Тошкент ҳайвонот боғида 3 ёшли қизини айиқ вольерига ташлаб юборган аёл 2021 йилнинг июль ойидан буён руҳий асаб касалликлари диспансерида рўйхатда турганлиги маълум бўлди.

Айбланувчининг жиноят содир қилган пайтдаги руҳий ҳолатини аниқлаш юзасидан тергов органи томонидан суд-психиатрия экспертизаси тайинланган.


👉 @xushnudbek 👈

Фарзанд тарбиясини қуруқ гап билан эмас, амаллар билан шакллантириш керак. Мисол учун, ўзи сигарет чекадиган ёки ароқ ичадиган ота-она болаларидан бунақа қилмасликни талаб этиши одатда ҳеч қандай фойда бермайди.

Видеони кўриб, нима демоқчилигимизни тушунгандирсиз. Фарзандингизга ўрнак бўлинг, маърузачи эмас.


👉 @xushnudbek 👈

Дин ишлари бўйича қўмита раисининг биринчи ўринбосари Камилов Музаффар Муротович Президентнинг жамоат ва диний ташкилотлар билан ҳамкорлик масалалари бўйича маслаҳатчиси лавозимига тайинланди. Шунингдек, у Ўзбекистон халқаро ислом академияси ректори бўлиб қолади.

Президент маслаҳатчиси лавозимини эгаллаб келган Шоазим Шоисламович Миноваров Ўзбекистондаги Ислом цивилизацияси маркази раҳбари сифатида фаолиятини давом эттиради.


👉 @xushnudbek 👈

Оҳангаронда 17 млн доллар эвазига 30 гектарлик маиший чиқинди полигони қурилади

Бугун Шавкат Мирзиёев раислигида чиқиндилар билан ишлаш тизимини такомиллаштириш ва ҳудудлардаги экологик ҳолатни яхшилаш юзасидан видеоселектор йиғилиши ўтказилди. Бу ҳақда Президент матбуот котиби Шерзод Асадов маълум қилди.

Йиғилишда жорий йилда маиший чиқинди тўплаш қамровини 95 фоизга, қайта ишлаш ҳажмини 40 фоизга, хусусий сектор улушини 50 фоизга етказиш вазифаси қўйилди. Бунинг учун тадбиркорларга бир қатор енгилликлар берилади, жумладан:

- импорт қилинадиган махсус техника, бутловчи ва эҳтиёт қисмлар божхона божидан 3 йилга озод этилади;

- чиқиндини қайта ишлашга қодир кластерларга ер, мол-мулк ва ижтимоий солиқ ставкаси 1 фоиз қилиб белгиланади.

Шунингдек, ҳудудлар раҳбарларига ресурсини ўтаб бўлган маиший чиқинди полигонларини (жами 165 гектар майдонда 24 та) 1 майга қадар кўмиш чораларини кўриш топширилди.

Бир ой муддатда Оҳангарон туманида Осиё тараққиёти банки иштирокидаги 30 гектар майдонда полигон ташкил этиш бўйича 17 миллион долларлик лойиҳа доирасидаги қурилишни бошлашга кўрсатма берилди.


👉 @xushnudbek 👈

⚡️РАСМАН: 2022 йил 7 февралдан бошлаб умумтаълим мактаблари, профессионал, касб-ҳунар таълим ва олий таълим муассасалари, академик лицейлар ҳамда нодавлат таълим ташкилотларида ўқув жараёни анъанавий шаклга ўтказилади — ССВ


👉 @xushnudbek 👈

❓Ия, чипталаримиз нима бўлади энди, алмаштиравериб чарчаб кетдик-ку?

✅ ЖАВОБ: нима бўларди, худди аввалгидек тизим яна ишлайди, кўпга келган тўй, чидайсизда, наилож.

Авиа ва темирйўл чипталари тариф қисмидан 50 фоиз миқдорида чегирмалари сақлаб қолинади ва 7 февралга қадар авиа ва темирйўл чипталари бошқа муддатга бепул алмаштириб берилади.

Транспорт вазирлиги, Олий ва ўрта махсус таълим вазирлиги, маҳаллий ҳокимликлар ўқувчилар, талабалар ва уларнинг ота-оналари учун авиа ҳамда поезд чипталари харид қилинишини тартибли равишда ташкил этади.

“Умуман, ҳеч бир ўқувчи ва талаба чиптасиз қолмайди”, - деб ёзмоқда ССВ.


👉 @xushnudbek 👈

Шахрилло Махмудов ва Абдулло Аслонов туризм ва спорт вазирининг ўринбосари лавозимларига тайинланди.

Шахрилло Махмудов бунга қадар Оғир атлетика федерацияси раисининг биринчи ўринбосари эди.

Абдулло Аслонов эса Олий Мажлис Қонунчилик палатаси депутати эди.

Туризм ва спорт вазирининг аввалги ўринбосарлари Ўткир Саидов ва Авазжон Каримов бошқа ишга ўтиши муносабати билан лавозимларидан озод этилди.


👉 @xushnudbek 👈

⚡️Тошкент давлат техника университетида анъанавий (оффлайн) дарсларга қайтиш графиги тасдиқланди. Унга кўра:

1-босқичлар учун — 21 февралдан;

2-босқичлар учун — 14 февралдан;

3 ва 4-босқич ҳамда магистрлар учун — 7 февралдан.

