#Bilasizmi

Ayrim jismoniy tarbiya fani o‘qituvchilariga malaka toifasi to‘g‘ridan-to‘g‘ri, attestatsiyadan o‘tkazilmasdan beriladi

Belgilangan tartibda tasdiqlanadigan sport va ommaviy jismoniy tarbiya tadbirlarining respublika, hududiy va jismoniy tarbiya-sport tashkilotlari kalendar rejalariga kiritiladigan sport musobaqalarining:

➖ tuman (shahar) bosqichi g‘olibini (1-o‘rin) tayyorlagan ta’lim tashkilotlarining jismoniy tarbiya fani o‘qituvchilariga — ikkinchi malaka toifasi (katta o‘qituvchi lavozimi);

➖ Qoraqalpog‘iston Respublikasi, viloyatlar va Toshkent shahar bosqichi g‘olibini (1-o‘rin) tayyorlagan ta’lim tashkilotlarining jismoniy tarbiya fani o‘qituvchilariga — birinchi malaka toifasi (yetakchi o‘qituvchi lavozimi);

➖ xalqaro hamda respublika bosqichi g‘olibi va sovrindorlarini (1 — 3-o‘rin) tayyorlagan ta’lim tashkilotlari jismoniy tarbiya fani o‘qituvchilariga — oliy malaka toifasi (bosh o‘qituvchi lavozimi) beriladi.

Shuningdek, jismoniy tarbiya fan olimpiadasining, shuningdek, “Besh tashabbus olimpiadasi”, olimpiya, noolimpiya va milliy sport turlari bo‘yicha uch bosqichli umumrespublika sport musobaqalarining:

➖ tuman (shahar) bosqichi g‘olibi va sovrindorlarini (1 — 3-o‘rin) tayyorlagan umumiy o‘rta ta’lim tashkilotlarining jismoniy tarbiya fani o‘qituvchilariga — ikkinchi malaka toifasi (katta o‘qituvchi lavozimi);

➖ Qoraqalpog‘iston Respublikasi, viloyatlar va Toshkent shahar bosqichi g‘olibi va sovrindorlarini (1 — 3-o‘rin) tayyorlagan umumiy o‘rta ta’lim tashkilotlarining jismoniy tarbiya fani o‘qituvchilariga — birinchi malaka toifasi (yetakchi o‘qituvchi lavozimi);

➖ xalqaro hamda respublika (final) bosqichi g‘olibi va sovrindorlarini (1 — 3-o‘rin) tayyorlagan umumiy o‘rta ta’lim tashkilotlarining jismoniy tarbiya fani o‘qituvchilariga — oliy malaka toifasi (bosh o‘qituvchi lavozimi) beriladi.

Asos: Vazirlar Mahkamasining 2021-yil 17-sentabrdagi 572-son qarori bilan tasdiqlangan nizomning 6-bandi.

👉https://t.me/xalqtaliminfo

#Bilasizmi

Xalqaro olimpiadalarida 1-, 2-, 3-o'rin sovrindorlarini tayyorlagan pedagoglarga oliy malaka toifasi beriladi

Vazirlar Mahkamasining 2021-yil 17-sentabrdagi 572-son qarori bilan tasdiqlangan nizomga ko'ra quyidagi Xalqaro olimpiadalar sovrindorlarini tayyorlagan pedagoglarga oliy malaka toifasi beriladi:

➖ xalqaro matematika (IMO),

➖ fizika (IPhO),

➖ kimyo (IChO),

➖ biologiya (IBO)

➖ informatika (IOI)

Yuqortida sanab o'tilga xalqaro fan olimpiadalarida oltin, kumush yoki bronza medal (birinchi, ikkinchi va uchinchi o‘rin) sovrindorlarini tayyorlagan ta’lim tashkilotlarining pedagog kadrlariga — oliy malaka toifasi (bosh o‘qituvchi lavozimi) to‘g‘ridan-to‘g‘ri (attestatsiyadan o‘tkazilmasdan) beriladi.

👉https://t.me/xalqtaliminfo

#Bilasizmi

Germaniya PISA tadqiqotida past natija qayd etgach "PISA-shok" dasturini qabul qilgan

Germaniya 2000-yilda PISA tadqiqotlarida ilk marta ishtirok etganida xuddi O'zbekiston kabi past natijalarni qayd etgan. O'shanda PISA tadqiqotida 32 ta mamlakat ishtirok etgan bo'lsa, Germaniya 25-o'rinni egallagan.

