كلنا عارفين إن الإنسان بيتأثر بالبيئة اللي حواليه،
فالمفروض نبدأ نتحكم فيها ونقلّل التأثيرات الضارة على قد ما نقدر.

أول خطوة: ابعد عن العشوائية

العشوائية أحسن من التوقف أكيد… بس لحد إمتى؟
اليوم اللي بتكون عارف هيمشي إزاي، غالبًا بيكون أهدى وأحسن، لأنك مش سايب حاجة تتحكم فيك.
مثلًا: لو ناوي تذاكر ومش محدد وقت، أول ما صاحبك يقولك “يلا نخرج”، هتخرج بسهولة… واليوم هيضيع.
لكن لو مخطط لوقتك، هتلاقي قراراتك أوضح ونتايجك أحسن.

تاني خطوة: خلي الصح سهل

لو هتتمرن، جهّز هدومك وأكلك من بالليل.
لو هتذاكر، ظبّط مكتبك وسيب الكتاب مفتوح على اللي هتبدأ بيه.
سهّل البداية على نفسك.

تالت خطوة: خلي الغلط صعب

اقفل الموبايل أو استخدم تطبيقات تساعدك تقلل التشتت.
اقفل النت لو مش محتاجه، وابعد أي حاجة بتسحبك.

رابع خطوة: خلي لكل حاجة مكان

المذاكرة على المكتب أو في مكان مخصص،
والسرير للنوم بس… وانت عارف ليه.

خامس خطوة: ابدأ قبل ما تتشتت

ابدأ شغلك بدري، قبل ما دماغك يتملي وأنت تتسحب للحاجات التانية.
أول ما تصحى، قبل الموبايل، قبل النزول… استغل وقت صفاء الذهن.

سادس خطوة: ابعد المشتتات عن عينك

طول ما الحاجة قدامك، احتمال كبير ترجع لها.
فخلّيها بعيدة عنك على قد ما تقدر.

سابع خطوة (الأهم): النوم

كل اللي فات ملوش قيمة لو نومك مش مظبوط.
هتصحى مرهق، وتفضل ساعات لحد ما تفوق، وترجع تتشتت بسهولة.

وأخيرًا: الأكل مش رفاهية

علشان تركز وتستوعب وتكمل، لازم تاكل كويس.
ابدأ بسيط، ونظّم أكلك على قد إمكانياتك، وقلّل الأكل من برّه تدريجيًا.

مش لازم الكمال… المهم الاستمرارية.
خدها واحدة واحدة، ومع الوقت هتلاقي نفسك بتتظبط.

نابلس | واحدة واحدة

لما تبدأ تنام بدري بعد العشا، وتصحى الفجر، وتظبط يومك،
وتلاقي يومك كله مليان… هتحس إنك لسه بتبدأ تعيش بجد 😂
فاستمتع بالتعب،
واستمتع إنك بتحاول تعيش صح.

هكذا يُقتل إخوانكم..
شباب يجلسون على عتبة دارهم، صاروا في لحظة واحدة هدفا لصاروخ..

بعد هذا القصف أصدر جيش الاحتلال أنه تمكن من قتل عدد من "المخربين" الذين شكلوا خطرا على قواته..

ندخل على اللي بعده: العلاقات

بناء علاقات مع الناس هيفيدك جدًا، حرفيًا هيسهّل عليك طريقك في حاجات كتير.
اتعرّف على ناس جديدة، وخلّي عندك دايرة معارف واسعة.

احضر فعاليات، وقرّب من الناس اللي عندها نفس شغفك وهدفك،
لأن البيئة اللي شبهك بتسحبك لقدّام.

خليك شخص مفيد للي حواليك، وقدّم المساعدة بصدق…

وفي نفس الوقت، ابعد عن العلاقات السامة مهما كانت قريبة.

العلاقات من أهم العوامل اللي بتحدد جودة حياتك،
فاهتم تحسّن علاقتك بأهلك وصحابك.
واختار دايرتك القريبة بعناية جدًا،
وما تسيبش حد مؤذي يكون قريب منك.

استثمر في علاقاتك: اسأل على الناس، خليك على تواصل،
وابني علاقات حقيقية تعيش.

