نبدأ

اني ادري اكو متابعين للاسف يشوفون وما يصوتون
يا صديقي صوت مراح اكص اصبعك ترا
واني انسان ديمقراطي واسمح بحرية التعبير

أريد ازوج

خلص بعد اليوم الي شفتة أريد ازوج

همممم بصراحة افكر
اخر فترة لو ظال وحيد مو افضل الي؟ افضل الي من ناحية التعلق المفرط بالناس وبالنسبة للناس لأن تعلقي جاي ياذيهم
صراحة جان لازم اظل وحيد لو ما اتخذت ذاك القرار الي من سنة السادس الأولى كان افضل
صراحة اني وجودي مؤذي لغيري
جان لازم اظل وحيد

اوك بعد التفكير
والأخذ والعطاء مع نفسي والكتابة والتحليل تبين انو اني انسان حالي حال غيري أغلط واتعلم فأي ما حاجة اعذب نفسي بشكل مستمر
وانو اجلد نفسي بشكل مستمر
وثاني شيء صح اني متعب هاي الفترة لكن اني بالاول والاخير أمر بأزمة صحية وهذا الشيء خارج نطاق سيطرتي فلا تحاسبني على غلط بدر مني ترا اني جاي احاول بقدر المستطاع انو اكون حذر
واني بالاول والاخير صديق الكم وجاي أمر بأزمة صحية فلازم تتحمل يعني شلون اعتبرك صديق إذا ما تتحمل فترة ضعفي؟ واني هم لازم اتحمل فترة ضعفك علمود اكون من صدق صديق وبس
صح بعدني احس بنوع من الضوجة لكن جاي احاول احارب هذا الشيء

لا لجلد الذات بعد الآن.

من اول ما عرفت الدكتورة لحد الان تكلي بطل جلد الذات وجنت ما افهم شنو جلد كلت هل يعني انو احاسب نفسي على غلط بدر مني شيء غلط؟ طلع انو اوك محاسبة نفسك شيء جيد وشيء نادر الناس تسوي لأن أغلب الناس تكول اني ما أغلط وما اعتذر لأن اني ما أغلط ومدري شلون لكن أيضاً انو تحاسب نفسك بشكل قاسي وعلى ابسط الاشياء وعلى ابسط الاغلاط هم يعتبر غلط الحل السليم هو اوك حاسب نفسك لكن مو لدرجة جنونية تظل اسابيع تحاسب نفسك وتعتذر بشكل مستمر حتى إذا كان المقابل خلص مسامحك لكن تظل تعتذر وتعتذر ترا هذا الشيء غلط
الصحيح انو تحاسب نفسك بحدود المعقول خلص اعتذرت مرة واحدة كافي وفكرت بيوم واحد بغلطك وحللت الموقف وعرفت عليمن تعتذر وعليمن لا هذا الشيء جداً كافي وبس

فأرجوك يا حسين بطل جلد الذات 🙏🏻

المهم الدكتورة مسوية ورشة نفسية واني ما اجيت يا ويحتاه
ما هذا يا دكتورة مو كتيلي ابشهر الثامن أسويه وكتيلي تعال حتى لو بس تجي وترجع لمحافظتك وسفة وسفة هيج صارت دكتورة؟

والله ردت احضره بكل الطرق
لأن جانت راح تحجي عن كيمياء الدماغ ومن زمان أريد افهم شلون مشاعرنا واحاسيسنا مرتبطة بهرمون معين

ابو علي كسر قلبه