Шавкат Мирзиёев:

«Бугунгача чет элдан олиб келинган фуқароларимиз сони 47 мингтани ташкил этмоқда. Афсуски, уларнинг, айниқса кейинги икки ҳафта давомида кириб келганларнинг аксариятида коронавирус аниқланган.

Беморларнинг қарийб 50 фоизини ҳам хориждан келган фуқаролар ташкил этади.

Кейинги 10 кунда 3,5 минг одам ҳаво йўллари, 7 мингга яқин ватандошимиз чегара постлари орқали юртимизга кириб келиши кутиляпти. Бунга қўшимча яна 100 минг нафардан ортиғи Ўзбекистонга қайтиш истагини билдириб, навбат кутмоқда.

Фуқароларимиз қайтиб келаётган давлатлар ҳамда қўшни мамлакатлардаги вазиятнинг оғирлигини ҳисобга олиб, хотиржамликка берилиш мумкин эмас».


👉 @xushnudbek 👈

⚡️Айрим ҳудудларда карантин қоидалари кучайтирилади. Тошкент «қизил» ҳудудга айланиши мумкин

Бугун бўлиб ўтган йиғилишда Шавкат Мирзиёев охирги кунларда аҳоли ўртасида бепарволикка берилиш ҳолатлари кўпайганини таъкидлади. Жумладан:

«Бугунги кунда 40 та туман (шаҳар) “қизил”, 45 таси “сариқ” ҳудуд сифатида қолмоқда. Энг ташвишлиси, ўтган 10 кунда аҳоли ўртасида касалланганлар сони ҳам ошиб бормоқда.

Жумладан, Навоийда 57 та, Самарқандда 73 та, Тошкент шаҳри ва Тошкент вилоятида 114 та шундай ҳолат аниқланган.

Айниқса, бозорлар, савдо комплекслари, банкларда ижтимоий масофага амал қилмаслик, кўча-кўйда тиббий ниқоб тақмаслик, бемалол ва хотиржам бўлиб, уйларда турли тадбирлар ўтказиш ҳолатлари кўпаймоқда.

Бундай салбий ҳолатлар касалликни аниқлаш, олдини олиш ва даволаш учун қилаётган барча ҳаракатларимиз, бюджетдан олинаётган триллионлаб харажатларимиз натижадорлигини йўққа чиқариши мумкин.

❗️Республика комиссияси вилоят ҳокимлари билан бирга бир кун муддатда эпидемиологик вазият ёмонлашган ҳудудларнинг тоифасини қайта кўриб чиқсин ҳамда карантин чораларини кучайтириш бўйича таклиф киритсин.

Соғлиқни сақлаш вазирлиги “қизил” ва “сариқ” ҳудудларда кунлик тест олиш сонини ошириши лозим. Бунда тиббиёт муассасалари, бозорлар, банклар ва аҳоли кўп жойларда назорат тестлар олишни кўпайтирсин».

P.S.: олинган маълумотларга кўра, Тошкент "қизил" ҳудудга айлантирилиши мумкин.


👉 @xushnudbek 👈

Диёр Имомхўжаев ЎзПФЛ бош директори вазифасини бажарувчи этиб тайинланди.

У Ўзбекистон футбол ассоциацияси президенти Абдусалом Азизовнинг тақдимига биноан ушбу лавозимга тасдиқланган.

Диёрнинг келгусидаги ишларига чин дилдан омад тилайман.


👉 @xushnudbek 👈

⚡️Машинанинг орқа ён ойнасига (яъни орқа эшикка) парда ўрнатса бўладими? Жаримага тортилмаймизми?

Яқинда ижтимоий тармоқларда парда мумкин эмаслиги ҳақида ролик тарқалди, бу ростми?

Кунлар исишни бошлагани туфайли кўплаб ҳайдовчилар томонидан шундай саволлар берилаётгани учун батафсил тушунтириш бермоқчиман.

Саволларнинг қисқа жавоби шу:

❗️Орқа эшикка парда ўрнатиш мумкин! Қонунчиликда бу тақиқланмаган. Бунга ҳеч қандай жарима йўқ.


👉 @xushnudbek 👈

Жонли ижрода концерт берадиган санъаткорларга 50 фоизлик ижара имтиёзи берилади

Бугун Шавкат Мирзиёев маданият ва санъат соҳасининг жамиятдаги ўрни ва таъсирини ошириш ҳақидаги ПФ-6000-сонли Фармонни имзолади.

