#ፀሎት

ጌታ ሆይ እባክህ እኔን እና ትውልዴን በቅድስና እንድንኖር እርዳን። አቤቱ ቅዱስ እግዚአብሔር ሆይ ይብለጥ አንተን ስናውቅህ ክርስትና ለኛ ምን ያህል ባዕድ፤ ለመኖር ደግሞ እጅግ ከባድ እንደሆነ እንረዳለን። ጌታ ሆይ ይህንን ህይወት ያለ አንተ እንዴት መኖር ይቻለናል? ያለፀጋህስ ሰንት ክንድ መራመድ እንችላለን? መልሱ ከቶውኑ፣ አንዲት ክንድ እንኳን የሚል ይሆናል። አባት ሆይ በውስጣችን አንተን የማክበር ፅኑ ፍላጎት አለ፤ ነገር ግን ዘውትር በስጋችን ምኞት ምክንያት እንወድቃለን። ይህ አንተን የማክበር ፍላጎት ካንተ የመነጨ ነውና አቤቱ እንድንኖርም ኀይልህን አብዛልን። ኗሪም አውሪም ምስክሮች አድርገን፤ እባክህ ጌታ ሆይ እባክህ ኀይል ያስፈልገናል
በልጅህ ስም ፀለይን አሜን🙏
@remnant_s

ለሰው አላወራም ምን ትርፍ አገኛለሁ
ሃዘኔን ብሶቴን ላንተው እነግራለሁ
ደጃፌን ዘግቼ አጫውትሃለሁ
አምናለሁ ካንተ ዘንድ ምላሽ አገኛለሁ (፪x)

​አዝ፦ የሚያስጨንቀኝን ላንተው እነግራለሁ
ትካዜዬን ሁሉ በአንተ ላይ እጥላለሁ
የመድኃኒቴ አምላክ ተስፋ አረግሃለሁ (፪x)

​የኤርትራን ባህር ታሻግረኛለህ
ከሰማያት መናን ታወርድልኛለህ
ሃሳብህም ከቶ አይከለከልም
ሁሉ ይቻልሃል ምንም አይከብድህም (፪x)

​የነገሩህንም የማትረሳ ነህ
አንዱም አይጠፋህም ታስታውሰዋለህ
ሕመሜን በሙሉ አንተ ታውቀዋለህ
መድኃኒቴ አንተ ነህ ትፈውሰኛለህ (፪x)

​አዝ፦ የሚያስጨንቀኝን ላንተው እነግራለሁ
ትካዜዬን ሁሉ በአንተ ላይ እጥላለሁ
የመድኃኒቴ አምላክ ተስፋ አረግሃለሁ (፪x)
​የመድኃኒቴ አምላክ ተስፋ አረግሃለሁ (፫x

ይህንን አጭር የፅሑፍ ስብከት በማንበብ ተፅናኑበት

“ኢየሱስ ያየናል”
ማር 6:45-53

“ወዳጆቼ በምን አይነት ሁኔታ ውስጥ እያለፋችሁ እንደሆነ አላቅም፤ ምናልባት ተስፋ ቆርጣችሁ ሊሆን ይችላል፤ በተለያየ መከራ ውስጥ ሆናችሁ ኢየሱስ እንደማያያችሁ እየተሰማችሁ ሊሆን ይችላል። ማንም መጥቶ በማይታደጋችሁ ሁኔታ ውስጥ ገብታችሁም ሊሆን ይችላል፤ ሰው እርቦአችሁ፣ አይዞህ ባይ አጥታችሁ፣ አብሯችሁ የሚሆን ወዳጅ አጥታችሁ ሊሆን ይችላል፤”

@remnant_s

ለመጸለይ ካላቀድን በስተቀር አንጸልይም። ብዙ የማንጸልይበት ዋናው ምክንያት ታዲያ ለመጸለይ ስለማናቅድ ነው። አልፎ አልፎ ለረጅም ሰዓት ከመጸለይ ይልቅ በተደጋጋሚ አጠር አድርጎ መጸለይ ይሻላል። ከሁሉ የከፋው አማራጭ ግን ጨርሶ አለመጸለይ ነው፤ ለመጸለይ ካላቀድን ደግሞ ዋናው ልማዳችን የሚሆነው ያው አለመጸለይ ነው።

