Bugun imtihon topshirib chiqdim 👨‍🎓

Umuman olganda, men o'ylaganimdan ko'ra osonroq bo'ldi. 🍀

Imtihondan olgan eng yaxshi taassurotim - tekshiruv qattiq va ancha shaffof imtihon muhiti. Birinchi darvozadan kirib, borib joyiga o'tirginicha yo'lda 3-4 ta tekshiruv, milliy gvardiya yonidan o'tar ekan. Face ID bilan ishlaydigan qurilmalar bilan jihozlangan tunellar ham vaqtni behuda sarflamaydi. Hammasi tartibli va tizimli. Shuncha tekshiruvdan keyin ham har bir guruhga, ya'ni 30 ta odamga alohida kamera qaratilib, jonli efirda platformaga uzatib turar ekan. Imtihon davomida o'zini tutish shartlari ham qat'iy. Hatto ruchka tushib ketsa ham, har bir guruhga 2 tadan biriktirilgan nazoratchi kelib olib berar ekan. Zal ham shunday tartib bilan tuzilganki, har qanday o'rinni tezda, osonlik bilan topib olish mumkin. Hech qanday noaniqliklarga yo'l yo'q. Har bir qadamni qayta-qayta aytib, o'rgatib turishar ekan. ⭐️

Xullas, shunday muhitda imtihon topshirganimga ham faxrlanib ketdim. ✨

Shunday zamonlar ham keldi. Yurtimiz bundanda rivojlanaversin. 📈

@xpratov | pratov.uz 🌥

IMTIHON NATIJASI CHIQDI

Hozirgi paytda imtihon topshirish qulayliklarining eng zo'rlaridan biri bu - 1 kunda natija chiqishi bo'lsa kerak. ⚡️

Asosiyda
Matematika | 15/30 | 46.5 ball
Ingliz tili | 30/30 | 63.0 ball

Majburiyda
Ona tili | 9/10 | 9.9 ball
Matematika |10/10 | 11.0 ball
O'zb. Tarix | 3/10 | 3.3 ball

Jami: 133.7 ball

Asosiydagi matematikadan 20-25 tacha topaman deb o'ylayotgan edim, adashibman. Lekin qolgan barcha fanlardan roziman. 👍

Qozonda bori cho'michga chiqdi!

@xpratov | pratov.uz 🌤

Mandat hali chiqmadi. Lekin o'tgan yilgi ballar bilan hisoblaydigan bo'lsak, kamida kontrakt bilan kiraman universitetga. Xudoga shukur. 🤲

Shu joyida meni o'ylantirayotgan narsa haqida gapirsam.

Maktabda 11 yil o'qidim, bu hazilakam vaqt emas. Butun boshli hayotimning juda katta qismiga to'g'ri keladi. Kamiga endi yana 4 yil o'qishim ham kerak. Shuncha vaqt o'qiganimdan keyin meni zo'r ish kutib turgan bo'lsa ham mayli ekan. Oddiy qora ishchilar (masalan, quruvchilar) bilan solishtiradigan bo'lsam, deyarli teng daromad qilaman. Ular men o'qiyotgan vaqtda ham shunchadan daromad qilib borishsa, men hayotda ancha narsadan qolib ketaman shu o'qishni deb.

Shuning uchun menda boshqa rejalar bor. Universitet - shu rejalarimni amalga oshirish uchun eng qulay muhit holos. Ammo u rejalarim amalga oshadimi, yo'qmi? Bilmadim.

Xullas, oldimda 2 ta yo'l turibdi: hozirdan pul topishni boshlash yoki universitetga kirib o'z karyeramni qurish.

Balki, pul topishga juda shoshilib ketayotgandirman.

Nima bo'lsa ham, anavi rejalarimni amalga oshirmasam, yoki hech bo'lmasa harakat qilib ko'rmasam armon bo'lib qolishi aniq! Tavakkal qilishim kerak. O'qiyman!

Noma'lum, mavhum kelajak.