Фармонга кўра:

👉 давлат тасарруфидаги концерт ва маданият саройларида тўлиқ жонли ижро асосида ўтказиладиган концерт дастурлари учун ижара тўловидан 50 фоиз чегирма қилиб берилади;

👉 концерт-томоша тадбирига бир марталик рухсатнома бериш учун ундириладиган йиғим бекор қилинди;

👉 давлат органлари томонидан ўтказиладиган тадбирларда концерт-томоша фаолиятини амалга оширувчи шахслар хизмат кўрсатганда албатта ёзма ва ҳақ эвазига тузиладиган шартнома тузилиши белгиланди;

👉 Санъаткор, ижодкор ва ижрочиларнинг муаллифлик ҳуқуқларини ҳимоя қилиш палатаси тузилди;

👉 Республика қўғирчоқ театрига Ўзбек Миллий қўғирчоқ театри номи берилди;

👉 2020 йил сентябрь ойидан бошлаб давлат музейларида ҳар ойнинг биринчи якшанбаси "очиқ эшиклар куни" деб эълон қилиниб, ўша куни музейларга кириш бепул бўлади;

👉 15 апрелни "Маданият ва санъат ходимлари куни" деб белгилаш тўғрисида қонун лойиҳаси ишлаб чиқилади.


@xushnudbek

⚡️Ўн тўртинчи ўлим: коронавирусга чалинган самарқандлик вафот этди

Самарқандлик И. шу йилнинг 19 май куни вилоят кўп тармоқли тиббиёт марказида оғир аҳволда ётқизилган. Ўтказилган таҳлиллар натижасида унда “Covid-19” инфекцияси тасдиқланган. Пахтачи туманида яшовчи 63 ёшли (эркак) ушбу бемор 3 йилдан буён I-гуруҳ ногирони бўлиб, сурункали буйрак етишмовчилиги ва анемия оғир даражаси ташхиси билан диспансер назоратида турган. 2017 йилдан буён доимий гемодиализ муолажасини олиб келган.

Шу йилнинг 25 май куни беморнинг аҳволи ёмонлашган, бурундан ва ички қон кетиш белгилари пайдо бўлган ва реанимация бўлимига олинган.

Бироқ кўрсатилган реанимацион муолажаларга қарамасдан сунъий нафас олиш аппаратида бўлган бемор ўткир нафас ва юрак қон-томир етишмовчилигидан вафот этган.

Соғлиқни сақлаш вазирлиги
Жамоатчилик билан алоқалар бўлими.


👉 @xushnudbek 👈

Маданият ва санъат йўналишида янги таълим муассасалари ташкил этилди

👉 Ўзбекистон давлат консерваториясининг “Ўзбек мақом санъати факультети” ҳамда Ўзбекистон давлат санъат ва маданият институтининг тегишли таълим йўналишлари ва мутахассисликлари негизида мақом ижрочилиги, бахшичилик ва катта ашула йўналишлари бўйича кадрлар тайёрловчи таянч олий таълим муассасаси - Юнус Ражабий номидаги Ўзбек миллий мусиқа санъати институти ташкил этилди;

👉 давлат муассасаси шаклидаги Маданий мерос илмий-тадқиқот
институти ташкил этилди;

👉 Республика ихтисослаштирилган эстрада ва цирк мактаби Карим Зарипов номидаги Республика эстрада ва цирк коллежи
этиб қайта ташкил этилди;

👉 В.Успенский ва Р.Глиэр номидаги Республика ихтисослаштирилган мусиқа академик лицейлари мактаб-интернатлар учун белгиланган имтиёзларни татбиқ қилган ҳолда тегишлича В.Успенский ва Р.Глиэр номидаги Республика ихтисослаштирилган мусиқа мактабларига айлантирилди;

👉 Ўзбекистон давлат консерваторияси ҳузуридаги Иқтидорли болалар академик лицейи ҳамда Тошкент ихтисослаштирилган маданият мактаби негизида Маданият вазирлиги тизимида Республика мусиқа ва санъат коллежи ташкил этилди.


@xushnudbek

Олимжон Умаров Бош вазирнинг маслаҳатчиси сифатида иш бошлади. У Ўзбекистон Республикаси Бош вазирининг IT-технологиялар, телекоммуникациялар ва инновацион фаолиятни ривожлантириш масалалари департаменти бошлиғи лавозимига тайинланди.

