❗️Qabul tugashiga 4 soatdan kamroq vaqt qoldi.

Abituriyentlar soni 986 ming 509 nafarni tashkil qilmoqda (20-iyul 20:00 holatiga).

Bu degani oxirgi 24 soatda 103 ming abituriyent hujjat topshirgan. Va bu raqam 4 soat ichida yana oshishi aniq.


👉 @xushnudbek 👈

❗️Qabul tugashiga 3 soatdan kamroq vaqt qoldi.

Abituriyentlar soni — 992 ming 322 nafar (soat 21:00 holatiga).

Millionga yaqin qoldi.


👉 @xushnudbek 👈

Shavkat Mirziyoyev bugun Toshkent ko‘chalari bo‘ylab yurib, infratuzilma holati bilan tanishdi va uni yaxshilash bo‘yicha ko‘rsatmalar berdi.


👉 @xushnudbek 👈

❗️Qabul tugashiga 2 soatdan kamroq vaqt qoldi. Millionlik dovondan o’tildi.

Abituriyentlar soni — 1 mln 594 nafar (soat 22:00 holatiga).


👉 @xushnudbek 👈

❗️Qabul tugashiga 1 soatdan kamroq vaqt qoldi.

Abituriyentlar soni — 1 mln 9 ming 41 nafar (soat 23:00 holatiga).


👉 @xushnudbek 👈

Kechki mutolaa
(o‘qish yoki eshitish uchun 20 daqiqa vaqtingiz ketadi)

Stiven King. Jang (hikoya)

Izoh: Stiven Kingning "Jang" nomli fantastik hikoyasi sizni "oxiri nima bo'ladi?" degan savol bilan ushlab turadi. Buyurtma evaziga odamlarni o'ldiradigan qotilga g'alati bir quticha keladi. Uning ustiga "Amerika soldati uchun vyetnamcha sandiq" deb yozilgandi. Sandiqchani ochishi bilan jang boshlanadi. Qotil g'olib bo'ladimi, qurbon bo'ladimi? Hikoya so'nggidagi oxirgi gap sizningcha, nimaga ishora bo'lishi mumkin?

📖 Matnni o‘qish uchun: https://teletype.in/@xushnudbek/stiven-king-jang

🎧 Audio hikoyani eshitish uchun: https://youtu.be/bOTxxVWRcxQ

💬 Muhokama bu yerda.

🎙Bugungi hikoya audiosini Madina Musayeva o‘qigan.

📚 "Kechki mutolaa" doirasida eʼlon qilingan barcha hikoyalar bu yerda.

#kechki_mutolaa


👉 @xushnudbek 👈

Hujjat topshirish yakunlandi

Qabulning katta va muhim qismi tugadi. Bo'ldi, endi yo'nalishlarni ham o'zgartirib bo'lmaydi.

Buyog'iga 1 mln abituriyentlar ruxsatnoma chiqishini kutishadi.

Aytgancha, avvalgi yillarda tugatganlar, bugun — 21-iyul kuni soat 23:59 ga qadar 165 ming so'm to'lov qilishlari kerak. Yo'qsa ular testga qo'yilmaydi. Ushbu to'lovni kasbiy (ijodiy) imtihon olinadigan yo'nalishlarga topshirganlar ham to'lashi kerak.


👉 @xushnudbek 👈

Onlayn ro‘yxatdan o‘tgan va ta’lim yo‘nalishlarini tanlagan abituriyentlarning jami soni 1 mln 18 ming 7 nafarni tashkil etdi.

Lekin bu raqam biroz kamayishi mumkin, chunki to'lovni o'z vaqtida, ya'ni 21-iyul soat 23:59 gacha amalga oshirmagan abituriyentlar bu ro'yxatdan chiqib ketadi va testga qo'yilmaydi.

Joriy yilda abituriyentlar soni o'tgan yilgiga qaraganda salkam 200 ming nafarga kamroq bo'ldi.


👉 @xushnudbek 👈

❓Qaysi hududdan eng ko’p abituriyent hujjat topshirdi?
#abituriyent

2023-yilgi bakalavriat qabulida jami 1 mln 18 ming 7 nafar abituriyent onlayn ro’yxatdan o’tdi va yo’nalish tanladi.

BBA ushbu abituriyentlarning doimiy yashash hududi bo’yicha 5 taligini e’lon qildi:

1️⃣ Qashqadaryo viloyati — 120 008 nafar;
2️⃣ Samarqand viloyati — 114 180 nafar;
3️⃣ Farg‘ona viloyati — 94 999 nafar;
4️⃣ Toshkent viloyati — 89 603 nafar;
5️⃣ Surxondaryo viloyati — 84 457 nafar.


👉 @xushnudbek 👈

Avval xabar qilinganidek, Telegram messenjeri o’zining Stories funksiyasini ishga tushirdi. Xuddi Instagram va boshqa ijtimoiy tarmoqlarda bo’lgani kabi endi Telegramda ham Stories qo’yish mumkin.

Hozircha Stories qo’yish huquqi faqat Premium obunaga ega foydalanuvchilarda bor. Tomosha qilish uchun esa Premium shart emas, hammaga ko’rinadi. Faqat Telegram dasturini eng oxirgi versiyaga yangilash kerak.