———ዲ.ኤ. ካርሰን

የጸሎት እቅዳችሁ ምን ይመስላል? የማይነካ የጸሎት ሰዓት አላችሁ? በ2019ዓ.ም በቋሚነት /regularly/ መጸለይ መለማመድ ይኖርብናል::

ጦርነት መልከ ጥፉ ነው ። ካለፈ በኋላ ጠባሳው በቅባትም ቢሆን እንኳን አይወዛም ። እንባ ፣ ስብራት ፣ ህመም፣ ጥላቻ ፣ በቀል ነው ትርፉ ። ጦርነት እንድንጠየፍ ጌታ ይርዳን ። ፍቅር፣ መዋደድና ሠላምን እግዚአብሔር ያብዛልን ።

እግዚአብሔር ሠላምን አብዛልን !!
ስለ ሁሉም ሠላም በንጽህ ልብ እንጸልይ ። ጌታ ሆይ ሠላም ወዳድና እርቅ ፈላጊ እንድንኾን አግዘን ።

@cgfsd

“ክርስትናን ከሌሎች ሃይማኖቶች ለይቶ የሚያስቀምጥ አንድ ነገር ምንድን ነው?” ቢባል፣ መልሱ ቀላል ነው፤ ጸጋ። ጸጋ የክርስትና ልዩ ፈርጥ ነው!

የኀጢአትና የሰይጣን ባሮችና ምርኮኞች ሰንሰለታቸው ተሰብሮ፣ በነጻነት የሚመላለሱ የእግዚአብሔር ቤተሰቦችና ወዳጆች የሚሆኑበት ምስጢሩ ጸጋ ነው። የኀጢአትና የበደል ክምር ምን ያህል ቢቆለል፣ ወሰን አልባውን የእግዚአብሔር ጸጋ አይሸፍነውም። ጸጋው ኀያል ነውና ከሁሉ የከፋ አዘቅት ውስጥ የወደቁትን የጽልመት ግድግዳውን አፈራርሶ ያድናቸዋል።

እግዚአብሔር በጸጋው ባለጸጋ በመሆኑ በክርስቶስ ኢየሱስ በኩል ክቡሩን ጸጋውን ለሁሉ ተደራሽ አድርጓል። እግዚአብሔር በልጁ በኩል ጸጋውን ዘርግቶልናል። እናም በትሕትና ወደ እኛ መጥቶ በመካከላችን ያደረው፣ ስለ ኀጢአታችን ሕይወቱን መሥዋዕት ያደረገው ክርስቶስ ከሞት ወደ ሕይወት መሻገሪያ የጸጋ ድልድያችን ነው። በክርስቶስ ኢየሱስ ሁሉም ተደርጎልናል። ቅዱስ ጳውሎስ በኤፌሶን መልእክቱ “በእርሱ” “በክርስቶስ ኢየሱስ” በማለት አሁንም አሁንም ሲናገር የነበረው ለዚህ ነው። “ሁሉ እንዲሆንልኝ በልጁ፣ ሁሉ እንዲህ ሆነልኝ በልጁ፣ ዕጣዬ ታሰረ ከልጁ፣ ፍጻሜዬ አማረ በልጁ” እንዲል ይህ ዝማሬ።

እናም በጸጋው የዳንን፣ ደግሞም በጸጋው ተደግፈን የቆምን ሥጋት አያሠጋንም። “የኢየሱስ ሥጋ ተቆርሶ፣ ደሙ ለአዲሱ ኪዳን ፈስሶ፣ እግዚአብሔር ምሎ ታርቆኛል፤ ምን ያሠጋኛል!?”

በእውነትም፣ የሚገርም ጸጋ ነው!

ክርስቶስ ተኮር መዝሙር እንዲህ ነው!