Бунгача Олимжон Умаров Ахборот технологиялари ва коммуникацияларини ривожлантириш вазирининг биринчи ўринбосари лавозида фаолият олиб бораётган эди.


👉 @xushnudbek 👈

Ҳар сафар шу видеони Инглиз тилида кўрганимда, уни Ўзбек тилига таржима қилиш керак деб режа қилардим. Бугун вақти экан.

Ҳар бир инсоннинг ўз вақти бор. Ҳеч қачон мен улгурмадим, энди кеч, ҳаммаси тамом, нега қолганларда ўхшаб, менда ўхшамади деманг ҳурматли битирувчилар. Сизнинг ҳам ўз вақтингиз албатта келади. Сиз шунчаки изланишда давом этинг.

Jay Shetty ✅

@alisher_sadullaev

​​Эгилувчан қарорлар

Республика махсус комиссияси қизил, сариқ ва ҳатто яшил ҳудудлар учун ҳам амал қилиниши мажбурий бўлган чекловларни белгилаб берган. Унга кўра, оммавий тадбирлар ўтказиш мумкин эмас. Қандай мақсадда бўлишидан қатъи назар оммавий тадбир мумкин эмас, тамом вассалом.

Аммо коронавирус тарқалиши кучайиб бораётган бир пайтда Андижонда юзлаб одамларни кўчага чиқариб оммавий пиёда юрдиришмоқда. Тепага яхши кўринишни хоҳлайдиган айрим амалдорлар бунинг бошида турибди. Ижтимоий масофага ҳам биров амал қилган, биров қилмаган. Нима эмиш, СЭС рухсат берганмиш. Нега рухсат беради? СЭСда шунақа ваколат борми, Республика махсус комиссияси тақиқлаган нарсага рухсат берадиган?

Унақада СЭС рухсати билан 100 кишилик тўй қилса ҳам бўладими? Ҳар бир стулнинг орасини узоқроқ қўйиб, тўйга келганларни иситмасини текшириб, қўлига антисептик сепиб, тўйхонани дезинфикция қилиб, бемалол тўй қилиш мумкинми? Йўқми? Унда нега бошқача тадбирларга рухсат бериляпти? Қарорлар ҳамма учун бир хил эмасми?

Ўзбекистоннинг бошқа чеккаларида эса, карантин қоидаларини буздинг, деган важ билан фуқароларга тинимсиз жарима ва бошқа жазолар қўлланмоқда. Ҳаттоки кўчага нон олишга чиққан ниқобли фуқароларга “бемақсад юрибсан” деган айб билан жарима солишганди. Мана, кўчада юзлаб бемақсад юрганларга ҳеч нарса бўлмаяптику. Пиёда юриш шунчалик соғлиққа фойдали экан, унда нима учун кўчадаги одамларни “уйда қолинг” деб ҳайдаяпсизлар? Ҳамма кўчада юраверсин мазза қилиб, соғлиғига фойда бўлар экан-ку.

Қилинаётган ишларда на мантиқ бор, на бир тартиб.

Аввал ўзимиз учун аниқлаб олайлик, карантин ва ундаги чекловлар кимлар учун? Барча учунми ёки фақат оддий халқ учунми? Давлат ташкилотларига бу тааллуқли эмасми?

Бунақа эгилувчан ва одамига қараб чўзилувчан қарорлар нима учун фақат оддий халққа келганда ишлайдию, давлат ташкилотларига келганда ҳамма кўз юмади? Нима учун? Шу саволга кимдир жавоб бера оладими?


👉 @xushnudbek 👈

Мана бу Жалақудуқда ўтган пиёда юриш акцияси.

Ижтимоий масофа ҳақида гап-сўз бўлиши мумкин эмас. Одамлар коронавирусга тест топширмаган. Нари борса, иситма ўлчангандир.

Энди расмга яхшилаб эътибор беринг. Иштирокчиларнинг катта қисми қариялар. Отахон ва онахонлар.

Пандемия пайтида энг кўп асраб-авайлашимиз керак бўлган инсонлар бу - кексаларимиз эмасми?! Ахир айнан кексаларнинг ҳаёти кўпроқ хавф остида деб роса жавраган эдикку! Қайси виждон билан шунақа синовли пайтда қарияларимизни кўчага ёнма-ён териб қўйиб, пиёда юрдиряпмиз?