Bu esa Germaniya uchun juda ham yomon natija edi. Shu sababli, ular "PISA-shok" dasturini ishlab chiqib amaliyotga joriy qilishgan.

❕Germaniya "PISA-shok" dasturi orqali nimalarni amalga oshirdi?

➖ Ta'limni moliyalashtirish ikki barobar ortdi;

➖ Darsliklarni tanlash imkoniyati yanada ortdi (har bir federal hudud, maktab, o'qituvchi istalgan nashriyot darsligini tanlashi mumkin bo'ldi);

➖ Ota-onalarning matematik savodxonligini tadqiq qiluvchi "PISA ota-onalar" tadqiqoti o'tkazildi;

➖ Kunlik maktablar qamrovi kengaytirildi (maktablar 08:00-16:00 ga qadar ishlash rejimiga o'tkazildi);

➖ Maktablar 13 yildan 12 yilga o'tkazildi (qisman amalga oshmadi);

➖ Markaziy bitiruv imtihonlari tashkil qilindi;

➖ PISA-E milliy tadqiqoti o'tkazildi.

Ushbu islohotlardan so'ng Germaniyaning PISA tadqiqotlardagi natijalari 2012-yilga qadar yaxshilanib borgan. Ammo vaqt o'tib natijalar yana ortga qaytishi kuzatilgan.

Bunga esa ota-onalarning farzandlari bilan uy vazifalarini qilishi kamayib ketganligi, pedagoglar tomonidan ko'p dars qoldirilishi, ayrim o'qituvchilar kasalligi tufayli masofadan ishlashga o'tganligini sabab qilib ko'rsatishgan.

P.S: Ushbu ma'lumotlar Grone ta'lim akademiyasi, ta'lim va mehnat bozori loyihalari koordinatori Akramjon Matkarimov tayyorlagan taqdimot asosida tayyorlandi.

👉https://t.me/xalqtaliminfo

#Bilasizmi

Attestatsiyaga jalb qilingan pedagog kadrlar necha ball yiqqan taqdirda attestatsiyadan o'tgan hisoblanadi?

Pedagog kadrlarni attestatsiyadan o‘tkazish ikki bosqichda amalga oshiriladi hamda ikkita bosqich bo‘yicha umumiy 100 ballik tizimda baholanadi.

❗️Ikkita bosqich natijalariga ko‘ra:

❕Oliy malaka toifali yoki bosh o‘qituvchi lavozimidagi pedagog kadr:

➖ 80 ball va undan yuqori ko‘rsatkichga ega bo‘lsa — attestatsiyadan o‘tgan, oliy malaka toifasi (bosh o‘qituvchi lavozimi) saqlangan;

➖ 80 balldan kam ko‘rsatkichga ega bo‘lsa — attestatsiyadan o‘tmagan, birinchi malaka toifasiga tushirilgan (navbatdan tashqari attestatsiyaga jalb etilgan pedagog kadrlar bundan mustasno);

❕Birinchi malaka toifali yoki yetakchi o‘qituvchi lavozimidagi pedagog kadr:

➖ 80 ball va undan yuqori ko‘rsatkichga ega bo‘lsa — attestatsiyadan o‘tgan, oliy malaka toifasi (bosh o‘qituvchi lavozimi) berilgan;

➖ 70 balldan 79 ballgacha ko‘rsatkichga ega bo‘lsa — attestatsiyadan o‘tgan, birinchi malaka toifasi (yetakchi o‘qituvchi lavozimi) saqlangan;

➖ 70 balldan kam ko‘rsatkichga ega bo‘lsa — attestatsiyadan o‘tmagan, ikkinchi malaka toifasiga tushirilgan (navbatdan tashqari attestatsiyaga jalb etilgan pedagog kadrlar bundan mustasno);

❕Ikkinchi malaka toifali yoki katta o‘qituvchi lavozimidagi pedagog kadr:

➖ 70 ball va undan yuqori ko‘rsatkichga ega bo‘lsa — attestatsiyadan o‘tgan, birinchi malaka toifasi berilgan;

➖ 60 balldan 69 ballgacha ko‘rsatkichga ega bo‘lsa — attestatsiyadan o‘tgan, ikkinchi malaka toifasi saqlangan;

➖ 60 balldan kam ko‘rsatkichga ega bo‘lsa — attestatsiyadan o‘tmagan, mutaxassis (oliy ma’lumotli o‘qituvchi) lavozimiga tushirilgan (navbatdan tashqari attestatsiyaga jalb etilgan pedagog kadrlar bundan mustasno);