Stories’larda video va fotoni tahrirlash mumkin. Bir paytda telefonning ikkala kamerasini ham (old va orqa) ishlatib video yozish mumkin.

Ishlatib ko’rdim, menga yoqmagan bittagina joyi — bu Stories’ga qo’yilgan reaksiyalar sizga shaxsiy xabar bo’lib kelar ekan. Bu esa shaxsiy xabarlar lentasini to’ldirib tashlayapti. Masalan, 100 kishi reaksiya bossa (👍 yoki ❤️), sizga 100 ta shaxsiy xabar keladi. Telegram kelgusida albatta shuni to’g’rilashi kerak.


👉 @xushnudbek 👈

Yangi Toshkent shahridagi yer uchastkalari “E-auksion” orqali sotiladi

Prezidentning tegishli qaroriga (PQ-232-son, 20.07.2023 y.) ko‘ra, yer uchastkalari quyidagi maqsadlar uchun sotiladi yoki ijaraga beriladi:

➖ tadbirkorlik va shaharsozlik faoliyatini amalga oshirish;
➖ ko‘p kvartirali uylar qurish;
➖ ishlab chiqarish, savdo va xizmat ko‘rsatish ob’yektlarini qurish uchun.

Vazirlar Mahkamasi huzurida Yangi Toshkent shahrini barpo etish direksiyasi tuziladi.

Shunga ko‘ra, Qurilish va uy-joy kommunal xo‘jaligi vazirining o‘rinbosari – Yangi Toshkent shahrini barpo etish direksiyasi direktori yangi lavozimi joriy etiladi.

Direksiya, investorlar, bosh loyiha va bosh pudrat tashkilotlari 2027-yil 1-yanvargacha O‘zbekistonda ishlab chiqarilmaydigan, chetdan olib kelinadigan qurilish texnikasi, asbob-uskuna, butlovchi buyumlar, ehtiyot qismlar uchun bojxona boji to‘lashdan ozod qilinadi.


👉 @xushnudbek 👈

Bugun, 21-iyul kuni davlat rahbarining topshirig’iga asosan Bosh vazir Abdulla Aripov Toshkent shahrida “Aziya Invest Favorit” MChJ tomonidan qurilayotgan ko‘p qavatli uy-joylardagi xonadonlarni fuqarolarga sotilishi yuzasidan kelib chiqqan nizoli vaziyat qatnashchilarini qabul qildi.

Sayyor qabulda Hukumat komissiyasi tomonidan olib borilayotgan ishlar haqida maʼlumot berildi.

Qabul yakunida ular bilan navbatdagi yakuniy uchrashuv joriy yil avgust oyining birinchi o‘n kunligida o‘tkazilishi maʼlum qilindi.


👉 @xushnudbek 👈

🏢 Qashqadaryodagi birinchi xususiy OTM — Qarshi xalqaro universiteti haqida

OTMlar tahlilining navbatdagi sonida ilk bor Toshkentdan boshqa hududga – Qarshi shahriga bordik va 1200 dan ortiq talaba tahsil oladigan Qarshi xalqaro universitetida bo‘ldik. U yerda oliygoh rektori, yuridik fanlari doktori va mediator Axtam Yakubov bilan atroflicha suhbatlashdik.

Toʻliq suhbatni tomosha qilish:
📲 https://youtu.be/qihMVz5_3Vk

Suhbat davomida bugungi ta’lim muammolari va yutuqlari, nodavlat ta’lim haqida insonlar qarashi, xususiy sektor rivoji, intellektual salohiyati yuqori bo‘lgan mehnat resurslarini eksport qilish, rektorning dars berishi va boshqa mavzularga to‘xtalib o‘tdik.


👉 @xushnudbek 👈

❗️Bugun test sinovi uchun to‘lovni amalga oshirishning so‘nggi kuni. Soat 23:59 gacha to‘lov qilish kerak!

Avvalgi yillarda ta‘lim muassasalarini tugatgan abituriyentlar test sinovida ishtirok etish uchun 165 ming so‘m miqdorida to‘lovni amalga oshirishlari lozim.

To‘lov qilmaganlar ro‘yxatdan o‘tmagan hisoblanadi va testga kiritilmaydi.

‼️ESLATMA: ayrimlar chet tilidan ijodiy imtihon olinishi belgilangan 8 ta OTM uchun ham bugun to‘lov qilsa bo‘ladi, deb yurishgan ekan. Yo‘q, bo‘lmaydi! Ushbu yo‘nalishlarga hujjat qabul qilish allaqachon — 10-iyuldayoq tugab bo‘lgan. Hatto bugun ularning imtihoni ham boshlandi. Kim vaqtida to‘lov qilmagan bo‘lsa, ular ro‘yxatdan o‘tmagan deb hisoblangan.

Aslida 10-iyulda to‘lov qilishga ulgurmaganlar, 20-iyulgacha qabul bo‘ladigan boshqa yo‘nalishlardan birini tanlashi kerak edi. Shunda 1 yil vaqtdan yutqazmasligi mumkin edi. Hozir endi ham unisidan, ham bunisidan qolib ketdi. O‘z taqdiringizga bu darajada eʼtiborsiz bo‘lmang, iltimos.


👉 @xushnudbek 👈