مثل ما گال الدكتور أحمد الوائلي " الإنسان إذا مرّ بعسر لا يتصوّر إن الدُنيا أطبقت بعد ، إنسدّت الأبواب بوجهه. لأ ، لا ينهار "

الدنيا چبيرة حيل أكبر من أي عسر يمر بيه الإنسان ويشوف إنُّ الدنيا ضاقت عليه
ما تتوقّف على شيء مُعيّن مهما چان هالشي نابع من تعب وجهد وصعوبات
مو شرط الإنسان ينال إللي يريده لأن تعب وما قصّر ، مو شرط تبيّن إله نتيجة بالوقت الحالي ، الإنسان راح ينال اللي يريده بالوقت إللي كاتبه رب العالمين مو بالوقت إللي احنا متوقعين راح تظهر النتيجة بيه

النتيجة راح تجي بأشكال أُخرى
راح تجي كـ عوض چبير من رب العالمين ، راحة ، سعادة ، رزق ، رفاهية وإلخ …
باللحظة اللي نگول بيها ليش ما إجت مثل ما نريد ؟ انا هذا اللي ردته وهذا اللي تعبت عليه فرحتي متعلقة بيه
من جانب آخر هالتساؤلات بيوم من الأيّام حتكون أجوبة
" رب العالمين عوّضني ، رب العالمني رزقني بشي فرّحني بعد ما چنت أگول مستحيل شي يفرحني أكثر من هذا الأمر اللي ردته وخذلني ، رب العالمين ضم إلي الأفضل ، رب العالمين رادلي الأفضل واللي يناسبني
أكثر ، وإلى آخره من الأجوبة … "

كل إللي نشعر بيه من حزن ، كسرة ، خيبة و …
عسر مؤقت وراح يجيلنا العوض واليسر بالوقت المُناسب
أما هسّة كل إللي علينا بوجود هالمشاعر نكون على يقين بقدرة رب العالمين ونتأمل خير من فضله علينا
إللي يتعب ويتأمل بعطاء رب العالمين ورحمته وينتظر منه العوض ما راح ينخذل من رب العالمين والله
حاشاه أن يخذل عبده

‏﴿ وَمَن يَتَوَكَّلْ عَلَى اللَّهِ فَهُوَ حَسْبُهُ﴾ ۚ
‏﴿إِنَّ اللَّهَ لَا يُضِيعُ أَجْرَ مَنْ أَحْسَنَ عَمَلًا﴾

وحتّى إن تأخر الفرج فـ لحكمة من رب العالمين
ولا إعتراض على حكمه سبحانه وتعالى

يمكن كلامي مخربط انعكاس لمشاعري المخربطة بس المهم اصبّر نفسي وأهوّن عليها برحمة الله الواسعة

Ballerina 🩰
فلمي المُفضّل للأبد
لو شگد ما أحچي عنّه فـ ما يوصف شعوري
يمكن چان عمري ١١ سنة من شفته ، وحبّيت البالية بششكل وصرت اتدرّب بعدهاا حوّلت للجمباز وچنت دوم بالبيت ألعب جمباز واتعلّم بسرعة عالحركات
إلى إن مرّة چنت اريد اوگف على ايديني چانت الگاع سيراميك وطحت على قفصي الصدري بلحظتها ماگدرت انطق ولا اگدر احرّك صبع وخفت هواي خاف انشليت وماگدر انطق بعد وبگلبي صليت على محمد وورة ثواني گدرت أنطق
ومن يومها إبتعدت عن هالمجال لأن صارت عندي رهبة وهالشي خلّاني حتّى بالأفلام من أشوف أحد يعثر عثرة قوية اغمّض عيوني وما اگدر اشوف واتألم بمكاني
للآن انا البالية عشقي
چنت صغيرة من شفته وانا نهائيًّا ما أتذكّر هواي اشياء بطفولتي الا اشياء تنعد على الأصابع
وهالفلم چان من ضمن هالأشياء
ومرت السنين وبكل سنة احاول اعرف اسم الفلم حتّى ارجع اشوفه وما احصله شگدد بحثثت وماحصلته
بس اتذكر قصة الفلم فـ كتبتها لـ ChatGPT وحصلت الفلم
وتوني كمّلته
ورجعتلي هواااااي مشاعر
ما تأثرت بفلم گد ما تأثّرت بهالفلم

صح انا مو فنانة بس عندي لوحتي الخاصة ✋🏻✋🏻