❓Test uchun to‘lovni qachongacha qilish kerak?
#abituriyent 

✅ JAVOB: Joriy yil bitirganlar uchun testga kirish tekin, avvalgi yillarda bitirganlar 165 ming so‘m (yarim “minimalka”) to‘lashi kerak.

❗️To‘lovni amalga oshirmagan abituriyentlar ro‘yxatdan o‘tmagan deb hisoblanadi va test sinovlariga qo‘yilmaydi.

Ushbu to‘lovni bo‘lib-bo‘lib amalga oshirsa ham bo‘ladi, faqat 21-iyulga qadar (o‘sha kuni ham) to‘lanishi shart. Ya'ni qachon ro'yxatdan o'tganingizni farqi yo'q, asosiysi to'lovni 21-iyul soat 23:59 gacha to'lash shart.

‼️LEKIN!!! Siz taqab oxirgi muddatga olib bormang. Sababi bank va onlayn tizimlarda kutilmagan profilaktik ishlar bo'lsa, yoki oxiriga taqagan odamlar tufayli serverda yuklama ko'payib ketsa, kutilmaganda to'lovni amalga oshira olmay qolishingiz mumkin. Masalan, men bugun ertalab o'zim uchun to'lov qilmoqchi edim, ammo birorta onlayn to'lov tizimi orqali buni amalga oshirish imkoni bo'lmadi. Qachon qarasa texnik profilaktika bo’ladigan Munis degan tizim bu safar ham ishlamayotgan ekan.

✅ Keyin soat 9 larga yaqin tizim ishlab ketdi va to’lov qila oldim. Hozir tizim ishlayapti.

Shu sababli Sizlarga ham bugun yoki uzog'i ertaga kunduzi to'lov qilishni maslahat beraman. Oxiriga qoldirmang.

Kimlar to‘lovdan ozod qilingan:

— taʼlim muassasasini joriy yilda tugatganlar;
— Mehribonlik uyi va Bolalar shaharchalari bitiruvchilari;
— to‘liq davlat taʼminotidagi shaxslar;
— nogironligi bor shaxslar;
— ijtimoiy himoya yagona reyestriga kiritilgan shaxslar va ularning farzandlari;
— “Yoshlar daftari”ga kiritilgan yoshlar.


👉 @xushnudbek 👈

⚡️MAQSADLI QABUL KVOTASI-2023
#abituriyent 

✅ NOGIRONLIGI BO‘LGAN SHAXSLAR UCHUN

Respublika miqyosda nogironligi bo‘lgan shaxslar uchun jami 3 ming 803 ta (o‘tgan yilgidan 183 taga ko‘p) davlat granti bo‘yicha alohida kvota ajratilgan.

▪️Ta’lim shakllari kesimida:

➖ kunduzgi — 2 542 ta;
➖ sirtqi — 981 ta;
➖ kechki — 223 ta;
➖ masofaviy — 57 ta.

ESLATMA: ushbu imtiyozli kvotalar tanlangan beshta yo‘nalishga ham o‘tadi. Oddiy holatda imtiyozlar faqat birinchi yo‘nalishga taalluqli bo‘lar edi, ammo nogironligi bor shaxslar uchun istisno sifatida beshalasiga ham o‘tishi belgilangan.

Qoida bo‘yicha nogironligi bo‘lgan shaxslarning maʼlumotlari my.uzbmb.uz  saytida avtomatik o‘zi chiqadi. Qo’lda kiritish shart emas.

❓Bu yerda faqat OTM nomi bor ekan, lekin yo‘nalishlar yo‘q-ku?

Imtiyozli kvota yo‘nalishlar kesimida emas, OTMlar kesimida berilgan. Bu qanday bo‘ladi?

Masalan, Toshkent davlat texnika universitetining kunduzgi shaklida nogironligi bor shaxslar uchun 73 ta kvota ajratilgan. Aytaylik, 200 nafar nogironligi bor abituriyentlar TDTU kunduzgi shakliga topshirgan. Ular turli yo‘nalishlarni tanlashgan, kimdir energetika, kimdir metrologiya, kimdir neft-gaz va h.k.

Yo‘nalishidan qatʼi nazar, mana shu 200 nafar abituriyentlar orasida eng ko‘p ball to‘plagan 73 nafar abituriyent davlat granti asosida qo‘shimcha kvotaga o‘qishga kiradi. Qolgan 127 nafar nogironligi bor shaxslar esa o‘zi to‘plagan bali bo‘yicha umumiy tartibda barcha bilan bellashadi. Bali yetsa, ular ham grant yoki kontraktga kirishlari mumkin.