@xpratov | pratov.uz ☀️

⚽️ F U T B O L 🤩

Umrimda birinchi marta boshidan oxirigacha qiziqib ko'rgan yagona o'yin 2022-yil 18-dekabrda Argentina va Fransiya finalda o'ynagan o'yini bo'lgan. ✨

Ungacha va hozirgacha biror marta futbol ko'rmaganman. Negadir qiziqmayman, umuman. Bilmadim, nega? 🤷‍♂️

Futbol orqali oladigan yagona dofamin, qachonki uni shaxsan o'zim o'ynayotganimda sodir bo'lsa kerak. 🏃‍♂️‍➡️

Lekin mashhur, dunyoga dong'i ketgan o'yinchilar-u va ularning o'yinini umuman qizig'i yo'q! 🌴

Bu shunchaki, mening "вкус"im. Hech kimni, hech narsaga da'vat qilayotganim yo'q. 😉

@xpratov | pratov.uz ☀️

Hozirgi o'quvchilarning bilim olish uchun imkoniyati yo'qligini bahona qilishga umuman haqqi yo'q. ☄️

Negaki, bugungi texnologiyalar sekundsayin rivojlanayotgan paytda ilm olish uchun har qaysi zamondagidan yaxshi sharoitlar mavjud. 🎩

Chet tili, zamonaviy kasblar, umumta'lim fanlari, hunarmandlik va hokazolarni o'rganaman deysizmi, marhamat internetda har qanday usulda o'rganishingiz uchun yetarlidan ortiqroq sharoit yaratilinib qo'yilgan. 🪢

Video, audio, maqola, kitob... istalgan shaklda o'rganishingiz mumkin. Kamiga tushunmay qolgan joyingizni an'anaviy ustozlardek tushuntirib qo'yadigan Sun'iy Intellektlar ham paydo bo'lmoqda. 🦾

Shunday imkoniyatlarning o'zbek tilida ham ko'payayotgani esa juda quvonarli holat. 🌟

Yetmaganiga, bularning barchasi BEPUL. ✨

Lekin yoshlar shunday imkoniyatlardan foydalanish o'rniga, video-o'yinlarga mukkasidan ketib qolgan. Kuniga soatlab qisqa videolar ko'rish bilan band. Yana kelajakda qandaydir "omad" haqida gapirib nolishadi. 👎

Bularning ham uvoli bor, hayf bo'ladi.

@xpratov | pratov.uz ☀️

🍁 So'ngi 2-3 yildan beri Oliy Ta'limga kirish uchun tayyorlandim

Mana bu yil yozning qoq o'rtasida, ya'ni 15-iyulda imtihonga kirib chiqdim. Imtihondan va imtihon bosimidan qutuldim. 💆‍♂️

Endi-chi? Endi nima?
Yozning qolgan yarimi bekorga o'tadimi? Aslo yo'q. Endi yangi narsalar o'rganishga kirishib ketdim. 🪖

Najot Ta'limning Edfix platformasida onlayn kurslarida Marketing (Mobilografiya, Kopirayting, SMM), HR, dasturlash kurslarini self-study o'rganyapman. Bepul bo'lsa-da, ancha sifatli darslar ekan. 💼

Ibrat Farzandalari bilan rus tilini o'rganishni boshlab yubordim. Xudo xohlasa, rejam bo'yicha yil oxirigacha B1 darajada o'rganishim kerak. 🇷🇺

Keep learning...✨

@xpratov | pratov.uz ☀️

📚 Kitob o'qish muhim!

🧐 Bugungi kunda biror narsani o'rganish uchun aynan kitob o'qish shart emas. Texnologiyalar orqali ilm olish ancha o'zgardi. Lekin kitob o'qish baribir muhim. Nega? Chunki kitob o'qish orqali ilmni chuqurroq tushunish mumkin.

🧩 Masalan, men "Atom odatlar" kitobini o'qigunimcha, kichik odatlarning ahamiyati haqida har xil internetdagi manbalar orqali ko'p eshitganman, tushunganman.

💡Ammo shu kitobni o'qiganimdan keyin mayda odatlarning muhimliligini, amal qiladigan darajada chuqur tushuna oldim. Ungacha internetda ko'rganlarim yetarli emas edi. Hozir esa men bilaman atom odatlarning mohiyatini. Kundalik hayotda shunga amal qilaman. Albatta, kitob orqali.

💫 Shu yerda orzularimdan (balki maqsaddir) biri haqida ham aytib ketsam. Kelajakda yuqoridagi rasm kabi uyimda shunaqa katta shaxsiy kutubxonam bo'lishini orzu qilaman.

@xpratov | pratov.uz ☀️

🦕 Gapirish oson, amal qilish qiyin

⛑ Kitob o'qish muhimligi haqida fikr bildirdim-ku, lekin o'zim ham unchalik kitobxon bola emasman. Umrim davomida o'qigan kitoblarim ≈20 ta chiqsa kerak.

🌟 Shuning uchun yangi challange boshlamoqchiman. Har oy - yangi kitob. Bundan keyin bir oyda bitta kitobni o'qib tugataman. Har oyning 1-kunida o'tgan oy o'qigan kitobimning tafsilotini berib, bu safar qaysi kitobni o'qishimni e'lon qilib boraman.