Буларни назорат қиладиган бирор инсон борми? Ёки ҳамма кўр, ҳамма кар, ҳамма гунгми?

Кечирасизлару, Ўзбекистоннинг бошқа чеккаларида ҳатто яқин инсони вафот этса ҳам тириклар соғлиғидан хавотир олингани учун жанозаларда одам кўпайтиришга рухсат берилмаяпти. Узоғи 5-10 киши билан сўнгги манзилга кузатишмоқда. Буёқда эса юзлаб одамлар ёнма-ён пиёда юрмоқда.

Ҳаммаси хўжакўрсин, ҳаммаси кўзбўямачилик... На хохолаб кулишингни билмайсан, на ўкириб йиғлашингни...


👉 @xushnudbek 👈

​Соғлиқни сақлаш вазирлиги:
САМАРҚАНД ВА ТОШКЕНТДА 9 НАФАР БЕМОР СОҒАЙДИ, УЛАР ОРАСИДА ТОЖИКИСТОН ФУҚАРОСИ ҲАМ БОР

Айни соатларда Самарқанд вилояти юқумли касалликлар шифохонасида 5 нафар, пойтахтимиздаги Эпидемиология, микробиология ва юқумли касалликлар илмий-текшириш институти клиникасида 4 нафар, жами 9 нафар коронавирус инфекциясига чалинган бемор бутунлай соғайиб, реабилитацияга кузатилди.

❗️Самарқандда шифо топганларнинг барчаси ушбу вилоятдан (3 нафари Самарқанд шаҳридан, Пастарғом ва Тойлоқ туманларидан эса 1 нафардан) бўлиб, 2 нафари эркак, 3 нафар аёл. Улар орасида ёши каттаси 62 ёшда, ёши кичига 5 ёшда. Вилоятда айни пайтга қадар 249 нафар бемор соғайган бўлса, эндиликда 254 нафарга етди.

❗️Эпидемиология, микробиология ва юқумли касалликлар илмий-текшириш институти клиникасида тузалганларнинг 2 нафари Тошкент вилоятидан, 1 нафари Сурхондарё вилоятидан, яна 1 нафари эса Тожикистон Республикасидан. Уларнинг 3 нафари эркак, 1 нафари аёл бўлиб, ёши каттаси 60 ёшда, ёши кичига 34 ёшда. Эндиликда Тошкент шаҳрида соғайганлар 980 нафарга етди.

‼️Шундай қилиб, бугун 32 нафар бемор тузалиб, мамлакатимиз бўйлаб коронавирус инфекциясидан бутунлай соғайганлар 2668 нафарни ташкил этмоқда.

Соғлиқни сақлаш вазирлиги
Жамоатчилик билан алоқалар бўлими.

Вазирлик расмий канали — @ssvuz

​​Matn.uz - ўзбек тилидаги матнлар имлосини текшириш хизмати

Ўзбек тили ҳақида кўп гапирамизу, лекин она тилимизга бағишланган лойиҳалар минг афсуски унчалик кўп эмас.

Интернетда, ОAВларда, газета ва журналларда ҳамда кундалик ҳаётда имло хатолари жуда кўп кузатилади. Шунинг учун матнни имло хатоларидан текширадиган платформаларга эҳтиёж юқори. Анчадан буён ҳамфикр дўстларимиз билан шу бўйича лойиҳа қилишни режалаштириб юрар эдик.

Ҳозирда синов-тест режимида ишлаётган matn.uz сайтида матнлар имлосини текшириш, имло луғати, матнни лотин-кирилл ёзувларига ўгириш каби функциялар ишлаб турибди.

Шунингдек, платформанинг Android ва iOS тизимлари учун мобил иловалари ҳам ишлаб чиқилди.

- Android учун кўчириб олиш
- iOS учун кўчириб олиш

Энг асосий жиҳати лойиҳа УМРБОД БЕПУЛ мақомида бўлади.

❗️Кўнгиллилар диққатига!

Ҳозир лойиҳани янада кенгайтириш устида бош қотиряпмиз.

Хусусан, яқин кунларда matn.uz платформасига 80 мингдан ортиқ сўз ва сўз бирикмасидан иборат Ўзбек тилининг изоҳли луғатини жойлаштиришни режа қилганмиз. Муаллифлик ҳуқуқига амал қилган ҳолда, албатта.

