Kechki mutolaa
(o‘qish yoki eshitish uchun 12 daqiqa vaqtingiz ketadi)

Edgar Allan Po. Yurak (hikoya)

Izoh: Bugun jahon adabiyoti doirasida Edgar Allan Poning “dahshatli” hikoyasini o‘qiymiz. Bu yerda dahshatli so‘zini qo‘shtirnoqqa olmasa ham bo‘ladi. Chunki hikoya biroz qo‘rqinchli, gap qotillik haqida ketadi.

Po inson hissiyotlarining eng nozik torlarini chertib-chertib, oxiri hikoyasini yakunlab qo‘ya qolgan. Ushbu hikoya eng yaxshi qisqa hikoyalar ro‘yxatidan doim joy olib keladi.

📖 Matnni o‘qish uchun: https://teletype.in/@xushnudbek/edgar-allan-po-yurak

🎧 Audio hikoyani eshitish uchun: https://youtu.be/X9VxZZv2-GI

💬 Muhokama bu yerda.

🎙Bugungi hikoya audiosini Aziza Qurbonova o‘qigan.

📚 "Kechki mutolaa" doirasida eʼlon qilingan barcha hikoyalar bu yerda.

#kechki_mutolaa


👉 @xushnudbek 👈

Minus uch. Qabul boshlanganiga uch kun bo‘ldi, kvotalar haligacha eʼlon qilinmadi
#abituriyent

20-iyundan qabul jarayonlariga start berildi. Abituriyentlar doimgidek beshtagacha yo‘nalishni tanlashlari mumkin (ijodiy imtihoni bor yo‘nalishlarda faqat bitta tanlanadi).

Ammo haligacha quyidagi kvotalar eʼlon qilinmadi:

1) davlat granti bo‘yicha tillar kesimida kvota;
2) to‘lov-kontrakt kvotalari (na umumiy, na tillar kesimida);
3) maqsadli qabul, turli toifadagi imtiyozlar (masalan, nogironlar, harbiylarning farzandlari, harbiy tavsiyanomaga egalar va h.k.) uchun ajratilgan kvotalar.

Aslida qonunchilikka ko‘ra, ushbu maʼlumotlar 20-iyungacha eʼlon qilinishi kerak edi. Uch kunga kechikmoqda. Faqat uch kunga bo‘lsa mayli edi-ya...

Eslatib o‘taman, o‘tgan yili bundan ham battar bo‘lgandi. Aniqrog‘i yaqin o‘n yillikdagi eng rasvolaridan biri bo‘lgandi.

O‘tgan yili 15-iyunda qabul boshlanishi kerak edi. Umumiy kvotalar ham 15-iyunda tasdiqlangan va qabul boshlanish kuni 20-iyunga surilgan.

Ammo tillar kesimidagi kvotalar 27-iyunda, yaʼni umumiy kvotalar tasdiqlangandan 12 kun o‘tib tasdiqlangandi. 1 hafta davomida chala qabul bo‘lgan, yaʼni ro‘yxatdan o‘tish ochiq ediyu, lekin yo‘nalish tanlay olishmasdi. To‘g‘ri, keyinroq qabulni ham 1 haftaga uzaytirishgan va kechikkan kunlarni kompensatsiya qilishgandi.

Joriy yilda garchi kvotalar hali eʼlon qilinmagan bo‘lsa-da, yo‘nalish tanlash imkoni ochildi, bu har holda o‘tgan yilgidan yaxshiroq. Va shu sababli ham bu yil qabul muddati uzaytirilmasa kerak.

Ko‘ramiz, joriy yildagi to‘laqonli kvotalar qachon eʼlon qilinar ekan.


👉 @xushnudbek 👈

O‘zbekiston musulmonlari idorasi raisi, muftiy Nuriddin domla Xoliqnazarov Xalqaro musulmon ulamolar kengashiga aʼzo sifatida qabul qilindi.