ዶክትሪንን መዘመር ማለት እንዲህ ነው!

https://youtu.be/8n8fqUn2PTo?si=e2qfkd5tz3erxUGK

🫵 እሬቻ

📌እሬቻ ማለት ባህላዊ የ ኦሮሞ የ ጣኦት አምልኮ ስነስርዓት ነው ‼️

"1 በመካከልህም ነቢይ ወይም ሕልም አላሚ ቢነሣ፥ ምልክትም ተአምራትም ቢሰጥህ፥ 2 እንደ ነገረህም ምልክቱ ተአምራቱም ቢፈጸም፥ እርሱም። ሄደን #የማታውቃቸውን ሌሎች #አማልክት እንከተል #እናምልካቸውም ቢልህ" (ዘዳ 13:1-2)

ሰሞኑን እሬቻ የተሰኘው በአል በአዲስ አበባ ሲከበር ነበር። ይህ በአል ሃይማኖታዊ በአል ሲሆን የኦሮሞ ሕዝብ ወንጌልን ሰሞቶ ወደ ክርስትና ከመምጣቱ በፊት የነበረበት ግልጽ ጣዖት አምልኮ ነው። በክርስቶስ ኢየሱስ ወንጌል አማካኝነት የእስራኤልን አምላክ ከማወቁ በፊት የነበረበት ጣዖታዊ ባዕድ አምልኮ ነው

የእግዚአብሔር ቃል እንደሚናገረው ከግብፅ ምድር የወጡት እስራኤላውያን ካወቁት አምላክ ከእግዚአብሔር/ከያሕዌ በቀር ሌሎች አማልክትን ማምለክ እግዚአብሔር የሚጸየፈው ጣዖት አምልኮ ነው። በእሬቻ በአል የሚመለከው ዋቃና ሌሎቹ ጣዖታት (አቴቴ፥ ቦርንትቻ ወዘተ...) በሙሉ እስራኤል ያላወቃቸው እርኩሳን ጣዖታት ናቸው (ዘዳ 29:17 1ነገ 11:7) እነዚህን ጣዖታት ማምለክ በጣዖት አምላኪነት ያስጠይቃል፥ የእግዚአብሔርንም ቁጣ በምድር ላይ ያመጣል

✍️ መጽሐፍ ቅዱስ ከእስራኤል አምላክ ከእግዚአብሔር ውጪ የሆኑ አማልክት በሙሉ አጋንንት እንደሆኑ ይናገራል፦

"17 #እግዚአብሔር ላልሆኑ #አጋንንት፥ #ለማያውቋቸውም #አማልክት" (ዘዳ 32:17)

"አይደለም፤ ነገር ግን #አሕዛብ የሚሠዉት #ለአጋንንት እንዲሆን እንጂ #ለእግዚአብሔር እንዳይሠዉ እላለሁ፤ ከአጋንንትም ጋር #ማኅበረተኞች #እንድትሆኑ #አልወድም" (1ቆሮ 10:20)

ስለዚህ አንድ ሰው በማወቅም ሆነ ባለማወቅ ወደዚህ በአል ከሄደና ተሳታፊ ከሆነ በአምልኮተ አጋንንት እየተሳተፈ ነው። አጋንንትን እያመለከ ነው። የእግዚአብሔር ቃል "..የአጋንንት ማህበርተኞች እንድትሆኑ አልወድም.." እያለ አንድ ሰው ወደዚህ ባዕድ አምልኮ ሄዶ ከተባበረ የእርኩሳን መናፍስት ማህበርተኛ እየሆነ ነው። እግዚአብሔርን ያልሆኑ ሰይጣናትን በቀጥታ እያመለከ ነው

በክርስቶስ ኢየሱስ የሚያምኑ ክርስቲያኖች ከጣዖታት ጋር #በምንም_አይነት መንገድ ሕብረት ሊኖራቸው አይችልም፦

" #ለእግዚአብሔር ቤተ መቅደስም #ከጣዖት ጋር ምን #መጋጠም አለው? እኛ የሕያው እግዚአብሔር ቤተ #መቅደስ ነንና እንዲሁም እግዚአብሔር ተናገረ እንዲህ ሲል። በእነርሱ እኖራለሁ በመካከላቸውም እመላለሳለሁ፥ አምላካቸውም እሆናለሁ እነርሱም ሕዝቤ ይሆናሉ።" (2ቆሮ 6:16)

➢ ከላይ የተገለጸው አይነት ጣዖት አምልኮ ሁሉ ደግሞ የዘላለምን ሞት እንደሚያስከትል መጽሐፍ ቅዱስ አስረግጦ ይነግረናል፦

"ዳሩ ግን የሚፈሩና የማያምኑ የርኵሳንም የነፍሰ ገዳዮችም የሴሰኛዎችም የአስማተኛዎችም #ጣዖትንም_የሚያመልኩ የሐሰተኛዎችም ሁሉ ዕድላቸው #በዲንና_በእሳት በሚቃጠል ባሕር ነው፤ ይኸውም #ሁለተኛው_ሞት_ነው" (ራዕ 21:8)