📙 Suratda esa hozir o'qiyotgan kitobim - Frans Kafkaning "Labirint" asari. Avgust oxirigacha tugatishim kerak.

@xpratov | pratov.uz

🎉 Mandat chiqdi

🕰 2025-yil 13-avgust, soat 23:54da mandat chiqqani e'lon qilindi.

🏫 Andijon Davlat Texnika Institutiga to'lov kontrakt asosida "Moliya va moliyaviy texnologiyalar" yo'nalishiga talabalikka tavsiya etildim.

✨ Xudoga shukur. Kontrakt kirgan bo'lsam ham yaxshi yo'nalishga kirdim. Yo'nalishlarni tanlayotganda aynan shu yo'nalishni birinchi qilib belgilagan edim.

ℹ️ Batafsil ma'lumotni biriktirilgan rasmdan topishingiz mumkin.

@xpratov | pratov.uz ☀️

📖 "Labirint" — Frans Kafka

Bugun nihoyat bu kitobni tugatdim! 🎉

📌 Asosiy ma’lumotlar
Janri: hikoya
Sahifalar soni: 160
O‘qish davomiyligi: 18 kun

💡Nimani o'rgandim
To'g'risi, deyarli hech narsani tushunmadim. Noaniqliklar juda ko'p edi. Masalan, "Labirint" hikoyasida qandaydir jonzot (nimaligi ham noma'lum) yer ostidagi uyini dushmanlardan qo'riqlaydi. Hikoya so'ngigacha hech qanday dushman tahdid qilgani yo'q unga. Jonzot ham ichki kechinmalarini o'ziga o'zi gapirib yer ostidagi uyining u tomonidan bu tomoniga borib kelib, bir nimalar qilib yuraverdi. Keyingi hikoyalarda ham aniq yakun yo'q. Xullas, tushunmadim. Menimcha, men tushuna olmadim. Chunki, Frans Kafkani kitobxonlar orasida yomonlashganining guvohi bo'lmadim. Qiziqsam, keyinroq qayta o'qib chiqaman ushbu kitobning mohiyatini anglash uchun.

⭐️ Baho — 3/10
Hozircha 10 balldan 3 ball qo'yaman ushbu kitobga. Balki qachondir qayta o'qisam fikrim o'zgarib qolar.

#BookFinished

@xpratov | pratov.uz ☀️

🏫 Tumanimizda yangi ochilgan Ixtisoslashtirilgan Maktabga imtihon topshirganim haqida

⌛️ 8-sinfni bitirganimga 1-2 hafta bo'lgan. G'irt bekorchiman, kelajak uchun umuman qayg'urish yo'q. Ammam tumanimizda yangi ochilayotgan Ixtisoslashtirilgan Maktab haqida aytib qoldi, menga ham topshirishimni tavsiya qildi. Yangi ochilayotgani uchun katta sinflarni ham qabul qilishayotgan ekan.

📨 Ariza topshirdim. Matematika va ingliz tilidan imtihon bo'ldi. Birinchi marta katta zalda, huddi abituriyentlardek imtihon topshirdim.

🥀 Imtihondan o'ta olmadim. Men bilan birga topshirgan do'stlarim, tanishlarim o'tib ketishibdi. Hayron qolganim maktabda ular bilan tengma-teng olimpiadalar uchun bellashib kelardik. Lekin imtihondan olgan ballim sezilarli darajada past. Hafa bo'ldim, afsuslandim.

✨ LEKIN o'sha yili 9-sinfda dasturlash sohasiga ilk qadamimni qo'ydim. Avvaliga oktyabrda bo'ladigan informatika fanidan olimpiadaga tayyorlanish bahonasida dasturlash haqida ozgina tushuncha oldim. Keyinroq dekabrda Python kursiga yozildim.

🪐 Agar Ixtisoslashtirilgan Maktabga kirib ketganimda, dasturlashga umuman kirib kelmasdim. Ixtisoslashtirilgan Maktabda esa hamma fanlarni, hattoki men yomon ko'radiganlarini ham majburlab o'qitishadi.

💫 Xulosa shuki, men boshida Ixtisoslashtirilgan Maktabga kira olmaganim uchun xafa bo'ldim. Lekin Allohning o'z rejasi bor ekan menikidan yaxshiroq.

@xpratov | pratov.uz ☀️

🏬 Najot Ta'lim o'quv markazi kurslari uchun qanday qilib grant yutib olganim haqida

📉 9-sinfni bitirish arafasida turgan edim. Najot Ta'limda o'qiyotgan qarindoshim Najot Ta'lim Toshkent filliali uchun grant e'lon qilganini aytib, menga ham tavsiya qildi. Motivatsion xat yozib, onlayn suhbatga ham taklif qilindim. Lekin so'ngida grantga qabul qilinmadim.