👉 @xushnudbek 👈

«Biz oldin ommaviy axborot vositalarini eshitarmidik? Blogerlar bormidi? Bu ham bizni ongli ravishda tarbiyalayapti» — Shavkat Mirziyoyev


👉 @xushnudbek 👈

Senat O‘zbekiston-Qozog‘iston Davlat chegarasini demarkatsiya qilish to‘g‘risidagi Shartnomani ratifikatsiya qilish haqidagi Qonunni maʼqulladi

Shartnomaga ko‘ra, O‘zbekiston va Qozog‘iston o‘rtasidagi Davlat chegarasining demarkatsiya qilingan chizig‘i uzunligi 2 ming 356  kilometrdan ortiq.

Shartnoma bilan O‘zbekiston-Qozog‘iston Davlat chegarasini belgilash bo‘yicha ishlar to‘liq yakunlandi hamda chegara xavfsizligi va daxlsizligini taʼminlash uchun eng muhim shart-sharoitlar yaratildi.


👉 @xushnudbek 👈

Shavkat Mirziyoyev xorijda mehnat qilayotgan o‘zbekistonliklarni “haqiqiy qahramon” deb atadi

“150 ming nafar yoshlarimiz xorijiy oliygohlarda taʼlim olmoqda.

Bundan tashqari, 2 million atrofidagi yurtdoshlarimiz ro‘zg‘orini tebratish uchun, oilasi, ota-onasi va farzandlaridan uzoqda – xorijda mehnat qilmoqda.

Albatta, musofir yurtda, turli qiyinchilik va mashaqqatlarga chidab, halol mehnat qilib, non topish oson emas. Xorijda bunday sharoitda yashab kelayotgan odamlarimizni haqiqiy qahramon, desak, to‘g‘ri bo‘ladi.

Chet ellarda tajriba va malaka orttirayotgan ana shunday vatandoshlarimizga rahmat aytishimiz kerak”, – dedi prezidentlikka nomzod.


👉 @xushnudbek 👈

AQSH, Kanada, Buyuk Britaniya, Yaponiya va Yevropa davlatlaridan yuqori maosh to‘lanadigan ish topib ketayotgan yurtdoshlarimizga yo‘l chiptasi va “ishchi viza”ni olish xarajatlari to‘liq qoplab beriladi.

Bu haqda qashqadaryolik saylovchilar bilan uchrashuvda prezidentlikka nomzod Shavkat Mirziyoyev maʼlum qildi.


👉 @xushnudbek 👈

"Taqdir taqozosi bilan xorijda vafot etgan yurtdoshlarimizni o‘z yurtiga olib kelish davlat tomonidan taʼminlanadi. Ularning qaramog‘ida bo‘lgan oila aʼzolariga alohida g‘amxo‘rlik qilinadi, farzandlarini o‘qitish va kasb-hunarga o‘rgatish bo‘yicha har tomonlama yordam ko‘rsatiladi.

Bundan tashqari, xorijda ishlayotgan odamlarimizning huquqlarini himoya qilish maqsadida, ularga advokat jalb etish xarajatlarini qoplash va huquqiy yordam berish tizimi yo‘lga qo‘yiladi” — prezidentlikka nomzod Shavkat Mirziyoyev.


👉 @xushnudbek 👈

❓Imtiyozli qo‘shimcha kvotalar qaysi yo‘nalishga qo‘llanadi?
#abituriyent 

✅ JAVOB: faqat birinchi yo‘nalishga (2 ta istisnodan tashqari).

Ko‘pchilik shu savolni bermoqda. Xabaringiz bor, ayrim toifa abituriyentlar uchun umumiy kvotadan tashqari alohida kvotaga tanlov bo‘ladi. Masalan, harbiy tavsiyanoma olganlar, harbiylarning farzandlari, tavsiyanoma olgan ehtiyojmand xotin-qizlar, nogironligi bor yoki Mehribonlik uyi tarbiyalanuvchilari va h.k.