❓Nogironligi bor shaxslarga 2% ball qo‘shib beradimi?

Yo‘q, hech qanaqa ball qo‘shib berilmaydi.


👉 @xushnudbek 👈

Bugun Prezident maktablariga kirish imtihonlari bo’yicha jamoatchilikda yuzaga kelayotgan ayrim masalalarga javob olish maqsadida Ixtisoslashtirilgan ta’lim muassasalari agentligi rahbariyati bilan uchrashdik. Uchrashuvda mendan tashqari KunUz hamda DaryoUz nashri muxbirlari ham qatnashdi.

Uchrashuvda quyidagi asosiy masalalar bo’yicha izoh so’raldi:

1) 15-iyul kuni o’tkazilgan testlarni Cambridge Assessment xalqaro tashkiloti olganmi? Ular bilan shartnoma bormi?

2) Bitta smenada tushgan savollar keyingi smenalarda ham takrorlandimi?

3) Testda smenalar kesimida o’quvchilar qayd etgan natijalar qanday? Test validligi bo’yicha tegishli tahlillar o’tkazildimi? Ularni ochiqlash mumkinmi?

4) Testdagi savollar murakkabligi haqiqatdan 4-sinf o’quvchilari uchun mosmi? O’quv dasturlariga rioya qilinganmi?

Barcha savollarga agentlik vakillaridan javoblar olindi, shuningdek Cambridge Assessment vakili Steve King bilan zoom orqali muloqot qilib, undan ham yuzaga kelgan tushunmovchiliklar bo’yicha izoh olindi.

Barcha punktlar bo’yicha bizga taqdim etilgan ma’lumotlarni alohida-alohida sizlarga yetkazishga harakat qilaman. Yozish uchun ozgina vaqt kerak.

Xulosa qilish esa o’zingizdan bo’ladi.


👉 @xushnudbek 👈

Bruklindagi otishmada 15 yoshli o‘zbekistonlik halok bo‘ldi

AQSh tergov organi ma’lumotlariga ko‘ra, 17-iyul kuni soat 13:00 atrofida yetti nafar bola (ular orasida 15 yoshli o‘zbekistonlik Foridun Mavlonov ham bo‘lgan) boshqa bir guruh bolalar bilan ro‘baro‘ kelgan. O‘smirlardan biri boshqa bir bola bilan janjallashmoqchi bo‘lgan. Bu ikki guruh talabalar Franklin Delano Ruzvelt o‘rta maktabiga qatnagan va bir-birlarini tanigan.

Politsiyaning ta’kidlashicha, ikki guruh a’zolari jismoniy tarafdan orani ochiq qilishga kelishib olgan. Har ikki guruh yetib kelganida, ikkinchi guruh vakili, 17 yoshli yigit qurol chiqarib, ko‘chaning narigi tomonidagi guruh tomon yetti marta o‘q uzgan. Faridun Mavlonov aniq mo‘ljallangan nishon bo‘lmagan, ammo unga ham o‘q tekkan.

“Ayblanuvchi o‘zi urush qilmoqchi bo‘lgan bolani otib tashlamoqchi bo‘lganmi yoki yetti kishi uning oldiga kelayotganini ko‘rib, bu guruh tomon o‘q uzganmi, hozircha bilmaymiz”, – dedi Nyu-York politsiyasi detektiv bo‘limi boshlig‘i Jeyms Essig.

Mavlonov o‘q uzilgan joydan yarim ko‘cha narida hushidan ketgan. U og‘ir ahvolda Maymoniddagi tibbiyot markaziga yetkazilgan va kecha, seshanba kuni hayotdan ko‘z yumgan.

Marhumning qarindoshlari o‘zbekistonlik muhojir Firdavs Mavlonov (marhumning otasi) oilasiga tasalli berish uchun yig‘ilishgan.

O‘zbekistonning AQShdagi elchixonasi 15 yoshli Faridun Mavlonovning fojiali o'limidan chuqur qayg'uda ekanligi hamda uning oilasini qo'llab-quvvatlashga tayyorligini bildirgan. Elchixona hamda Nyu-Yorkdagi Bosh konsullik mahalliy hokimiyat organlari bilan doimiy aloqada bo‘lib turibdi.

Mavlonovlar oilasiga hamdardlik bildiramiz.


👉 @xushnudbek 👈

Avval xabar berganimizdek, Shavkat Mirziyoyev Umra amallarini bajardi. Ushbu jarayondan fotolavhalar.


👉 @xushnudbek 👈