❕Mutaxassis yoki oliy ma’lumotli o‘qituvchi lavozimidagi pedagog kadr:

➖ 60 ball va undan yuqori ko‘rsatkichga ega bo‘lsa — attestatsiyadan o‘tgan, ikkinchi malaka toifasi berilgan;

➖ 55 balldan 59 ballgacha ko‘rsatkichga ega bo‘lsa — attestatsiyadan o‘tgan, mutaxassis (oliy ma’lumotli o‘qituvchi) lavozimi saqlangan;

➖ 55 balldan kam ko‘rsatkichga ega bo‘lsa — attestatsiyadan o‘tmagan, mutaxassis (oliy ma’lumotli o‘qituvchi) lavozimiga muvofiq emas deb (navbatdan tashqari attestatsiyaga jalb etilgan pedagog kadrlar bundan mustasno) hisoblanadi.

👉https://t.me/xalqtaliminfo

#Bilasizmi

Xorijiy til sifatida maktablarda eng ko'p o‘qitilayotgan fan ingliz tilidir

❕Hozirgi vaqtda umumta’lim maktablarining:

➖9 924 tasida ingliz tili (6 mln 98 ming 862 nafar o‘quvchi);

➖901 tasida nemis tili (2 mln 661 nafar o‘quvchi);

➖581 tasida fransuz tili (133 ming 475 nafar o‘quvchi) chet tili fanlari sifatida o‘qitilmoqda.

Ta’lim muassasalariga esa jami 500 nafardan ziyod xorijlik pedagoglar "Til egalari" sifatida ingliz, nemis, fransuz tillaridan dars berish uchun jalb qilingan.

Ular yuqori sinf o‘quvchilariga Buyuk Britaniyaning “Cambridge University Press”, Fransiyaning “Didiyer”, Germaniya Federativ Respublikasi “KLETT” nashriyotining darslik va dasturlari asosida dars o‘tayotgani ma'lum qilingan.

P.S: Qiziq negadir xorijiy til deyilganda rus tili nazarda tutilmaydi. Bu mavzuga keyinroq to'xtalib o'tamiz.

👉https://t.me/xalqtaliminfo

#Bilasizmi

O'qituvchi ish tajribasini maktab miqyosida ommalashtirish qay tartibda amalga oshiriladi?

Joriy yil 7-fevral kuni Maktabgacha va maktab taʼlimi vazirining "O'qituvchilarning ilg'or tajribasini ommalashtirish tartibi" to'g'risidagi buyrug'i imzolandi.

Yangi tartibga ko'ra o'qituvchi ish tajribasini maktab miqyosida ommalashtirish quyidagi tartibda amalga oshiriladi:

Umumtaʼlim muassasasining fan o'qituvchisi tomonidan ilg'or tajribalar asosida ishlab chiqilgan metodik ish yo'nalishlar bo'yicha maktabning Metodbirlashmasi tomonidan muhokama qilinadi.

Metodik ish ilg'or ish tajribaga ega deb topilgan taqdirda maktab miqyosida ommalashtirish uchun maktabning Pedagogik kengashiga tavsiya etiladi.

Metodbirlashma tavsiyasi asosida Pedagogik kengashda talabgorning metodik ishi mazkur buyruq bilan tasdiqlangan metodik ishga qo‘yilgan talablar hamda baholash mezoniga muvofiq ishlab chiqilganligi o'rganib chiqiladi.

Shundan so'ng maktab miqyosida ommalashtirish yoki ommalashtirmaslik bo'yicha Pedagogik kengash qaror qabul qiladi.

Agar talabgorning metodik ishiga ijobiy xulosa berilib, ommalashtirishga loyiq deb hisoblansa, Pedagogik kengash qarori bilan maktab miqyosida ommalashtiriladi va ommalashtirish.uz platformasiga joylashtirilib keyingi bosqichlarga yuboriladi.

❕Bunda, quyidagi hujjatlar talabgor tomonidan ommalashtirsh.uz platformasiga joylashtiriladi:

➖ metodik ishiga ijobiy xulosa berilib, taʼlim muassasasi miqyosida ommalashtirilganligi to'g'risida Pedagogik kengash qarorining elektron (pdf) nusxasi;

➖ ommalashtirish uchun tavsiya etiladigan metodik ishi (metodik qoʻllanma yoki metodik tavsiya)ning elektron (pdf) nusxasi;

➖ o'zi to'g'risida maʼlumotnoma (obyektivka) va mutaxassisligi boʻyicha diplom nusxasi.

👉https://t.me/xalqtaliminfo