Ushbu kvotalar qaysi yo‘nalishga o‘tadi? Tanlagan beshta yo‘nalishga ham qo‘llanadimi yoki faqat birinchigami?

O‘qishga kirish uchun qo‘shimcha qabul parametrlari ajratiladigan imtiyozga ega bo‘lgan abituriyentlar imtiyoz doirasida faqat o‘zlari tanlagan birinchi bakalavriat taʼlim yo‘nalishi bo‘yicha tanlovda ishtirok etishlari mumkin.

2️⃣ Bunda nogironligi bo‘lgan shaxslar hamda ota-ona qaramog‘isiz qolgan bolalar uchun beriladigan imtiyoz bundan mustasno. Yaʼni mazkur imtiyozlar beshta taʼlim yo‘nalishi uchun ham o‘rinli.

❗️ Eslatib o’tamiz, bugun — 2023-yil 23-iyun soat 17:30 holatiga hali imtiyozlar va maqsadli qabul uchun kvotalar e’lon qilinmadi. Umuman olganda tillar kesimida grant va kontrakt kvotalari ham hozircha aniq emas.


👉 @xushnudbek 👈

❗️O‘zbekiston — 2024-yilgi futzal bo‘yicha Jahon chempionatiga mezbonlik qiladi!

Bu haqdagi qaror bugun FIFA Kengashining yig‘ilishida qabul qilindi.

O’zbekiston FIFA tasarrufidagi Jahon chempionatiga birinchi bor mezbonlik qiladi.


👉 @xushnudbek 👈

Joriy yilda 97 ta yangi bakalavriat ta’lim yo’nalishlari tashkil etildi
#abituriyent

Ularga qaysi fanlardan imtihon bo’ladi?

Yangi tashkil etilgan yo’nalishlarga mos test sinovi yoki kasbiy/ijodiy imtihon topshiriladigan fanlar majmuasi yuqoridagi faylda ko’rsatilgan.

Barcha fanlar majmuasi bu yerda.


👉 @xushnudbek 👈

❗️“Vagner” xususiy harbiy kompaniyasi Rossiya mudofaa vazirligiga qarshi. Asosiy maʼlumotlar:

Hammasi “Vagner” xususiy harbiy kompaniyasi (XHK) rahbari Yevgeniy Prigojinning bayonotidan so‘ng boshlandi. U Rossiya Mudofaa vazirligini “Vagner” jangchilari joylashgan lagerlarga zarba berishda aybladi. Uning so‘zlariga ko‘ra, zarba oqibatida ko‘plab “Vagner” jangchilari halok bo‘lgan. Shundan so‘ng Prigojin Rossiya Mudofaa vazirligiga qarshi urush ochib, Mudofaa vaziri Sergey Shoygu va uning birinchi o‘rinbosari Valeriy Gerasimovni “Vagner”ga topshirishlarini talab qildi.

Rossiya Mudofaa vazirligi, Milliy antiterror qo‘mitasi va Federal xavfsizlik xizmati ketma-ket bayonotlari bilan chiqib, XHK tomon zarba berilgani haqiqatga to‘g‘ri kelmasligini aytishdi. Prigojinga nisbatan davlat to’ntarishi ayblovi bilan jinoyat ishi qo’zg’atildi.

Voqealar fonida Rossiyaning turli viloyatlari, xususan poytaxt Moskva va uning viloyatida xavfsizlik choralari kuchaytirilib, barcha muhim obyektlar qo‘riqlanmoqda.

So‘nggi ma’lumotlarga ko‘ra, Prigojin qo‘l ostidagi “Vagner” XHK ayni paytda Rostov viloyatining katta qismini o‘z nazoratiga olgan. Xususan, yuqoridagi videodan ko’rinadiki, Prigojin Rostovdagi harbiy okrugda Rossiya mudofaa vaziri o’rinbosari Yevkurov va Bosh shtab boshlig’i o’rinbosari Alekseyev bilan gaplashgan hamda Shoygu va Gerasimov ularga topshirilmasa, Moskva tomon yurish qilishini bildirgan.


