21 ёшга тўлмаганларга алкоголь ва тамаки маҳсулотларини сотиш тақиқланиши кутилмоқда

Сенаторлар бу ҳақдаги қонунни муҳокама қилди.

Қонунда алкоголь ва тамаки маҳсулотларининг, тамакини ҳамда никотинни истеъмол қилиш мосламаларининг 21 ёшга тўлмаган шахсларга сотиш ва ушбу шахслар томонидан реализация қилиниши, алкоголь ва тамаки маҳсулотларини истеъмол қилиш жараёнига ушбу шахсларни жалб этиш тақиқланишини назарда тутади.

Ушбу ёш чегараси амалдаги қонунда 20 ёш этиб белгиланган эди.

Қонун Сенатнинг навбатдаги ялпи мажлисда кўриб чиқилиши кутилмоқда.


👉 @xushnudbek 👈

❓Янги йил байрамида ўзбекистонликлар неча кун дам олади?

✅ ЖАВОБ: ҳозирча аниқ эмас.

2018 йилдан бошлаб Ўзбекистонда яхши анъана йўлга қўйилди. Унга кўра, кейинги йилдаги байрам кунлари арафасида аҳолига қулайлик яратиш мақсадида қўшимча дам олиш кунлари бериладиган ва бу олдиндан ҳаммага эълон қилинадиган бўлди.

Аҳоли шунга қараб, ўз режаларини тартибга солиши, саёҳатга чиқишни ёки бошқа ишларини режалаштириши мумкин эди.

Биринчи йилни ҳисобга олмаганда, кейинги йилларда ушбу дам олиш саналари вақтлироқ эълон қилинаётган эди. Аммо ўтган йили салкам Янги йилнинг тагида — 21 декабрь куни маълум қилинди.

Мана бугун ҳам 21 декабрь. Аммо ҳалигача дам олиш кунлари ҳақида гап-сўз йўқ. Ҳаттоки жамоатчилик муҳокамасига бу ҳақда бирор ҳужжат қўйилганини ҳам топа олмадим.

Демак, бу йил дам олиш кунлари ўтган йилгидан ҳам кечроқ чиқса керак.

Ўзи бу тизимдан асосий мақсадлардан бири ички туризмни ривожлантириш эди. Аммо қачон дам олиш кунлари бўлиши Янги йилга саноқли кунлар қолганда эълон қилинса, аҳоли деярли ҳеч нарсани режалаштира олмайди. Ҳеч қаёққа саёҳатга ҳам бормайди, чунки байрамга яқин қолганда бирорта билет қолмаган бўлади.

Ёки келгуси йилда қўшимча дам олиш кунлари бўлмайдими?

Ҳозирча маълум бўлгани, жорий йил 31 декабрь — шанба куни 6 кунлик иш ҳафтасидагилар учун дам олиш куни бўлади. 1 январь эса шундоқ ҳам якшанба кунига тўғри келмоқда.

Янги Меҳнат кодексига кўра, байрамлар дам олиш кунига тўғри келса, кейинги иш куни дам олиш куни деб эълон қилинади. Аммо ҳали янги Меҳнат кодекси расман кучга кирмади. Демак, ҳозирча бу қоидани 1 январга алоқаси йўқ.

Қайси йилдаги дам олиш кунлари қачон эълон қилингани ҳақида маълумот:

2018 йилники — 28 декабрда;
2019 йилники — 13 ноябрда;
2020 йилники — 15 ноябрда;
2021 йилники — 3 декабрда;
2022 йилники — 21 декабрда;
2023 йилники — ????


👉 @xushnudbek 👈

‼️2023/2024-o‘quv yili bakalavriat qabuli uchun fanlar majmuasi tasdiqlandi
#abituriyent

Joriy yilda fanlar majmuasi Oliy va o‘rta maxsus taʼlim vazirligi tomonidan tasdiqlandi. Ilgari Davlat qabul komissiyasi tomonidan tasdiqlanar va bu jarayon juda uzoqqa cho‘zilib ketardi.


👉 @xushnudbek 👈

❗️Юриспруденция йўналиши бўйича барча ОТМларда ҳуқуқшунослик ва чет тилидан имтиҳон олинади. Мутахассислик блокида тарих фанидан саволлар бўлмайди.