نابلس | واحدة واحدة

ممكن تقعد مع نفسك شوية كدا وتراجع علاقتك بأهلك وأخواتك ؟

هل بتبر أمك وأبوك وبتقول ليهم كلام حلو وبتسمع كلامهم ؟!

هل مصاحب أخواتك وبتسمع لهم ؟
ولا كل واحد في اوضه ومتعرفش حاجة عن حد فيهم ؟

زي م أحنا بنقول نبني علاقات ونزود معارف في مجالنا ومجالات تانية وناس طموحة

أوعى تنسى دول لإنهم الأولى والأهم
ولو العلاقات دي مش اتصلحت متبصش لأي حاجة تانيه تتصلح

ومن المنطلق دا من النهاردة نبدأ نشتغل على البوينت دي قبل كل حاجة فوق

سواء كنت ولد أو بنت،
مهم جدًا تتمرّن… مش بس علشان شكل جسمك،
لكن كمان علشان صحتك، وتبقى في أفضل حالة ذهنيًا ونفسيًا.
حتى لو مجرد مشي نص ساعة يوميًا، ده فرق كبير.
اتعلّم تمارين بسيطة وطريقتها الصح، وابدأ بيها في البيت.
حط لنفسك to-do list، وخلي فيها رياضة بشكل أساسي.
اتحكّم في نفسك… ما تسيبش الموبايل أو الإحباط يتحكموا في حياتك.
آه، من حقك تتشتت—لأن حرفيًا كل حاجة حواليك معمولة علشان تاخد وقتك وتسرق تركيزك،
لكن لو هنمشي ورا كل ده… هنقاوم نفسنا إمتى؟
لو سيبنا كل حاجة تاخد مننا، هيفضل لنا إيه؟
ما تبصّش لأي عادة غلط إنها “مرة وخلاص”،
لأن المرة بتسحب اللي بعدها… لحد ما تبقى أسلوب حياة.
إنت دلوقتي في سن بناء،
فابني الشخصية اللي تحب تعيش بيها وتكمل عليها.
اتعب شوية دلوقتي،
ولما توصل وتحقق اللي نفسك فيه، هتبص لورا وتشكر نفسك ألف مرة
إنك جاهدت… وما استسلمتش.

نابلس | واحدة واحدة

على الإنسان أن يعيش بعضًا من المخاطر، بل الكثيرَ منها، ويجرب حتى وإن كانت نسبة السقوط كبيرة وأرض المستقبل سرابًا، فلا سبيل لعيش حياة الطرق الآمنة، فكل طرق السير الآن محاطة بكل الأشياء التي تترك أثرًا. وأعلم أن طرق السير اليوم يعتليها لافتات مكتوبٌ عليها "خطر"، فكل طرق الدنيا محفوفة بالمخاطر، فالنعيم والأمان والرخاء لا يكون إلا هناك، في الجنة. فلا تعتمد على طرق اللين وتظن أنك بالغٌ طرق العناء، وتسير على صخور الحياة وأقدامك لم تحفَ قط.
كل الطرق محفوفة بالمخاطر، فلا يردعك الأمان عن خوض التجارب.

> مُحمد الجيزاوي.

«أعوذ بكَ من شرِّ قلبي إذا تقلَّبَ حاله، وفقد رشده، واتّبع سَرابَه، وتاه في دروبه، وانشغل بما يغُمّه، وثَقُلَ عليه وِزره، واسْتَشْرَتْ فيه مُنغِّصاته، وصارَ أمرهُ فُرطًا، وأعوذ بك من شرِّ استئناسه بما فيه تَعسُهُ وألمه، ومن شرِّ ظلمه لنفسه»

تعرفوا اسم أكبر معركة بحرية في التاريخ الاسلامي ؟ومين قائدها وإزاي قدر هو وأخوه ينقذوا آلاف الأبرياء الأندلسيين اللي كانوا بيعانوا وبيتعذبوا من قبل الكاثوليك في الأندلس ؟ وليه اسمه بقى ملهم لمنتجي الأفلام الأمريكية في هوليود ؟

من باب من لم يعرف ماضيه فكيف يعيش حاضره وكيف يخطط لمستقبله

هنبدأ في سلسلة نحكي فيها عن أبطال الاسلام على مر العصور 🤎

كنت ناويه أعمل السلسلة دي دلوقتي ولكن افتكرت الفاينل القادم وإني كدا بهرب من المذاكرة بطريقة جديدة 😂

فدا الكتاب لو حد حابب يبدأ فيه ونبقى نشوف الموضوع في الأجازة

في جملة قرأتها من يومين بتقول: "إن المرء حين يرغب لا يعيقه شئ."