👉 @xushnudbek 👈

❗️Vladimir Putin Yevgeniy Prigojinning isyonini “vatanga xiyonat” deb atadi

Rossiya prezidenti jonli efirda murojaat qildi va bu holatni “orqadan urilgan pichoq” deya baholadi. Lekin Putin o’z murojaatida Prigojin familiyasini biror marta tilga olmadi.

Biz esa o’z navbatida Rossiyada bo‘lib turgan yurtdoshlarimizga, O‘zbekiston fuqarolariga murojaat qilmoqchimiz. Iltimos, o‘zingizni ehtiyot qiling, imkon bo’lsa, ko‘chaga chiqmang va bu kabi voqealarga umuman aralashmang.


👉 @xushnudbek 👈

❓Tanlov ustuvorligini belgilash nima degani?
#abituriyent

Abituriyentlar ro‘yxatdan o‘tishda davlat grantini ustuvorlik sifatida belgilashi mumkin.

👉 Bunda abituriyent ustuvorlik sifatida:

🔹 Davlat grantini tanlasa — tanlagan barcha taʼlim yo‘nalishlarida dastlab davlat granti, so‘ngra to‘lov-kontrakt asosida saralanadi;

🔹 Ta’lim yo’nalishini tanlasa — avval har bir taʼlim yo‘nalishida davlat granti va to‘lov-kontrakt asosida ketma-ket tanlovda ishtirok etadi.

Yuqoridagi suratda buning ketma-ketligi ko’rsatilgan.

‼️Abituriyentlar ustuvorlikni belgilashda eʼtiborli bo‘lishlari kerak. Javoblar chiqqandan keyin, “voy, men bu yo’nalishda o’qimayman, ikkinchida o’qimoqchi edim, beshinchida o’qimoqchi edim” degan gaplar befoyda bo’ladi.


👉 @xushnudbek 👈

❗️“Vagner” XHK Moskvaga yurishini to’xtatib, ortga qaytmoqda

Yevgeniy Prigojin tomonidan e’lon qilingan 1 daqiqalik audioxabarda shunday deyiladi:

““Vagner” XHKni tarqatib yubormoqchi bo‘lishdi. Biz 23-iyun kuni “Adolat marshi”ga chiqdik. Bir sutkada biz Moskvaga ostonasiga 200 kilometr masofa qolgungacha bo’lgan yo’lni bosib o’tdik. Bu vaqt ichida jangchilarimizdan bir tomchi ham qon to‘kilgani yo‘q.

Endi rus qoni to'kilishi mumkin bo'lgan fursat yetib keldi. Shu sababli, qon to’kilish xavfi yuzaga kelgani uchun, barcha mas'uliyatni tushungan holda, biz kolonnamizni ortga buramiz hamda rejamiz bo‘yicha qarama-qarshi yo‘nalishda dala lagerlari tomon jo‘nab ketamiz”, — dedi Prigojin.

Avvalroq Belarus Prezidenti Aleksandr Lukashenko Putin bilan kelishgan holda kun davomida Prigojin bilan muzokaralar olib borgani ma’lum qilindi. Belarus Prezidentining matbuot xizmati ma’lum qilishicha, Prigojin tinchlik sulhiga rozi bo’lgan. Ammo rasmiy xabarda sulh shartlari ochiqlanmagan.

Ayrim nashrlar o’z manbalariga tayanib xabar berishicha, Lukashenko bergan taklifga ko’ra, Rossiya mudofaa vaziri ishdan olinadi, Yevgeniy Prigojin va “Vagner” jangchilariga esa to’liq xavfsizlik kafolati beriladi hamda ular asosiy e’tiborini Afrikadagi loyihalarga qaratadi. Ammo hozircha bu xabarlar rasman tasdiqlanmadi.


👉 @xushnudbek 👈

Yapon madaniyati haqida

🔘 @xushnudbekuz