Ўтган йили Тошкент давлат юридик университетида 2023 йилдан бошлаб кириш имтиҳонларида тарих ўрнига ҳуқуқ фанидан саволлар бўлиши расман маълум қилинганди. Лекин бошқа ОТМларда, масалан, ЎзМУ, ЖИДУ, ҚДУ, СамДУ, НамДУ ва бошқаларда ҳуқуқдан саволлар тушиши шу чоққача айтилмаганди.

Бугун эълон қилинган фанлар мажмуасидан кўринадики, демак энди юриспруденцияга оид барча йўналишларда, у қайси ОТМда бўлишидан қатъи назар, тарих ўрнига ҳуқуқдан савол тушади.

Фанлар мажмуасини имтиҳондан 7 ой олдин эълон қилингани жуда яхши бўлди, албатта. Илгари 1 ой қолганда эълон қилинарди.

Аммо мажмуадаги фанлар ўзгаришига оид бунақа жиддий янгиликларни камида 2-3 йил олдин маълум қилиш керак. Абитуриентлар шунга қараб мўлжал олади, режалаштиради. Барча ёмон одатларимизни бирин-кетин бартараф этаётган бир даврда мана шунга ҳам эътибор қилиш керак. Ёшлар тақдирини ўйинчоқ қилмаслик керак.

✅ Хуллас, юрист бўлишни орзу қилган абитуриентлар ҳозирдан ҳуқуқ фанини жиддий ўқишни бошлашлари керак.

Ҳуқуқшунослик фанидан намунавий тест саволлари ДТМ томонидан февраль ойида эълон қилиниши режалаштирилган. Бу ҳақда яқинда каналимизда ўтказилган овозли чатда маълум қилинганди.


👉 @xushnudbek 👈

Бироздан сўнг Халқаро Конгресс марказида Ўзбекистонга давлат ташрифи билан келган Қозоғистон Президенти Қасим-Жўмарт Тўқаевни расмий кутиб олиш маросими бўлиб ўтади.

Маросимдан сўнг Президентлар Шавкат Мирзиёев ва Қасим-Жўмарт Тўқаев турли муҳим масалаларда ўзаро музокаралар ўтказиши кутилмоқда.


👉 @xushnudbek 👈

Минг сўмлик танга муомалага киритилади

Шу йил 26 декабрдан номинал қиймати 1000 сўм бўлган танга кўринишида пул белгилари муомалага чиқарилади.

1000 сўмлик танга кўринишидаги пул белгиси 2 хил рангдаги комбинациядан иборат бўлиб, ички айланаси сариқ рангли мис ва латун, ташқи айланаси кумуш рангли никель қотишмасидан тайёрланган.

Танга диаметри – 26,27 мм., ички диск диаметри – 17,6 мм., қалинлиги – 1,6 мм., оғирлиги – 7,3 гр.

Танганинг олд томонида (аверс) Тошкент шаҳрида бунёд этилаётган “Ислом цивилизацияси маркази”нинг биноси тасвирланган.

Тасвирнинг пастки қисмида ботиқ ҳолда танга қиймати “1000” рақами ва лотин босма ҳарфларида “so’m” сўзи ёзилган.

❗️2001 йил намунасидаги 1000 сўмлик банкнотлар ҳам тўлов қобилиятини йўқотмайди.


👉 @xushnudbek 👈

Халқаро Конгресс марказида Қозоғистон Республикаси Президенти Қасим-Жўмарт Тўқаевни расмий кутиб олиш маросими бўлиб ўтди.


👉 @xushnudbek 👈

Президентлар Шавкат Мирзиёев ҳамда Қасим-Жўмарт Тўқаев оммавий ахборот воситалари вакиллари учун олий даражадаги музокараларнинг якунларига бағишланган брифингда иштирок этишлари кутилмоқда.

Шунингдек, Ўзбекистон ва Қозоғистон ўртасидаги бир қатор шартнома ва келишувлар имзоланади.


👉 @xushnudbek 👈

Президентлар Шавкат Мирзиёев ҳамда Қасим-Жўмарт Тўқаев Ўзбекистон билан Қозоғистон ўртасида иттифоқчилик муносабатлари тўғрисидаги шартномани, шунингдек, Ўзбекистон-Қозоғистон Давлат чегарасини демаркация қилиш тўғрисидаги шартномани имзолади.


👉 @xushnudbek 👈