📈 LEKIN oradan hech qancha vaqt o'tmay, Najot Ta'lim Farg'ona filliali uchun ham grant e'lon qildi. Motivatsion xat yozdim, onlayn suhbatga taklif qilindim. Va... ushbu grant menga ham nasib qildi.

🌟 Agar birinchi grantni yutganimda, Toshkentga borib o'qishimga to'g'ri kelardi. Toshkent menga uzoq va yashash ham qimmatga tushardi. Muvaffaqiyatsizligimga qaramay, hech qancha vaqt o'tmay Farg'ona fillialidagi markazga grant yutdim. Farg'onada o'qish menga qulay va anchagina arzonga tushdi.

💫 Xulosa shuki, men muvaffaqiyatsizlikka uchradim deb turganimda, aslida Allohning menikidan ko'ra yaxshiroq o'z rejasi bor edi.

@xpratov | pratov.uz ☀️

#BookStarted
📈 "Har oy - yangi kitob" challange'i davom etmoqda.

🍃 Sentyabr oyi uchun "Diqqat: Chalg'ituvchi dunyoda muvaffaqiyat sirlari" kitobini tanladim. Asar muallifi Kel Nyuport zamonaviy dunyodagi ma'lumotlar asrida qanday qilib diqqatni ushlab qolish haqida yozadi.

💼 O'zi umuman olganda, eng yoqtirgan kitoblarim shaxsiy rivojlanishga oid kitoblar.

@xpratov | pratov.uz 🌤

🏫 Bugun institutdagi birinchi kun

1️⃣ Bordik. Rektor va dekan birin-ketin nutq so'zlashdi. Umuman olganda o'zgacha taassurot yo'q. Shunchaki 4 yillik sarguzashtning ilk kuni.

💎 4 yil - bu o'qish uchun, izlanish uchun, karyera qurish uchun, umrimning qolgan qismini qanday o'tishini hal qilib beradigan hayotimning eng muhim yillari.

📈 Inson o'zgaraman desa, geometrik progressiya kabi o'sadi. Agar ishtiyoqi bo'lmasa, hech qanday o'zgarish bo'lmaydi. 10 yildan keyin ham o'sha-o'sha bo'lib qolaveradi.

🚀 Bu xabarni 4 yildan keyin o'zimga o'zim eslataman. Ko'ramiz, 4 yilda qanday darajaga chiqar ekanman.

@xpratov | pratov.uz ☀️

💻 1 yil 4 oy vaqtdan keyin yana dasturlashga qaytdim

📖 Kod yozmay qo'yganimning sababi, Najot Ta'limni bitirganimdan keyin universitetga kirish uchun tayyorlandim. Bor diqqatimni ingliz tili va matematikaga qaratdim. Universitetga kirdim.

💎 Endi yana dasturlashdagi bilimlarimni takrorlab, kuchaytirishim kerak. Yangi texnologiyalarni o'rganishim kerak. Hali oldimda juda katta sarguzasht kutib turibdi meni. 💻⌨️📸🎥🎙🛰

🎯 Yil boshida 10 ta pet-project qilishni maqsad qilgandim.

🏃‍♂️‍➡️ Olg'a...

@xpratov | pratov.uz ☀️

#newProject #first

📂 Yangi loyiha - Age calculator app

⚙️ Texnologiyalar: HTML, CSS, Javascript
⌛️ Vaqt: 9 soat (4 kun)
⌨️ Kod: 300+ qator
🐱 Github: https://github.com/xpratov/age_calculator_app
🌐 Havola: https://age-calculator-app-pratov.vercel.app/

ℹ️ Foydalanuvchi tug'ilgan kunining sanasini kiritadi. Tugmani bossa, dastur foydalanuvchi necha yoshga kirganini aniq kunigacha hisoblab beradi.

@xpratov | pratov.uz ☀️

🌑 Oy tutilishi

💫 Bugun 7-sentyabr 21:30dan 23:50gacha so'ngi 3 yillikdagi eng uzoq Oy tutilishi ro'y berar ekan.

✨ Va bu hodisani O'zbekistonliklar ham yaqqol ko'ra olishadi. Oy qizil tusga kiradi.

⏲️ Soat 23:10da Oy maksimal darajada tutiladi. Ya'ni aynan ushbu post yuborilayotgan paytda.

🍀 Ajoyib

@xpratov | pratov.uz ☀️