Бунинг учун бизга ёрдамчи кучлар керак. Агар Сиз ўзбек тили ривожига беминнат ёрдам беришни истасангиз, унда қуйидаги ҳавола орқали кўнгиллилар жамоасига қўшилиш учун ариза юборишингизни илтимос қиламиз:

📨 АРИЗА/ ЮБОРИШ

Унутманг, ўзбек тилини ўзимиз ривожлантирмасак, четдан келиб ҳеч ким ривожлантириб бермайди.

Лойиҳа канали: @matnuzofficial

Шавкат Мирзиёев туризм соҳасидаги лойиҳалар тақдимоти билан танишди.

Президентимиз биринчи босқичда “яшил” ҳудудлар ўртасида ички туризмга рухсат бериш зарурлигини таъкидлади. Тоғли жойлар ва кўл бўйларида енгил конструкцияли дам олиш масканларини ташкил этиш бўйича кўрсатма берилди. Кўчма дам олиш масканлари дислокацияси тасдиқланиб, электрон порталга жойлаштирилади.

Иккинчи босқичда коронавирус касаллиги жиловланган давлатлар рўйхатини шакллантириб, улар билан туризм алоқаларини босқичма-босқич тиклаш кераклиги таъкидланди.

Туристик йиғимлардан озод қилиш бўйича аввал берилган имтиёз йил якунига қадар узайтирилади. Шунингдек, соҳа корхоналари фойда солиғини ҳисоблашда 2020-2021 йилдаги кўрган зарарларини кейинги йиллар фойдасидан чегириб ташлашга рухсат берилади.

Меҳмонхоналарга кўрсатган хизматининг 10 фоизи миқдорида субсидия ажратилади. Бундан ташқари, уларга айланма маблағ учун кредит фоиз тўловларининг 10 фоизигача бўлган қисмига субсидия берилади.


👉 @xushnudbek 👈

Бухорога коронавирус қайтди. Вирус аҳоли орасида аниқланди.

🔺 2020 йил 27 май соат 23:30 ҳолатига кўра, Ўзбекистонда коронавирус инфекцияси қайд этилганлар сони 3369 (+14) нафарни ташкил этмоқда.

⚠️ Янги касалланиш ҳолатларининг 7 нафари Бухоро вилоятида аҳоли орасида (Шофиркон туманидаги битта оила аъзолари) аниқланган. Мазкур ҳолат ушбу вилоятга коронавирус инфекцияси қайтганини кўрсатмоқда. Шунингдек, 5 нафари Тошкент шаҳрида аҳоли орасида аниқланган. 2 нафари эса Тошкент вилоятидан (1 нафари халқаро юк ташувчи автомашина ҳайдовчиси, яна 1 нафари аҳоли орасидан аниқланган).

❗️Айни пайтда юртимизда 2668 (+32) нафар коронавирус инфекциясига чалинган фуқаролар бутунлай соғайди.

❗️Ҳозирда мамлакатимизда даволанаётган 687 нафар беморга шифокорларимиз томонидан белгиланган стандартлар бўйича даво чоралари кўрилмоқда. Улардан 1 нафари ўта оғир аҳволда, 3 нафари эса оғир аҳволда.

Соғлиқни сақлаш вазирлиги
Жамоатчилик билан алоқалар бўлими


👉 @xushnudbek 👈

2001 йилгача Стратегик тадқиқотлар институти директори лавозимида ишлаган, сўнгра Стратегия ва истиқболни белгилаш олий мактабининг директори ўринбосари бўлган Рафик Сайфулин Россияга жосуслик қилишда айбланиб қамалибди. Айтишларича, унга 12 йил муддатга озодликдан маҳрум қилиш жазоси тайинланган.

Бу ҳодиса айни кунларда ўзбек ва рус тили атрофида бўлаётган гап-сўзлар ва Мария Захарова сиймосида Ўзбекистон ички ишларига аралашувга уриниш фонида ўзига хос мантиқий жавобдек бўлибди.

Мактаб таъмирига ёрдам ихтиёрий бўлиши керак

Умумтаълим мактабларида ўқув йили якунига етиб бормоқда. Шу боис мактаб маъмурияти синф хоналарини кейинги ўқув йилига тайёрлаш ҳақида ўйлаб, ҳаракатни бошлаши табиий.