"ውሻዎችና አስማተኞች ሴሰኛዎችም ነፍሰ ገዳዮችም #ጣዖትንም_የሚያመልኩት ውሸትንም የሚወዱና የሚያደርጉ ሁሉ #በውጭ_አሉ" (ራዕ 22:15)

"20 መዳራት፥ #ጣዖትን_ማምለክ፥ ምዋርት፥ ጥል፥ ክርክር፥ ቅንዓት፥ ቁጣ፥ አድመኛነት 21 መለያየት፥ መናፍቅነት፥ ምቀኝነት፥ መግደል፥ ስካር፥ ዘፋኝነት፥ ይህንም የሚመስል ነው። አስቀድሜም እንዳልሁ፥ እንደዚህ ያሉትን የሚያደርጉ #የእግዚአብሔርን መንግሥት #አይወርሱም" (ገላ 5:20-21)

"9 ወይስ ዓመፀኞች የእግዚአብሔርን መንግሥት እንዳይወርሱ አታውቁምን? አትሳቱ፤ ሴሰኞች ቢሆን ወይም #ጣዖትን_የሚያመልኩ ወይም አመንዝሮች ወይም ቀላጮች ወይም ከወንድ ጋር ዝሙት የሚሠሩ 10 ወይም ሌቦች ወይም ገንዘብን የሚመኙ ወይም ሰካሮች ወይም ተሳዳቢዎች ወይም ነጣቂዎች የእግዚአብሔርን #መንግሥት #አይወርሱም" (1ቆሮ 6:9-10)

"ይህን እወቁ፤ አመንዝራም ቢሆን ወይም ርኵስ ወይም የሚመኝ እርሱም #ጣዖትን_የሚያመልክ በክርስቶስና በእግዚአብሔር #መንግሥት ርስት #የለውም" (ኤፌ 5:5)

▶️ የዚህ አስከፊ እርኩሰት ውጤት የዘላለም ሞት በመሆኑ፥ መጽሐፍ ቅዱስ በተደጋጋሚ ከጣዖት አምልኮ እንድንሸሽ አዝዞናል፦

"ልጆች ሆይ፥ #ከጣዖታት ራሳችሁን #ጠብቁ" (1ዮሐ 5:21)

"ስለዚህ፥ ወዳጆቼ ሆይ፥ #ጣዖትን ከማምለክ #ሽሹ" (1ቆሮ 10:14)

"ሕዝብም ሊበሉ ሊጠጡም ተቀመጡ ሊዘፍኑም ተነሡ ተብሎ እንደ ተጻፈ ከእነርሱ አንዳንዶቹ እንዳደረጉት #ጣዖትን #የምታመልኩ #አትሁኑ" (1ቆሮ 10:7)

"ነገር ግን #ከጣዖት ርኵሰትና ከዝሙት ከታነቀም ከደምም #ይርቁ ዘንድ እንድንጽፍላቸው እቈርጣለሁ" (ሐዋ 15:20)

"አምነው ስለ ነበሩ አሕዛብ ግን #ለጣዖት ከተሠዋ ከደምም ከታነቀም ከዝሙትም #ነፍሳቸውን #እንዲጠብቁ ፈርደን እኛ ጽፈንላቸዋል" (ሐዋ 21:25)

" #ለጣዖት ከተሠዋ፥ ከደምም፥ ከታነቀም፥ ከዝሙትም #ትርቁ ዘንድ ከዚህ ከሚያስፈልገው በቀር ሌላ ሸክም እንዳንጭንባችሁ እኛና መንፈስ ቅዱስ ፈቅደናልና፤ ከዚህም ሁሉ ራሳችሁን ብትጠብቁ በመልካም ትኖራላችሁ። ጤና ይስጣችሁ" (ሐዋ 15:28-29)

▶️ እሬቻ ባህል አይደለም። እሬቻ በባህል ስም የሚካሄድ ጣዖት አምልኮ ነው። በባህልና በሌሎች ሰበቦች ስም እግዚአብሔር በልጁ ወንጌል ብርሃን ካዳነንና ካላቀቀን ጣዖት አምልኮ ጋር ተመልሰን መቆራኘት፥ ተቆራኝተንም በዚህ እርኩሰት ረክሰን ነፍሶቻችንን ማጣት የለብንም!