1- ва 2-босқич талабалари ўқув графигига мувофиқ юқоридаги саналарга қадар таътилда бўлишади.

P.S.: Менимча, қолган ОТМларда ҳам шунақа бўлса керак. Аниқлаштиришга ҳаракат қиламиз.


👉 @xushnudbek 👈

ТАТУ Қарши филиалида ҳам кундузги таълим шаклидаги талабалар учун ўқув жараёни графиги тасдиқланибди:

1-босқич — 7 мартдан анъанавий тарзда баҳорги семестр учун ўқув жараёни бошланади. 12 февралгача оралиқ ва якуний назоратларни ОНЛАЙН топширишади. 14 февралдан 5 мартгача қишки таътил;

2-босқич — 14 февралдан анъанавий тарзда баҳорги семестр бошланади. 7 февралдан таътилга чиқишади;

3-босқич — 21 февралдан анъанавий тарзда баҳорги семестр бошланади. 7-19 февраль кунлари таътил берилади.

4-босқич — 7 февралдан анъанавий тарзда баҳорги семестр бошланади.

магистрларга — 21 февралдан анъанавий тарзда баҳорги семестр бошланади. 7-19 февраль кунлари таътил берилади.


👉 @xushnudbek 👈

❗️РАСМИЙ ИЗОҲ:

Олий таълим вазирлиги кечроқ бўлса-да, ушбу масалага расмий изоҳ берди. Демак, вазирлик баёнотининг қисқача мазмуни қуйидагича:

1️⃣ талабаларга ҳам транспорт, ҳам яшаш жойи борасида қулайлик яратиш мақсадида ОТМларда ўқув жараёнлари 7 февралдан 24 февралга қадар босқичма-босқич анаънавий шаклга ўтказилади. Бунгача дарслар ҳам масофавий, ҳам анъанавий шаклда бўлиб туради;

2️⃣ Ким қачон келишини ҳар бир ОТМ ўз имкониятлари ва ўқув жараёнига қараб мустақил белгилайди ҳамда эълон қилади;

3️⃣ 24 февралдан бошлаб ОТМларда ўқиш тўлиқ анъанавий шаклда олиб борилади.


👉 @xushnudbek 👈

Республикадаги барча мактабларда анъанавий (оффлайн) ўқишлар 7 февраль — душанба кунидан бошланади. Бу бўйича ҳеч қандай ўзгариш йўқ.

7-24 февраль кунлари боқичма-босқич анъанавийга ўтилади деган гап фақат ОТМ талабаларига тааллуқли. Чунки кўплаб ОТМлар кредит-модул тизимига ўтгач, ўқув графигини шунга қараб мослаштиришган ва февраль ойида таътил берилиши режалаштирилган эди. Шунинг учун кўпчилик талабалар 7 февралдан ўқишга келмаяпти, улар аввал таътилини тугатиб, белгиланган кундан анъанавий ўқишга қайтади.

Аммо буни мактабларга алоқаси йўқ. Барча ўқувчилар душанба кунидан анъанавий таълимга "шагом марш"!


👉 @xushnudbek 👈

Ички ишлар вазири ўринбосари: «Энди пули ёки таниши борлар эмас, фақат билими борларгина рулга ўтиради. Биз бундан бошқасига рози эмасмиз ва бунга йўл ҳам қўймаймиз»

Бугун Тошкент имтиҳон марказининг тақдимот маросими бўлиб ўтди. Эртага 4 февралдан бошлаб Тошкент шаҳрида ҳайдовчилик гувоҳномасини олиш учун имтиҳонлар шу ерда топширилади.

Марказнинг асосий мақсади имтиҳонларни пул, таниш-билиш орқали топширишга чек қўйиш.

“Бу орқали эса фуқаролар ўз-ўзидан ўқишга мажбур бўлади, масъулиятсиз автомактаблар эса ёки ишини йиғиштиради, ёки ва ниҳоят сифатли таълим беришни бошлайди”, - деди ички ишлар вазирининг ўринбосари Бекмурод Абдуллаев.

Тақдимот давомида журналист ва блогерлар ҳам имтиҳон топшириб кўрдик. Натижалар уяладиган даражада 😂 Фақат 2 киши назариядан, бошқа 2 киши амалийдан ўта олишди, қолган ҳамма имтиҳондан йиқилди🤦🏻‍♂️

Хуллас, билган бемалол, осон ўтаркан, билмаганга “узр” дейишаркан.


👉 @xushnudbek 👈

Ака муҳаббати.


👉 @xushnudbek 👈

Олий ва ўрта махсус таълим вазири Абдуқодир Тошқулов ҳозирги лавозимини сақлаб қолган ҳолда Ўзбекистон волейбол федерациясининг президенти этиб сайланди. Энди у олий ва ўрта махсус таълим соҳасидан ташқари Ўзбекистонда волейбол спорт тури учун ҳам масъул бўлади.


👉 @xushnudbek 👈

🇺🇿Пекин-2022 Қишки олимпия ўйинларининг очилиш маросимида Ўзбекистон терма жамоаси иштирок этди.

Унда мусобақада қатнашувчи ягона вакилимиз Комилжон Тўхтаев Ўзбекистон байроғини кўтариб чиқди.


👉 @xushnudbek 👈