон лампа) ўрнатиш;

➖ транспорт воситаларига ялт-ялт этувчи чироқ-маёқча ва (ёки) махсус товушли ишоралар берувчи мосламалар ўрнатиш;

➖ автотранспорт воситасига газ баллон ва жиҳозларини ўрнатиш.

Батафсил рўйхат билан ЎзА - Тезкор хабарлар каналида (@uzauz) танишишингиз мумкин.


👉 @xushnudbek 👈

1 декабрь - қорақалпоқ тили куни

Сонша қатал сүргинлерде жоғалмай,
Бул күнлерге жеткениңе қайылман!

Қарақалпақ тилине мәмлекетлик тил бийлигиниң берилген күни мүбәрек болсын, әзиз туўысқан халқым, қарақалпақлар!


👉 @xushnudbek 👈