ቃሉ እንደሚለው እግዚአብሔርን #ብቻ እናምልክ!

"ሳሙኤልም የእስራኤልን ቤት ሁሉ። በሙሉ ልባችሁ ወደ እግዚአብሔር ከተመለሳችሁ እንግዶችን አማልክትና አስታሮትን ከመካከላችሁ አርቁ፥ ልባችሁንም ወደ #እግዚአብሔር አቅኑ፥ እርሱንም #ብቻ #አምልኩ፤ ከፍልስጥኤማውያንም እጅ ያድናችኋል ብሎ ተናገራቸው" (1ሳሙ 7:3)

"ያን ጊዜ ኢየሱስ። ሂድ፥ አንተ ሰይጣን ለጌታህ #ለአምላክህ ስገድ እርሱንም #ብቻ #አምልክ ተብሎ ተጽፎአልና አለው" (ማቴ 4:10)

♦️ በክርስቶስ ስም የእሬቻን ጣዖት አምልኮ #እንቢ በሉት! Say #No to irecha Idol Worship in the name of Christ!

   

     @worlds_light

  

"የተበላሸው ነገር ሁሉ ሊታደስ ይገባል ሆኖም እንዴት መታደስ እንዳለበት የእግዚአብሔር ቃል ካላስተማረን በሌላ የትኛውም መንገድ ልናመጣው የምንፈልገው ተሃድሶ ሐሰትና ከንቱ ነው።"

ሰው የፈለገውን ያህል ብልህ ወይም ምሁር ቢሆን፣ የእግዚአብሔርን ቃል ትቶ በራሱ ፍልስፍናና ሥርዓት ቤተ ክርስቲያንን ሊያቀና ቢሞክር የሚያመጣው ጥፋት እንጂ እውነተኛ መታደስ ሊሆን አይችልም።

     @worlds_light

በክርስቲያን ወገኖች መካከል፣ "እኛ የእግዚአብሔር የጉዲፈቻ ልጆች ነን? ወይስ አይደለንም?" የሚል ሙግት ይደመጣል። ከዚህም የተነሣ በርእሰ ጉዳዩ ላይ አጠቃላይ የሆነ መጽሐፍ ቅዱሳዊ ምልከታ ምን እንደ ሆነ ለማወቅ የሚሹ ብዙዎች ናቸው። ለመሆኑ እውነቱ የቱ ነንው? ይህ ቪዲዮ ለዚህ አንድ ምላሽ ነው።

https://youtu.be/x3wdoIrFDIs?si=PCDVfodjrETkdvGh

በሰማይ ዙፋን ላይ የተቀመጥህ ሆይ፤
ዐይኖቼን ወደ አንተ አነሣለሁ።
የባሪያዎች ዐይን ወደ ጌታቸው እጅ፣
የባሪያዪቱም ዐይን ወደ እመቤቷ እጅ እንደሚመለከት፣
ምሕረት እስከሚያደርግልን ድረስ፣
የእኛም ዐይኖች ወደ አምላካችን ወደ እግዚአብሔር ይመለከታሉ።
እግዚአብሔር ሆይ፤ ንቀት በዝቶብናልና፣
ማረን፣ እባክህ ማረን።
ነፍሳችን የቅንጡዎች ስድብ፣
የትዕቢተኞችም ንቀት እጅግ በዝቶባታል።
መዝሙር 123:1-4

@worlds_light

«ለአንተ ፈጥረኸናልና፤ ልባችንም በአንተ እስኪያርፍ ድረስ እረፍት አያገኝም።»              