Бу жараён фақат ихтиёрий равишда бўлиши керак. Агарда кимдир ўз фарзандини ўқишига қўшимча шароит яратмоқчи, ниманидир таъмирламоқчи ёки мактабга яна қандайдир ёрдам бермоқчи бўлса уни бемалол қилиши мумкин. Жойларда мактабларнинг моддий-техник аҳволи қандай эканлигини ота-оналар яхши билишади. Лекин ҳаммага бир хил ёндашиб, ота-оналардан мажбурий пул йиғиш ҳолатларини олдини олиш керак. Ҳозирги пандемия шароитида кўпчилик иқтисодий қийинчиликни бошидан ўтказмоқда. Шунинг учун ҳам бу масалада мактаб маъмуриятидан тўғри ёндашувни таъминлашни сўраймиз.

Кейинги ўқув йилидан аксарият мактабларда юқори синф ўқувчилари ҳам бошланғич синф ўқувчиларига ўхшаб, ўз синф хоналарида ўқиш имкониятига эга бўлади (аввалги кабинет тизимидек, синфма-синф юрмасдан). Бу эса нафақат синфни таъмирлаш учун кўрсатилган ёрдамни тўғри ишлатилишига, балки кейинчалик ушбу ўқувчилар томонидан ўз синфлари ҳолатини яхши сақлашига ҳам ўз ҳиссасини қўшиши керак.

Бундан ташқари, мактаблар ҳомийларни жалб қилган ҳолда қўшимча маблағ топиши мумкин. Ҳомийлар турли корхона, собиқ битирувчилар, ўқувчиларнинг ота-оналаридан иборат бўлиши мумкин. Ҳомийлик ихтиёрий тарзда ва қонуний ташкил этилиши лозим. Яъни, пул маблағлари мактаб ҳисобига тушиши ва маблағни сарфланиши бўйича маълумот олиши учун шароит яратилиши керак.

Ҳозирги кунда мактабларда Кузатув кенгашлари фаолият юритмоқда. Кузатув кенгашига ўқувчиларнинг ота-оналари, собиқ битирувчилар, ўқитувчи ва бошқалар сайланиши мумкин. Кузатув кенгаши аъзолари бюджетдан ҳамда қўшимча ишлаб топилган маблағларни самарали ва мақсадли сарфланишини назорат қилиш ваколатига эга.

https://www.uzedu.uz/uz/maktab-tamiriga-erdam-ihtierij-bulisi-kerak

Молия вазирлиги Инқирозга қарши курашиш жамғармасининг маблағлари қаерга сарф қилинганлиги тўғрисида маълумотларни эълон қилди.

Жамғарманинг жами даромади 7,44 трлн сўм бўлган, шуларнинг 7,32 трлн сўми (98,3%) халқаро молия институтларининг имтиёзли кредитлари эвазига шакллантирилган.

Бугунги кунгача жами 3,3 трлн сўм харажат қилинган.

Энг кўп маблағ Санитария-эпидемиологик осойишталик агентилигига ажратилган - 573 млрд сўм.

Кейинги энг кўп маблағ “Иссиқ электр станциялар” АЖга сарфланган ва 500 млрд сўм субсидия берилган.

Бошқа йирик харажатлар қуйидагилар:

406 млрд – “Uzbekistan Airways” АЖга ссуда;
401 млрд — "Ўзбекнефтгаз" АЖга субсидия;
101 млрд - “Uzbekistan Airports” АЖга ссуда;
100 млрд – Жамоат ишлари жамғармасига (ишсиз фуқароларни вақтинча ишларга жалб қилиш учун);
60 млрд – Касаба уюшмалари федерациясига (кам таъминланган хотин-қизларни қўллаб-қувватлаш учун);
50 млрд – Бандликка кўмаклашиш жамғармасига (шахсий томорқаларни ривожлантириш учун);
40 млрд —“Биринчи резинотехника заводи” МЧЖга ссуда;
11 млрд – “Тошкент метрополитени” ва “Тошшаҳартрансхизмат” ходимларига иш ҳақи учун.

Шунингдек, қуйидаги мақсадлар йўлида ҳам маблағлар сарфланган:

504 млрд – сув таъминоти ва ирригация тадбирлари билан боғлиқ харажатлар учун;
487 млрд – шифохоналар ва карантин мажмуаларини қуриш ва жиҳозлаш учун;
70 млрд – ижтимоий нафақалар учун.


👉 @xushnudbek 👈