وقفت مع نفسي وقفه بسيطة، طب م أنا عندي هدف عايزه أحققه، ليه كل ما بحاول بفشل؟ وإيه السبب اللي بيمنعني عنه؟ وليه كل مرة بحاول وبقع لحد ما بيأس مني؟

الرغبة بدون عمل وخطة مرنة، عبارة عن فجوة بتقع جواها، وبتاكلك من جوا. وصعب تخرج براها إلا لما تشوف إنت هدفك إيه من الحياة دي. إحنا عايزين، بس مش مستعدين ندفع الثمن، ولا نجاهد نفسنا. أصل الاستمرارية محتاجة جهد وتعب ومقاومة شهوات إنت منغمس فيها.

لو هدفك عالي، فأعرف إن لازم أعمالك هي كمان تكون بمستوى الهدف دا. راقب نفسك وشوف إيه بيشتتك؟ سوشيال؟ صحاب؟ خروجات؟ ولا مزاجك اللي كل مره بيمنعك عن إنك تنفذ اللي عليك؟ لأ، متقولش فقدان الشغف؟!

ابدأ راقب أفعالك وقيمها، وأقعد مع نفسك وفوقها قبل فوات الأوان. الأهداف اللي إنت حاططها محدش هيحققها لك. فوق واشتغل بالموجود، وبطل أي حاجه تشتتك. الوقت الضايع على السوشيال مش أنت أولى بيه؟ وأهلك أولى بيه تقعد معاهم وتقوي علاقتك بيهم؟

حط أهداف بسيطة في الأول تقربك من هدفك الأساسي، وواحدة واحدة غيّر من أسلوبك. النسخة اللي إنت حابب تكونها من نفسك مش حاجة مستحيلة، بس مش هتوصلها وأنت نايم 12 ساعة في اليوم، وبتذاكر بمزاجك، وبعيد عن أذكارك وقرآنك، وبعيد عن اللي في إيده يغير حياتك.

ادعي ربنا يستخدمك لنصرة دينه، ويرزقك القوة تتغلب على نفسك، تواجهها، وتصلح منها. وبص لغيرك، اتعلم منه، واتمنى له الخير. لأ مش للتافه اللي حياته كلها ضايعة بس حواليها بريق بيلمع وبيشد الانتباه، بص للي بيخاف على الدقيقة تضيع من غير استفادة، للي حاطط قدامه هدفه وبيحاول بكل الطرق يوصل ليه.

بص للي حقق هدفك، واعرف إنك مش قليل، وإنك تقدر توصل، بس الموضوع محتاج منك مجاهدة شوية وصبر على نفسك. وخلينا متفقين، إنك لو حطيت في دماغك حاجه، هتعملها غصب عن نفسك، حتى لو بتموت، هتقوم وتكمل. راجع ذاكرتك، حياتك لا تخلو من المواقف دي.

استغل صحتك وشبابك اللي هتتسأل عنهم، وأهم حاجة صحتك النفسية لو أنت من جوا هادي تقدر تنجز الكثير في وقت قليل وبتركيز عالي، فاركن الشغف على جمب و افتكر إنك مسلم مطالب بالسعي

و اخشوشن، فإن النعيم لا يدوم.

ال goal التمام 🤩💘

‏مهما كان لديك من المشاغل لا تفرّط في أذكار الصباح والمساء لأنها عظيمة النفع والفضل! تشعر أن قلبك يحيا معها، والنشاط يتجدد فيك، تشعر بقوة هائلة في نفسك ويومك، تشعر بها حتى في مهامك اليوميّة وسرعة الإنجاز ، ويعود والله أثرها حتى على قلبك من ارتياح وانشراح .. الأذكار بركة وفتوح.

أهم وصيّة ممكن تسمعها ..

اكتشفت قناة تحفة حرفيًا
خش خدلك لفة
Peter Iskander

تُريدُ فَتحًا ولا تُقَدّم جُهدًا، أتَطلُبُ عَظيمًا بخُطًى عاجزة!

لا تنسونا من دعائكم 🌿