        ቅዱስ አውግስጢኖስ

ሰው ልጅ የሚፈልገው ከሚመስለው በላይ ነው። ገንዘብን ይፈልጋል፣ ስኬትን ይፈልጋል፣ ፍቅርን ይፈልጋል፣ እውቅናን ይፈልጋል፣ ደስታን ይፈልጋል። ነገር ግን ከእነዚህ ሁሉ በኋላ እንኳን በውስጡ የማይሞላ ባዶነት ሊቀር ይችላል።
ምክንያቱም የሰው ልብ ወደተፈጠረለት ነገር እስካልተመለሰ ድረስ እርካታ አያገኝም።
“ለአንተ ፈጥረኸናል” ማለት የሰው ሕይወት መነሻውና ዓላማው በእግዚአብሔር እንዲያርፍ ነው። ሰው የራሱን ሕይወት ለራሱ ሲኖር የሕይወቱን ዋና ዓላማ ይስታል። ሰው ለገንዘብ ሲኖር፣ ገንዘብ አምላኩ ይሆናል። ለስልጣን ሲኖር፣ ስልጣን ጌታው ይሆናል። ለሰዎች እውቅና ሲኖር፣ የሰዎች አስተያየት እስረኛ ይሆናል። ነገር ግን ልቡ ወደ ፈጣሪው ሲመለስ የሕይወቱ አቅጣጫ ይቀየራል።
“ልባችንም…” የሚለው ቃል ደግሞ የሰው ችግር በአእምሮ ብቻ እንዳልሆነ ያሳያል። ሰው እውነትን ማወቅ ብቻ አይፈልግም፤ ልቡም መድረሻ ይፈልጋል። ብዙ እውቀት ሊኖረን ይችላል፤ ግን ልባችን እረፍት ላያገኝ ይችላል። ብዙ ነገር ሊኖረን ይችላል፤ ግን በውስጣችን ሰላም ላይኖር ይችላል።
“እስኪያርፍ ድረስ…” እረፍት ማለት ችግር ሁሉ መጥፋት ማለት አይደለም። ክርስቲያናዊ እረፍት በችግር መካከል እንኳን እግዚአብሔር ታማኝ መሆኑን ማወቅ ነው። ማዕበሉ ሳይቆም ነፍስ ሰላም ስታገኝ ነው።
ሰው ልቡን በፍጥረት ላይ በማስቀመጥ እግዚአብሔርን ሲረሳ ይሰቃያል። ፍጥረት የእግዚአብሔርን ቦታ አይተካም። ምድራዊ ነገሮች ልብን ሊያዝናኑ ይችላሉ፤ ግን ልብን ሊያሳርፉ አይችሉም።

ስኬት ሊያስደስት ይችላል፤ ግን ነፍስን ሊያሳርፍ አይችልም። የሰዎች ፍቅር ሊያጽናና ይችላል፤ ግን የነፍስ ጥልቅ ረሃብን ሊያረካ አይችልም።ዓለም ብዙ ነገር ልትሰጥህ ትችላለች፤ ግን እግዚአብሔርን ልትሰጥህ አትችልም። የሰው ታላቅ ችግር “ምንም የለኝም?” ብሎ መጠየቅ ብቻ አይደለም፤ “ልቤን የት አሳርፌዋለሁ?” ብሎ አለመጠየቁ ነው።ጌታችን “ወደ እኔ ኑ… እኔም አሳርፋችኋለሁ” ብሎ ጠርቶናል። (ማቴዎስ 11፥28) የሰው ልብ የሚፈልገው ብዙ ነገር የሚመስል ቢሆንም፣ በመጨረሻ የሚፈልገው እግዚአብሔርን ነው። ልብ ከእግዚአብሔር ጋር ሲታረቅ፣ ሕይወት በትክክለኛ ቦታው ይቀመጣል።
እውነተኛ እረፍት የምናገኘው ሁሉን ነገር ስናገኝ አይደለም፤ የምንፈልገውን ሁሉ በእግዚአብሔር ውስጥ ስናገኝ ነው።


ልቤ የተፈጠረው ለእርሱ ነው፤
ልቤ የሚያርፈውም በእርሱ ነው።

@bereaherat

ሃሌ ሉያ።
ነፍሴ ሆይ፤ እግዚአብሔርን ባርኪ።
በምኖርበት ዘመን ሁሉ እግዚአብሔርን
አመሰግናለሁ፤
በሕይወትም እስካለሁ ለአምላኬ እዘምራለሁ።
በገዦች አትታመኑ፤ ማዳን በማይችሉ ሥጋ ለባሾችም አትመኩ።
መንፈሳቸው ትወጣለች፤ ወደ መሬታቸውም ይመለሳሉ፤
ያን ጊዜም ዕቅዳቸው እንዳልነበር ይሆናል።
ረዳቱ የያዕቆብ አምላክ የሆነ፣
ተስፋውንም በአምላኩ በእግዚአብሔር ላይ የጣለ ሰው ምስጉን ነው፤
እርሱ ሰማይንና ምድርን፣ ባሕርንም፣
በእነዚህም ውስጥ ያለውን ሁሉ የፈጠረ፣
ታማኝነቱንም ለዘላለም የሚጠብቅ ነው፤
ለተበደሉት የሚፈርድ፣
ለተራቡት ምግብን የሚሰጥ እርሱ ነው፤
እግዚአብሔር እስረኞችን ከእስራት ያወጣል፤
እግዚአብሔር የዕዉራንን ዐይን ያበራል፤
እግዚአብሔር የተዋረዱትን ከፍ ያደርጋል፤
እግዚአብሔር ጻድቃንን ይወዳል፤
እግዚአብሔር ስደተኞችን ይጠብቃል፤
ድኻ ዐደጎችንና መበለቶችን ይደግፋል፤
የክፉዎችን መንገድ ግን ያጠፋል።
እግዚአብሔር ለዘላለም ይነግሣል፤
ጽዮን ሆይ፤ አምላክሽ ለትውልድ ሁሉ ንጉሥ ነው።
ሃሌ ሉያ።
መዝሙር 146:1-10

@worlds_light

የሰባኪያኑ አለቃ Charles Spurgeon በምሳሌ 18፥12 ስብከቱ ላይ፤ ኩራት የስኦል የበኩር ልጅ ነው...ዙፋኑም የአማኝ ልብ ነው ይለናል።

እውነት ነው....ዲያብሎስ ብዙ ልጆች አሉት፡ ምቀኝነት፣ ሀሜት፣ ስስትን የመሳሰሉ… ነገር ግን በSpurgeon ገለፃ ኩራት የቤት አበጋዝ፣ የበኩር ልጅ ነው። የአባቱ አጋንንት ሁሉ የሚወረስ ነው። ​ለምን ቢባል? ሌሎቹ ኃጢአቶች ቢያንስ ጥቂት የአቅም ማነስ ወይም ምኞት አለባቸው። ኩራት ግን ሙሉ በሙሉ ዲያብሎሳዊ ኮንፊደንስ ነው ያለው! ራሱን ከፈጣሪ ጋር አኩል ለማድረግ ሲሞክር ከሰማይ የወደቀውን የዲያብሎስን መልክ በትክክል የሚወርሰው ኩራት ነው።

ኩራት ዙፋኑን አድርጎ የሚቀመጠው ያልተማረ፣ እግዚአብሔርን የማያውቅ ሰው ልብ ውስጥ ብቻ ቢሆን ጥሩ ነበር። ነገር ግን ኩራት በጣም “የከበረ” ቦታ ይወዳል፡ የሚፈልገውም የአማኝን ልብ ነው!
​አማኝ ሰው ጾመ፣ ጸለየ፣ መጽሐፍ ቅዱስ አጠና፣ በቤተክርስቲያን አገልግሎት በረታ… ኩራት ከጀርባ መጥቶ በትዕቢት ይሞላዋል። ሳይጣን በኃጢአት ሊጥለን ሲያቅተው፣ በሚገርም ሁኔታ በበጎ ሥራችን እና በቅድስናችን ምክንያት ኩራትን አፋፍቶ ሊጥለን ይሞክራል!
ኩራት ወደ ልባችን ገብቶ ዙፋኑ ላይ ሲቀመጥ፣ እኛ ትልቅ የሆንን ይመስለናል። ነገር ግን እውነታው ኩራት የውድቀታችን መጀመሪያ መሆኑ ነው።

ስለዚህ፣ ኩራት በልባችን ዙፋን ላይ የተቀመጠ እንግዳ ከሆነ፣ እሱን አክብሮ ማስተናገድ ሳይሆን በንስሐና በትህትና አውርዶ ማስወጣት ያስፈልጋል። Spurgeon እንዳለው፤ ትህትና የጸጋ መሸሸጊያ ስትሆን፣ ኩራት ግን የውድቀት ትልቅ ምንጣፍ ናት።

"ከውድቀቱ በፊት ሰው ልቡ ይታበያል፤ ትሕትና ግን ክብርን ትቀድማለች።" ምሳ 18፥12(NASV)